夏日連串精彩玩意

暑假悠悠長~ 迪士尼黎緊呢段時間有咩玩!? 嘩~~~!! 多lor~~ 睇睇個官網有咩搞先~ 打頭炮就梗係上年出過場ge 米奇水花巡遊!! 同上年有咩唔同!?!? 今年水花比上年更大!! 呢個parade 只會係夏天先會出現!!! 大家要玩就趁早la~~~ 第二樣唔同ge 就係.... 史迪仔換走左糊塗蛋!!!!



第二樣就係High School Musical la~~~ 呢個show 其實今年春天已經亮相係香港迪士尼!!! 咁暑假有咩唔同!? er.... 暫時應該冇~~~!!



第三樣係2008 年上半年唯一一個新設施~~!! 小小世界!! (下半年係AOA... 唉...) 兩個月前已經開左la~~ 睇下官網段片用左一半長度黎介紹小小世界~ 就知道HKDL 幾咁重視呢個設施!! 咁暑假入去同開幕果陣有咩分別呢~?~? 有! 就係依家外牆鐘樓d 野唔識得郁la~~!! 呢個情景只可以係香港迪士尼搵到ga ja!!! 外國要維修先會停~~ 香港一開就停!! 記得趁早黎睇la~~!



第四樣就係開左約一個月ge 阿古~ 又係得暑假先會有ga!!



真係開心~ 暑假有咁多野玩~!! 不過對AP holder 黎講就未必十分開心了~ 因為全部野暑假開始之前已經玩過晒~ 即係之後幾個月... 一般Guest 會覺得好新鮮~ 而AP holder... 就可以專心玩meet & greet 了... 有咩新人~!? 有Prince Charming 同Prince Capian ma~~ 不過都係暑假前已經開始出黎~~ 呀~~ 仲有布公仔呢~ 2月就出左黎ga la~~

唉..... 難得今次個官網做得咁好... (隻Dory 好eye catching!!!) 但因為「新」活動唔吸引到fans 所以大家都覺得失望~~~ 站於HKDL 要開拓更多新市場同外國遊客.... 將開左一段時間ge 設施重新包裝推出市場都無可厚非.... 各位AP holder 同fans 們~~ 請息怒~~~ 我地仲有希望~~ 聽聞奧運期間HKDL 都有少少搞作~! 係真定假.... 請留待官方公佈~~!

http://park.hongkongdisneyland.com/hkdl/html/summer2008/zh_HK/index.html

上海建迪士尼之愚見

只post 該段報導ge key point 出黎~

1. 園區面積據悉達10平方公里，約為本港迪園面積的8倍。此地離浦東國際機場僅20分鐘車程，反映出園方對周邊地區客流的期待。

2. 至於和美國迪士尼方面的合作模式，一位曾參與項目談判的人士透露，上海迪園將不會沿用香港模式，而是採用迪士尼與日本的合作模式。即由政府提供土地和絕大部分的建設資金並控股，日常管理交給美方團隊，同時每年向迪士尼公司支付品牌費和經營收入提成。

3. 據一位曾參加項目論證的專家稱，幾年前上海迪園成本預算原定300億左右(不含地價)，「這兩年，加上物價上漲、通貨膨脹等因素，預算應該會增加到400億左右。」

 4. 上海迪園將採取「邊建邊開」的模式，相信在整個工程建成三分一至三分二後即會開門迎客，耗時約在2至3年。

以下係小弟愚見~

我不嬲都覺得中國起多一個迪士尼樂園並唔係d 咩大件事~ 因為遲早都會成事~ 中國有好大個market~ 站係商業角度呢舊金係一定要賺~ 但係咪真係會咁趕起呢~? 依家似乎係中央急不及待咁去開SHDL~ 但WDC 手頭上仲有咁多個project~ DCA 擴建去到2013~ HKDL 又係去到2013~ 上海真係可以2013開到???

400億呢個數字唔計地價實在係好大筆錢~ 佢話「邊建邊開」到三分一就開門~ 個size 就算係同HKDL 開幕時一樣大都好~ 大家諗下Winnie the Pooh 同Pooh's Hunny Hunt 個佔地其實都唔相距太大~! 但level 就差得遠~ WDI 最大ge 敵人唔係技術問題~ 係資金問題!! 一間公司... 用錢可以解決到ge 問題都唔算係一個問題~ 所以400億.... 完全係衝著HKDL 而黎~ 鄰近兩個DL 都不惜工本~ 對我地係一個大挑戰!!!

大HKDL 8倍~ 係因為HKDL 未建第二期~!! 會唔會呢10平方公里都完全用晒係個park 度呢~? 用用腦都知唔可行~ 10平方公里只得巴黎一半咁大~ 又點可能稱之為中國WDW??? 仲要起其他渡假區設施 (Golf 場~ 湖等等) 亦要留位作第二甚至第三期樂園之用~ 除非佢地另覓新地!! 換言之根本冇可能一開幕會大過HKDL 8倍!!!!

小弟有d 懷疑該篇報導... 佢咁講法同HKDL 個營運模式有咩分別?!?! 上OLC 個官網都搵唔到TDL 同WDC 個關係解說~ 個人覺得WDC 都冇直接參與管理運作TDL~ 應該係只提供管理培訓同租WDI 俾佢地~

呢個應該係佢地拉鋸十年都唔成事ge 原因!! 就係管理問題~ 大陸佬唔會願意「割讓」土地俾美國佬~ WDC亦未放心俾大陸佬全盤管理同影響Disney 呢個brand name~ 所以.... 小弟唔信佢地可以用到TDL 個模式~!!! 除非一方讓步... 否則...

Journey Into Narnia

呢個係Disney's Hollywood Studios 一個為Prince Caspian 所設ge 小型walk-through Attraction 幫齣戲做做宣傳~ 其實冇乜特別~ 主要係人地有大量資源... 用多少少錢起多個呢一類小型attraction 都可以enhance 到整個氣氛~ 但就唔岩HKDL 起la~ 我地要ge 係RIDE~ 唔該~~ 睇睇開幕首天ge 相~~ 由Prince Caspian 騎住馬英氣十足咁登場~ (個馬伕都係Narnia style!!) 咁梗係唔係主演果位Caspian~~

不過都請左呢齣戲一個主要角色黎做開幕嘉賓wo~~ 就係侏儒族Warwick Davis~

佢地請左個guest 上黎吹響號角!!! 呢個walk-through attraction 正式開幕la 又~~! (因為其實只係翻新~ 之前介紹第一集)

睇睇個入口先~~ HKDL 仲未出Caspian Meet & Greet 之前Hollywood Studios 已經早過我地整左個地方俾Caspian 出黎~ 大家見唔見到左邊塊板?? 之前有留意小弟呢個blog 應該都唔會覺得陌生~ 原來個attraction 就係旁邊~

入面主要係俾d 製作特輯你睇~~ 點樣整d 特技~ 幕後人員同演員講講感受等等~ (佢地又自己break magic 話你知點整Aslan!!) 仲搭左一個好重要ge 場景tim~~! 估唔估到係邊度呢!? 有睇齣戲唔會唔記得呱~?

仲有d 道具~~ 

最尾一幕果棵大樹ge 模型~~

仲有戲服tim~ 見到d 公仔著得fit 一fit~ 就知道係同真實演員 1:1 高度~~ 應該要用箱封住~ 否則班少女fans 實係咁非禮Caspian~~!

Photos: LaughingPlace

小小世界宣傳DVD (非賣品)

其實呢隻DVD 都放左係HMV 一段時間~ 小弟之前買Tarzan broadway 果陣已經有~ 依家都應該仲有好多存貨~ 事關我見到果d staff 好似都唔係好願放落顧客個袋咁~ 大家真係想要ge 話記得記得俾錢果陣要叫cashier 個staff 俾隻碟你呀~ 當然閣下唔怕醜ge 話都可以試下乜都唔買就行去問佢拎一隻~

其實隻碟都幾精美~ 入面都幾多野睇~~ 睇睇個logo 先~

呢位就係之前WDI 個專訪中見到ge 第二位創作總監~ 終於見到佢個樣了~ (係wo~ 都係時候開始要譯埋下半部份專訪了~!)

以下幾張係原創者Mary Blair 為首個小小世界所畫ge 草稿~ 真係好似好似小朋友作品咁~ 正正就係呢個attraction 個原意~

亦都有影到少少製作香港版小小世界時候ge 片段~ d 佈景原來都真係幾大座!!

特別介紹亞洲區域~ 因為香港版最大ma~~ 以下小弟cap 左幾張guest 永遠唔會影得到ge 角度出黎~~! 個人好鐘意日本果張~~!!

呢部分主要係介紹鐘樓同LED~ 不過個角度都係guest 影唔到~

post 下面呢幾張圖ge 原因同上~~ 簡單介紹下今次加入迪士尼人物~~

以上圖片源自小小世界宣傳DVD，版權屬香港迪士尼擁有

經濟日報的獨家報導

報導話個五年計劃會有兩個全球獨有ge 區域~ 而之前係傳話有三個區域~ 兩個係獨有~ 一個係其他park 都有ge~~ 早前又有消息傳出得返兩個區域~ 小弟原本覺得可能未必係事實的全部~ 但經份報紙講一講~ 又好似似層層咁~ (換個角度... 報紙如果係收office 風ge 話相近係正確ga bo~~) 咁我又再周圍八過下~ 外國人話... 唔係bor~ 佢所聽到ge 又唔係呢個版本~

但係報導所講果兩個全球獨有區域ge 主題呢~ 其實今年三月ge 時候小弟已經略有所聞~ 咁大致上同最近HKDL CM 們個版本差唔多~ 只係少左一個區域姐~ 咁就算la~ 鬼叫我地政府衰咩~~!? 可能又再推遲先起吧..... 唔緊要~ 我地有兩個幾引人注目ge 區域~ 大家等下la~~!

黃色範圍好大~ 唔通真係會再擴第二次Fantasyland?? 唔清楚~~ 打聽下先~~ 小弟今日剛收到擬定C - E tickets 數量~ 不過都係要firm firm 先~~ 但E-tickets 呀線人好firm 咁答左我~~ 哈哈~ 我個人好滿足了!!

即係呢~~ CM 同樣冇睇過Fantasyland concept art~ 咁係咪代表Fantasyland 唔會再擴呢!? 同樣道理~ CM 睇到兩張新land ge concept art 係咪代表係整個擴建計畫ge 全部呢~? 即係第三個land 仍然仲未證實死亡~ 呢個係我ge 諗法~

仲有話五間酒店?!?! 唔會係呢五年內ge 事呱~~ 最多咪起多一間~ 五間酒店一個park 個比例太奇怪了~~!!

夏日票~?~? 都唔關我地事la~~ 有annual pass la ma~~ 不過未買annual pass ge 朋友應該開心~~ 岩岩買左annual pass ge 朋友~ 哈哈哈~

好~ 大致上係咁~ 係wo~~ 聽聞小小世界雪糕屋旁有圍板wo~~ 咁細個位有咩工程呢~?~?~? 最尾送上aland 情況~~ 感謝Sam 提供圖片~!! (zoom 得好近!!!)

香港迪士尼建造圖－明日世界篇

到Tomorrowland 了~~ 其實Tland d 相就真係唔係好多... 因為佢一開park 果陣冇乜設施~ 我仲記得第一次入去果陣~ 當時係總彩排日黎~ 最令到我留下深刻印象ge 係Lion King... 第二最深印象就係.... Aland 好大!!!! 所以站於小弟角度... HKDL 最成功就係Aland~ 反觀Tland... 因為當時冇野玩~ 得三個attractions... 所以覺得冇乜特別~ (逐樣逐樣儲返黎!!)

睇下開幕前ge 空照圖先la~~ 真係細得有d 恐怖~ 仲可以見到未起馳車之前ge 模樣~

呢張係由後山影返落黎ge 相~ 唔慣由呢個位望~ 所以我懷疑左好耐到底呢度係咪香港黎~ 哈~

Tomorrowland 招牌~ 我覺得呢個招牌都設計得幾好la~ 唔好話HKDL 冇地標~ 個個都烏低身托個星球~~ (但我冇試過~)

真係冇乜野好介紹~ 雖然Tland d 設施都好貴~ 太空山~ 迪士尼起過山車好鐘意起左路軌先起出面座building~ 較近期ge DLP Nemo 過山車都係咁~

我都係見到呢d 工程照就會莫名地興奮起來~ 覺得HKDL 所有設施得來不易~ 尤其見到呢班工人好忙碌地工作~

火箭餐廳~ 大家可以睇下架火箭ge 內部.... 原來係咁樣~~ 哈

太空指揮部精品店~ Tland 其實都唔夠shop~ 所以放左好多架Outdoor 車仔... 可以拆走UFO 地帶起多間shop 就好~~

Toy Story Mania Grand Opening

wow~ 真係返緊工都忍唔住要update~ 希望唔好因為咁俾人炒~ 哈哈!! 多得Billionwins 話俾大家知TSMM 已經有Grand Opening~ 即刻上網睇下d 相~~ 個opening 做得好正ar!! 我地小小世界果個完全給比下去.... 唉...... 睇睇相先吧~! 首先是在樂園外的佈置~~ hey~ 我記得農曆新年期間我地迎樂路兩旁都整左呢d 牌ga!!!! 點解咁快就拆左佢!? 又裝又拆~~

真係唔好意思講句~ 小弟好鐘意三眼仔~ 要post 多幾張~~ 謝謝!!

Grand Opening 由幾位綠兵跳傘開始~~!! 好壯觀好有心思好Magical 的編排!!! 香港就係識搵d 歌手咪咀唱首歌就當開左幕......... 完全係TVB 式粗製濫造~~! (詹sir 話齋~ TVB 荼毒整個香港文化) 

小弟好鐘意呢段舞~~ 好合拍~!! 睇片果陣「嘩」左出黎~

介紹班characters 出場~~ 最後以熱烈掌聲歡迎buzz~~~~

咦~?~? 巴斯去左邊!?!

係wo!! 大家唔記得左巴斯已經跟NASA 上左太空!?!? 哈哈~ 真係好連戲~~!!! 仲要現場放左段片出黎影住buzz 係太空ge 任務~~!! 打從心底欣賞佢地ge 幽默感~~

黎段歌舞吧~

TSM 係一個射擊遊戲~ 見唔見到遠處有個target!?!? 由一班主角射佢先~~!!!

Toy Story Mania 正式開幕!!!!!

等得悶悶地仲有班綠兵出黎娛樂你~~!

HKDL 要參考一下人地.... 雖然講真果句IASW 又好似玩唔到d 乜花臣... 總之用多d 創意同幽默感~~ Grand Opening 夠矚目已經可以慳一部分宣傳費~~!!! 再post billionwins 搵到ge 片段先~ (由dlfreak 拍攝)

Part 1
http://www.youtube.com/watch?v=FN0OQYUTFWM
Part 2
http://www.youtube.com/watch?v=GR62GDbELRY
Part 3
http://www.youtube.com/watch?v=RjqagAw9pns

臨尾真係要講番感想~ HKDL d 廣告同marketing 真係好唔得!! 一見到小小世界個廣告!!! 點解可以做得咁差!? 唔記得左係邊度睇過有article 講HKDL 知道香港人唔buy magic 所以要轉style~~! 大佬~ 個責任係咪你地身上!? 你有冇落過心機俾足夠時間promote magic 呢個concept 俾香港人?? 你咩都唔做就將個責任推去市民身上會唔會有點兒那個!?!? 拍到IASW 成個果汁糖廣告咁~ 不知所謂!! 過去呢三年廣告頒獎禮有冇HKDL 廣告提名呢!?!? 2008 提名名單都係冇HKDL 份~!!! 背後意思係咩???

Photos: LaughingPlace