大街新建臨時建築物與未來活動

大街酒店舊址嘅工程, 擬似係詭夢實驗室今年嘅所在地.

呢個結構睇落並唔似係短期嘅臨時建築物, 可能會好似展藝館咁可以容納更多不同形式嘅活動. 假如香港迪士尼仲有心搞好節日活動.....

嚟緊幾年嘅活動處於一個更重要嘅位置. 因為樂園有多個工程進行.

2018年嘅香港迪士尼會失去城堡同煙花匯演, 廣場嘅工程亦有可能輕微影響到巡遊. 而巴斯理應有起碼半年時間處於改裝嘅狀態. 越遲改裝完畢即代表樂園嘅空檔期越長.

通往Arendelle (2020) 嘅新入口加上改裝幻想世界火車站嘅外觀, 仲有Avengers (2023) 嘅工程亦會影響埋樂園鐵路嘅運作.

Iron Man 雷聲大雨點小, 對SHIELD 嘅期待度並唔大; 而Moana 可以幫到嘅亦唔會太多. 首個真正能夠帶動人流同引起注意嘅擴建項目, 相信係新Castle.

新Castle 建成之前, 香港迪士尼好需要更強大更吸引嘅節日活動.

Toy Story Land - Halloween 2014

我真係覺得自從Mystic Manor / Mystic Point 開左之後... 個park 真係冇乜野值得開一篇blog 講... 雖然園內係有小更新.. 但係都係放一兩張相就可以完全了解晒嘅事... 所以有個facebook page (又或者instagram 吧. 不過小弟冇) 都幾好嘅...

過去一年嘅seasonal event 真係可以用個悶字黎形容... 回想一下由上年Halloween 開始嘅活動... 真係諗唔起有咩係特別... Glow in the Park Halloween Parade 完結可能已經係最轟動嘅事... 之後聖誕, 農曆新年 (係咪仲有呢個活動?), Star Guest 到玩呢D... 可能係因為樂園用緊上年嘅Seasonal Event 活動資金去建造Paint the Night Parade. 呢個parade 好唔好睇, 今個星期大家就會知道. 我今日呢篇想講嘅係Toy Story.

上年Halloween 黑色力量入侵左安仔後花園. 其實就係Sid 嘅恐怖玩具加入園區同大家見面. Babyhead 已經同大家見過面. 今年再多兩件玩具到達. 佢地分別係Ducky 同Legs.

2014父親節小禮物

今日係父親節, 樂園為入場賓客準備左一份小禮物, 就係消失左一段日子嘅磁貼. 

過去母親節同父親節, 香港迪士尼樂園渡假區都曾經派發過不同嘅小禮品, 但係亦都曾經停止印製同派發, 所以今日重新有返絕對係一件值得提及嘅事, 希望將來會保留呢個小傳統. 

同時可見今次派發嘅小禮品係同世界盃有關, 唔需要印上2014 都必定會記得呢張磁貼係今年派發. 

2014 公主晚宴

喺今年Star Guest 活動開始之前, 小弟曾經講過今年應該唔會為呢個Program 作出介紹, 但係星級款待當中有一個項目其實就算唔係想玩Magical Moment 都可以當係食餐buffet 咁參與, 呢個就係公主晚宴. (有時Fans 就係咁, 你把口點鬧都好, 都係會繼續參與.) 原本只係諗住食餐飯, 冇打blog 嘅意欲, 但赫然發現呢一個項目同上年有好明顯嘅改善. 所以令到小弟想打呢篇作為一個後續報告

雪亮聖誕2013 新項目

香港迪士尼TGM 三個新園區擴建工程已經喺今年完結, 喺下一個新設施 / 園區建成前, 呢三個園區都似乎係園方一個比較重點想宣傳嘅亮點. 

由於HKDL 園方規劃上有條鐵路將部分空間分隔開. 而三個新Land 亦都冇show 可以吸引到人定時定侯入去. (換句話即係任何時間入去都冇分別). 亦因為呢邊比較遠離巡遊路線同故事劇場... 所以要吸引人進入, 就要喺軟件上諗諗辦法. 

今年雪亮聖誕為三個新園區諗左幾個戶外小劇場. 希望可以吸引到人流. 其實三個劇場都做得好有心思, Toy Story Land 呢個玩具箱質感做得好有水準. 

雪亮聖誕2013 官圖

今年雪亮聖誕已經開始左, 幾張官圖. Disney Characters 新衫, 其實都幾靚, 但係唔及上年個英倫風靚.

迪士尼 x 海港城 -- 聖誕裝飾2013

雪亮聖誕2013

今個聖誕，「迪士尼雪亮聖誕」將快樂無限放大！由2013年11月14日至2014年1月5日期間，賓客可在香港迪士尼樂園尋找快樂，而窩心的快樂時刻遍佈七大主題園區:全新戲偶劇場於「反斗奇兵大本營」、「灰熊山谷」及「迷離莊園」限定呈獻，演繹多個奇妙小故事；「美國小鎮大街」幻化成「聖誕小鎮」，在漫天雪花襯托下更顯浪漫溫馨；城堡廣場更會豎立全新的米奇、米妮、唐老鴨及黛絲雕像歡迎賓客；而象徵各種歡樂的米奇形狀快樂汽球更會衝出樂園，到城中散播快樂訊息，齊齊歡度佳節！

Once Upon a Christmas Time

It's the happiest season of all 

傳聞: 米奇玩具舞曲已於去年完結

原來... 無聲無色地....

黑色世界2013: 馬戲班擴充

為配合太陽劇團黎緊將會黎香港作巡迴表演, 以呢篇為大家介紹上年太陽劇團推出嘅電影 - Worlds Away

HKDL - Toy Story Land 將被黑色力量侵佔

26/07/2013

今年係Toy Story 上映13週年... 喺呢個不祥嘅年份... 送上電影驚嚇的一幕

Summer 印刷品

今日係Summer event 開始之日. 大街Town Square 會見到Monsters University facade decoration~ 亦都有得俾錢辦MU 入學手續 / 整學生證. 顯然今個夏日主角就係佢, 所以Guide Map 封面都見到年輕版毛毛

夜光鬼魅巡遊原concept

因為Night Parade 嘅出現, 有傳今年會係夜光鬼魅巡遊最後一年同大家見面. (但如果下年Halloween 前Animazement Parade 都出唔到.. 係咪即係Glow in the Park Parade 能夠出多一年??)

既然已經接近尾聲, 不如喺度同大家回帶去返呢個Project 最本來嘅設計. 由於香港迪士尼係九月開幕, 當年為左集中焦點, 所以2005年Halloween 完全skip 左, 而怪誕節喺2006年舉行, 有一眾壞蛋喺Town Square Opera House 入面Meet & Greet, 亦都有一個只得一架花車嘅Mickey & Friends Halloween Costume 小巡遊.

而因為當時首次推出怪誕城之夜嘅商品獲得瘋狂搶購. 令到HKDL 意識到Jack Skellington 號召力. 所以2007年首次黑色世界就以Nightmare Before Christmas 打頭陣, 兩層樓高嘅Jack 坐喺南瓜上出場. 呢個巡遊令到全球好多Fans 都流晒口水. 
而原來夜光鬼魅巡遊最初構思, 徹徹底底係怪誕城之夜巡遊. 構思中有好多架NBC 為主題嘅花車.



想知道更多呢個巡遊嘅原本idea, 敬請繼續留意本blog. 

SpectroMagic 已被銷毀 + 舊車轉贈計畫?

一個非常唔好嘅消息. 繼其中一set Electrical Parade Float 被銷毀後, 越來越多消息確認Magic Kingdom 夜間巡遊SpectroMagic 部分花車都已經被拆毀成為歷史. 其餘部分將會成為其他Parade 嘅花車.... 咦?? 咁樣講.... 會唔會................. 

Summer 2013 - 怪獸大學行政大樓

09/06/2013

今日Times Guide 更新, 入面已經見到下星期Summer Event 個內容~ 亦都有首張官圖曝光~ 就係改Art of Animation 同Animation Academy 座building 做Monsters University

傳聞: 夜光鬼魅巡遊將最後一年上演

07/06/2013

話說幾個月前小Blog 提到幾篇傳聞... 當中包括預告Monsters University 會係今年重點出擊角色... 商品設計大革新等.. 幾個月過後可見到呢幾個謎底慢慢揭露出黎... 仲有一篇大家都比較想知道嘅事.... 「有得必有失」係點解?

水花由頭淋落尾

呢幾日天氣真係好熱.. 雖然Mystic Manor 呢個indoor ride 已經開左~ 但熱到完全唔想入park~ 係咪好掛住米奇水花巡遊呢? 等多一陣, 呢班朋友將會再次淋到你成身濕晒

Opera House 將變身迎夏日

唔講唔覺, 今日係星級款待Last Day! 黎緊呢個月都係迷離莊園嘅世界~ 

官網預告動畫藝術廊將於2013年6月7日起暫停開放~ 要改裝以便進行夏季活動. 即係話今年夏季除左以Mystic 為重點外... 仲會有一個summer 主角~



較早前一篇講及Halloween 活動嘅預告.. 見到一眾怪獸出現~ 如果Star Guest 係Monster... Halloween 又係Monster... 咁Summer 呢個Monsters University 上映季節.... 唔會唔關佢事嘅~ 

望真d... Opera House 個外形都有少少似怪獸~ 

Halloween 2013 預告?

收到朋友報料~ 話說某公司每年都會喺香港迪士尼包場俾員工同家屬玩~ 今年都唔例外... 一封news letter 預告呢間公司又會喺Halloween 包場~ 原本就唔係d 咩特別野~ 不過比較特別嘅係下面有Monster University 海報.... (朋友要求要將呢張圖特定資訊遮蓋~)