This is Mr. B: 11月 2011

2011年11月27日星期日

上海迪士尼將比香港迪士尼大三倍?

上海迪士尼帶來的服務業商機舉世矚目，將肩負上海下一個十二五朝第三產業轉型的重大任務。上海迪士尼將是香港迪士尼2至3倍大，同時規畫3個主題樂園，輔以上海國際旅遊度假區的整體建設。

迪士尼預計2015年末建成開放，正好將是上海十二五總體城市規畫最重要「成績單」之一。

據了解，雖然迪士尼專案建設需5、6年時間，但施工期僅2、3年。浦東新區副區長戴海波便指出，上海迪士尼樂園主題策畫一定會和中國本土文化結合，目前一期率先建設的公園主題為「神奇王國」。未來將會形成3個主題公園，最終的面積會是香港迪士尼公園的2、3倍大。

戴海波還透露，上海迪士尼不僅是主題樂園，還會輔以上海國際旅遊度假區整體建設，迪士尼區塊將發展成旅遊、度假、休閒、會展綜合功能區。

============================================================

大三倍?? 喔~~

都慣左上海佬得閒無事爆兩句攻擊HKDL~

兩至三年時間起... 其實咪同HKDL 當年差唔多~ 除非佢停晒全球樂園擴建姐~ 如果唔係冇可能會有足夠人手去做監督上海工程... WDI 係世上最一絲不苟同堅持ge 一team 人~ 唔會由得你亂咁黎~ 所以呢個咁大ge Project 如果只用兩年幾時間起~ 佢個規模應該應該會同香港迪士尼當年差唔多~ 又或者會係大規模但會缺乏Disney 最出名但最繁複ge 出品... Audio Animatronic~

小弟過去呢一年都有打聽關於上海迪士尼ge 消息~ 到呢一刻為止個結論都係.... 對香港迪士尼構成唔到大威脅~ 當然佢開幕個規模比想像中小都唔代表擴建項目唔吸引~ 所以HKDL 要做ge... 係要加快決定下輪擴建~ 依家其實已經初步構思好2013年後ge attraction... 撇除政府阻力後應該可以係上海開幕或第一期擴建開幕前完成~

上面新聞個戴海波指出SHDL 比HKDL 大三倍~ 係將佢地最終總面積同香港現時開放ge 面積比較~ 又係玩弄數字ge 技倆~ 中間個湖都霸左佢四分一地la~~

只要HKDL 發展左Down Town 同第三間酒店~ 再發展埋第二期樂園... SHDL 亦都唔會大HKDL 多於兩倍~

2011年11月21日星期一

Toy Story Land 開幕典禮

今日係TOY STORY LAND 同SPARKLING CHRISTMAS 聯合media day~ 不過朝早就集中左係TSL 度~ 而黃昏至晚上就會係X'mas 兩個新節目ge 首演~

上次小小世界無緣親身見證開幕~ 今次TSL 開幕都算係一個好奇妙ge 一刻~ 好可惜中段天公不造美落左少少雨~ 呢半年黎B San 係咁激讚HKDL 越來越似返一個Disneyland~ 用返故仔同magic 去包裝~ 今日呢個開幕儀式都係有故仔~ 一開幕就聽到對講機中綠色士兵隊長Sarge 把聲~ 話有一批新玩具黎左~ 之後就見到一班綠兵列隊出黎~

原來台上觀眾全部都係新玩具~ 咁之後就請左我地個代言人出黎.... 即係大使同Bill Bill~ 講ge 內容都係話TSL 會為HKDL 帶黎新ge 一頁~ 而仲有兩個新land 準備會開幕咁樣~

之後Woody 同Jessie 就突然衝上台~ 佢地都表示好開心~ 等左好耐la~~ 呢個大本營終於開幕~! 而佢地都可以長駐係度~~

呢個時候就請左政府高官黎到台上... 綠色士兵搬左個遙控制作啟動儀式 (話明開幕ma~).... ar~~ 乜個remote 咁熟口面ge!

一按... 後面RC Racer 就啟動~~!! 係wo!! 呢個係RC 個遙控器黎~~

一個簡單而隆重ge 揭幕儀式就咁完結~ 都算係一個不過不失同保險ge Disneyland 新land 開幕禮~ 仲有兩個land ar~ 好期待佢地有咩特別ge 慶祝方法~~!!

咁今日有冇開放到TSL?? 又係Media Exclusive la~~ 不過ok la~~ AP / MA 個個都玩過晒~~ 行下睇下有咩特別野~~ 咦?? 呢部奇妙鑄幣機.... 係廁所出面ge?? 唔係應該係火車頭果邊會比較方便咩?? 可能係因為... 呢度係成個land 唯一非露天ge 公共地方....