This is Mr. B: 2月 2013

2013年2月26日星期二

D23 Expo 將在東京迪士尼舉行

2013年係好特別嘅一年~ 東京迪士尼樂園渡假區2013年將會慶祝30週年生日~ 而今日Walt Disney Company 都宣佈今年10月將會喺東京迪士尼舉行D23 Expo~ 係第一個喺美國境外舉辦嘅D23 Expo~!!

日期: October 12–14, 2013.. 美國搞完就會移師到東京!!

迷離莊園資訊 (1-2月號)

Mystic Point 通道自今年1月2號重新封閉之後~ 各位fans 會唔會仍然考慮入park 影進度照?? 似乎就算封左閘~ 都無損大家期待呢個全球獨有ge Dark ride~

原本通道只係暫時性鋪左塊地疏導往來GG 同TSL 之間ge 賓客~ 再加上經過半年使用~ 呢條通道都必須要再修繕過先可以開幕~ 建築物外都陸續加上decoration~ 例如欄杆...

2013年2月25日星期一

請愛護迪士尼朋友

今日新聞有兩件事係同Disney 有關~ 第一件事係同白兔先生有關.... 咁岩尋日White Rabbit 同Alice 都有出黎同大家Meet & Greet~ 巧合~ 不過出事嘅唔係香港而係美國~

作為Fans.. 相信大家都會覺得同Disney Characters interactive 其實係好好玩嘅一件事~ 雖然呢度唔可以完全偏幫白兔先生~ 或者本身佢真係燥底~ 但點解香港呢班成玩Meet & Greet 嘅fans 唔會遇到呢種"Magical Moment"? (發聲wo~ 我地等講野Mickey 黎香港等左幾耐!) 態度真係好重要~ 同時Greeter 個角色亦都好重要~ 如果唔係真係忍唔到相信都唔會發生呢件事~

白兔先生已經係近期第二次出現暴走情況而上報紙嘅人物~

如果大家唔想見到香港迪士尼發生呢種情況~ 除左自身要愛護Disney Characters 外~ 亦都可能可以幫幫手分擔一下Greeter 工作~ 保護一下呢班朋友啦~

過場Guide Map (2月)

農曆新年活動完結~ 又有過場Guide Map~

今次最主要update 係Andy's Toy Box 正式加入樂園地圖~

香港迪士尼計劃擴建

旅遊事務專員容偉雄今天在香港立法會委員會上表示，香港政府將與香港迪士尼樂園及美國華特迪士尼公園，商討在現有園區未用的土地上，進一步擴建樂園，並考慮增建酒店，希望今年內能向立法會報告。

2013年2月24日星期日

What's Next? 之是但噏

香港迪士尼2012年業績已公佈~ 依家各位Fans 最期待之事就係下一步HKDL 同政府所傾ge 未來發展大計... 經濟日報送左一份情人節禮物俾我地~ 就係報導左一段有關HKDL 下輪擴建計劃增建Marvel Land 嘅計畫~

因為Walt Disney Company 申請技術專利見到有疑似怪獸公司元素嘅Ride.. 令到一眾fans 都希望下個計畫會有Monster 份~

亦都有網友認定小blog 內容都係有關爆料同放風~ 雖然小blog 係有講過HKDL 2013 CM 月曆以怪獸大學為主題係非常可疑~ 但到最後到底怪獸會以咩形式出現.. 老實說小弟仍然未知道~ 可能電影上映時出個M&G 就算~

如果閣下認為呢度講嘅野都會成真的話... 其實小Blog 仲手多多post 過以下內容... Rapunzel~~

仲有... 喜羊羊....

勸大家都係唔好想太多~ 只會令自己唔開心~

CNY 印刷品

雖然我唔介紹今年CNY.. 但係習慣左post Times Guide 同印刷品~ 呢類免費紀念品仍然有佢ge 收藏價值~

Roller Coaster With Articulable Seat Backs

近日另一個比較有趣ge Disney 新專利技術~ 就係針對過山車而出現ge 訓低玩法~

2013年2月23日星期六

擴建預告: 前期準備即將展開

當一個傳聞傳到咁上下ge 時候... 相信應該已非常成熟~ 值得慶祝~ 行下廣闊ge 大街先~

2013年2月21日星期四

2013 農曆新年服飾

今年農曆新年活動即將完結~ 係時候做返個紀錄~ 說真的... 呢幾年Character seasonal event 服飾都顯得好有心機~ 今年新年衫都係靚設計~ 但係剛剛過去聖誕套衫太令人眼前一亮~ 相比之下... 新年服飾冇乜個性~

Ring Carousel

Walt Disney Company 又為佢地新設計申請技術專利~ 呢個叫Ring Carousel Ride System 其實就係Merry-go-round 升級版~

現有旋轉木馬技術都係一塊圓碟隨住軸心旋轉~ 但係Disney 提交文件時提到呢個技術雖然仍然受歡迎~ 但已經沿用左好多年~ 想有少少變革~ 今次呢個設計係將個轉盤切成一個個環狀~

2013年2月20日星期三

2012: 香港迪士尼終於轉虧為盈

18/02/2013

香港迪士尼樂園首度錄得盈利，剛過去的年度錄得1.09億元的純利，是自零五年開幕以來首次有盈利，樂園的入場人次亦創新高至670萬。除息、稅、攤銷及折舊前盈利（EBITDA）為8.76億元，同比增73%。

樂園行政總裁金民豪說，業績理想相信與樂園擴建有關，會將盈利投放於未來發展，第三個新園區年中啟用，樂園面積將增加四分一，可以應付未來數年旅客需求，會研究樂園接待能力和需求，再決定擴建計劃，至於是否增加票價，未有最後決定。對於應否限制內地自由行人數，金民豪說，要考慮會否影響香港自由港地位。

香港迪士尼樂園，上年營業額四十二億七千萬元，增長一成八；有六百七十萬入場人次，增加一成三，以地區劃分，香港本地客佔整體入場人次33%，內地客佔45%，國際及東南亞客佔22%。本地客人錄得歷年最大升幅，按年升21%。另酒店入住率92%，按年多1個百分點。
根據協議，政府作為大股東，原本可以分錢，但樂園指，政府決定要這筆款項，留給樂園繼續發展。

金民豪指，去年七月開幕的「灰熊山谷」吸引了大批遊客，令全年總入場人數升至新高。除了內地客繼續增長，到樂園遊玩的香港人亦增加，比前年升兩成一，佔總人數超過三成。

自由行旅客增加，引發中港矛盾加劇，金民豪表示，如要收緊自由行，要考慮對香港自由港口的影響，又相信問題只集中在數個遊客區。
被問到樂園會否調整票價，他說，要視市況而定，但指出，過去7年樂園曾數次加票價，入場人數仍持續有增長。相信只要提升設施及服務質素，即使加價旅客仍會覺得物有所值。
新建主題公園區「迷離莊園」將於今年中落成，集團正考慮增設新的遊樂設施，現有約十個擴建方案在手，正逐一研究可行方案，適當時候會公佈進展。樂園亦研究在竹篙灣興建新酒店的可行性。但相信現時的規模仍有足夠能力，接待不斷增加的旅客。

金民豪表示，一直不視海洋公園為競爭對手，因為兩個主題公園服務的客群不同。

對於早前有報道指，香港迪士尼樂園員工加薪幅度偏低，金民豪表示，主要是300名新入職員工加薪幅度偏低。大部分員工已提前加薪，平均加幅達7%或以上，大部分更有雙位數升幅，農曆新年前亦已發放酬謝金。
香港旅遊發展局的暫定資料顯示，2012年前11個月入境香港遊客人次增加16%，來到4380萬，其中大陸遊客上揚24%，達到3140萬。大陸遊客數占香港遊客總數近72%。

-----------------------

原本都唔係好明點解個MA Discount 會揀呢幾日~ 今日下晝得知樂園公佈業績... 再見到幾個電視新聞報導入park 拍攝嘅片段... 好似明左少少... 黎緊幾日樂園可能都會受到傳媒觀察... 而CNY 期間Weekday 都冇乜香港人入park... 如果傳媒拍到成個畫面都係大陸人... 幾唔好睇呢~? 所以要各位Magic Access Members 黎撐下場~~ 陰謀論乎? 哈哈~

值得留意嘅係金生對於記者詢問門票加價一事態度同答法~ 平時係會斬釘截鐵答「現時並無考慮加價」... 而今次答案... 大家都要有定心理準備樂園有機會短期內再次加價~ 依家MA 越來越多優惠... 唔知MA 會唔會都加價呢~?

另外... 「樂園目前有十個擴建方案在手」... 十個方案!! 而Marvel Land 似乎呼聲最大... 到底其餘九個係咩Plan???

其他就... 冇乜特別~ 呢個係小弟預期之中... 應該之後幾年都仲會繼續升~ 所以點解當年我地會咁支持樂園擴建... 滾雪球理論.. 有多d 野玩就會吸引到更多人入park.. 賺多d 錢就能夠有更多資金再起更多設施~ 但小弟依家態度同早幾日所講意見時一樣... 希望下輪擴建首個項目能夠係香港迪士尼樂園自資或向銀行借貸興建; 需要尋求政府資金協助嘅項目應該係能夠受惠整個香港同所需資金較大嘅工程~ 例如興建第三間酒店~
----------------------

20/02/2013

【明報專訊】

本個星期一有一宗令人高興的新聞，就是香港迪士尼樂園公布了一份亮麗的成績單，在2005年開幕後，經過營運多年後，香港迪士尼樂園業績終於首度錄得盈利，在去年樂園有1.09億元的純利，而入場人次亦創了樂園營運以來的新高。香港政府以往在樂園的投資上，往往被外間批評為當了冤大頭，不單處處受制於美國迪士尼母公司的合約，而且樂園剛開始營運時表現差強人意，政府的投資大有泡湯之勢，到了今天樂園的營運總算上了軌道，可算是有吐氣揚眉之感。

從數字上看，去年樂園的入場人次上升了一成三，營業額亦上升了一成八，但對筆者來說，迪士尼的重要性並不是一個樂園的營運，我們要留意的並不是一個迪士尼樂園的盈虧，而是迪士尼樂園對旅遊業帶來的意義。因為和迪士尼樂園艷羨的業績相對，就是春節期間的世通事件，兩宗有關旅遊業界的消息拼在一起，更讓人對香港旅遊業有所感慨。

定位在高端客戶的策略

首先，就是對旅客的定位。迪士尼樂園對顧客的定位顯然是悉心研究過，目標顧客群定位在中產人士，所以在門票的售價上已反映了這個策略。這個目標顧客的定位，就是要將「不理想」的顧客拒諸門外，不以顧客數目為單一指標，結果可以獲得既定較高階的顧客，這也和一些生意人要賺盡的心態不一樣。這也對香港旅遊業有着啟示：究竟我們的目標旅客是怎樣的類型。我們是選擇旅客愈多愈好的策略，抑或是集中在特定的群組？不要以為這是市場學的初階知識，因為香港近年來因旅客數目上升，業界不愁沒有生意，經營上大有只要滿足旅客數目便可，對目標旅客這個問題已彷彿沒有留意。過分強調旅客數目而忽視目標顧客群的後遺症，現在已陸續浮現，也令香港的旅遊業飽受衝擊。

其次，就是迪士尼樂園的生意模式講求長遠規劃，並不是以和顧客只做一單買賣而已，而是希望顧客會一而再、再而三的光顧，即所謂的「回頭客」，所以香港迪士尼樂園亦正在研究樂園的擴建，以不停的提升經營規模來應付新增的旅客人數。迪士尼的做法很聰明，因為只有這樣才不致殺雞取卵，一來可以令顧客重複光顧，二來擴建才有新的空間來接待新增加的顧客。反觀香港的旅遊業，業界的一些不良做法，其實只看到一宗生意的利益，而忽視未來行業的發展，尤其是沒有將旅遊業經營規模提升，更是令香港旅遊業停滯不前的做法。現在香港旅客連年增加，已令社會中各項矛盾加劇，迪士尼的經營方式有其值得借鏡之處，尤其是迪士尼不以減價招徠，而是經常研究調整票價，以提升設施及服務質素來令顧客覺得物有所值，一個定位在高端客戶的策略，這應否是香港旅遊業要行之路？

作者蘇偉文是恒生管理學院商學院院長

----------------------------

係分析得幾透徹同有遠見~ 所以... 我每次都撐迪士尼加價... 只要佢係做足市場調查而唔係惱妄加價就可以~ 假若佢地發現香港人入場人數下降~ 自然會推出promotion 吸引港人入場~ 例如依家MA 六折都已經係一個引人入場ge 理由~ 再者呢幾年起多左咁多野玩... 佢就算加多$50 都唔算過份ge~

2013年2月16日星期六

上海迪士尼線樂園站設計

由城建設計總院總體設計的上海迪士尼線，即11號線北段（羅山路—迪士尼樂園）工程初步設計方案順利通過專家評審，為明年工程的全面開工打下了基礎。

此次通過評審的項目主要服務於浦東國際旅遊渡假區，直接為迪士尼樂園提供交通運輸。工程全長約9.15公里，設置三座車站，其中終點站——「迪士尼樂園站」位於樂園核心區景觀湖旁，為將來同時應付樂園一期和二期的客量做準備。
據城建設計總院設計專家介紹，迪士尼樂園站為獨特的半地下車站，通過頂部開設大天窗，可讓自然光線滲透進車站。

迪士尼樂園站以「綠色車站」、「主題車站」、「園林車站」為設計理念，與迪士尼園區融為一體，給予廣大遊客迪士尼園區深刻感受。

根據計劃，該工程將於2015年10月與迪士尼樂園同期開通，以迎接來自四面八方的賓客。

上圖中只顯示迪士尼站同Downtown~ 因為唔關Disneyland 事所以設計圖就冇顯示到樂園~ 根據介紹呢條鐵路會喺人工湖底穿過.. 而上圖正中央有天台花園果座建築物就係樂園站... 喺兩期樂園中間~

設計... 如果真係以呢個黎做最終完成品... 比較起黎.. 香港迪士尼樂園站個維多利亞式風格係顯得比較有氣派同有穿越時間嘅感覺~

2013年2月15日星期五

李慧琼促增景點酒店商場

15/02/2013 文匯報

近日香港巿面人頭湧湧，大批受惠於個人遊政策的內地同胞趁農曆年長假期來港觀光購物。民建聯立法會議員李慧琼昨日在接受電台訪問時指，過去2日香港兩大主題公園均「迫爆」，反映個人遊旅客數量已超出香港的承擔能力，故旅遊景點、配套設施不足問題已刻不容緩，促請政府盡快增建，又建議政府發展東涌、大嶼山和邊境，紓緩旺區的壓力。

2013年2月11日星期一

擴建用地

預計HKDL 將會到立法會交代財政報告~ 之後理應有更多消息傳出~ 為左方便各位朋友了解香港迪士尼樂園渡假區仲有幾多用地~ 再次整理一下思緒post 張新圖出黎~ 其實每一次post 完後都會同各位朋友討論~ 神奇地每一次從中都會獲得一d 新諗法去詮釋一d 一直存在嘅資訊~

今次呢張對比上次果張唔算有太多不同之處~ 因為上一張係飛機上影嘅鳥瞰圖... 所以面積範圍唔太準確~ 整過一張可以睇到各個位置大小...

零資金的新春活動

30/11/2012

12月就到~ 係咪時候要講新春活動?

2013年2月6日星期三

Andy's Toy Box 開幕

29/01/2013

Andy's Toy Box 已經拆左圍板~ 可以睇到個外觀...各位記住大前提係呢間shop 係香港迪士尼Toy Story Land 版本先有~ 巴黎個版本係冇shop~ 所以如果呢間shop 係有backstory ge 話~ 就會同我地Sleeping Beauty 一樣有一個世界獨有ge storyline~

LOGO + 入口~

大家依家入到TSL 又多幾個影相位la~~ 兩隻三眼仔同埋薯蛋頭先生~!! 終於喺香港迪士尼見到Mr. Potato Head!!! 唔係AA 都唔緊要~ 因為呢個造型都做得非常detail~!! 睇睇~! 連佢背後個玩具儲存開口都做埋!!

三眼仔貫徹可愛!! 其實都幾大隻~ 行到埋去應該會高過一個成年人~ 因為Guests 入到TSL 係會縮到高過Green Army Men 少少~ Green Army Men 有Character Meet & Greet 所以避不過會變成同我地同等身高~ 但如果你玩降傘時會發現waiting area d 士兵們係細過你! 亦即係話三眼仔同薯蛋頭個比例其實係啱~!

不過想知比例都唔難~ 因為依家我地有一把間尺~ 度度身高就知呢個land 係以咩比例去放大~!

紙盒仲有幾位喺TSL 仲未露過面ge character~ 令到香港呢個版本更加豐富!!! (聽講shop 入面都仲會有驚喜~!)

櫥窗飾櫃~

好有衝動想拎起蠟筆~!!

之前呢間shop 原位放喺草叢處架紙飛機都得以保留~!

個入口都做得好卡通好玩具!! 應該係真入口黎~

二月中開la~~!!

不過唯一唔好ge 地方... 就係我地要向個靚靚圍板講byebye~ 希望HKDL 將來每次擴建同工程都會有靚圍板la~~

----------------------------

05/02/2013

見到官方facebook fans page 有呢張相...「好緊張呀~~全新商店安仔玩具箱聽日開幕喇!!老友記要快啲手喇!」係咪模擬緊Potato Head 同三眼仔講叫佢地快啲手? 哈哈~ 但佢地過左十年後都會保持同一個動作~

今次覺得HKDL 都算做得好~ (一時時.. 有時覺得呢個唔似一個fans page.. 一係d 相其實唔似fans 會影而係似急趕行過就snapshot ge... 一係就hard sell... 我唔識形容~ 但好多時都會覺得有「埋黎睇埋黎揀」ge 感覺~) 有一個渠道可以俾你介紹park 內最新消息引到人入park~ 咁我地呢班blogger 就唔駛扮偶然扮得咁辛苦... 又唔想break 你magic~ 好傷腦筋!!

做個預告先~ 收集返黎ge 資訊.... 今次呢個玩具箱.... 論主題... 聽聞會有d 故事中唔應該出現ge 野會出現左; 而作為一間商店.. 亦都有d 唔覺得會喺一間商店出現ge 野又出現左~ 咁就... 等update 吧~~

--------------------------------

06/20/2013

今日Andy's Toy Box 開幕~ 似乎呢個門口都冇乜機會見到佢關上~ (因為唔係玻璃門.. 唔知推門會唔會撞到門後ge 人~ 所以估計park operation 期間會長開~)