五周年籌備工作進度

聖誕節後~ 唔夠一個月真正ge 五周年活動就正式開始~ 睇睇籌備工作進行成點先~ 城堡呢度每日加d 每日加d 咁~ 都完成左~ 咁早搞掂ge 原因應該係為左進行測試~ 希望會係一個正show~ 線人稱呢個show 會係剛入夜即六至七點上演~ 歷時兩分半鐘~ 想影靚相就早d 去霸位la~

五周年回顧特輯 - HKDL Preview Center

今晚仲有一篇五周年回顧特輯... 之前都post 過唔同land ge concept art~ 以下我地會時光倒流返返去HKDL 仍然未開幕ge 時候... 遠在美國... WDW Epcot 呢邊有一個預覽展館~ Kingdom of dreams...

飛躍奇妙 - 國內版一分鐘廣告

唔好話我成日講飛躍奇妙la... 咁真係有新野俾我講丫ma~ 唔通唔講咩~~ 一分鐘版本睇睇~

有人話之前30秒版廣告有廣東話版本~ 即係好大機會香港都係用之前個廣告~ 除非... 係廣東地區播...
今次呢個一分鐘版本冇咁magical 了~ 但係可以見到米奇架車起飛~ (真係會咁樣飛?? 咁Minnie Goofy 係下面有冇事ga??) 之前個版本係夜晚再有魔法師米奇主持大局~ 感覺好迪士尼~
d 3D 模型...整到三眼仔咁ge 樣.......

三land 交界工程... 完

上個星期中有網友話我知呢個三land 交界位真係出現花圃之後... 真係有d 懷疑自己係咪錯左~ 但係再細查之下... 真係有CM 聽過TinkerBell 會大約係呢個位度出現wo~~ 到底個故事會發展成點?? 現階段都冇辦法得知~ 但係我地仲可以繼續睇工程~

見到呢個花圃後... 我ge 疑問就更大... 呢個size 又唔係大又唔係細... (細果d 你再行多幾步到大約小飛象個位就見到~) 放棵樹又好似大得滯.... 而且圍個新花圃出黎個地下都唔需要特登鋪花紋磚.... 小題大造了~

快d 揭曉la~~ 我始終覺得以過去五年HKDL 表現... 佢地唔會咁無聊去搞一撻本身冇唔妥同埋工程後冇效益同回報ge 地方~ 到底會係邊度見到Oversize ge 植物呢??

飛躍奇妙官網啟動

今日有官網推出左la~ 睇睇個主頁... 五周年三樣新野~ 呢d 先算稱得上令人期待~~ 08年果幾舊野就真係...

唔知佢地今次係咪將成個五周年入面所搞ge 活動都放埋同一版... 見到佢地有個主題活動預告... 都唔係預乜告... 入面d 野同之前一模一樣ge... 再睇睇右下角有新年個page... click 入去睇睇... 除左個名係唔同之外....

佢上年個八福會拎返出黎?? 但佢地唔再叫做八福?? 個名改左做福氣滿園遊... Duffy 會繼續出場之外.. 仲有個castle 前ge 五福臨門... 我估係Hub ge 裝飾...

即係今年CNY 真係冇特別野la~~

呢個版面仲未預告壓軸大作... Toy Story Land... 可能呢個page 真係會用一整年~~ 之前金生口中所講ge 臨時設施係咪已經現左形?? 就係TinkerBell???

留意更新~!!

呀... 有人話三LAND 交界個位真係拎左黎種樹~ 好la~ 我認輸la~~

飛躍奇妙香港傳媒發佈會 - 官圖放送!

好~! 今日下奏upload 左兩張官圖~ 依家upload 埋其他圖先~~ 首先係睇返之前已經見過ge marketing 宣傳圖....

薑餅人村莊

仲未入得村莊~ 只能夠係外面觀察同繼續推斷入面有乜~

遠景圖~ 呢個薑餅人村莊成功將城堡同大街隔開~ 夜晚要睇煙花真係睇唔到城堡底部果d~ 有人質疑HKDL 今次呢個做法... hub 呢個位原本係要放Walt Disney 雕像... 但係當初有傳因為唔想阻到影城堡全景ge 視線.... 所以最後決定暫時唔放個雕像出黎.... 放係個倉庫度.... 今次呢個薑餅人村莊凌駕係Walt Disney 精神之上~ 完全遮晒成座castle~ 勁!!! 如果呢條村作用係要遮住將會粉飾ge 城堡~ 咁就可以原諒~

撇開d 凝重話題~ 係做得幾靚ge~ 上層都有少少油出界ge 情況~ 但比例方面可以接受~

呢個係我覺得最靚ge 景~ 因為有進入另一個世界ge feel~ 由於今次呢個村莊唔係用晒整個hub... 得呢度先有與世隔絕ge 場景~ 如果佢地連地下都搞埋就正~

整個村莊分成三組~ (希望如果下年再有就用晒五個花圃~) 以Mickey Minnie Pluto 呢組最為吸引~

見到1928呢個年份就知道係屬於Mickey Minnie la~~ 佢地首次出現銀幕ge 年份~

呢邊如果冇個大米奇耳仔.... 真係好普通~ 其實點解唔整埋其餘兩個花圃?? 煙花係咪都遮硬ga la~ 希望下年會有其他歐陸風格ge 屋仔~ 可以考慮Pinocchio 的玩具屋~!

唔知個摩天輪會唔會轉呢?? 上面放毛公仔係度轉就好夢幻~

第二組係Donald Daisy Chip Dale 為主題~ 有樣野唔明... 要有積雪係咪應該間間屋頂都有?? 一d 有一d 冇就好奇怪....

新聞稿提到... 從佈滿雪花的窗門看進去，賓客更可看見一眾迪士尼朋友們正興高采烈地準備聖誕禮物及美食.... 佢地依家仲未俾你偷窺~ 小弟估計就係以下呢種貼左貼紙ge 窗~ 大家將會由呢度睇到屋入面ge 情況.... 希望唔會係得張poster... 可以係浮雕就好....

Goofy 同Princess 屬於一組~ goofy 都還可以... 但係班公主間屋呢.....

德福都做得靚過呢間粉紅色屋.... 關個設計事.... 下半部唔好用粉紅色會比較好...

但如果係側邊影個招牌~ 係靚ga~

呢個係HKDL 歷年最大ge Decoration~ 希望下年會再接再厲~ 加埋Pinocchio 間屋la~~ 呢個薑餅人村莊比得上Belle's Christmas Village~ 但得個睇字~ 如果可以好似Belle's village 咁有商店就好~ 加油!!

------------------------------------------------

15/11/2010   開窗!! 迪士尼朋友同你過聖誕

今日網友入park 見到薑餅村之前封左貼紙ge 窗已經睇到入面係乜~~ 係玩紙ge 立體效果~ 礙於呢d 屋仔深度有限~ 用紙玩layer 都已經好高質素~~

到米奇呢邊~ 原來佢地d 窗都分左兩邊~ 一邊就係Sleeping Beauty Castle walkthrough 隻透視畫做出立體錯覺~ 另一邊就係人物介紹~ 驚你地唔識得班characters~

仲有Princess~ 好可惜條通道未開~ 見唔晒六位公主~ 等media day 就可以睇到la~~

真心覺得今次個薑餅村做得好好~

-----------------------------------

18/11/2010  薑餅人村莊 - 內街篇

之前呢度一直都係封住唔俾人行去村莊ge 內街~ 今日活動開始~ 大家都可以入去睇睇裡面仲有咩建築物la~

原本Hub 呢個位ge 通道都已經唔闊~ 加左屋係度之後~ 條路更加窄~

呢幾張相一定可以引死班外國網友~ 因為有好濃厚ge 歐陸節日氣氛~ 如果上色唔係咁鮮艷同咁卡通ge 話... 我想講好有Harry Potter feel~ 同埋好適合起係Fantasyland~

以一個seasonal 景點黎睇... 已經好detail~~可以預計到... 聖誕呢度會迫滿晒人.... 要影相把握依家呢d 機會la~~

屋頂上面ge 煙囪已經識噴煙~ 因為佢地要令你相信呢度真係有人住~~ 同埋個玩具摩天輪都識得轉la~ 夜晚效果好靚~

早幾日見到ge 迪士尼人物透視畫櫥窗~

呢張好離奇~ 有冇人可以話俾我知... Ariel 身處咩地方...?

-------------------------------

20/11/2010  聖誕薑餅村夜景

之前有post 過薑餅人村莊ge 日頭景色~ 依家要post 埋夜晚~~ 夜景其實好難影得靚~ 但係唔入夜d 燈又未開wo... 所以要睇效果~ 黃昏呢個時候就係影相ge 良機~~!
黃昏影個天都有漸變層次~ 唔駛多作介紹la~ 係佢仲搭建緊ge 時候見到間間屋都有咁多窗同窗簾~ 都估到佢地夜景會好似大街d 建設局咁有燈ga la~ 依家可以見到個效果~ 令到佢相信呢條村入面係有人住~!

睇埋迪士尼朋友係窗入面有燈光ge 效果~

特別加送~ 呢個係咪就係Halloween 後唔拆走投射器ge 原因?? 到底... 呢d 係雨定係雪呢?? 不過都幾靚~

兩張大街聖誕焦點ge 夜景~~!

入左去影相未?? 等到12月就迫死la~~ 路都行唔到~