2011年1月31日星期一

溫室復活!?

今日睇到facebook 一段訊息~ 其實上次金生對傳媒都預告呢個消息~ 就係佢地搵左個勁人幫Mystic Point 做Background Music!!



度假區邀得荷李活配樂大師Danny Elfman,為三個擴建園區中的「迷離莊園」製作音響效果,營造奇幻驚嚇氣氛。

Elfman曾四度獲得奧斯卡提名,為《怪誕城之夜》、《愛麗斯夢遊仙境》、《芝加哥
》等著名電影配樂,並憑人氣電視劇《靚太唔易做》(Desperate Housewives)贏得艾美獎最佳電視劇主題音樂殊榮。

雖然呢個消息係令人期待... 但係Danny Elfman 後面有張令到大家更值得留意ge concept art... 呢張溫室scene concept art 係依家Preview Center 都有放到出黎~



話說D23 Expo 公佈晒HKDL 整個擴建詳情同放左呢個模型後... 有外國消息人士稱因為資金成本問題玻璃溫室會被cut~~ 呢個scene 都好大~ (上面格仔果個就係玻璃溫室!) 如果冇左佢成個ride 會遜色不少~ 
最好ge 證據就係D23 Expo 放出逐個場景編晒號數ge 圖... Scene 5 - Greco-Roman Room 後就係Scene 6 - Nordic Chamber~ 完全skip 左溫室~~! 
  
但自從HKDL 連續兩次放出呢個場景ge Concept Art 後... 實在非常可疑~~! 就呢件事B san 向消息人士查詢.... 得出一個驚人ge 結果!!!! 但係唔夠錢又點可以令到呢個原本已經因為冇錢而被cut 走ge 場景重生呢?? 呢個就係大家要有定心理準備ge 地方~~! 金生都講la...拉上補下~~! 唔知HKDL 會點決定..... 

U形殺到

更新一張Fantasy Garden 影ge 相... OMFG!! (全寫應為Oh! My Fairy Godmother!) 乜野黎ga?? 咁清楚... 仲可以搵咩遮住??



上星期睇到網友坐火車影到U形已經裝上第一個組件... 不過只係紫色ge 底架.. 但我真係估唔到兩星期內呢個U形會生得咁高!!! 全球Disneyland Fans 們最怕ge 事情真係發生左.... 好顯眼ar..... 不過可幸ge 係... 呢個高度已經到頂.... 因為已經見到佢向內彎....

但係不得不稱讚HKDL 今次咁快手... 只係用左一個星期多D 時間就已經裝晒上去... 睇睇youtube 片段... 同一日下奏.... U形仲欠缺最後一個組件.... cap 圖俾大家睇.. 但係幾個鐘之後... 已經裝埋上面果截..... 快得好緊要!!


仲有呢度... Mystic Manor!!!!! 成座Show Building 都係度!!!!!


睇片吧.....

聽日星期日.. 有冇人會入park?? 可唔可以幫我睇睇... 除左呢個位會見到個U形之外... 你去到小飛象見唔見到...? 去到Fantasy Garden 見唔見到?? 唔該晒~ 
講返入口個通道工程先... 個入口真係比想像中窄~ 因為Aland 一排樹都冇移走... 即係新land 入口似乎係故意要橫跨兩個land~ (山谷入口無可避免係Aland) 三張相睇進度至完成~

  
希望圍板快d 拆~

五周年門票集齊!!

集齊未集齊未??? 不過呢.... 個印刷好唔得... 已經tune 過d 色... 大家拎上手就知乜事....


點解次次都係得四款?? 出多d 得唔得?? 例如d 兩日pass ... 大人小童兩種design~ 同埋園方不如諗下係佢地個新annual pass 制度上加埋新ge Ticket design~ (例如出膠卡~ 要Keep一年就用d 比較耐用ge 質地la~) 都係當儲野ge 一種~~ 但係可以預計到班AP 會越來越覺得自己有優越感~~ 可能都係一件壞事黎..... 只怪部分AP 太怪獸~!

2011年1月29日星期六

五周年紀念特輯 - 睡公主城堡建成 + 開幕盛況

唔講唔覺原來飛躍奇妙已經黎左~ 時間真係過得好快... 呢個blog 更新速度奇慢~ 五周年回顧特輯因為被真正五周年活動開始而擱置左~ 好la~ 今日繼續回想過去... 原本之前又想再post 過建造情況... 但搵搵下其實又冇乜相係未公開發表過... 即係大家都可以係其他途徑得到~
咁不如睇有記者在場ge 相算la~~ 2004年9月23號~ 香港迪士尼最重要地標 - 睡公主城堡進行平頂儀式~ 個儀式就係將最後一件組件裝上去~ 但其實大家見到城堡牆身仲有好多地方未上色~ 即係並唔代表落成~ 其他地方應該一係一塊爛地~ 睇睇未塔頂ge 城堡la~

2011年1月25日星期二

CNY Times Guide

沒什麼特別... 儲下圖咁~~ 不過記得元宵要入去ar~~ 過去幾年都有驚喜~ 今年可能都會有難得一見的王子~~! 希望會有Aladdin Jasmine la~~



內頁... 都係冇咩特別...



2011年1月24日星期一

Fantasyland Gala Event

上個星期五當大家睇緊煙花ge 時候~~~ B san 好心急~ 因為好想知道之後Fantasyland 個活動係乜黎~~~ 呢個Dine-Around ge Experience 好有趣~~ 大家平時見到ge Buffet 都係集中放晒食物係同一個地方~ 但係今次分開唔同ge 地方放食物!! 就例如Pooh Pooh 個位會有印度食物... 茶杯呢邊就食下甜品咁~ 真係邊行邊食ar~~ (仲有好多characters!!!)


2011年1月23日星期日

Characters 新裝

我第一次見到呢張相真係覺得好magical~~!! 就係Chip Dale 難得係Hub ... 曝露於陽光下影相~~! 呢個都係少見ge 情景~~ 我估如果唔係冬天又唔係media day 可能都冇呢個畫面~~ 好彩大家都入park 影低~~ 好型仔醒目ge 造型~ 所以要放係第一張!!


2011年1月22日星期六

TinkerBell Castle

靚相不怕多~~ 不過個show 就似乎有d 短.... 其實唔駛咁趕住收工ga.... 等緊正面拍攝ge 片~~


五周年活動啟動儀式

等左好耐la~~ 離五周年正日都一段好長ge 時間~ 今日終於都到左五周年活動開幕~~ 今日之後大家入park 就會有新野玩la~~~ 睇睇個開幕禮先... 話說今次佢地好想做到開幕個盛況... 所以請左李克勤同陳慧琳唱今次主題曲.... 仲有40個characters 同特首等等.... 呢20分鐘ge 表演真係好精彩~ Duffy 著水手裝~ 仲有Rapunzel~


商品集中講

小弟對於HKDL ge 商品部真係冇乜野可以再講ga la.. 因為其實黎黎去去都係得兩個大問題.... 就係佢地d 公仔走樣程度非常高... 同埋一圖百用... 如果佢地可以加以改善呢兩方面.... 要追到東京迪士尼個銷售額絕對唔係一件難事~

新年商品.... 每次都好鍾意佢地商品官圖後面個裝飾~ 係比個主體更出色!!!

擴建預覽中心

擴建預覽中心終於都開左la~~~ 我唔太鍾意佢個模型.... 拍左係牆邊... 仲要個櫃條邊粗到呢.... 點睇ar??

兩美出場

今日係兩個活動正式開始ge 第一日~~~ 五周年主角除左Mickey 外仲有佢... 被谷人氣到頂點ge Tink~ Castle 亮燈係佢~ Parade 有佢份~ Fantasyland 都放左個HKDL 歷史上最大ge backdrop~ 但始終都係face character 而且係Disney 影業一個好經典代表魔法ge 人物~ 又唔覺得佢出得濫wo~~

一個大家都好concern ge 問題... 就係TinkerBell 係一個開放式Pixie Hollow 到底會唔會識講人話呢?? 答案係.... 佢識ga!!! 從今大家可以去搵下佢la~~ 同Alice 鬥可愛ge 角色~ (我覺得出佢多d 都冇問題.. 對佢冇對史迪仔咁抗拒~)

2011年1月19日星期三

Pixie Hollow 出現

比想像中放過左少少~ 但係諗諗下其實兩者仍然有關係~ 因為呢一整年都要長駐呢個影相位係度~ 人多ge 日子都要預足夠位置俾人行同散PhilharMagic 人流~~ 就係睇下summer 個沙雕都已經擋左成條路~

小小世界過聖誕廣場個影相位曾經係樂園最大形ge 影相位... 今次呢個真係又大又高~

香港迪士尼第二次公佈業績

開業五年的香港迪士尼樂園終有錢賺,隨着遊人首破 520萬,樂園去年未扣除利息、稅項、折舊和攤銷前的盈利( EBITDA)首錄得 2.21億元,扣除後雖然仍淨虧損 7.2億元,但已較前年少蝕 45%。行政總裁金民豪說,若擴建如期於 2014年完成,轉虧為盈「指日可待」。但有學者說樂園 EBITDA增加,部份原因是政府將貸款轉為投資,令樂園減少利息支出,明言「係財技嚟嘅」。記者:翁煜雄

香港迪士尼昨日第二次公佈年度業績。未扣除利息、稅項、折舊及攤銷前盈利,除首年「打和」外,之後都蝕錢,前年蝕 7,000萬元,但總裁金民豪稱,去年度 EBITDA首錄得 2.21億元新高。

「因為多咗人嚟,又捨得使錢。」金民豪稱,去年入場人次創新高至 523萬,較前年多 13%,令整體收入增加 19%至 30.1億元;兩間酒店入住率也報捷,從 70%增至 82%的新高,加上樂園嚴控成本,促成盈利上升。

內地客升 33% 仍淨蝕 7.2億

內地「財神」也功不可沒,因樂園內地客去年大升 33%,佔整體 42%,當中不乏豪客;近年新富印度客更增 80%。惟本地旅客減少 8%,他說因沒有豬流感等大型疫症爆發,令港人外遊增加。

樂園去年為本港帶來 56億元增加值,等於香港本地生產總值 0.3%,並創造逾 1.9萬個就業機會。

不過,若扣除利息、稅項、折舊和攤銷,樂園仍未錄得純利,去年度淨虧蝕約 7.2億元,但已較之前一年減少 45%或 5.97億元。金民豪說,預料 2014年完成的擴建項目,只需按時間表陸續落成,便可吸引更多遊人,增加收入,樂園止蝕回本是「指日可待」。

其實,細看樂園賬目可發現,淨虧損大減,除整體收入大增,另一大原因,是淨融資成本,即貸款利息支出,去年度只有 1.06億元,較對上一年度的 3.87億元大減。樂園也承認,是因華特迪士尼所有貸款,以及政府部份借貸約 62.5億元,年前都已轉為股份,利息才大減。而且, 2008至 2010年度,樂園累計淨虧損達 36.1億元,尚未計算首兩年有可能更大的虧損。

貸款變投資股份「唔使還」

金民豪表示,暫未有計劃加票價,但承認在通脹高企下,仍要視乎未來物價走勢而定。他說新加坡等地的新景點,暫未對香港帶來影響,至於上海迪士尼,相信最快也要五年後才落成,「到時我哋都慶祝 10周年,有好多新項目」。

商務及經濟發展局局長劉吳惠蘭昨回應指,樂園不可自滿,應繼續透過控制成本及提高樂園吸引力,令業務持續增長。

經濟學者關焯照說,樂園遊人及消費確實隨整體旅遊業向好而大增,不過樂園人數仍少於早年的預測,而且迪士尼的賬目其實只是「財技」,因為政府年前在迪士尼要求下,將部份貸款轉為投資股份,即是「唔使還」,才可以將淨虧蝕大大縮減。

==================================================

迪士尼擴建後新增的三個主題區,令樂園面積大 23%,其中亞洲獨有的「反斗奇兵」或將於 11月出爐,預料未來兩三個月後可看到當中遊樂設施的雛形。至於全球獨有的「迷離莊園」,音響效果則會由《蝙蝠俠續集》、《怪誕城之夜》等大片配樂的大師 Danny Elfman,營造魔幻、驚嚇的氣氛。

荷李活配樂大師助陣

雖然通脹令建材價格大升,但迪士尼行政總裁金民豪說,由於去年中已獲立法會批准擴建,早已簽訂大部份擴建工程的外判合約,造價都已列明,建材價格增加未有影響擴建進度。

金民豪說,擴建工程進展順利,最快落成的「反斗奇兵大本營」,已大致完成基礎建設,「未來兩三個月,就會見到出現一啲遊戲設施 o架喇」。「反」以機動遊戲作主打,包括一台穿梭飛車,快速來回 U形軌道,讓遊人一嘗強勁離心力,又可參與「跳傘」旅程,由 25米高台下墮。根據旅發局昨日最新資料,「反」很大機會於 11月落成。

「灰熊山谷」、「迷離莊園」則先後在 2014年前完成,其中迷離莊園會以高科技為賣點,賓客在大宅內乘坐無軌列車「飄移」,經歷各種以特別效果營造的神秘景象,荷李活配樂大師 Danny Elfman月內將應樂園邀請來港,負責設計音響效果,令大宅內的氣氛,不遜於荷李活恐怖電影。「灰熊山谷」則有淘金小鎮噴水遊戲,並有越礦飛車。

======================================================

現時三大擴建主題區合共五公頃,第一期還剩七公頃用地可供擴建。據悉,進一步擴建仍屬初步構思階段,是否一次過用盡七公頃,還是再分階段,以至採用哪個主題區,仍未有定案,要由華特迪士尼選出方案,再交由港府參與其中的香港迪士尼    董事局拍板;但港府不用再注資,全數由迪士尼支付興建,亦毋須等轉虧為盈才啟動第二階段擴建,務求盡快在上海迪士尼二○一五/一六年落成前,再有新主題區興建,增加新鮮感。據了解,樂園早前已展開第二輪擴建的規劃,負責計設遊樂設施的幻想工程師,已有不同設計讓大股東的港府選擇。

不過,迪士尼暫無計畫興建第三間酒店。

======================================================

原本尋日見到呢段新聞都想講下... 但係明知道尋日會出新巡遊個焦點自然落係新巡遊preview 度~ (就算小弟再鬧再串HKDL 都好~ 呢個都係fans blog 黎~ 有d 咩係會吸引到fans 睇... 我就自然會講先~ 請個別讀者明白~)

1. 個經濟學者講ge 說話不無道理~ 如果今年HKDL 仍然要還一大筆錢俾政府~ 再計埋果筆利息... 可能今年個數都係蝕~ 所以呢d 數字遊戲大家唔好太認真對待~ 見到開心一下就算~ 真係不能自滿~.... 贏海洋公園亦唔係d 咩光榮ge 事... 因為佢地全個park 都係工程... 今年就開兩個新主題區.... 佢地marketing 呢方面真係做得好到位~ 新個電視廣告我睇到都想去~ (雖然睇preview 就...)

2. 入場人數上升可能有部分原因係AP 入多左... (Star guest?) 但係與此同時樂園個figure 好似指出香港旅客比例下降~ 亦都即係話支持ge 香港人好可能就係睇呢個blog ge 各位fans~ 所以你話佢地點會唔加重獎勵 / 贈品俾d 買一日門票ge 人呢??

3. AP 最主要都係幫到樂園入場人數~ 但係真係幫樂園賺錢並唔係AP.... 果座價值30萬ge 城堡上年成功賣出~ 買家並唔係AP~ 你就知點解HKDL 唔錫班AP la~~ 用貼紙用磁石用卡用吊飾就已經令到你死心塌地~ 何須花費咁多??

4. 黎緊兩個月將會見到TSL ge 建築物~ 記得搭火車幫我影相la~~~ 有望今年11月開幕~ 早一個月開就賺多一個月錢la~

5. Mystic Point 音效會係Hollywood 質素~~! 期待吧?? 不過都要等起碼2013~

6. 擴建成半能夠控制到... 我所聽返黎ge 消息唔係好似金生所講咁... 而係一個錯誤... 錯有錯著~~ 唔會次次都咁好彩~ 都係果句~ 不能自滿~~

7. 談及下輪擴建~ 希望好快會有消息傳出~~ 但係... 金生話暫無計畫興建第三間酒店!!!!! 咁即係之前佢所講會起果間三星級大陸酒店個計畫會擱置!!! 講鼓掌!!!! 正ar~~~ 可能真係因為上海公佈左~ HKDL 將個Target 轉向東南亞~~! 繼續努力ar!! 但係.... Downtown 呢??

2011年1月18日星期二

飛天巡遊正式啟航!!!!

都話左呢幾日入park 隨時會有驚喜ga la~~~~ 你睇下~~ 今日入park 竟然有大surprise!!! Flights of Fantasy 出show la~~~!! 今日係第一場對guest ge 表演~~ 尋日見到HKDL 發俾AP 封信話係20號優先場... 咁今日呢場係咪終極優先場先?? 哈哈~~ (大家都可以話HKDL 想將最好一面俾各位AP睇~ 所以Run 多兩場先敢叫你地入黎~~)

等左咁多個鐘~ 終於都有片段la~~ 不過由於係第一日大家都唔知道個show stop 位置係邊度... 所以就等錯地方~ 唔緊要la~~ preview 黎姐~ (而且仲係surprise tim~) 睇片~ 想留返自己親身睇就唔好click la~~


2011年1月17日星期一

Toy Story Land 通道工程

TinkerBell 個花園仲未現形~~ 但係大家呢幾日經過三Land 交界會發現.... 又有工程??


點解今次B san 會覺得係TSL 通道而唔係一直講果個Tinkerbell 花園?? 之前咪又係咁圍過欄~ 有咩分別?? 今次特別之處係... 圍板其實係遭人移動過.... 留意兩張相ge 門柱.....


另一個特別之處... 留意上圖圍板條地線... 係順住個草堆升高左.... 即係呢個圍板連草堆應該會係呢個位置一段時間~ 否則就有野唔明... 呢個工程之前一直處於圍板後... 根本冇移動圍板ge 必要同迫切性~


圍板後面向FL 排樹已經好早就移走晒.... 但係AL 小食亭隔離幾棵樹都仲一直係度...


以對岸孤島個呢個剛發生冇耐ge 工程為參考... 乾草原來係為鋪地~ 而升高左果一級就係為起花圃..... 咁............... 暫時不妄作判斷~ 觀察多陣先~


小小世界果陣條通道都係開幕前幾個月就搞掂~ TSL 年尾開... 條通道係咪應該暑假就開得?

2011年1月16日星期日

飛躍奇妙時間表

出左新Times Guide la... 係TinkerBell.. 同9月12張Times Guide 係同一隻質料~ 放埋一齊先~~




入面個內容都係果d 野la~ 係CNY 度有講到福氣滿園遊仍然係八件~

HKDL 未試過有一個活動係搞一整年... 我真係估唔到之後Times Guide 會點發展~ 下一期就中式feel?? 會唔會好快又變返單色印刷??

大街全新裝飾

五周年今個星期就會開始la!!!!! 大家係咪好心急呢?? 今個星期會有越來越多野睇~~ 到今日為止有d 咩係多左呢?? 之前見到城堡上面已經有個五字la~ 而Hub 都出現左五周年兩位主角!!!

2011年1月13日星期四

新巡遊下周起飛

以往觀看巡遊表演,無論氣氛有多熱烈,觀眾亦只有「欣賞」的份兒。不過,香港迪士尼樂園慶祝開幕 5周年的頭炮活動、全球樂園獨有的「飛天巡遊」,將開創先河,摒棄一貫「圍觀」的單調模式,加入互動元素, 容許旅客融入巡遊隊伍中,與演藝人員一同載歌載舞。樂園有信心,新巡遊有助刺激外國旅客來港訪園的興趣。


2011年1月12日星期三

擴建資訊 (1月號)

各位~ 到一月號la~~ 上個月停左一個月冇影到~ 因為有網友係火車度遭CM阻止~ (之後有消息話其實係冇阻止~ 純粹叫大家注意安全~) 加上HKDL 自己都放左資料出黎~ 隔左兩個月~ 到底工程進行成點呢.... 即刻搭火車~~~

原來真係冇阻止wo~~~ 山谷呢邊...遠處見到有建築物?? 非也非也~~ 其實係一眾薑餅人聖誕過後進行大遷徙過返d 與世隔絕ge 生活~~


呢個位~ 同兩個月前相比都改變左好多~


明明之前都仲係用鐵架... 唔知點解今個月多左好多竹棚.... 好港式!!


呢段理應係邊緣通去火藥庫ge 一段路~ d 棚架令到我覺得呢段路好似好高咁...


到達Mystic Point.... 主要show building 仲未現形~ 但係有一座黑色ge 建築物起緊.... 


睇返公佈果張地圖... 個位置似係呢度.... 呢個格仔由show building 分割左出黎~ 可能係維修或後台之用~


Toy Story Land 了~~


多左兩座建築物~ 呢邊得個外框~ 


但係由外形可以得知呢個位係彈弓狗個waiting area~ 即係紙盒~


而另一邊都見到有另一座屋形建築物已經有埋混凝土牆~~ 就係RC 個加速器~


拜拜la~~~~ 希望下個月仲會睇到呢d 擴建相la~~ 今個月五周年活動就會開始la~~ 聽講想睇新Parade 都唔一定要等到Media day wo~~ 仲聽講CNY 有新角色出黎~~ 係咪咁多驚喜先~?