2012年12月30日星期日

迪士尼雪亮聖誕2012 - 印刷品

今個星期HKDL A Sparkling Christmas 就開始~ 所以今日星期日都已經換左新Times Guide.. 不過Map 就未轉ge~ 但係... 點解咁似曾相識?? 似乎又係玩砌圖... 不過唔係新圖就咁post 算la~


2012年12月29日星期六

Magical Moments with Mickey and Minnie

奇妙的事... 就在不經不覺之間發生.. 繼上次Post 過幾張Goofy pose 相後~ 今次到兩位老闆~ Mickey 同Minnie... 有佢地ge 地方就需要排隊... 而且因為處於Town Square 正中間... 佢地兩位就算少人排極都冇乜機會可以好似Goofy 咁閒逛~ 所以要見到佢地特別ge 一面並唔係易事~ 


2012年12月25日星期二

Fast Pass + 時代正式降臨

較早前小Blog 都有為大家介紹過Disney 研發左一個智能系統... 可以為每位guest 度身制訂屬於自己fast pass 系統~ 而且比現有技術更方便更省時~ 最後可達到提升每位賓場入場experience~ 以科技改善生活~ 呢個Fast Pass + 系統已經喺WDW 度進行緊測試~ 不妨睇睇測試者如何評價~

首先呢個新系統仍然處於測試階段.. 所以會用一張卡去暫時試住先.. (最後有機會變成手帶)

入口turnstile 會全數被拆走~ 因為呢個新科技會以以下呢一種識別系統代替~


2012年12月24日星期一

新一批太空戰士任務開始

小道消息指出~ 一眾駐守喺明日世界太空港口ge 太空戰士任務今日即將完結~ 取而代之聽日會有另一批太空人接手!!



太空戰士~ 多謝你地呢七年以黎對呢個外星港口ge 貢獻!!

其實以上呢張相已經年代久遠.. 如果你有發現的話短袖的Tomorrowland 上衣已經消失多年~

-------------------------------------------

聖誕老人禮物之一.. 新一批太空戰士已經接手管理明日世界~ 歡迎你地! 請繼續保衛銀河和平!

本港兩主題樂園擴建資訊

本港兩個主題公園明年也進行擴建,海洋公園將重為兩間酒店招標,據悉當局為免再因補地價太高而流標,在條款加入彈性,包括由投標者自訂地價,待公園選取幾個較優勝標書後,才由政府決定地價最高者奪得。迪士尼樂園則會建新園區,設吸引kidult(大細路)的刺激遊戲。



迪士尼新園區迎合kidult

兩酒店本擬今年陸續落成,但公園去年收回標書,有傳是政府開出補地價太高不夠吸引。消息透露,今次招標條款會有彈性,由投標者「出暗標」自訂地價;園方先審視計劃內容,選定幾份適合計劃,再交政府拍板,政府會審視標書內容及地價,「可能會揀地價最高嘅,價高者得。」酒店最快2015至16年落成。公園擬建的全天候室內水上樂園等,明年亦會進行財務研究。消息指,因公園首輪擴建已花費55億元,要再自行舉債,政府研究給予財務協助,但仍需視乎立法會及公眾是否支持。

另外,迪士尼樂園首輪擴建只餘明年落成的迷離莊園,政府及華特迪士尼正進行下一輪擴建談判。據悉,一個擬建園區商討已接近完成,主題會迎合kidult建刺激遊戲,亦包括一間主題式酒店。


--------------------------------------



香港迪士尼呢邊就... 有個園區接近商討完成~ 佢公唔公佈都唔係問題~ 但希望起呢個新園區唔需要再經過立法會la~ 咁成個過程可以順利d... 而喺全港性缺乏酒店情況下... Disney 酒店要傾撥款會比較容易d ge...

希望下個月公佈業績時會有更多消息~

----------------------------------------------

面對上海迪士尼樂園一五年開園及新加坡環球影城啟用後大量吸客,香港旅遊設施若不「增值」將失去優勢。據悉,美國華特迪士尼年前在香港迪士尼樂園轉虧為盈後,已與港府磋商擴建規劃,港府亦表支持,但「貪曾」前特首曾蔭權爵士領導的政府繼續議而不決,既憂慮香港迪士尼的儲備資金有限限制了擴建速度及規模,又害怕美國華特迪士尼注資而港府不同步加碼就失去香港迪士尼大股東地位,更憂注資不獲立法會批准撥款令本港旅遊業陷入危機。

香港主題旅遊樂園面對鄰區的挑戰,新加坡環球影城自二○一○年五月投入服務後,吸引大量外國遊客遊覽,影城名勝區現正規劃新的景點及遊玩工程。同時,上海迪士尼樂園工程正如火如荼,預期在二○一五年開園,吸引內地及附近地區的遊客,該兩個景點旅遊區均搶走一定訪客人次。

憂美注資港變小股東

反觀香港,香港迪士尼樂園新增的三個主題區,隨着明年中「迷離莊園」開幕而全部工程完成,樂園雖然明年會加插多項新節目作賣點配合,刺激旅客入園意欲,但長遠仍要擴建新主題區才能擴大樂園面積及增加客量,增設遊樂設施最快回本,又能帶動園內零售、飲食及酒店入住率,故樂園計劃依次先增建遊樂設施,再興建酒店及購物商場。

按迪士尼○八年起公布的帳目,樂園截至去年因折舊攤銷備存的款額約三十二億元,即使港府將分紅留作擴建,資金亦有限。消息指「起間酒店都要幾十億喇!」若要儲備足夠「彈藥」才動工擴建,將錯失時機,所以除向銀行貸款外,增加注資是另一選擇。

據悉,美國華特迪士尼年前已發現競爭對手的威脅,故向港府提出擴建園區計劃,但當時的曾蔭權政府並沒有積極回應,迪士尼今年初再提出修訂擴建計劃,亦未有結果。消息人士說,「如美國華特迪士尼增加注資,港府就會變成小股東,港府未必願意,但向立法會申請撥款,又未必獲通過,(港府)都好頭痕。到底係借貸定融資都要有個決定,先可以動工。」

另一消息人士指出,香港一地難求,更遑論要增加新旅遊景點,早前有英國公司申請在昂坪興建「生態飛索滑行之旅」,即使只動土興建幾條鋼柱亦遭否決,倒不如在現有主題公園內更新、擴建或加入新娛樂元素來得容易,總之要有延續性,令遊客覺得有新嘢玩,值得去完再去。

立法會議員姚思榮支持迪士尼擴建,因該樂園規模不大,必須擴建才能保持競爭力,但需要獲得中長期回報資料、擴建後客量預測,以及對香港整體經濟效益等資料作支持。另一議員謝偉俊則對港府應否再注資入迪士尼持開放態度,主要考慮有否足夠理據支持。

至於海洋公園,最快下月會公布兩間酒店招標詳情,公園亦正籌建新主題區水上樂園,由於海洋公園非港府擁有,在擴建部署及融資安排的自由度較大。

-----------------------------------------------

被喻為「香港人的主題公園」的海洋公園與空降的香港迪士尼樂園,一直被外界形容是吸引遊客的競爭對手,但經過七年的比併及磨合,從客源特色可以區分兩個主題公園的特長。論客量海洋公園奪冠,人流每年創新高;但若論盈利,迪士尼則是海洋公園的三倍。消息指,海洋公園較受團隊旅客歡迎,迪士尼則以個人遊旅客為主,並以高消費一族為對象。

銷售精品狂吸金

據悉,香港迪士尼樂園盈利躍進,除因新建主題區有新的吸引外,之前亦找來理工大學合作,按近年訪港旅客量,估算出不同月份及每日的旅客入場人次,針對客群的喜好去推銷相關產品。例如中國旅客愛買小飾物,馬來西亞旅客愛買擺設,香港旅客愛買紀念品,日本旅客愛收集迪士尼不同的產品等,樂園針對不同地區客群較多的入園日子,在店內顯眼的地方擺設旅客喜愛的產品促銷。

迪士尼樂園每日更估算入園人數,作採購食物量的基礎數據,既可減少廚餘,又可節省開支,因為要應付不同時段人流,可靈活安排上班人數,減省工資及成本,去年和今年成功轉虧為盈。

2012年12月22日星期六

Glendale Sanitarium

Disney and More 發表左一篇新文章~ 講到WDI 構思迷離大宅外觀時所參考ge 建築物~ 



可click 入呢度睇睇

2012年12月19日星期三

灰熊山極速礦車藍圖

小弟仍然係非常在意今年ImagiNations 參賽作品個質素... 到今日見到有相關新聞稿... 再比較返上年冠軍俾我地話係抄橋ge 作品 (請click 入呢度重溫) 原來上年個冠軍隊伍已經非常用心~ 雖然兩屆冠軍都係黎自同一院校...

現實中WDI 係如何去present 佢地個意念? 以下呢張圖相信留意開香港擴建資訊都唔會感到陌生... 呢張圖係Big Grizzly Mountain Run Away Mine Cars layout~ 好清楚地scene by scene 指出有咩睇.. 亦將軌道分成三段~

呢張圖喺2011年summer D23 Expo 度出現過~ 之後亦喺HKDL 向傳媒解釋擴建進度時用過.... 換言之呢張圖係WDI present Grizzly Gulch 呢個園區時必備ge 設計圖~



全張平面圖~ 簡單易明兼吸引... 單拎住呢張圖就present 得晒成個故事~ 唔需要塞好多野落去~ 一個好ge idea 唔會因為你冇準備到泥膠模型而present 唔到...

或者係因為我仍然在意「冇Disney Character 就唔係Disneyland」 呢一句說話.... 所以搵左呢張圖出黎.... 當年因為Glacier Bay 敵不過「Disneyland 就應該有Disney Character 」呢個一般市民所持ge 概念... 一個大好plan 最終被扼殺而變成複製巴黎現有園區Toy Story Land...

經過多月同Walt Disney Imagineering 接觸後... 參賽者應該感受到WDI 工作熱誠同創造力... 但到比賽完結仍然有參賽者持有以上態度... 咁到底呢個比賽過程中有冇學到d 咩呢?

好希望將來會見到更多original idea 喺香港ImagiNations 出現~ 而我亦相信呢個比賽越容許更多不同地區學院參賽~ 越能激發出參賽者潛能... 畢竟香港彈丸之地左手同右手鬥真係會冇乜鬥心...

迪士尼幻想工程香港挑戰賽2012 - 新聞稿



近日,迪士尼幻想工程香港挑戰賽2012決出冠亞季軍,就讀於薩凡納藝術設計學院(SCAD)香港分校的4位同學憑藉出色的創意以及對迪士尼故事的理解獲得冠軍。圖為華特迪士尼幻想工程創意發展及演出質量總監韋愷禮與迪士尼幻想工程香港挑戰賽2012冠軍隊伍在獲勝作品「墨泉源」前合影。



冠軍:戴佳仁、鐘欣岐、李秉彧、程文樂
院校:薩凡納藝術設計學院香港分校
作品:Project Inkwell



唐老鴨一直是迪士尼的經典卡通人物,但在香港的迪士尼園區裡面一直沒有以其為主題的設施。冠軍團隊的四位成員借此構思,希望以唐老鴨為主線,帶領賓客回到經典的黑白卡通時代。這一款名為《Project Inkwell》的主題樂園設計為做到老少皆宜,特意制作了兩條遊玩路線,既有為年輕人量身制作的「唐老鴨試車」線路,還有為親子設計的「木桶飄流動畫山洞」路線,賓客可在入口處自行選擇適合的路線。

據主創鐘欣岐介紹,「唐老鴨試車」(Crash Test Coasters) 其實就是一個疾速過山車的探險歷程:唐老鴨和他的叔叔在研製汽車,為測試性能遂找賓客試車,因此,一旦上車後,就會遇到各種意外,如鋼琴突然掉下來,或是斧頭、刀之類的武器也會飛出來,最刺激的一個環節,是乘坐的汽車會像玩「跳樓機」一樣突然從山谷墜落。

「唐老鴨一直給我們比較童真的感覺,這一次我們希望顛覆固有印象,讓大孩子們也可以在樂園裡找到新鮮與刺激。」而在「木桶飄流動畫山洞」中,則為孩子和父母們準備了一個大木桶作為座駕,當木桶飄浮在山洞中的地下河中時,山洞的洞壁上會同時放映迪士尼經典黑白動畫。此時,孩子們拿出獨家配備的「神奇畫筆」輕輕一揮,就可以為動畫上色,將它描成自己喜歡的任何一種顏色。「這是一個協助米奇消滅變壞了的墨水,令黑白卡通世界重新找回色彩的故事。」鐘欣岐解釋道。

「我對我們的設計變成現實非常有信心,因為我們的背景故事是大家耳熟能詳的人物,只是在此基礎上添加一些元素讓它變得更好玩。」 另一名主創李秉彧自豪地說道,為了更加完美地詮釋出團隊成員對迪士尼本身的理解,與此同時,也讓賓客們在玩的過程中了解到經典動畫的發展史,從今年七月開始構思到現在,這款設計已經改了很多版本。

-------------------------------------

亞軍:龍朗婷、Anna Walter
院校:香港城市大學
作品:The Magic Carpet Adventures



亞軍團隊是唯一一個只有兩人組成的創作團隊,她們的作品《The Magic Carpet Adventures》以阿拉丁和他的飛毯作為主線,帶著賓客們一同遊覽迪士尼的經典故事場景。「這其實就是一個升級版的4D影院,灑水、刮風、下雨等各種特效輪番上陣,帶給賓客們前所未有的感觀體驗。」

成員Anna說,在創作初期就希望可以把不同的迪士尼人物融合在一起,由於她有一個非常喜歡阿拉丁的妹妹,因而選擇了以乘坐飛毯的方式,將各個故事穿插起來。這個4D影院的設計宗旨是為了給游客對動畫片的傳統印像進行升級,「我們對於動畫片的認知,都是通過近距離的觀賞,如果通過這種方式重新體驗,一定會更加特別。」

-------------------------------------


季軍:周瑋深、吳詠婷、曾嘉亮、曾憲財
院校:香港理工大學
作品:Paradise Falls



彼思動畫片《沖天救兵》曾感動了眾多年輕觀眾,本次大賽的季軍作品《Paradise》就是一個以該電影為背景的主題遊樂設施。成員從電影中精挑細選了五個場景作為景點,以海陸空三種方式帶給賓客全新的體驗。



「我們希望來樂園裡玩的賓客可以和片中主角一樣經歷一次冒險,也希望沒有看過這部電影的賓客可以在我們設計的遊樂設施裡親身體驗了解故事的整個過程。」隊員曾嘉亮說。

游客首先會乘坐一輛倒行的過山車,在山洞裡穿梭。山洞四壁會播放360度的電影,模擬出動畫片中壞蛋逃出山洞的情景,之所以選擇讓過山車倒行,則是為了表現出當你被人追時,是如何被迫向前跑的情景。第二個景點則是一個迷宮,裡面用樹間隔,放置了許多動畫片中的角色,游客可以通過一些小游戲與它們互動,「這個創意主要來自動畫片中的小鳥角色,我們想像中它住的地方就是這樣一個由石頭砌成的神奇地方。

「隨後,賓客將會轉而搭乘小船,並上升到影片中最經典的山崖上,在升至山崖頂端的過程中,賓客可以欣賞到許多有意思的展品如恐龍骨頭等,這個環節被稱為「復仇者山洞」,展出的東西全部都是故事末處主角丟失的珍貴收藏品。

水路走完之後,轉眼就登上了飛船。在飛船餐廳裡,賓客可以看到正在外面空中巡迴的飛機,看看壞蛋是否打算著搞破壞。當然,玩家也可以到飛機上擔當「巡航兵」。經歷了這一系列的歷險之後,玩家則可選擇進入與電影中一模一樣的小屋中重新緬懷男女主角的愛情故事,而屋中的360度球形屏幕上,還會有流動的雲飄過,「這是一個很好的機會,讓影迷們能夠感受坐在一間飛屋中看窗外景色的感受。」

-------------------------------------


其實冠軍個idea... 咪就係Dark Ride 版Epic Mickey... 同埋加強版Roger Rabbit's Car Toon Spin...

亞軍exactly 就係PhilharMagic 抽最後一段出黎...

季軍... 其實我理解唔到佢個ride vehicle 係想用咩system... 好似冇乜連貫性咁....

如果香港學生可以唔再局限於用Disney Movies 同Characters 諗attraction ge 話應該會更好玩~ 可能官方意識到香港學生創意有限... 所以下屆開始接受中國大陸幾間設計學院參賽....

-------------------------------------


更新感想... 呢次update 係因為有一位參賽者留言... 而令到小弟有感而發...

其實幻想工程師呢個工作並唔係表面中咁容易... 一個Project 能夠開到綠燈動工... 唔計技術問題都仲有一大堆問題要考慮~ 就以香港迪士尼TGM 呢個擴建plan 為例... 大家都見證到當日由Pirate Coast 變Glacier Bay 再轉成Toy Story Land... 原因係大股東唔批准撥款... 即係WDI 幻想力首先受到資金限制...

而一個好ge idea 要如何去推銷俾股東令到佢相信呢個project 可以為佢賺到錢? Marketing Research 一定少不了... 即係要過Marketing 同迎合市場口味呢一關.... 有好多plan 都係因為過唔到呢一關而被修改甚至胎死腹中...

仲有一堆政府部門要照顧... 載人要得機電署批准... 一座Dark Ride 建築物要經屋宇署同消防署審查... 其實個attraction 本身仲要遷就工程位置ge 地形甚至周遭景物ge 關係...

小弟敬佩幻想工程師唔單單係因為佢地想像力驚人... 而係就算有以上咁多制肘都能夠諗到一個又一個精彩idea~

ImagiNations 呢個比賽最好玩ge 地方... 係以上所講ge 種種真實存在ge 限制都排除於外! 換言之參賽者有百分之一百ge 自由度... 唔只可以將想像力飛上半空... 飛出外太空都得! 所以WDI 都透過呢個比賽為幻想工程部引入新血~ 好多成功例子~

如果因為呢個比賽係迪士尼舉辦... 而將自己個幻想力困喺Disney Character 的話... 已經係一個好大ge 障礙... 用迪士尼電影做主題唔係唔得~ 但相對喺呢個比賽上似乎冇咁好玩~

不妨睇睇美國ImagiNations 參賽作品.. (click 入呢度進入~) 睇完之後真係好想玩ga... Simba 雖然係Disney Character themed... 但個Ride System 好吸引~ 一前一後Hydraulic 有d 似小矮人礦車... 但呢個仲識自轉~!!



至於話以上報導扭曲左參賽者~ 希望官方會放出資料核實la~

-------------------------------------


一年一度的設計盛事----迪士尼幻想工程香港挑戰賽總決賽在香港迪士尼樂園度假區圓滿落幕。薩凡納藝術設計學院(SCAD)香港分校的四位學生,以多位為人熟知的迪士尼朋友為主題,設計出多個娛樂體驗,令其從90支香港大專院校團隊中脫穎而出,贏得冠軍。他們將於下個月代表香港,前往美國加州迪士尼幻想工程總部參觀與交流。而主辦方香港迪士尼樂園度假區同時宣布,為令更多青年創意人才有機會在國際舞台展現才華,實現夢想,並令賽事成為粵港接軌國際的創意溝通平台,明年該賽事將被首度引進中國內地。



華特迪士尼幻想工程創意發展及演出質量總監韋愷禮先生表示:「迪士尼幻想工程挑戰賽要求為香港迪士尼樂園度假區設計一項全新獨特,多樣化創意的娛樂體驗,旨在為賓客締造奇妙的體驗和美好回憶。廣州在地理上靠近香港,我們期待參賽的學生都曾到訪過香港迪士尼樂園,並對迪士尼的文化有一定了解。明年比賽邀請廣州在創意相關專業擁有相當實力和較優質學生資源的大專院校參加,三所院校的參賽情況將為未來賽事在中國內地進一步發展打下基礎。」

廣州美術學院、中山大學、廣東輕工職業技術學院成為首批受邀請的大專院校,校方已經表態將組織學生參賽。廣州美術學院設計學院代表陳江副教授表示:「迪士尼幻想工程香港挑戰賽把"幻想變現實"的比賽方式,鍛煉學生的創造力、動手能力、跨學科溝通與團隊協作能力,內地學生非常樂於嘗試與敢於挑戰,相信賽事明年能收到不錯的反響。」

迪士尼幻想工程挑戰賽在美國已有二十一年歷史,香港是首個美國以外舉辦此賽事的地區,證明香港迪士尼樂園度假區重視年青人發展。通過比賽,學生們認識到迪士尼幻想工程師如何通過想像、設計和建設的過程,融合美術與科技,將天馬行空的構想轉化成現實中的迪士尼樂園、度假區、景點、郵輪等,為賓客締造奇妙的體驗及美好回憶。

美國加州迪士尼幻想工程總部是全球迪士尼樂園和游樂設施的研發、設計和建造中心,雲集世界最尖端設計科技和專才,堪稱設計師聖地。賽事提供機會,讓冠軍學生參觀迪士尼幻想工程總部,令其與迪士尼幻想工程師親身接觸,機會難能可貴。冠軍隊伍成員明年亦會於香港迪士尼樂園度假區實習數周,汲取香港的實戰經驗。

韋愷禮先生表示:「隨創意產業的迅速崛起,市場對創意人才的需求日趨強烈。支持創意,是香港迪士尼樂園度假區所致力的三大關鍵企業社會責任之一。我們希望通過中國內地賽區的開放,把發揮年青人創意潛能的機會帶到中國內地,培養更多的青年創意人才,推動創意產業的發展。我們相信隨著中國內地學生參賽,冠軍位置的爭奪將會更激烈,並能收獲更多具有出色創意、同時有強可實現性的作品。」

本屆挑戰賽擴展報名範疇,除設計系學生外,還開放予建築系及工程系學生參加,進一步鍛煉學生跨學科的團隊協作能力。賽事吸引來自香港20多所大專院校350多名學生參加,參賽人數較去年增加約30%。

冠軍隊伍設計的主題園區「Mickey’s Toontown」,內有兩個遊樂設施,另有展館、餐廳、售賣雪糕的小食亭等,合組成一個完整的遊樂體驗。兩個重點的遊樂設施中,一個是過山車類別的設施,另一個則是以米奇老鼠為主角的互動遊樂設施,過程中賓客透過互動科技,協助米奇消滅變壞了的「墨水」,從而令變成黑白的故事世界重新找回色彩。評判認為勝出隊伍的構思背後包含了一個引人入勝的故事,而且隊伍成員對迪士尼文化和幻想工程有充份的認識和熱情。同時表現出他們在自己專業領域的才能。

賽事冠軍成員戴佳仁說:「這次比賽與獲獎經歷將成為我創作人生一次非常寶貴的奇妙旅程。迪士尼幻想工程挑戰賽為我們提供一個夢想實現的平台,讓我們有機會把想像和創意變成現實,並到更廣闊的平台施展才華。我非常期待到美國加州迪士尼幻想工程總部與美國選手的交流和工作實習,這些寶貴經驗必能成為我們發展設計事業的一大助力。」

2012年12月18日星期二

飛越太空山急煞困遊人



迪士尼樂園發生機動遊戲故障意外。明日世界飛越太空山(Space Mountain)一列過山車,昨天駛離月台時突然有乘客起身,職員立即按動緊急掣將車煞停,連帶另一列正在運行列車亦受影響,在斜路路軌上停駛兩個多小時,職員將數十名被困乘客疏散至安全地方,幸好無人受傷。

昨日傍晚6時許,當時飛越太空山路軌共有兩列過山車,其中一列正在運行中,另一列則在月台起點接載乘客,職員待乘客扣好安全帶後即啟動列車。

當列車駛離月台後,突然有乘客不知如何站立起身,控制室職員立即啟動緊急掣將車煞停,但連帶在路軌運行中的另一列車,亦受牽連急煞停止操作,停在一段斜路路軌上。樂園事後報警,並知會消防及機電署,職員將列車慢速駛返月台疏散數十名乘客,事件有驚無險。機電署經調查後相信不涉及機件故障,過山車停駛兩句鐘至晚上8時10分恢復正常操作。


有人突然企起身又真係有必要停機ge.. 個Lap Bar 如果扣唔實... 個人拋一拋再伸一伸高對手.. 唔知有冇可能撞到路軌呢~?

anyway~ 呢篇報導重點係... 新聞有Tomorrowland 新costume 睇~

2012年12月17日星期一

迪士尼擬出船搶啟德郵輪客



明報

啟德郵輪碼頭首個泊位料明年中啟用,今後每有船停泊,隨時會有數以千計旅客上岸,旅遊業界憂長遠會對旅遊巴及附近交通構成壓力。據悉,香港迪士尼正構思以水路分流郵輪客,並就此與船公司研究來往啟德與迪士尼的渡輪航線,以便直接把郵輪客送往迪士尼。但消息人士指碼頭啟用初期客量不多,相信渡輪會虧損。

位於東九龍的啟德郵輪碼頭,預計每小時可處理3000名旅客,據碼頭營辦商Worldwide Cruise Terminals Consortium時間表,計劃停泊啟德的郵輪暫有16架次,當中10次都預計在早上7至8時抵港,即正值本港上班及上學的交通繁忙時段。

面對大批郵輪旅客上岸,據悉,迪士尼正構思以渡輪接載在啟德郵輪碼頭落船的旅客到迪士尼碼頭,並正為此與數間船公司商討,研究可行性。消息人士指大量旅客同時落船,未必有足夠旅遊巴接載,以船分流可疏導交通,亦可順道讓旅客遊維港。

迪士尼船票配合在港行程

消息人士表示,一般旅客購買郵輪票時,都會同時預訂上岸行程,迪士尼船票可配合在港行程一併出售,並可考慮結合大嶼山行程。不過,他指碼頭啟用初期客量有限,不是經常有船停泊,且落船旅客亦不會全部坐船走,渡輪好大可能要「蝕錢」,最終能否成事還要通過海事處審批。

Worldwide Cruise Terminals Consortium回覆,現有郵輪泊位離水面很高,不可停泊渡輪,期望未來可為渡輪建設泊岸設施,如建一個公共小輪碼頭或浮動碼頭。

目前本港有6962輛持牌非專營公共巴士,當中大部分為旅遊巴。旅遊巴公司負責人袁家齊認為,暫時旅遊巴供應充足,料碼頭啟用初期亦夠用,長遠要視乎客量。「如果你有兩艘船,每艘有幾千人,那才會不夠,但現在都沒那麼多人。」

------------------------------

標題真係易令人誤會~ 仲以為迪士尼派郵輪黎香港~

HKDLR 出小輪去接郵輪客都係好事黎ge~ 明年中Mystic Manor 開幕~ DL park 就算喺一個唔太熱衷theme park ge 旅客黎講都已經足以玩夠一整日~ 反正個碼頭丟空左咁多年... 用下佢好過放喺度俾人影相啦...

再預埋港珠澳大橋通車... 如果水路都能夠載客往返... 即係四方八面都有機會進入渡假區~ 帶動到更多人流就更易發展~!

雪亮聖誕2012

23/10/2012

上台灣旅遊網得知今年雪亮聖誕果然係11月15號就開始~ 同之前傳聞一樣~ 不過今年相比往年就似乎冇乜睇頭.... (旅遊網介紹請CLICK 入呢度)



話說上年Toy to the World 重點係Toy Story Land~ 再加上剛剛過去夏天灰熊山谷都開幕~ 所以園方仍然唔想模糊宣傳重點~ (呢個係表面上原因... 又唔見今年黑色世界用返大街酒店?)

而事實~ 小道消息黎ga 姐~ 就係園方要保留budget 黎策劃一件大事~ 個人愚昧地覺得係同之前某件提過ge 事有關~

今年間新鬼屋Graves Academy 從入面decoration 都估到係好高成本... 所以聖誕呢d 講求氣氛同感覺ge 節日... HKDL 可以用返舊物資~ 米奇玩具舞曲同埋亮燈雪橇車只用過一年~ 翻用都唔過份ge~ 本身美國小鎮大街聖誕氣氛已經好強~ 只要有棵聖誕樹屹立喺Town Square 應該足夠有餘~ 又要向公眾交代又要籌備大事件~ 唯有喺event 落手~

有人話今年棵聖誕樹同往年好似有d 唔同左~ 到活動開始就知道~ 同時值得注意ge 係往年event last day 係1月2~ 而今次將會係1月1~

03/11/2012

今年雪亮聖誕又提早左~ 得兩個星期時間要將Park 內所有Halloween 撤走同將所有聖誕裝飾遷入~ 係一個非常浩大ge 工程~ 不過香港迪士尼都係做到~ 今日Town Square 就出現左聖誕樹~ 同樣都係60呎高~ 但係呢棵聖誕樹係新~



主要係座部承托部分唔同左~



以下呢棵係舊樹~ 新同舊最大分別係邊度呢?? 其實就係固定方法~ 2005年到2010年聖誕樹都係要靠Town Square 多座建築物以鋼纜固定~ 但係自從飛天巡遊開始左~ Emporium 如果仲有鋼纜固定聖誕樹~ Pooh.. Simba.. Stitch 等character 都會被割頸而死~ 上年園方嘗試以另一種方法固定... 但傳聞效果唔理想~ (亦可能係唔夠安全~) 所以就有一棵新聖誕樹出現~



新樹上半部分幼左少少~ 但遲d 夜晚大家就會見到佢ge 最特別之處~



Decoration 都有少少唔同~ 不過除此之外... HKDL 今年好似冇乜特別新野....




其實我最想係... 薑餅人村莊可以返黎~



當然更想念... Royal Christmas Ball.... 注意... 我唔係預告同爆料... 只係個人意願想見到佢地再出現~ 唔好覺得我篇篇都有陰謀啦~  星閃皇家舞會係香港迪士尼樂園歷來最好睇ge stage show...




04/11/2012

回顧米奇玩具舞曲~ 今年A Sparkling Christmas 冇乜新野~ 呢個street party (或者可叫做mini parade) 會同上年一樣~ 不過如果呢個規模用得一年又好似太浪費~ 希望園方可以考慮出返個真正Christmas Parade~



五架車仔上Character~ 比較特別ge 係Duffy 喺HKDL 首次擁有屬於自己ge 車仔~ (只可惜唔係Float~) 其實每架車個design 都好配合Character costume~ 雖然呢種車仔都唔係首次推出~ (CNY 同Stitch) 但都叫做有比較強烈ge 聖誕氣氛~



薑餅人~



Performers~



上年Last Performance 重溫




06/11/2012

聖誕樹下面出現左禮物... (而且見到後面Main Street 建築物都有聖誕decoration~ 不過同往年好似一樣~)



今年棵聖誕樹係較往年「親民」~ 如果你對比舊聖誕樹... 一個正常成年人都唔會夠高接觸到樹葉~ 但新呢棵就可以摸到~ 希望唔會令到近地面d 枝葉俾人拔光晒la~ 禮物絲帶都一樣~ 感覺似膠片~ 如果有人刻意擠壓... 可能都會造成危險同影響外觀~ 園方開始放寬賓客可觸及ge 裝飾用料~ 大家要多多珍惜la~ 如果唔係下下都圍晒板就冇癮la~



而Decoration 都冇過往咁有Disney feel~ 不過就多左classic christmas feel~!





07/11/2012

第二年的雲上雪橇車~ 其實呢架車做得好靚好有藝術感... 但係唔明點解園方忍心花左咁多錢之後將呢架車放喺一個得幾分鐘ge 亮燈儀式度... 仲要架車停唔夠半分鐘成條Main Street 就會熄燈... 半分鐘你影得上面三位Character.. 就唔會影到架車... 我估有好多朋友都未必見過呢架車下半截ge 雲狀.... 同埋d 星星係會閃ga!! 整得架車出黎就唔好咁小器la... 行晒成條Parade Route 得唔得??




雖然上年已經冇左Sparkling Castle~ 但係上年都仲有Tinkerbell Castle 可以幫助呢個亮燈show~ 今年有棵新聖誕樹又少左城堡燈飾~ 唔知呢個show 會有咩唔同呢~



Full Show~



同埋可以聽聽用左好多年ge 亮燈配樂~





11/11/2012

可以睇睇大街Decoration.. 不過就唔係完整版~ 亦都冇影到櫥窗~ 只係略略睇下進度~ 今年商店入面好似會有幾大量裝飾~




值得一提ge 係Victorian Collection~ 入面有聖誕樹!




燈柱裝飾... 唔再用妙想童話國遺留落黎ge 士的糖~ 呢種Decoration 耐用性好高!



城堡~ 冇驚喜!



而今日呢次Update 重點係... 薑餅屋又再出現了!!



又係未行近就聞到好強烈ge 朱古力味!!! 窗口會見到Mickey and Friends 個影~



其實做得非常detail~ 而且屋頂仲有玩具火車行走!!





而薑餅屋旁邊仲多左個Booth~ 聽聞今年呢度會有野賣~





原來呢個Booth 係賣緊一個禮物籃~ 分左兩個價格~ 差100蚊就有葡萄酒飲!! 詳情請致電3510-6000 查詢




22/11/2012

雖然對於fans 黎講今年雪亮聖誕係冇乜特別~ 但係對於外國旅客黎講... 如果上年冇黎過的話~ 全部項目都可以當係全新項目咁包裝~ 所以HKDL 仍然好積極去到外國做宣傳~ 可以見到Mickey 同Minnie 率先到其他國家同當地小朋友Meet & Greet~ 今年套新衫... 原來好閃!!!



到底今年係邊個做costume design?? 靚到咁~~ 下年點算??




25/11/2012

雪亮聖誕2012已經開始~ 聖誕節係一個充滿愛嘅浪漫節日~ 一pair pair characters... 好sweet ar!!!






Chip Dale~



仲有Duffy~



Snow mouse~ 有中文名ga~ 叫白雪冬鼠



終於出Goofy!!!



今個聖誕... 好少見到Pluto 出現~~



Media event



今年,樂園除了準備雪亮聖誕的娛樂項目外,還邀請了著名的年輕導演麥曦茵,以相片創作聖誕微故事,啟動「映像。微故事」創作,希望帶動賓客及演藝人員一同創造聖誕奇想。



「美國小鎮大街-聖誕小鎮」瀰漫著濃厚的節日氣氛,全新裝有9萬顆LED燈的聖誕樹,猶如掛滿水晶般閃閃發光,矗立在小鎮廣場上。在這個幻化為聖誕小鎮的大街上,兩旁的樹上掛滿別緻的白雪冬鼠主題裝飾,店舖門前都用上七彩的聖誕花環粉飾著。於皚皚飄雪下,香港迪士尼樂園歌詠團更隨時出現,唱出美妙的聖誕頌,為賓客送上無限祝福。




一眾換上新聖誕服飾的迪士尼朋友~ ***官圖大放送***
















「大街閃雪亮燈」演出者全新服飾



凡於聖誕期間入住國賓套房的賓客,可免費與家人朋友溫馨享用特色聖誕主題佈置的房間;而預訂了各款酒店房間或住宿優惠套票的賓客,亦只需另加港幣600元,即可享特色聖誕主題房間佈置,為假期增添冬日色彩!



樂園酒店更首推迪士尼聖誕節禮物籃,讓賓客把美食禮品送給親友分享。



樂園亦將聖誕氣氛融入香港迪士尼樂園酒店,別出心裁地用真正薑餅建成巨型薑餅屋,賓客甫踏進酒店大堂的一刻即享無限驚喜!



今個聖誕,香港迪士尼樂園特別呈獻過百款獨家發售的精美禮品,當中以個人化迪士尼朋友聖誕裝飾最具特色,賓客可描繪自己或親友的名字,或節日祝福語,打造更獨特、更貼心的佳節驚喜。賓客不忘穿梭於琳瑯滿目的商品之間盡情選購,把聖誕的歡欣帶回家!




其實小弟已經有心理準備Mickey and friends 會有靚衫... 但見到大街Christmas Carolers... 今年套Costume 都走Victroian Style~ 好有聖誕氣氛!!!

「大街閃雪亮燈」dancers 新裝同新聖誕樹effect~








90,000 盞LED 燈~





今年雪亮聖誕電視廣告已經推出~ 雖然活動內容係冇乜驚喜~ 但係今次廣告重點就放左喺樂園不斷成長呢句~ (而且仲係出自鄭子誠把口!! 相信會不斷成長落去~ 哈哈!) 今次呢個表達手法幾童話feel~ 都幾Disney~ 而且重點亦都放左喺TSL 同GG 兩個新land 度~ 貫徹marketing 現行方針~ 做得唔錯!!




真係有獎了~ 詳情請click 入~

https://www.facebook.com/disneyland.hk/app_493848330647958





今日HKDLR youtube channel udpate左一段新片... 原來今年雪亮聖誕個電視廣告有一分鐘版本.. 呢額外30秒就係加埋Fantasyland... Tomorrowland 同Adventureland ~ 即係全個park 介紹晒~



有一分鐘版本當然係開心~ 可能呢個長版本唔係喺香港本土播... 畢竟今次個廣告主題係要sell 樂園不斷成長... sell 埋其他三個land 似乎會模糊左個焦點~

我相信香港以外總會有地方會播呢個足版~