純幻想 - Tomorrowland 與Marvel Land

香港迪士尼一連起幾個Marvel 設施, 好多朋友都擔心Tomorrowland 會從此被Marvel 侵蝕, 得返一個太空山並唔能再稱為明日世界. 但其實換個方式諗, 有冇可能係園方刻意要建造多一個園區出嚟呢? 而依家只不過係一個過程?

由Avengers 嘅Concept Art 可以睇到:
1. Avengers 設施範圍只去到太空山前, 似乎並唔會用晒馳車成塊地
2. 火箭餐廳嘅外觀都有少少改變

假設呢個角落嘅幾個設施連埋火箭餐廳都係Marvel 主題, 其實Marvel 呢個區域已可以伸延到去Hub. 咁咪即係一個Disneyland 正常園區嘅規劃?

照呢個方向諗, 巴斯光年咁受歡迎都要改做SHIELD 就似乎變得較合情理, 因為佢處於呢個分離計劃嘅核心位置.

馳車天地餘下嘅半塊地如果用嚟做Tomorrowland 嘅擴建, 再加埋太空山後面將來發展埋, 明日世界唔會比依家細.

咁都唔係太差.

香港迪士尼獨一無二的山景與Arendelle

東京迪士尼海洋同香港迪士尼先後公佈增建Arendelle.  兩個咁近嘅樂園要起同一主題嘅園區, 香港迪士尼有咩優勝之處?

Arendelle 係一個好特別嘅國家, 除咗係一個海邊嘅小國, 佢背後仲被群山包圍住. 而香港迪士尼建Arendelle 嘅位置背後一河之隔... 正正就有座天然嘅山.

Small World, Arendelle 同Toy Story Land 同樣位於鐵路外, 喺地形上佢哋應該處於相近嘅level. 如果TSL 同Small World 都睇到座山, 兩者之間嘅Arendelle 都會睇到.

由Toy Story Land Rex 嗰邊嘅入口望過去會見到座山, 而其實小小世界只要行到火車橋之前都仍然會見到座山, 只不過Small World 座show building 太高同當你行得太近時視覺上就會完全遮住.

由此推論, Arendelle 個湖 (海) 嘅作用, 可能就係要將你同Arendelle Castle 保持一定距離, 而後面呢座天然嘅background 又會再次為香港迪士尼製造出廣闊嘅空間感.

有一座天然嘅山並唔足夠, 喺Concept Rendering 已見到香港版嘅Arendelle 會有已被冰封嘅North Mountain (仲有Elsa 座Ice Palace) , 另一邊Sleigh Ride 嘅外觀同樣會係一座山.

就係咁.... Arendelle 被群山包圍嘅情景就得以重現.

Toy Story Land 幅相嘅來源: https://goo.gl/wdKn6i

上海迪士尼巴斯光年技術曝光?

近日發現迪士尼獲批一項技術專利. 名為Transparent Display with Dynamic Mask, 其實就係喺一個3D 嘅空間前放置一塊透明嘅鏡片, 令到設於外面嘅Projector 投射動畫喺呢塊鏡上, 做到唔駛帶3D 眼鏡都有立體空間嘅視覺效果. 

而較特別嘅係呢塊鏡片同樣可以截住投影機嘅光, 阻止動畫穿透玻璃射到背景上形成重影. 

而Disney 提交文件時所附有嘅解說圖片中見到三眼仔同機械人.... 唔通呢個就係上海迪士尼版本巴斯光年星際歷險嘅投影技術?

至於同玩家有互動嘅射擊遊戲元素, 其實Toy Story Mania 都已經用緊喺一塊不透明嘅螢幕上 (同樣好多遊戲機都已經擁有呢個技術), 亦都可以做到畫面嘅即時應對, 今次只係將個screen 變成透明.

現階段都只係估估下, 有更多消息會再為大家報導

The ONE「迪士尼90週年慶典」大型立體裝置藝術

今個復活節，The ONE與您暢遊迪士尼經典動畫世界！

傳聞: WDI 正構思Frozen 主題設施

03/01/2014

截至今年1月1日, Frozen 喺北美票房已經超越Tangled. 雖然全球票房仲未打成平手, 但因為呢一刻仲有多個國家 (包括日本, 南韓等) 仍然未上映, 預計最後總數會大比數拋離. 

電影成功, 連帶樂園設施嘅傳聞都旋風式出現!

3D Imagery Without 3D Glasses

Disney 另一個申請專利技術, 唔需要用3D 眼鏡都可以睇到3D 影像... 

類似呢種裸眼3D 技術唔係已經出現左好一段時間? 手提遊戲機都出左好耐... 但今次呢個技術唔會做到起一格格. 

傳聞: WDC 與Warner Brothers 商議Disney Parks 建The Lord of the Rings 主題設施

傳聞WDC 又有新搞作. 繼Animal Kingdom 籌備多時終於公佈confirm Avatar Land 後, 原來自從Universal Studios 將Harry Potter 發揚光大並預計2014 London side 開幕會擊到WDW 入場人數, 消息指出WDC 上年開始接觸Warner Brothers 傾建魔戒園區 / 建施

香港迪士尼睡公主的故事

呢篇一直以來只係開放俾VIP 睇嘅故事. 亦都係小弟寫HKDL Stories 嘅第一篇. 希望大家會鍾意.

香港迪士尼樂園原設定係為左慶祝Anaheim Disneyland Park 開幕50週年而送上嘅禮物, 所以樂園內嘅美國小鎮大街到睡公主城堡外觀都係Copy 過黎向Original Park 致敬. 但係幻想工程師為香港迪士尼創作左一個全新故事, 只得HKDL 獨有. 故事主角就係Princess Aurora

The Imagineering Story

較早前喺D23 Expo 公佈左2016年會有一齣好特別嘅紀錄片. 由1955年之前嘅Anaheim 講到2016年嘅上海. 為大家詳細介紹迪士尼幻想工程團隊係點樣由構思到最後建成完成品



真在太有趣啦! 好想知道更多WDI 嘅工作, 亦預期會有好多內部片段睇!

Rotatable Boat

今年D23 Expo Parks and Resorts pavilion 好似冇乜驚喜咁.. 可能所有大project 都已經暫時告一段落.. 但下一批新project 又未殺到埋黎.. 不妨等2015年.. 相信會係上海迪士尼嘅天下~ 

不如睇睇迪士尼有乜新專利技術申請~ Rotatable Boat! 其實就係將橡皮艇 + Tea cup 個concept 自轉~ 非常簡單易明嘅原理

Captain America 首次出現

09/08/2013

迪士尼製造首位Marvel Hero 喺D23 Expo 出現. Captain America.

Vehicle Insertion into Simulators

一個2011年入紙申請嘅專利技術, 但係近期先release~ 可見圖中有三個screen.. vehicle 到達呢個位會被帶離原來嘅track.. 進入一個弧形嘅小型theater~




雖然呢個技術好大機會係用喺Ratatouille... 但因為其實呢個技術有d 似Universal Studios d ride (例如Transformers).. 所以都仲有好大作為~ 重點應該係帶離條track 呢一下... 而電腦sense 到有車入左screen.. 之後嘅事就會跟住條track pass 左個simulator

都幾特別~ 不過operation 上d 車應該會幾亂... 

幻想工程師細說反斗奇兵大本營

韋愷禮 (Kelly Willis) - 華特迪士尼幻想工程創意發展及演出質量總監，亦是反斗奇兵大本營的幻想工程負責人。

Harrison "Buzz" Price 名字登上Main Street 櫥窗

東京迪士尼三十歲生日~ 加州迪士尼以另一種方式去慶祝呢件喜事~ Disney Legend Harrison "Buzz" Price 獲得Main Street 一隻櫥窗~

GRAVITY SLIDE RIDE

WDC 又有新技術申請專利~ 係一個似Orbitron 嘅round ride~ 不過今次個樣就有d 離奇.... 八爪魚???

D23 Expo 將在東京迪士尼舉行

2013年係好特別嘅一年~ 東京迪士尼樂園渡假區2013年將會慶祝30週年生日~ 而今日Walt Disney Company 都宣佈今年10月將會喺東京迪士尼舉行D23 Expo~ 係第一個喺美國境外舉辦嘅D23 Expo~!!

日期: October 12–14, 2013.. 美國搞完就會移師到東京!!

Roller Coaster With Articulable Seat Backs

近日另一個比較有趣ge Disney 新專利技術~ 就係針對過山車而出現ge 訓低玩法~

Ring Carousel

Walt Disney Company 又為佢地新設計申請技術專利~ 呢個叫Ring Carousel Ride System 其實就係Merry-go-round 升級版~

現有旋轉木馬技術都係一塊圓碟隨住軸心旋轉~ 但係Disney 提交文件時提到呢個技術雖然仍然受歡迎~ 但已經沿用左好多年~ 想有少少變革~ 今次呢個設計係將個轉盤切成一個個環狀~

Noble Coker 英文專訪

過去半個月多個香港同外國傳媒都因為香港迪士尼今年表現理想而受HKDL 邀請訪問渡假區營運副總裁侯諾保~ 因為相比起金生同其他經常喺報章出現嘅管理層... 佢喺WDC 做左十幾年.. 亦見證住香港迪士尼興建、開幕、受挫、漸上軌道、到依家吐氣揚眉~ 冇人比佢更適合做呢個訪問~

私下Noble 亦都深受Cast Member 同Fans 愛戴~ 喺香港迪士尼樂園會行park 了解園內運作, 願意主動聽取意見同真話嘅管理層... 著實唔多~

喺我眼中... Noble 係一個好Disney 嘅icon... 如果任憑班香港土生土長管理層run HKDL... 應該會更唔似一個Disneyland...

個人覺得以下呢篇訪問... 唔知點解有啲似為佢喺香港迪士尼工作生涯做一個總結嘅感覺..... 為免翻譯得唔夠傳神... 以下全篇英文

Disney 介紹Audio Animatronic 技術

一個位於美國ge 科技展覽~ Disney 介紹Audio Animatronic 技術~ 不過只係展覽一角~ 唔係用左太多地方... 所以展品都唔係好多~ 但係就公開左一d 作為fans 會感興趣ge 技術~