2009年12月31日星期四

Stitch Encounter Concept Art 放送

記憶中從未曝光的Stitch Encounter Concept Art~ 這是BSan 送給各位HKDL Fans 的除夕元旦禮物~

可以見到呢張Concept Art 畫風同UFO Zone & Autopia 風格極相似~ 仲記唔記得呢三個設施係2006年summer 先開?? 第一次擴建黎ga~ 兩個頗受歡迎但評價好壞參半的attraction~ (係兩個~ UFO zone 唔駛講都知係唔受歡迎~)


2010年即將來臨~ 按照慣例小弟將會小休幾天... 今次冇上次十日咁耐~ 都小休幾日la 好嗎??
圖: HKDL

Toy Story Mania 會來香港嗎?

東京公佈左會起TSM~ 而DLP 同HKDL 都有Toy Story (Play)land~ 當時我地都仲未知道香港會有TSL tim~~! 只是純粹巧合嗎??? 到底呢個傳聞到最終會唔會變成真實????

再回想返12月13日動土記招中WDI回答Toy Story Land 同Toy Story Playland 的分別...

「華特迪士尼幻想工程師創意部資深副總裁林思朗表示「反斗奇兵大本營」,雖然在巴黎亦會興建,但他說巴黎那個不會有餐飲、商店等元素」

當日在場人士透露... WDI 仲有一句傳媒冇報導出黎... 就係香港TSL 仲有位可以作將來擴建而巴黎冇~!

巴黎冇?? 明明TSPL 旁邊就有一塊空地~ 咪就係早兩日巴黎下個擴建計畫所講Ratatouille dark ride 個位置~


照咁講即係WDI 透露埋Ratatouille 將會成事??? 1月1號希望Disneytheque 會有更多資料話俾大家知~ (但另一方面係咪解作Ratatouille 同TSM 人人有份之說相抵觸??)

如果當日WDI 真係有講過呢句... 咁HKDL 個TSL 個潛力就會大好多~ 眾所周知就算三個園區建成後... TSL 同IASW 中間仲有一大塊空地... (即Fantasyland 火車站後面) 大家一直都諗係補起返Fland Dark Rides 之理想地~


但呢塊地先天有個限制... 就係排煙花發射器阻住晒~ 基於安全問題... 依家小小世界雪糕屋果邊範圍近煙花時都要封閉~ 據聞約一年前HKDL 有考慮過為擴建計畫重新起一排煙花發射器係較後位置~ 但最後擴建冇用到呢塊地~ 所以改建發射器之說不了了之~ (其實我覺得佢地係故意將TSL 放到咁側~ 令到煙花影響唔到個戶外land)
但照依家小小世界封路措施推想至擴建後... 如果Fland 火車站後面起馳車或者TSL 等同屬戶外的設施... 到煙花時一樣係要封閉~ 實在浪費人力物力~ 故此呢塊地... 要不全起Dark Ride... 要不每晚封land.... 再唔係放棄煙花 (就好似東京迪士尼咁hea 放~)

最後就係尋日200 seat QSR 資料~


雖然知道起餐廳後有d 失望~ 但我地嘗試搬出另一幅可以睇晒整間QSR 範圍ge 相~ 對比返JRC 泰山島... 會發現就算起左餐廳TSL 都唔係大左好多~ (即下圖紅色切割線)


好!!! 一堆資料後結論係乜~~? 正面的觀點有
1. WDI 透露TSL 會有位留作擴建~
2. Blue Sky Disney 透露WDC 有意將TSM 變成每個disney park 共同擁有設施
3. TSM 係其他park 已經存在... 現兜兜可以慳製作費設計費~ 設施本身冇昂貴的Animatronic~ 只得show building 同screen (同車...)~ 甚至HKDL 已有TSL 唔需要好似TDS 搞theming 俾佢~ 簡稱平靚正!! 響政府唔會再出錢ge 情況下HKDL 要用自己僅有資金起一個夠號召力的設施~ TSM 會係首選~
4. 作為fans ge 大家都有共識依家TSL 吸引力不足~ 最少都要有TSM先符合返應有水平~

負面的論點係....
1. Gilbert facebook group 會見HKDL 代表... 代表話TSM 技術過時~ 亦有人話Buzz Lightyear Astro Blaster 玩法相似唔適合再起~ (但冇人話太空飛碟同小飛象一樣玩法lor!!!)

2. 官方暫時只透露留位起QSR但冇講過會起TSM (同時有報導話HKDL 現正構思2014年後的擴建項目~ TSM 較容易起根本唔需要用5年時間plan定2014年開幕~)
以上只係個人觀點~ 2014年後ge事仲有好多變數~ 依家點估都言之尚早~ 一齊留意事情發展~~!!

2009年12月29日星期二

Toy Story Land 餐廳商店擬定位置

呢個網絡世界好奇怪~ 往往當有新料放出ge 時候... 就會有一d 曾經被人忽略ge 資料係呢個時間被搬出黎~! 話說巴黎迪士尼果邊流出左Toy Story Playland 幾個attraction 每個鐘頭ge 流量.... 由於HKDL 個Toy Story Land 會同巴黎一樣~ 所以都關我地事~

RC Racer 每個鐘頭可有600人流量
Slinky Dog ZigZag Spin 每小時人流874
Parachute Drop 未有公佈數字~

假設parachute drop 每小時200~400.... 整個land 三個attraction 夾埋可能每小時可以容納到1800人次~ 咁都ok la~ 又唔係想像中咁差~ 不過用地之大就....

anyway~ 重點係當呢d 數據出左之後... 有人post 左D23 Expo 個半製成模型出黎~ 呢個模型大家都見過~ 記唔記得當時我地見到畫左地唔知留黎預定起乜ge 虛線框框?? 有答案了~ 唔係Toy Story Mania~ 而係一間有200 座位ge Quick Service Restaurant (下圖粉紅色位置~ from dlfreak)


我嘗試搵返其他相... 但係好多相都睇唔到整個框框有幾大~ 唔好理住先~ 總之張圖就好清楚睇到佢打住Future 200 seat QSR.... 而藍色個框框~ 都係Future ge Merchandise~ 咁就有d 奇怪~ 點解一開幕ge 時候冇?? 等多d 人流先起?? 定當係擴建??

第二個謎團係模型中分別清楚見到RC Racer.....Slinky Dog ZigZag Spin 同Parachute Drop 堆晒近Mystic Point ... 但on stage 仲有一個「紙盒」建築物~ 圖中藍色框框左邊... 乜黎ga呢?? (而粉紅色框框右邊應該係backstage~ 唔關我地事)
每次有新料~ 都要拎返份政府文件睇睇有冇頭緒.....

「還有一個主題美食亭提供一桶桶奇趣小食和點心。 賓客也可以在精品店搜購《反斗奇兵》系列的珍藏紀念品。」

"A themed food kiosk provides a barrel of fun snacks and refreshments and Guests can shop for Toy Story inspired collectibles at the merchandise location."

只講到亭而冇講到起快餐~ 因為當時倉促未定而後補QSR?? 呢間QSR 係屬於另一個land?? 不得而知~ 但呢個位唔係留俾Toy Story Mania 就是肯定的~

其實起多間Counter Service 都唔錯~ 已知山谷入面得一間小賣店~ Adventurers Club 原本係NightClub 但移到黎HKDL 估計應該會變成Table Service~ 咁另一間再起快餐都可以理解~

希望HKDL 會公佈Toy Story Land 詳情~

2009年12月24日星期四

太陽劇團擬進駐上海迪士尼

有加拿大國寶美譽的太陽劇團(Cirque du Soleil)日前透露,他們正跟上海迪士尼洽談合作計畫,有望把夢想變為現實。

近年來,太陽劇團在亞洲地區大展拳腳,花了三年時間籌畫並於2008年8月開始常駐澳門演出創新劇目「ZAIA」,以此作為打開「亞洲大門」的試金點。同年10月又於東京設了常駐表演。

世博加國館 劇團設計

視亞洲為重要的發展地區,且瞄準開發中國大陸市場的機遇,太陽劇團「ZAIA」劇目的公司助理經理司家豪(Kyle Staniland)表示,「在不久的將來,太陽劇團計畫於中國大陸巡迴表演,同時跟上海迪士尼洽談合作機會,將常駐演出一個全新創作的劇目。」

太陽劇團跟迪士尼合作並非第一次。2008年10月進軍日本市場時,常駐表演地就選在日本東京迪士尼樂園。

上海政府上月已確認迪士尼將落「滬」,並宣布上海迪士尼項目申請報告已獲國家有關部門核準。據上海媒體報道,樂園選址上海浦東新區,上海會與美國迪士尼成立合資公司負責項目建設。樂園最快將於2014年建成。

上海跟太陽劇團素有淵源,除了有待落實的迪士尼項目,2010年上海世界博覽會的加拿大館,正是由「國寶」太陽劇團為加拿大館統籌設計概念,操刀主理展館的設計意念,並安排文化活動。

表演成員逾千人

加拿大館位於浦東世博園區的C片區,主題為「活著的城市」,太陽劇團將會把占地面積達6000平方米的空間打造成一座超級劇場。

據報導,太陽劇團的演員將會獻上精采的街頭表演。

1984年創辦至今,國際總部設於加拿大蒙特利爾的太陽劇團,已由原先只有20名街頭表演者的小規模作業,躍升為蜚聲國際的藝術娛樂表演組織,擁有來自超過40個國家的4000多名員工,當中包括超過1000名表演者。劇團成立至今獲獎無數,包括「艾美獎」、「劇評人獎」等顯赫大獎。

===========================================
咁就真係大獲!!!! 呢個消息係經由太陽劇團傳出~ 可信性可以話好高.... 提到洽談中.... 即係話上海迪士尼已經plan 緊一開幕就有Down Town....

其實唔需要擔心上海迪士尼規模... Bill Bill 已經預告左將來上海迪士尼一定會好大~ 而且WDC 有意搞多個WDW 出黎~ 今次都應該要有心理準備Down Town 有太陽劇團~ 我地太細容納唔到.....

香港迪士尼要快d 籌備起Down Town (Village) la~~!!!

2009年12月14日星期一

各大報章有關香港迪士尼擴建綜合報導

以下呢篇文章係集左各間傳媒機構報導而歸納出黎~ 大部分我地都知道~ 但有少部分可能係新料 (又或者只係B san 冇涉獵過)

============================================

三個新擴建的園區暫名為「灰熊山谷」、「迷離莊園」及「反斗奇兵大本營」。金民豪表示,考慮遊客流量及路線後,「反斗奇兵大本營」的地點最能配合,主要是因為其位處於幻想世界的後面,最方便園內的人流路線,工程亦較快能完成,故先建該新園區,估計兩至三年內完成,其餘兩個新園區則視乎設計及工程進度,二○一四年前分階段完成,「爭取愈快愈好」。

迷離莊園有中國開心鬼

將率先落成的「反斗奇兵大本營」以動畫「反斗奇兵」的故事為主題,建有超大型戶外設施,讓入場人士恍如縮小至玩具般大小。負責設計新園區的華特迪士尼幻想工程創意部資深副總裁林思朗承認,此新園區與巴黎迪士尼相同園區的遊樂設施一樣,但強調會是「亞洲獨有……同巴黎唔同,香港有小食亭同廁所,亦會因應天氣加風扇」。

華特迪士尼幻想工程創意部資深副總裁林思朗解釋,本港的三個擴建主題區都有獨特科技,其中以大灰熊誤闖採礦場覓食為背景的「灰熊山谷」,其快速飛馳的過山車,會突然向後急速行駛,是華特迪士尼首次採用。而供遊客坐在車卡上,感受不同視覺效果的「迷離莊園」,其無軌道、在地底鋪設網絡引導車卡行駛的技術,亦是香港迪士尼首創。

林思朗說,“迷離莊園”將引入中國人所喜愛的古靈精怪的象征──猴子來為游客帶路,再加上無軌纜車的科技賣點,游客自己都未知下一步的路線在何處。因為中國人對鬼的看法與外國有異,故與美國迪士尼的鬼屋不同,不會有鬼出現,只會以超自然現象為主。另外,傳統的中國春節、元宵節的元素也會應時加入到節目設計中。

由於港人及內地客喜歡刺激,擴建將加入過山車等機動遊戲,並融入中國元素。例如「灰熊山谷」所在的淘金小鎮,模擬在一八八八年八月八日建立,迎合中國人喜歡「發發發」好意頭;「迷離莊園」就以中國人熟悉的動物馬騮做主角,加上中國人對鬼故事的喜好,莊園設計得神秘兼古靈精怪

香港迪士尼擴建工程費用約為三十六億元。樂園擴建後的面積會增加五公頃,增至約二十七公頃。而上海迪士尼樂園首階段可發展面積雖較本港還少,建成後可能取代香港成為全球最「迷你」的迪士尼樂園,但華特迪士尼樂園及度假區亞洲區總裁及行政總裁安明智昨不諱言,上海迪士尼樂園絕對有能力擴建,甚至發展成全球其中一個最大的樂園,但一切須視乎日後的需求及客流量再決定。他重申,滬、港兩個迪士尼主題樂園是互補,而非競爭關係。

三個新園區簡介

註:新園區的名稱全屬暫名,日後可能會更改 
資料來源:香港迪士尼樂園

反斗奇兵大本營
故事情節:以動畫《反斗奇兵》情節為主軸,設有超大型戶外設施,讓入場人士有恍若縮小如玩具於園區內歷險的感覺

遊樂設施:玩具車在高達27米的U形軌道來回穿梭、跳傘訓練旅程一嘗由25米高台向下急墮的滋味、及轉轉彈弓狗過山車,感受窮追狗尾巴瘋狂旋轉的快感
其他設施:各式反斗奇兵角色供拍照,精品店及食肆


灰熊山谷

故事情節:淘金小鎮於一八八八年八月八日建立,但一群大灰熊包括熊媽媽及熊BB誤闖鎮內礦洞覓食,又誤點藥引被爆出山洞

遊樂設施:野礦飛車,除向前俯衝,也會在斜坡上突然急速「倒行」飛馳,最後再觸動裝置引起水花四濺

其他設施:巨大間歇噴泉及流水布局,精品店及食肆


迷離莊園
故事情節:莊園內一迷離大宅收藏不少奇異珍品,一個偶然機會下,一頭頑皮的猴子誤把一個音樂盒內的魔法星塵打開,令大宅其他古董包括軍器動起來,隨即怪事連串

「迷離大宅」內的車不設路軌,改為在地下鋪設線路,按電子信息運行,並會不時轉左轉右,甚至360度旋轉。賓客可看到星塵經過物件後,令物件活起來。

其他設施:精品店及食肆

員工任風水師擇吉時

近日香港天色較陰暗,但迪士尼樂園昨日舉行動土儀式時,卻是萬里無雲,陽光普照,情景與當年睡公主城堡平頂時極相似。原來,迪士尼特別找來一名陳姓風水師,為樂園擇時辰吉日,結果挑了昨日上午舉行,並叮囑千萬要在下午1時前完成,所以迪士尼的動土儀式在昨晨11時半舉行,並安排舞獅點睛等環節,但不見有拜神、切燒豬等儀式。動土儀式前,先舉行了傳媒簡報會,介紹3個園區的特色。
舞獅助興 未見拜神切燒豬

有記者笑問,陳姓風水師莫非是陳振聰?樂園否認,只表示是自己員工,但未有透露名字。為隆重其事,華特迪士尼樂園及度假區主席羅思樂特別由美國來港,特區政府則有財政司長曾俊華、商務及經濟發展局長劉吳惠蘭等出席。

文字: 東方...太陽...蘋果...星島... 明報... 商報... 大公報.. 文匯報... 都市... am730...
資料引用自迪士尼樂園

============================================
1. 風水師.... 風水命理呢d 並非精密科學... 你個park 冇野玩又唔做宣傳 (更加係要做岩宣傳).. 就如開幕後過去呢四年幾一樣....

但講開又係wo~ 今日個天又陰返~! 到底陳姓員工係術士定天文台長??

2. Mystic Manor 唔玩鬼不特止.... WDI 竟然未動工就透露會有節日版!!!! 但唔係大家想要的Halloween 版... 而係CNY!!! 嗯??? 可以玩d 乜?? 不過如果係WDI 親自設計埋改版... 得出黎結果應該會好過依家改IASW...... 希望下年IASW Christmas 可以比今年更正!! 希望我地d 節日改版會有更多animatronics~

3. 今次傳媒態度都幾正面同支持~ 唔知係咪上海打到黎所以一改過往態度~ 但聽人講尋日WDI 親自演說... 雖然冇D23 expo 咁detail~ 但有好多設計上backstory 係由佢地親自講會清楚好多~ 請唔好再搵Marketing 黎present~~!

同埋有個大粒黎壓住個場真係有用好多~! 你地睇Bill Bill 答敏感問題答得幾大方得體~! 但個訊息係表明上海將來一定會大過香港wo~! 而結果係傳媒都覺得冇問題~! 你估下金生答會點??

4. Toy Story Land 已成定局了..... 但有記者話聽完WDI 解說都表示唔係想像中咁差~ 認命吧~ 個U 型唔好咁顯眼就收貨~

5. 話就話Mystic Manor 唔玩鬼~ 但比較起上黎我地個版本真係會驚過其他版本~ 同之前傳聞中指香港會係「最驚嚇版本」一樣~ 冇講大話wo~ Haunted Mansion 只係遠距離觀賞d 鬼.... 但我地d 展品會「攻擊」遊客~ 真係會feel 到佢地攻擊架車~ 越講越期待!!!

6. 之前政府一味死拖.. 依家上海公佈左又迫HKDL 加快擴建... 你班人當WDI 三頭六臂??? 依家人地係理都著力理上海個大project先la~ 連我地外行人都知上海個project 緊要過香港三個區仔~! 根本都冇咁多神可以分... 政府一手造成...

探險世界最初概念

隨住HKDL 動工興建三個新主題區.... 外國網友搬左幾張concept art 出黎~ 當中Adventureland concept art layout 極似依家HKDL Adventureland~ 不過比依家有更重東方元素~

睇睇呢張concept art~ 其實layout 同依家分別都唔大~ 左下角係Aland 入口.. 有兩條路通去左邊~ 一河之隔對面係樹屋 (都係坐木筏過) ~ JRC 係右邊~ 火車繞過Aland 行~ 基本上都有八成相似~ 所以我覺得張圖應該係屬於HKDL~

但唔同ge 係JRC 碼頭有艘印有龍形帆布的中國船~ 碼頭對開 (即圖中右邊位置) 有阿拉伯式建築~ (最初公佈開幕首輪設施時... Aland 都有Aladdin 為主題的attraction~) JRC 河邊有Pride Rock @ the Lion King.... 有復活島像~ 其實依家要加返都唔係一件難事~ 拆左鼓陣改做Aladdin 風格就好了~!



中式燈籠~ 大船~ 呢個留俾上海都ok~ (更新: 留意船頂有支海盜旗!!!!!! 呢個會唔會係Pirate Coast concept art?? 定係由Aland 過渡PC 的場景~?)



恐龍為主題的過山車~ (我估有少少似地心探險~) 呢張之前都有人放過出黎~



原來城堡都有設計過其他款~ 呢個要改就冇乜可能la~ 除非HKDL 可以忍受兩年冇左個icon~



快d 公佈三個園區開幕年份就好~ 更好ge 就係要公佈埋DownTown 同下輪擴建計畫~ 還返Fantasyland dark rides 俾我地~!
圖: RandySavage, Disney

2009年12月13日星期日

香港迪士尼擴建動工

商台

香港迪士尼樂園擴建今日動工,新增的三個設施,包括香港獨有的灰熊山谷和迷離莊園;及亞洲之中獨有的反斗奇兵大本營。香港迪士尼渡假區行政總裁金民豪說,反斗奇兵大本營,最快未來兩至三年落成,相信擴建後會吸引更多遊客。

華特迪士尼樂園及渡假區主席羅思樂說,雖然新加坡等地會有新遊樂設施,但他認為遊客選擇旅遊目的地,多過選擇遊樂設施,並相信香港未來數年遊客量會增加。

他又說,上海迪士尼興建細節,屬初步階段,仍要與內地商討,他重申香港與上海兩個樂園是互補,並非競爭。至於上海迪士尼將來會否擴建,要視乎需求及客流量。

蘋果

香港迪士尼樂園的擴建工程今日動工,新增設的 3個主題區,當中 2個主題區是全球獨有,擴建工程將於未來 5年陸續落成,屆時佔地面積將會增加 23%。

3個新增主題區合共設有 30多項新遊戲及設施,當中亞洲之中獨有的反斗奇兵大本營, U形軌道穿梭飛車,遊客可感受強大的離心力。還有香港獨有的灰熊山谷和迷離莊園,其中,以神秘及超自然為主題的迷離莊園,將會引入新技術,令遊覽車毋須依軌道運行,遊客不會事先知道遊覽車下一步會前往哪裡,驚喜度十足,而發聲的機動塑像和特別視聽效果,更會將遊客帶入一連串神秘的故事情景中。

香港迪士尼度假區行政總裁金民豪表示,首個擴建主題區「反斗奇兵大本營」,最快於 2至 3年後落成,其餘 2個主題區則會爭取盡快竣工,相信樂園擴建後,將會吸引更多遊客。

來港出席動土儀式的華特迪士尼樂園及度假區主席羅思樂表示,雖然新加坡將會增設環球影城等遊樂設施,但認為旅客選擇外遊目的地時,並非以遊樂設施為主。

羅思樂又謂,現時仍與內地政府洽談興建上海迪士尼樂園的細節。他強調,整間公司正在發展,香港與上海的迪士尼是互補關係,並非互相競爭。至於上海迪士尼將來會否擴建,則要視乎需求及遊客流量而定。

港台

香 港 迪 士 尼 樂 園 舉 行 擴 建 動 土 儀 式 , 樂 園 度 假 區 行 政 總 裁 金 民 豪 說 , 首 個 擴 建 主 題 區 兩 至 三 年 後 落 成 , 其 餘 兩 個 會 爭 取 盡 快 完 工 。
他 又 說 , 相 信 訪 港 旅 客 人 數 會 上 升 , 樂 園 入 場 人 數 亦 會 相 應 增 加 , 會 在 下 月 披 露 最 新 入 場 人 數 。

來 港 出 席 動 土 儀 式 的 華 特 迪 士 尼 樂 園 及 度 假 區 主 席 羅 思 樂 表 示 , 現 時 仍 與 內 地 政 府 洽 談 興 建 上 海 迪 士 尼 的 細 節 。 他 強 調 , 整 間 公 司 正 在 發 展 , 香 港 與 上 海 的 迪 士 尼 是 互 補 關 係 , 並 非 互 相 競 爭 。

出 席 儀 式 的 財 政 司 司 長 曾 俊 華 表 示 , 迪 士 尼 擴 建 可 以 為 香 港 旅 遊 業 增 添 不 少 吸 引 力 。

香港迪士尼官方新聞稿

香港迪士尼樂園度假區今天舉行動土儀式,開展擴建工程。香港特別行政區財政司司長曾俊華和華特迪士尼樂園及度假區主席羅思樂在政府、華特迪士尼公司和香港社區的代表見證下,主持典禮。

樂園擴建後,遊樂設施、娛樂及互動體驗項目的總數會增加至超過一百個,工程亦會創造3,700個職位,擴建工程完工後,更會增加600個新職位。

樂園擴建工程隨即展開。首批工程包括基礎建設及鋪設三個主題區所需的道路。

香港迪士尼樂園度假區今天舉行擴建動土儀式。主禮嘉賓包括:(前排左起)署理旅遊事務專員林錦平、華特迪士尼樂園及度假區執行副總裁及首席財務官Jim Hunt、商務及經濟發展局局長劉吳惠蘭、華特迪士尼樂園及度假區主席羅思樂、米奇老鼠、香港特別行政區財政司司長曾俊華、華特迪士尼樂園及度假區亞洲區總裁及行政總裁安明智、商務及經濟發展局常任秘書長(工商及旅遊)蔡瑩璧、香港迪士尼樂園度假區行政總裁金民豪。


三個嶄新的主題園區當中,「灰熊山谷」和「迷離莊園」在啟用五年內,將會在全球迪士尼主題樂園中獨一無二;另一個新園區「反斗奇兵大本營」亦將在啟用五年內,為亞洲區內獨有設施。


==============================

Toy Story Land 正式中文名... 反斗奇兵大本營~ 野礦山谷改名做灰熊山谷~ 就.... 可能想分辨出OP 同HKDL.....

首個擴建主題區「反斗奇兵大本營」,最快於 2至 3年後落成... 即係2011至2012年落成~ 如果今日真係開始動工~ 一個Toy Story Land 應該唔需要用三年時間起~

「但認為旅客選擇外遊目的地時,並非以遊樂設施為主。」冇錯~ 旅客選擇外遊目的地時..... 都並非以樂園為主~! (fans 除外)

「至於上海迪士尼將來會否擴建,則要視乎需求及遊客流量而定。」有乜情況下係唔會擴建??

TSL 模型曝光

係咪真係香港ga....?

聽講今日有WDI 親自講解三個新園區簡介會... 唔知HKDL 有冇拍低到~? 放上youtube 就好~


又有新貼紙出

HKDL 繼上個星期推出左數量極多的Merchandise 第二set 貼紙後~ 都未有時間儲齊~ 轉個頭又有另一套貼紙推出左~ 冇Fab 8~ 但係有幾位比較受香港人同亞太區遊客所熟悉同歡迎ge 人物~

由上次Merchandise 貼紙到今次呢set 貼紙可以見到... HKDL 又捉到fans 們心態~ 獲取方法開始唔再係park 入面問CM 拎~ 就例如之前果套都有blogger 講到係要去到機場禁區入面間Disney Store 先有~ 太過誇張了!!! 幾時開始儲貼紙都變成有錢人玩意?



上次merchan 果set 貼紙... 其實小弟都睇過全部款... 但就算我post 出黎都冇la... 你地問我點拎我都答你地唔到..... (你地都知我唔儲....)

有merchandise CM 反映.... 其實佢地有好多野都係睇上頭指示... 大家睇人個Blog 見到有新貼紙... 24小時內問佢地... 佢地都未必答到你ga~ blogger 分享最新資訊原意真係冇錯ga~ 但CM 話有部分fans 態度唔多好~ 有質問式... 有死lur 式... 人地都係打份工姐~ 如果大家態度可以友善一d 正常一d~ 我相信CM 們都會好樂意俾你地~ (如果佢地真係派得ge 話~)

今次呢set 貼紙.... 唔講係邊個部門派~ CM 懇求各位blogger 高抬貴手~ 唔好爆出獲得方法~ 唔好加重佢地工作負擔~ 唔該晒咁話~ (講就講左... 但總有小朋友會公開問點拎... 真係防唔到... CM... 認命吧~)

2009年12月9日星期三

東亞運動員 - 關島之夜

東亞運動會籌備委員昨日特別邀請來自九個國家及地區的運動員,到訪香港迪士尼樂園度假區,參加「關島之夜」,一盡地主之誼,讓一眾運動員在緊張的比賽以外,體驗香港這個大都會動感奇妙的一面。



眾運動員首先到香港迪士尼樂園探險世界的<原野劇場>,出席由東亞運動會籌委主席霍震霆、關島國家奥林匹克委員會東亞運動會團長Melicia Paulino及香港迪士尼樂園度假區行政總裁金民豪主持的歡迎儀式。盛會當前,多位迪士尼朋友亦到場支持,鼓勵運動員繼續精益求精,向目標進發。



典禮後,眾運動員一起欣賞了迪士尼國際級表演<獅子王慶典>,投入於充滿動感的舞蹈及獲獎無數的美妙音樂中。一行人隨後到幻想世界的皇室宴會廳用餐,享受國際美食,之後把握時間,展開樂園暢玩之旅,感受童話世界的歡樂。



圖文: 香港迪士尼
據聞除左上面大家見到ge Fab 8 特別裝束外~ 尋晚特別版Characters 出場仲有...
探險世界:
Aladdin
Jasmine
Timon (其實依家Timon 已經出得好少)
Rafiki (Lion King 抱小Simba 隻猿猴類智者)
Terk (托托@泰山)
Baloo
King Louie (同Baloo 都係黎自the Jungle Book)
幻想世界:
王子米奇
公主米妮
仲有隻Goofy... 唔識形容.....
特別版Characters~ VIP 先有得見~ 普通guest 繼續搵普通版~ 就係咁~

Mystic Point 模型曝光 @ D23 Expo

香港迪士尼四週年最好的生日禮物... 就是D23 Expo~! 突然間公佈晒所有細節~
我覺得大家都係對Mystic Point 有興趣d~ 加上WDI 講解有多d 資料~ 所以就講MP 先~ 以下呢張係展覽會上的介紹圖... 同之前我地張poster 唔同~ 甚至連MM 個外形都唔同左色~ 但係可以睇到整個莊園真係好有特色~ d 外國人話一個land 得一個attraction 好唔妥... 我就覺得唔駛分薄晒個故事ge 話一個land 一個attraction 就可以好完整~
模型... 如果大家有睇到之前果個內部模型ge 話應該會知道入口同出口係邊~ 即係MM 主建築物左邊個細洞仔係入口~ 出口就係主建築物右邊~
如果我地拍返埋之前公佈張地圖睇就睇到MM 約佔整個區域約幾多地方~ (好細...) 左邊係入口~ 右邊係出口~ 出口又似乎再相連一間房仔~ 可能呢間會係Shop~ 再過去右邊就係Table Service 餐廳Adventurers Club.
MM 的外形... 上次發放concept art 果陣大家都唔覺得MM 座建築物靚~ 而且仲係有d 怪~ 但今次見到個模型就改觀~ 幾靚~ 主建築物下面應該係Preshow room~ 再睇埋落去~
外觀的資料搜集~ 今次呢個故事係發生於1908 年一個熱帶雨林中的大宅~
架車都經過多次修改~ 有人話唔鍾意前後兩排... 我覺得相比其他HM 要一排車non-stop 排住隊撞鬼... 如果MM 因為每架車坐多d 人而可以車與車之間分得散d 都唔錯ar~
Preshow room~ 呢間大宅主人叫Henry~ 佢係一個探險家同古董收藏家~ 似乎間屋鬧鬼事件都同佢無關~ 係佢隻馬騮Albert 手多多~ 相反Henry 仲歡迎你黎參觀佢間屋~~! scene 3 先有Story 睇~ 所以呢間Preshow.. 會唔會只係講Henry 生平... 甚至乎講佢件最新收藏品呢??
右邊果位係CM 套戲服?
Scene 3 - Cataloging Room
Albert 打開最新收藏品... 封印神秘力量的音樂盒後... 怪事就發生!!
Scene 4 - Music Room... 一開始就俾呢d 冇咁攻擊性ge 野你睇先~ (左右兩架車一齊行)
Scene 5 - Greco-Roman Room.. 跟住落黎都似乎係用地區 (國家) 黎分Henry d 珍藏
Scene 6 - Nordic Chamber... 原來MM 都有極地feel ge scene~ warm up 完了... 開始要嚇你~!!!
Scene 7 - Armory~ 由世界各地搜羅返黎的騎士... 攻擊你~!
Scene 8 - Egyptian Room.. 到底會唔會有嚇人畫面!?
Sence 9 - Tribal Room 有兩張圖~ 係咪呢個位分岔呢?
Scene 10 - Chinese Room~ 呢張之前已經公佈左~
Scene 11 - Cataloging Room... 又再(扮)返返黎呢間房~ Albert 唔想惹上麻煩~ 所以急急係Henry 未知之前將音樂盒關上~!! (但閣下都已經參觀晒成間屋!) 所有野回復原狀~
最後Henry 再出黎同大家講... 多謝你參觀~ 希望everything is fine~ 得閒再黎參觀過咁話~ 完結! (似乎真係完全唔關Henry 事~!! 聽WDI 語氣Henry 仲係開心tim~) 以下係William 睇完concept art 同youtube 片後研究得出的場景分佈圖~ (點擊放大)
上面部分concept art 黎自以下呢段Youtube (AttractionsMagazine 提供) 
好開心見到我地個HM 同其他版本完全唔同~!! 走出自己一套風格~! 外國網友一致激讚Mystic Manor~ 成為令人期待開幕的attraction~! 暫時應該冇乜幾多人會期待TSL 開..... 除非突然有令人耳目一新的詳情~

2009年12月6日星期日

Santa Goofy @ Hollywood Hotel

上年Royal Christmas Ball 入面扮演Santa 的Goofy~ 今年讓路俾小小世界連個台都讓埋出黎~ 但係Park 以外仲可以見到佢踪影~ 就係Hollywood Hotel~

Goofy 真係型爆~! 企係大堂Christmas Tree~ (Hollywood 樓底唔夠Disneyland Hotel 高~ 棵聖誕樹都被比下去~) 唔知遲d 何太會唔會鉗左Goofy 入餐廳~ 咁又要俾錢Meet & Greet ga la~ 所以.... 入去影la 要!!!

2009年11月30日星期一

港迪士尼擬再擴建 建冰極天地

經濟日報-2009年11月30日

香港迪士尼第一期首輪擴建下月動工,面對上海迪士尼料於2014年落成的競爭,可靠消息透露,迪士尼已開始計劃第二輪擴建工程,預料再擴建面積最多達7公頃,會優先建回首輪擴建被否決的「冰極天地」;據悉,次輪擴建可能於2012至2013年動工,目標是趕及2015年與港珠澳大橋同年落成,把握吸客機遇。

立法會今年7月在一片爭議聲中,通過樂園首輪擴建的注資財務安排,港府將逾50億元貸款「以債換股」變相注資樂園,持股量由57%攤薄至52%;華特迪士尼的注資金額相若,而股權升至48%。

就設施規劃等討論 料需1年

國務院早前批准興建上海迪士尼,料於2014年落成,令香港迪士尼面對挑戰;香港樂園3個擴建的全新主題區於下月動工,據本報了解,樂園已展開次輪擴的籌備工作。

可靠消息透露,迪士尼正就香港的第二輪擴建搜集資料,包括擴建的游樂設施、規模、面積及研究財務問題等,預料需要1年或以上的時間作准備,其後再交由樂園董事局討論及拍板才成事。

樂園下月動工的擴建屬第一期的首輪擴建,消息透露,股東雙方希望樂園可自力更生,透過營運收入用作次輪擴建,假若有需要亦可再商討注資問題(見另稿--「錢從何來? 兩方案應對」)。

據悉,迪士尼公司優先考慮興建首輪擴建被否決的「冰極天地」,因此設施屬大型及刺激游戲,比起已落實的擴建設施絕不遜色,若非港府認為海洋公園有雪山游戲,「冰極天地」在首輪擴建已落實。

首輪3主題區 2012年起落成

首輪擴建的3個新主題區包括「野礦山谷」、「迷離莊園」及「反鬥奇兵歷奇地帶」,面積約5公頃,較預料用盡12公頃為細。消息透露,次輪擴建可能會用盡餘下7公頃土地,料引入的游樂設施,包括最新的機動游戲外,亦可能會興建在全球迪士尼均有的經典游樂設施。

以首輪擴建工程為例,09年底動工,並於2012年至2014年分期落成;次輪擴建或於2012至2013年動工,冀趕及2015年與港珠澳大橋同年落成,把握吸客機遇,抗衡上海,亦可保住香港迪士尼在中國南方的勢頭。

錢從何來? 兩方案應對

香港迪士尼3個全新主題區下月動工,據了解,華特迪士尼吸收與港府就注資談判的深刻及慘痛教訓後,次輪擴建的財務安排有2個方法處理:包括注資後的減債,讓樂園財政盡快重回正軌,利用營運收入作次輪擴建;若收入不夠用作擴建,則要重返談判桌商討財務安排。

冀首輪擴建有錢賺 免談判

樂園落實擴建後重聘的幻想工程師及相關人員,不少合約於2012年屆滿;若能落實次輪擴建,相信該批人可「保住飯碗」繼續有工做。

05年9月開幕的香港迪士尼,一直形容為「樂園真細小」、「又細又唔好玩」,更不斷被批評欠缺刺激游樂設施,華特迪士尼最終於2007年主動向港府提出擴建。
據了解,華特迪士尼感到在首輪擴建的談判十分艱苦,因該集團於美國是上市公司,以往各項投資均自行決定,縱使興建東京及巴黎兩個迪士尼的談判,亦無試過類似與港府進行的馬拉松式談判及過程寸進。

倘再談判 立會壓力添變數

消息指出,迪士尼吸收與港府談判的深刻及慘痛教訓後,最希望香港樂園經首輪擴建注資,令樂園幾乎減去所有債務,財政狀況重回正軌,希望盡快有錢賺,透過營運收入應付次輪擴建所須資金。

消息又指出,若營運資金不夠應付擴建,迪士尼與港府可能需要返回談判桌,再次商討財務安排問題,但相信屆時又會遇到立法會的政治壓力,或令次輪擴建再增變數、或不可預知的難題。

二期增建 人流房間須達標

目前的香港迪士尼屬第一期計劃,面積約126公頃,而第二期只是空地一片,面積約60公頃,日後用作興建第二個主題公園;消息透露,興建第二期必須符合某些先決條件,包括在一期再多建2至3間酒店,以及迪士尼小鎮購物區(Disney Downtown)已規劃的幾十萬呎商場。

全球的迪士尼開幕均先建神奇王國(Magic Kingdom),本港興建迪士尼第二期,情況就如東京迪士尼海洋及巴黎的Studios Park。

據1999年的政府文件指出,第一期及第二期共約180公頃土地已進行環評,並就興建第二期作某些預期指標,包括樂園第一期人流達至1,000萬人次,及3,100間酒店房間。

預期指標 人流須達千萬

據了解,暫未有計劃興建樂園第二期,園內2間酒店現時只有約1,000間房,其中迪士尼好萊塢酒店可由現時600間房,擴建1倍至1,200間房,但距離3,100間房仍需增建1,500間房,即仍要興建2至3間酒店才達至規劃的指標。

消息又透露,興建第二期另一條件,是需要先建成迪士尼小鎮購物區已規劃的數十萬呎商場。

資料顯示,香港迪士尼第一期的用地,料有約28公頃土地可用作興建新酒店及小鎮。據悉,樂園將來興建第二期,除增建一個全新主題的樂園外,亦計劃再建其他酒店,但動工日期及財務安排現未有決定。

============================================

1. 從過去經驗話俾我地知... 經濟日報消息人士非常可靠~ 之前都曾經爆過料而又係最終證實並公佈埋~
2. 從經驗亦得知迪士尼對所有未浮面的計畫一概會否認~
3, 資料搜集上亦都可見經濟日報比較充足... 興建第二期條件同目標都列得好detail~ 亦相當準確~ 咁真係要快d 公佈酒店同DownTown 先得~
4. 小弟又係時候打聽一下~ 果然迪士尼樂園的擴建工程係唔會有完結的一天~ 希望以上呢篇講ge 野全部都係真~ 但未到最後公佈都可以存在變數... 所以大家唔需要揀信或唔信.... 因為信左之後計畫被否決... 唔等如計畫冇存在過~
5. 政府.... 「亦無試過類似與港府進行的馬拉松式談判及過程寸進。」好正!!!

2009年11月25日星期三

立體聖誕卡... 原來有意思!!

尋日講巴黎小小世界ge 時候有提過~ 今次香港迪士尼聖誕項目除左小小世界本身改裝改得比較差之外.... 原來我地都有值得自豪ge 事~ 香港人唔熟悉迪士尼文化未必知道~ 我之前都誤解左HKDL~ 非常之抱歉!! 但有外國迪士尼網友指出之後就發現今次其實又冇我地諗得咁差~

以下呢幾張係今年聖誕小小世界入口通道六張立體聖誕之中ge 其中四張concept art~





先前小弟係blog 話呢六張聖誕卡設計太過普通~ 冇disney feel~ 又冇disney characters 係度~ 只係六張文具鋪都有得賣ge 立體聖誕卡~ 突出唔到小小世界~ 但原來我係錯左.... 好抱歉!!

外國網友睇完各HKDL Blog 友影ge 相之後... 指出原來呢幾張立體卡係跟隨當年負責構思It's A Small World ge 設計者Mary Blair 畫風而設計~ Mary Blair 亦曾經為Alice in Wonderland... Cinderella .. Peter Pan 等電影畫過conept arts~ 依家HKDL Art of Animation 牆上面d 原畫有部分都係出自Mary Blair 手筆~

以下呢段片係Mary Blair 製作的Once Upon A Wintertime~ 留意隻馬ge 畫法~!!

重點來了.... 以下呢張係Mary Blair 1963 年為小小世界北極場景所畫ge 手稿......



原來今次HKDL 唔係亂黎~~!!! 有做過資料搜集盡量保留返Mary Blair 精髓~ 配合呢幾張立體卡擺放所在地 - 小小世界條通道!!!



但如果真係將Mary Blair 張畫原原本本做出黎~ 可能又要俾一筆版權費?? 所以今次HKDL 唔對外講就算吧~ 依家當係「靈感來自」~ (佢地都應該唔可以咁高調講....) 寧願HKDL 慳得一蚊得一蚊!!!~ 但我又想大家知道呢幾張立體卡影相位並唔係HKDL 隨便做出黎敷衍~ 所以.... 以上只係小弟個人意見~ 哈~

最重要都係... 今次呢幾個影相位仲會打左燈令到夜晚更靚~~! 為呢六舊野加左唔少分~!! 似乎除左IASW Christmas 外今次個evnet 都做得唔差ge~ (但IASW Christmas 先係重點.... 唉...)




圖: HKDL, Mary Blair