2011年3月30日星期三

十八款五周年人物卡

好靚ar~~ 不過唔係第二批卡有得派... 而係又係商品部再出一set 閃卡~ 賣$120~ 款就同免費版一樣~ 但閃法唔同~ 仲有凹凸印刷~ 見到當然要入手~!


又有野想問la~~佢本簿後面有幾版...大家知唔知用黎放咩??

上次講到今次呢批卡都擬似同五周年有關~ 因為上年summer 套卡入面所有人物都係該活動出現ge 角色~ 令到小弟都懷疑今次呢d 人物揀出黎都係有特別用意~ Flik 同Atta 依家出緊la~ Cars 2 暑假上... Nemo 佢地... Scar 同Mowgli 到底同五周年有咩關係?? 聽人講原本Mowgli 係Flights of Fantasy 都會上float~ 不過到最終ge 版本都係見佢唔到.... 我真係諗唔明ar...

2011年3月29日星期二

迪士尼x360推出“大嶼山飛天遊樂”計劃

香港迪士尼樂園與昂坪 360 趁復活節及五一黃金周,聯手推出 3 款港人套票,包括 365 元一日遊兩景點門票,及最貴達 1.3 萬元的酒店兼導賞團套票,較原價便宜 1 至 2 成。

香港迪士尼樂園與昂坪 360 宣布,由 4 月 1 日至 5 月 22 日推出 3 款港人套票,其間橫跨復活節及五一黃金周假期。其中一日兩遊套票,即同日遊覽香港迪士尼及昂坪 360,成人票價 365 元,但迪士尼門票持有人要到下午 3 時後才能入場,有關套票較分別購買 2 張門票便宜約2成。旅客可於迪士尼的市區售票處、東涌纜車站及指定旅行社購買。

至於酒店及導賞團二人套票,包括入住樂園的酒店 2 晚、 2 張樂園 2 日門票,以及昂坪 360 的大嶼山導賞團。入住不同酒店的價格不同,由最便宜 3,900 元起,周末或假期入住的價錢較高。

日期    2011 年 4 月 1 日 至 5 月 22 日
地址    香港迪士尼樂園與昂坪 360
收費    同日遊套票:$365

====================================================

半日pass 終於出現!! 而且係target 緊香港本地人一日玩兩個地方~ 咁班成日話迪士尼冇野玩兩個鐘都行得晒ge 香港人應該可以好滿足la~~

亦都即係話... 黃金周除左會出現大量國內同胞外~ 三點後仲會有一班平日唔會入迪士尼.. 但會想係五個鐘內玩晒所有設施ge 香港人~~ 加埋工聯會果幾萬張平飛~~ 全部都係以最低成本而想換取最大利益ge 群眾~ 今個復活黃金假~ CM 們辛苦了!! 尤其係security~

各位AP / MA 用戶... 仲有冇諗住果段時間入park?

擴建資訊 (火車重開號)

可能以前冇咁渴求坐park 架火車... 都唔覺得佢維修得咁密.... 但係自從擴建工程開始之後... 大大話話都起碼關閉左四次...

三月重開後.... 睇睇有乜進展...


有分別la~


終於都見到佢地鋪軌~~~ 


個角度應該係三號第一跌~


再睇落去... 冇特別ar... 


Mystic Point.... 都有混凝土牆la~


Adventurers Club 地基工程~


Toy Story Land...


Andy 腳印!!!


what!? 咁快就種樹?? 可能佢地一黎想早d 種樹等過一個雨季佢地可以生得高d~ 二黎係佢地都想遮你地視線~~ 


不過入面d 設施高到咁~ 遮得幾多??? RC Racer 已經搞掂晒~


同場加映~ 茶杯頂維修 / 粉飾~ 係咪要再上過色呢??


睇片la~~~

2011年3月28日星期一

會員尊享晚會

如果閣下認為B san 會好快速咁報導每次magic access 會員尊享晚會出咩迪士尼朋友ge 話就錯la... 呢個唔係本blog ge 作風... 預計呢個晚會小弟只會講一次~ 除非有d 首次出現ge 人物~

上次star guests 個故事其實仲有枝節~ 呢個會員尊享晚會準備工作唔係做得咁完善~ 係因為呢個晚會實情係一個plan B~ plan A 係咩?? 冇左就唔好再提la~ 可能有朝一日佢地會再搬返個plan A 出黎呢~

如果你係由2005年一開park 就留意並且已經愛上呢個park ge 話... 2006年summer 你應該都會記得有一個summer pass 同形式非常近似ge summer night party~ 又如果你將呢兩次活動作一個比較ge 話.. 你亦會發現今次呢個晚會係做得比較遜色~


2011年3月23日星期三

Tinker Bell 代你邀請朋友入迪士尼

HKDL 個facebook 平台放左一個五周年ge E-card 等你發邀請信俾friend 一齊入park~ 玩E-card 都唔係第一次~ 之前飛輪海即時打電話俾你都有驚喜la 係咪?? 今次佢地又想玩咩花臣??

其實就係Facebook 度搵list 上面ge 朋友.. 再輸入最近佢屋企ge 一條街道名~ 咁佢地就會配合Google street view 呢個function 令到Tinker Bell 應你要求飛出市區搵你個friend 出黎~ 即係點?? 睇睇~


2011年3月12日星期六

Star Guests 的故事

好~ 尋晚玩得太夜冇理到~ 不過Star Guest 不嬲都唔係B san 重視ge 活動黎~~ 今次就... 想唔想聽故仔先?? 我地黎一次Star Guest ge 故事~~ 呢個故事由Marketing segmentation 開始講起~ (我發誓真係冇預計過回顧特輯有Star guest 份~!)



其實由2005年開幕之後...園方已經意識到HKDL 呢個park 個人流量好唔平均~ 特別係香港呢個咁忙ge 地方~ 星期六日放假先會有多d 本地人入park~ 而星期一至五主要ge 客群都係唔需要返工ge 學生, 家庭主婦, 長者等等~ 但係呢班人都有一段特定時間係唔會入park~ 就係3~5月呢個考試季節~ 呢個係香港教育制度下所衍生出黎ge 獨有現象~

星級款待2011 : Hi-5 人物!

今年star guest 一個唔知算唔算值得高興ge 新項目... 個Hi-5 都唔知咩事.... 不過有d 平時少出黎ge 人物就比較驚喜ge.... 上年summer 發生greeter 唔俾人叫charater 簽名事件~ 今次呢本手冊擺到明係鼓勵你搵character 簽名~ 係咪算洗底呢? 希望唔會舊事再度發生la~
Dopey~ 其他小矮人應該仲係礦洞~

Green Army Men~ 園方係咪聽左d fans 意見呢?? 好想摸佢地件衫好耐~~! 哈哈~~ 拎d props 就好la~~


Atta & Flick... 對佢地冇乜感覺~ 好可惜唔係Russell 同Carl~~ (但magic 呢d 野好難講ge~ 唔好忘記仲有個晚會呢~)

Adventureland 人物~ Baloo 同Louie 上埋parade float~ 你地就紅la~~ 上年star guest 重點介紹你地出場~ 今年繼續留低~~

Goofy 同佢個仔Max~

仲有Pinocchio 同爸爸~ 就呢.... 大家應該會介意有d 唔關事ge 人係張相度~ (例如小弟~) 無謂破壞成張相美感~
記得入park 影相la~~

2011年3月10日星期四

迪士尼年票加價三成 幅度驚人 網友揶揄 議員炮轟

迪士尼全新「奇妙處處通( Magic Access)」年票價格昨在網上討論區曝光,按不同適用日期由過去分為尊貴、優越及特惠三大類別的「全年通行證」,分拆成白金卡、金卡、銀卡及紅卡共四類。白金卡與金卡的適用日子,與目前尊貴及優越相同,但新票較舊票平均加價三成。

長者票價加四成

以白金卡為例,成人票由 1,800元加至 2,400元,加幅 33%;學生及小童票由 1,250元加至 1,700元,加幅 36%;長者票加幅更驚人,由 1,000元加至 1,400元,加幅 40%。

網民一面倒批評年票加幅驚人,網民「超人」揶揄說:「個中文名叫『奇妙處處通』,處處通脹(加價),真係唔方唔奇妙喇。」

本報昨日就巿民批評新年票定價過高向迪士尼查詢,發言人表示,奇妙處處通今日正式推出,新計劃提供更多元化優惠及更具彈性的選擇,以滿足入場人士不同的需要與喜好。

旅遊業議會主席胡兆英表示,迪士尼 09年門票加價幅度約 19%,今次年票加幅遠高於門票,完全不可以接受,「物價上升係有通脹壓力,但係加到逾三成好誇張,應該同 09年門票嘅加幅睇齊先合理」。他指年票加幅似有意為今年門票加價鋪路,「年票加到咁,散飛好大可能今年暑假後加價」。

胡兆英續稱,長者白金卡票價加四成匪夷所思, 65歲長者已屆退休年齡,經濟能力較差,加幅較成人票為高並不合理,「老人家退咗休,想有個地方行吓,去迪士尼重拾童年夢想,迪士尼加成咁,剝削咗佢哋嘅童話夢想」。他強調,迪士尼不能以提供更多優惠來為年票的超高定價辯護,「兩者唔可以混為一談,所謂優惠唔係一定享用得到」。

立法會議員李華明則不滿謂,迪士尼本地人入場人次去年下跌 9%,立法會要求迪士尼提供更多優惠吸引本地人入場,但為本地人士而設的年票不減反而狂加價,做法背道而馳,向長者開刀更不合常理。

=======================================================

唉.... 又俾多一次機會傳媒攝位小~

其實官方都未正式公佈... 所以大家見到就算小弟係某forum 有留言... 都係笑個名改得核突.... 之前都係略略預告等大家有心理準備會出新system 順便加價...

但我好想為HKDL 講少少說話.... 大家只係睇到官方send 俾續年票者ge 通知... 入面只係得個表... 但其實新ge magic access system 係一個高科技ge 革命黎....

之前小弟係blog 度講過... 呢個新ge system 只係一個開端... 之後會有好多新ge 技術會伴隨呢張memebership card 出現... 由於呢d 涉及到未公佈又或者佢地唔想公開ge 技術~ 所以不便係度講~

呢個新ge system~ 聽聞園方有計畫作永久使用~ 亦都即係話閣下理應唔需要每年續證時換過張新ge 卡~ 相比起出左呢個新system 後一兩年先加價~ 不及一launch 就加價咁直截了當~

再講其實大家都預左新land 開幕後加價ga la~ MA system 今日開始~ 單單由今日計起一年內~ 已經肯定左有一個land 開幕la~ 係爭在唔知Grizzly Gluch 趕唔趕得切係下年三月前開之麻~ 更莫講你三個月後先join...你張證會唔抵玩咩??

升幅係比想像中大同不合依家個經濟環境~ 但我好同意一點... 打從2005年開幕起~ 去迪士尼玩一直都係luxury 同可有可無ge 活動黎ga wo~ 你大可以睇場戲行街食飯~ 呢d 係個人選擇~ 個park 都已經起係你屋企附近la~ 慳到機票錢過一個悠閒ge 下午~ 時間同地理上其實已經好遷就到我地~ 只不過個park 係唔夠大姐~

我只係覺得香港人一講到錢雙眼就會被蒙蔽~

市場係決定一切~ 呢個價係唔賣得ge 話~ 我唔信園方唔減價~ 但我又堅信隨住有新Land 開... 門票銷量唔會係一個問題~ 而且今次D 優惠都真係大家想要ge~ 並唔係迪欣湖踩單車果類... 而係真正用得著~

最後.... 其實大家作為fans... 我地遠比傳媒熟悉呢個park ge 運作同動向~ 不妨爆料時加多兩隻字解釋一下...  提醒返部分網友園方背後個原因.... 相信傳媒都冇咁易入到位... 最起碼唔會話「一面倒」批評先丫~

2011年3月9日星期三

官方公佈上海迪士尼第一期面積

上海傳媒刊登左一張上海迪士尼樂園渡假區ge layout~ 好detail 咁講左有乜同位置會係邊~ 第一期theme park 左上角仲有位係未用~ 所以都驚驚地ga~ 會唔會之後用埋呢 ~ 就第一期已經有四間酒店??? 會唔會多左少少?? 而且有兩條鐵路去到大門~ 好well organised~! 就第一期已經390公頃~


真奇怪~ 依家咁地咁樣安排法... 右邊好多位~ 但係左下角就冇位... 係咪代表佢地會繼續向外擴展??


感覺成個計畫已經漸漸露出水面~ 希望會快d 公佈~

2011年3月8日星期二

Danny Elfman 為迷離莊園配樂﹗

HKDL youtube channel 有update~ 就係先前黎香港一趟ge Tim Burton 御用配音大師Danny Elfman 為Mystic Manor 作配樂ge 訪問~ 雖然係好短一段片~ 但係對於大家一直認識ge HKDL 黎講已經係一個好大好大ge 躍進~ 大家睇睇段片先la~~

除左畫面中有影到MM 入面ge 情景模型外~ 當然今次呢段片重點都係介紹配樂~ 已經聽到主旋律~? Danny Elfman 講到佢想為呢個ride 作一首易入腦ge 歌~

2011年3月7日星期一

上海迪士尼公佈造價

滬迪首期投資僅245億

上海迪士尼樂園已進入建設階段,正在北京出席全國人大會議的上海市長韓正昨天就澄清,經批准的上海迪士尼項目一期工程總投資只是人民幣245億元。

投資傳為1715億

上海人大代表團昨天下午進行開放審議。 韓正代表回答在場記者提問時說,上海方面希望迪士尼項目能夠儘早開工,目前雙方正在共同努力做前期工作。

他又稱,此前在一些媒體上看到關於項目投資額的報道,是不準確的,「我要慎重地澄清,經批准的迪士尼一期工程總投資是245億元」。據悉,早前有內地傳媒曾報道,上海迪士尼的總投資額將達1,715億元。

上海迪士尼樂園項目於2010年11月在上海正式簽約,這是中國內地首個、世界第六個迪士尼主題樂園,其首期項目將於2015年建成開園。

===================================================

唔知佢地呢個價計唔計起鐵路~ 

提供返香港迪士尼開幕初期ge 資料~ (仲有邊度有咁方便快捷ge 資料? 維基la~)

香港迪士尼樂園度假區的興建費用於1999年估計為141億港元。港府向香港國際主題公園公司提供56億港元的貸款,分25年連同利息攤還。該公司另外透過商業借款籌收資金23億港元。

港府的總投資額是22.45億港元,其中包括上述32.5億港元的注資,相等於股權的57%。同時港府將額外獲得40億港元的附屬股權,代替香港迪士尼樂園的地價。由於竹篙灣當時尚未開發,港府須投資136億港元進行主要基建工程,包括建造聯外道路、兩個公眾碼頭、公共運輸轉駁處、港鐵迪士尼綫、警崗、消防局、渠務和排污設施,以及平整一塊面積有300公頃的土地。

所以如果上海呢個數係計埋鐵路同平整塊地ge 總建築費用~ 咁就同我地1999年預計HKDL 個興建費用差唔多~ 

但係.... 就算首項工程個費用係同我地差唔多... 文中有幾隻字係值得我地去留意.... 「經批准」.... 開幕之後ge 擴建計畫應該都唔會有咁快批准.... 唔好咁開心住.....HKDL ge 威脅係唔會咁易消除~ 

今次呢個情況同香港個情況完全唔同... 佢地d attraction 會因應中央要求而獨有~ 而諗都諗到中國大陸要插手管ge 事會比香港政府多同嚴謹... 而雙方股東個不平均勢力係逆轉...所以個人覺得.. 錢佢地係有... 但對於WDI 黎講唔會舒服得去邊~ 因為制肘會好多~ 希望仲會有disney feel la~ 但總括黎講~ 有錢就冇問題~

2011年3月5日星期六

Pin Trading Fun Day 2011

今年Pin Trading Fun Day ge 宣傳單張已經有得拎~ 比較令到我注意ge 係... 今次佢地用Toy Story 一班角色~ 除左係今年Toy Story 大熱外... 應該都係想keep 住呢齣戲個勢黎迎接TSL...