2011年12月26日星期一

Grizzly Gulch 地圖

繼Toy Story Land 後... 仲有半年就會開幕ge 新主題區Grizzly Gulch 都將會同大家見面... 其實樂園地圖一早已經出現左.. 不過次次都有野遮住... 唔係land logo 就係話coming soon~ 總算有一張係清清楚楚冇野擋住la~~ 可以一覽呢個新land ge 地貌~



Grizzly Gulch 會有一座過山車同一個玩水設施... (仲有其他「遊樂體驗」) 故事講述呢度曾經係一個淘金小鎮... 最近發展成一個新興ge 旅遊景點~ 原本旅程尚算安全帶你去參觀礦場~ 但一群住左係度ge 灰熊攪攪震令到你呢次旅程驚險重重~!



WDI 話今次呢個Project 會係佢地創作過咁多座迪士尼過山車中較為刺激ge 一座~ 甚至會係HKDL 有史以黎最刺激~~ 即係比RC Racer 更強~~ 睇地勢就唔及Expedition Everest 咁高~ 但係由於倒退果段路都有一定長度~ 向後移動所感受到ge 離心力會比向前移動強勁~ 所以呢座過山車刺激度應該都唔會弱得去邊~ 再者HKDL 正正係想轉形打入年青人市場~ GG 規劃已久絕對唔會係hea 野~ 只不過係用可愛ge 熊仔包裝~

上wiki 睇過Expedition Everest operational hourly ride capacity (OHRC) 有2050人~ 照計返每架車最多可乘坐34人... 可以得知每程車約相隔一分鐘開出...

而HKDL Space Mountain 以每半分鐘開一車12人黎計... OHRC 有1440... Big Grizzly Mountain Coaster 旅程中有兩次轉軌.... 停低火藥庫內有一段熊仔引爆炸藥show 要睇... 停低都要時間... 似乎又唔大機會可以30秒就出一架車... 但如果照EE 每一分鐘送一車24人走... OHRC 就只可以同Space Mountain 一樣... 每小時得1440人次... 比TSL 三個Ride 總和仲要少.... 簡單黎講... 快又唔得慢又唔得~

由以上呢一段數字可得知... 迪士尼遊樂設施並唔係大家想像中咁簡單~ 所有野都要計算得好準確... 呢個亦係佢地要用幾年時間起... 同用半年時間做測試ge 原因~ 幻想工程師~ 唔只係識得畫畫同發夢ga~

2011年12月21日星期三

Mystic Manor 消息更新

今日Disney and More 刊登左一篇有關HKDL 兩個新園區ge 消息~ 不過主要都係講Mystic Manor~ 其實都同小弟講ge 資料有吻合之處~ 歸納以下幾點同大家講~



1. Grizzly Gulch 會係明年夏天開幕... 同時MP 條路都會打通方便疏通人流... MM 會係2013年春天開~ 

2. 一個外國Forum ge 無稽傳聞... 話GG 會retheme 做Woody 西部樂園.... 愚人節?? 如果係改就唔會到容許熊仔idea 放係擴建預覽中心la~

3. Henry Albert 由真實比例改做卡通角色~ 呢個早兩日小弟篇「偽」VIP post 都有提及過~ 但原來入面都仲有其他更改~ 例如火岩神改左一個冇咁似人類ge 樣~

4. 除此之外Ride system 都仍然係無軌~ 而且溫室得以保留~

5. 上海迪士尼開之前... HKDL 有望開多一個至今仍未公佈ge project~

暫時都冇咩特別~ 如果各位知道GG 有咩街頭表演... Saloon 有咩小食等等~ 歡迎提供消息~!

2011年12月20日星期二

深入後台專訪: 小蜜蜂的一天

HKDL 俾記者入後台拍攝~!! 仲要係入到去Magic 心藏地帶Entertainment 大樓~~ 咩傳媒咁巴閉?? CNN 是也~! 注意~ 以下片段包含後台彩排片段.... 當中包括飛天巡遊Winnie the Pooh 充氣前ge 模樣~ 亦都會深入化妝間~ 請三思而後CLICK~



有人話過... 冇performer ge parade 只係一堆外形比較古怪ge 車~ 絕對感覺唔到夢幻wo~ 所以表演者對於迪士尼show 黎講係非常之重要~ 上面片段隻蜜蜂好熟口面... 因為佢大約一年前已經以同一身份透過報章同大家見過面~ 佢係官方授權不受魔法所限制ge 表演者 Stevenie~ 其實佢都係HKDL 有一段時間~ 自己諗下仲係邊度見過佢la~~



對上一個比較深印象准以真身示人ge... 已經係Angela.... 如果Angela 係Bebe ge 永恆代表~ 公平地講~ Stevenie 都有返個代表作la~ 就係飛天巡遊ge 蜜蜂~ 亦都係代表緊一眾bungee 表演者道出背後ge 努力~

希望HKDL 會多d 同傳媒做多d 呢類型ge 訪問~~ 非常好睇!!

*題外話... 就算Fans 群人人都認得出Angela... 都無損佢繼續同迪士尼合作... 除左過去黑色世界客串過返黎做MC外... 佢都會為迪士尼電影粵語版唱歌~ 最近一齣就係幫Princess Rapunzel 配上動人歌聲~ (當然...我仍然係原聲支持者!!)

http://www.youtube.com/watch?v=cIeDCaTms18

2011年12月17日星期六

港迪士尼營運創新高 正計畫繼續擴建

香港迪士尼樂園今年的入場人次和收入,創開園以來新高,預計聖誕和新年旅遊檔期,會吸引更多遊客。

香港迪士尼樂園行政總裁金文豪表示,今年的入場人次及收入,都錄得雙位數增幅,創歷年新高,其中來自台灣及新加坡的遊客人數,增長更超過六成。
金民豪說:「我們在過去兩三年,在海外推廣的力度是增加了很多。我們現在東南亞和國內,都有差不多一千多個合作伙伴,所以多了這些合作伙伴之後,自然就增加了我們的入場人數和人流量。」

金文豪說,現時樂園酒店的入住率已超過九成,而自從新的園區反斗奇兵,上月開幕以來,遊客增加兩成,預計聖誕和新年旅遊檔期,會吸引更多國內外遊客。

金民豪說:「在未來幾個放假的高峰期,我們應該都看到一些(遊客)增長的。聖誕節應該是一個挺好的旺季,接著今年很快就農曆春節,一月底的農曆春節,我們都認為國內的需求應該都很旺盛的。」

據悉,樂園認為最快有盈利回報的投資是興建新主題區遊樂設施,其次是酒店及購物店舖,故在一三年完成第一期擴建後會繼續擴展樂園的遊樂設施,港府都有意繼續擴展樂園。此外,亦會興建第三間酒店,至於已預留土地興建的大型購物商場則會配合二○一六年港珠澳大橋落成而興建,樂園預計港珠澳大橋落成後,樂園因坐落在大嶼山受惠於地利,遊園客量會大增,足以支撐購物商場的營運。


另外,香港迪士尼樂園度假村行政總裁金文豪昨接受電台訪問時表示,迪士尼正與機場博覽館及昂坪纜車組織「大嶼山經濟發展聯盟」,推動大嶼山的旅遊和會展業,並期望將機場的海天碼頭用作關口,促進人流和交通;又希望改善區內景點的交通接駁,預計明年向政府提交具體建議。

====================================================================

表現好... 講野都大聲D... 金生竟然建議政府做野~!! (似乎係比預期好好多~) 配合港珠澳大橋而發展大嶼山~ 咁發展得大嶼山.. 自然唔少得Disneyland Resort 自身~ 其實即係HKDL 建議緊政府俾渡假區繼續發展~

TSL 開幕帶動人流~ 相信下年暑假灰熊山谷開幕會帶更多本地市民入園~ 所以樂園同政府都有意繼續擴建~ 咁就好la!!! 小弟聽到果個plan 有好大機會成事~ 最驚政府又阻住晒~!!!

而由於依家渡假區兩間酒店入住率已經飽和~ 所以第三間酒店個plan 都將會成事~ 果然上次「酒店翻新」段PR Show 係為左放風擴建~~!

Down Town 會配合港珠澳大橋而興建~ 即係2016年前後Down Town 都會開放~ (商場?? 呢層我有保留... 因為同一段新聞錯將Mystic Point 講成下年開幕~ 似乎細節係唔準確...)

HKDL 抬頭la~~ 如果個CEO 講野唔好再口窒窒好似成日做左虧心事咁就好~ 叫金生向林保怡偷下師先~

擴建資訊 (12月號)

點解時間過得咁快?? 2011年仲有十幾日就完結~ 今年你要做ge 事係咪已經做好晒~?? 小弟自問今年已經達成左自己心願~ 但希望黎緊一年會有明顯ge 進步~

香港迪士尼兩個擴建園區都有明顯ge 進度~ 首先大家見住由零開始ge 灰熊山今日已經上左底色~ 只係底色黎姐~~ 呢度係迪士尼~ 唔會咁hea 你la~


黎個全景~ 係樹屋望過去仲矮過Disneyland Hotel~ 希望企入園區會覺得佢宏偉la~~


路... 已開始成形~ 呢度係馬戲班入山谷ge 通道~


望左佢成年ge 隧道~ 配合佈置已變得充滿礦場feel~



山峰下ge 建築物群~


背後係火藥庫~ 前面見到莊園大閘


到莊園~ 由Toy Story Land 睇過去~ show building 外牆已經上色~


但係同最初發佈ge 紫色系有出入~ 反而係跟返今年較早前D23 Expo 個外觀~



又「人人都係VIP」咁漏少少料la... 原本Lord Henry Mystic 個設定係同Tokyo Disney Sea 個Harrison Hightower III 互相呼應.. 首屆D23 Expo 出晒Rendering 係用真人比例同寫實Audio-Animatronic~ 搞到佢兩個個樣都有d 相似~ 但係由於Harrison Hightower III 個性格係終極奸險...孤癖同自私~ 而Henry Mystic 性格係好客...外向同正直~ 基本上佢兩個係極端ge 人物~ 所以你見到WDI 由最初concept art 之中ge 真人look Henry~ 到依家更改左佢同馬騮仔Albert 個外貌做比較卡通親民~ 黎配合返個人物性格同故事發展~



同時間... 原本大宅個陰沉紫色系亦都唔係咁襯個故仔~ 個ride 故事本身suppose 只係單純參觀Henry 屋企~ (認清故事背景後~ 就會明白點解WDI 計畫MM 有農曆新年版而冇Halloween 版~) 冇人估到音樂盒會作怪ga~ 呢個莊園其實一d 都唔迷離~ Mystic 只係屋主個姓氏咋~ 所以就有左今日呢個全新色系~ 我估... 又或者話係我希望... 到夜晚可以用返紫色射燈呱~



Adventurers Club~


睇片la~


飛天巡遊模型+Dancer新衫設計圖曝光

希望今晚會有更多有關HKDL 五周年活動ge 資訊曝光~~! 唔知今日到香港傳媒發佈會有咩新料呢?? 睇上次程可為話會有Castle 亮燈~ 依家大家睇到呢篇blog 如果趕入park 會唔會睇到個亮燈??

香港仲未有消息之前~ 我地繼續睇睇上海個發佈會~ 原來佢地放左模型出黎~ 你以為得擴建先有模型?? parade float 都有~ 問你驚未?? 呢d 就係迪士尼~!!

睇睇個模型.. 其實今次呢個parade 都有少少挑戰到物理定律~ 唔好講其他float... 只係呢架米奇飛船... 模型要用個支撐物托住先夠放出黎~ 到底佢地會點樣將呢個idea 變成事實?? (不過傳聞中呢架車係有前傳~ 果個版本更挑戰物理定律~ 唔知係咪因為太浮誇做唔到先改做呢個design~) 只係用車尾一支杆頂住~!!


2011年12月15日星期四

今日人人都是VIP

講完上海又要返返黎香港呢邊~ 順便公告呢個Blog 都改左版~

1)有好多網友表示cover page 令到大家混亂而miss 左某d 更新~ 所以依家還原基本步剷走cover page~

2)每一篇blog 上方已加入左Facebook 連結~ 大家覺得值得share ge 話歡迎click LIKE~

3)與此同時為預計因大家share 而click 入黎ge 朋友了解三個新擴建區~ 左邊加左三條link~ Toy Story Land 直接連去官網~ 而Grizzly Gulch 同Mystic Point 介紹會連去Hong Kong Main Street Gazette 相關文章~ 佢地呢兩篇的而且確係講得好深入~ (小弟BLOG 比較亂....) 值得大家去睇睇~

仲有唔夠半年就會開幕ge 新主題區灰熊山谷理應已經進入最後階段~ 上個月反斗奇兵開幕時金生講過好快就會試車~ 大家要多d 留意la~~ 如果要感受一下零同胞ge 試玩快感... 記得續證ge 時候唔好再買平pass la~~~

三個已公佈遊樂設施灰熊山極速礦車... 噴泉山谷水樂園.... 灰熊山谷自然徑



今次呢個版本係以熊做主題, 坐礦車遊覽ge 時候多得呢隻熊R背脊... 我地由Tunnel 8 轉去死路一條ge Tunnel 4....



而中途會見到一班唔太友善ge 熊.... 亦會衝上一個冇得前進ge 斜坡... 將你拉返落山..... 去到一個火藥庫....


好可惜又係呢班熊令你一次又一次陷入險境.... 貪食ge 熊會唔覺意引爆炸藥...


爆炸力將你連人帶車彈出去... 濺起噴泉山谷ge 水....



臨尾都仲要見佢地一次~


呢座過山車每一刻都充滿住刺激ge 視覺效果同離心力~ 園區仲有一個大型ge 玩水設施噴泉山谷水樂園... 仲有一條自然徑~ 睇下呢個山谷ge 地質面貌~ 包含住幾個影相位~ er.... 聽講都唔只係一條路咁簡單ge~ 2012年夏天開幕~

=======================================================================

由於Mystic Point 建築物搞得實在太快~ 同2013年仲有咁多時間... 引起小弟ge 求知慾~ 多番調查後~ 有幾方消息指出~ 依家外牆搞得咁快~ 其實係想趕工係Grizzly Gulch 開之前完成~~

咪住先~!! 唔好咁開心住~ 未有得玩住ga~~ 係因為GG 同TSL 開左之後呢個area 就有兩個掘頭路出現~ 如果MP 唔開就幫唔到兩個land 散人流~~ 所以MP 會暫時成為一條通道俾大家往返兩個新land~~ Henry 仲未放晒佢d 收藏品入大宅~~ 等多段時間la~~



其實咁樣做都可能係想通埋TSL 另一個出口~ 依家煙花影響到TSL 每日個半鐘運作而需要提早閉區~ 有多條路散到人... 有機會玩到放煙花wo~~

=========================================================

較早前都同大家講過2012年HKDL 同國內一個網上媒體平台合作~ 成為2012 年HKDL 一個官方ge 宣傳頻道~ (因為國內係上唔到youtube 呢類有機會宣揚到反共思想ge 平台~)

呢個國內平台近日update 左TSL 後都有順道預告到2012 HKDL 有咩大作~ 下年焦點一定係灰熊山谷ga la~~ 不過佢地都有講到山谷開之前ge 活動~ 黎緊係龍年~~ 係中國人心目中特別有意思~ 不過好可惜由於TSL~ 今年CNY 都唔會有大ge 慶祝活動~

LINK: http://all.vic.sina.com.cn/HKDL/2012.php


除舊歲,迎龍年!龍年呈祥,香港迪士尼樂園將於2012年1月13日至2月5日期間,展開熱鬧非凡的賀歲節目。龍年賀歲,氣勢磅礡的舞龍表演將齊齊舞動於美國小鎮大街,見證新年新氣像,到處喜氣洋洋!想在龍年吉祥行褔運?園內迪士尼特色金龍裝飾園藝裝置,為你添福添運!更有《花木蘭》的木須龍恭迎您觀賞。

有木須龍ar~~~ 總算出返黎la~~ 好掛住你ar~~ 雖然冇左木蘭... 個舞龍表演應該會係回歸返幾年前冇車仔ge 版本~ 上圖右上角見到活動名 - 迎龍接福~~ 雖然張相見到幾位character 都係著舊衫~ 但以過去呢兩年HKDL 個做法~ 我估今次都會係新衫呱~



中間仲有Star Guest... 不過都冇講到detail 有d 咩~ 所以唔講la~~

到Grizzly la~~~! 灰熊山谷的故事背景設定於1888年8月8日, 一群淘金者在一個最幸運的日子建立淘金小鎮, 但有一群大灰熊在灰熊山礦業公司大搞破壞, 橫穿整個小鎮的灰熊山極速礦車失靈在崎嶇的山路上瘋狂馳騁。



最特別是刺激的「灰熊山極速礦車」。這次是迪士尼第一次設計一個開放型的高速過山車, 概念是將整個過山車路軌攤開, 在中間放置不同的地勢佈局, 過山車會穿越整個主題區, 載著賓客或衝上山巔或穿越地下。這將是香港迪士尼樂園最刺激的遊樂設施, 甚至是迪士尼幻想工程團隊創造過最令人興奮的過山車之一。



這個主題區將四處充滿歡樂笑聲, 故事中的小鎮原來建築於噴泉區, 令地面開始下沉, 所以賓客可以在巨大的噴泉及各式各樣的流水佈局中躲避水花四濺, 還可以拍照記錄狂野西部歷險經歷。


短短三段就介紹晒成個區backstory~ 有一座過山車同玩水設施~ 亦都見到擬似正式名稱「灰熊山極速礦車」... 煲到咁強話係HKDL 最刺激ge 設施~ 即係仲要刺激過依家RC Racer wo~~!! 仲要話係WDI 創造過最勁ge 過山車之一wo~~~! 期唔期待先??

2011年12月11日星期日

渡假區酒店房間正陸續翻新

迪士尼樂園完成首階段酒店翻新工程,其中迪士尼好萊塢酒店已重新佈置200多間房間,當中行李架破損較多,需要加裝防撞膠板保養,而另一酒店則於2014年展開翻新工程。迪士尼強調,由於遊客人數日漸增多,為保持樂園新鮮感才翻新,並非因為酒店設施折舊嚴重。



迪士尼酒店營運總經理何慧思接受訪問時表示,今年樂園兩間酒店的入住率達九成以上,而上月「反斗奇兵大本營」開幕,吸引更多遊客入場。因正值聖誕旺季,本月酒店入住率更達99%,其中24至26日及除夕31日,預訂房間兩三個月前已爆滿。

聖誕入住率達99% 內地客急增

內地遊客消費意欲強勁,何指出,樂園的內地遊客比例由過去的三成增至四成,本地客亦接近三成,其餘為外地遊客。重複到樂園遊玩的常客亦有上升趨勢,園方除增加樂園設施,亦希望酒店服務能給遊客「新驚喜」,故樂園開業6年多後,為兩間酒店合共約1000間房間大規模翻新。



翻新逾三分一房 料6月完工

擁有約600間房間的迪士尼好萊塢酒店,9月起至今已翻新超過三分之一房間,主要是粉飾天花牆紙,更換窗簾、地氈、鋪,並拆掉衣櫃門但保留衣櫃,增強房內空間感。何慧思表示,房內行李架損壞較嚴重,翻新時要加裝防撞膠板保護。房內家具則保留,並維持酒店風格,她預料明年6月完成該酒店的所有工程。

香港迪士尼樂園酒店亦將於2014年展開翻新工程,預料需時一年,同時考慮改裝20間普通房成為「公主」主題房間,是全球首設,料2013年啟用。聖誕期間亦提供「房間佈置」服務,並將擴大「公主攝影室」及「遊戲室」等設施空間。此外,由酒吧改裝而成的華特餐廳10月時重開,餐廳掛滿創辦人華特迪士尼的珍貴照片和手稿,充滿美國風情,購買208元套餐,更可享用自助前菜和甜品。

 

====================

都係一個好消息~ 唔駛間間房都一樣~ 等人有多d 選擇~ 但係睇完呢篇報導之後有野唔明~~ 今年九月已經開始左搞Hollywood 酒店房~ 預計下年6月完成... 但係要到2014年先會進行迪士尼樂園酒店ge 翻新工程~ 咁中間呢兩年做咩!?? 就係改20間新ge 公主主題房??

依家只係開左TSL 一個land... 個酒店入住率已經達到九成滿... 而且重要日子要三個月前book... 咁之後兩個land 開左係咪應該預計會入住率100% 呢?? 咁點解佢地仲未公佈擴建酒店ge 計畫??

依家呢個價格已經可以達到90%滿~ 如果冇新酒店計畫.... 根據Demand Supply... 咁即係將會持續性加房價~?? 實在太可疑la HKDL 個方針~

================

有網友提供到呢張圖... 咁就係度Post 埋出黎la~~ 話說其實我地ge Hollywood Hotel 依家仲未係完整~ 因為原定呢間酒店係會有擴建~~ 而呢張藍圖就顯示左規劃兩座新翼ge 範圍~ 為左方便各位睇到... 小弟勾左兩座新翼ge 外形輪廓出黎~



而以下呢張衛星圖就係現時酒店ge size~ 其實呢塊七英畝ge 大草地真係幾靚~ 我估用黎搞wedding party 應該都ok~ 而之前園方就係度搞過夏令營~ 照藍圖擴建後可以提供ge 房間數目理應係依家兩倍~


有網友認為園方較早前為渡假區兩間酒店所發佈ge 「翻新專訪」.. 有可能係為擴建放風~ 因為貿貿然話要起新酒店 / 新翼~ 外面d 人可能會覺得依家入住率都唔爆.. 點解仲要起呢?? 但話左俾傳媒知原來兩間酒店已經入住率達九成以上~ 咁係時候要起la~~

到底呢個推論正唔正確呢?? 真係答唔到~ 等多陣就會知~

2011年12月10日星期六

2011聖誕貼紙

就係咁~ Total 10款~ 因為TSL 開幕後HKDL 就有五個園區~ 所以今次活動每個園區各派一款~



聖誕E-CARD

HKDL 官網出左聖誕E-CARD page... 大家又可以send 聖誕祝福俾朋友la~~ 今年個重點就梗係Toy Story la~~



有四款「片頭」animation~ 而卡ge 背景都可以揀~


仲有四個Toy Story 人物俾你揀~ 冇記錯ge 話呢d motion 似係第三集上映ge 時候電影官網出現ge 動畫~~