過去一年嘅seasonal event 真係可以用個悶字黎形容... 回想一下由上年Halloween 開始嘅活動... 真係諗唔起有咩係特別... Glow in the Park Halloween Parade 完結可能已經係最轟動嘅事... 之後聖誕, 農曆新年 (係咪仲有呢個活動?), Star Guest 到玩呢D... 可能係因為樂園用緊上年嘅Seasonal Event 活動資金去建造Paint the Night Parade. 呢個parade 好唔好睇, 今個星期大家就會知道. 我今日呢篇想講嘅係Toy Story.
上年Halloween 黑色力量入侵左安仔後花園. 其實就係Sid 嘅恐怖玩具加入園區同大家見面. Babyhead 已經同大家見過面. 今年再多兩件玩具到達. 佢地分別係Ducky 同Legs.
.jpg)
我想講嘅係, 呢幾件玩具雖然只係一件seasonal 嘅短期擺設, 但係精細程度甚至外貌嘅準確度絕對不比園區內幾位永久擺放嘅玩具角色差. 製作團隊應該下過唔少功夫.
睇到呢幾位期間限定嘅新角色, 就覺我地比巴黎迪士尼幸福, 佢地真係起左個園區就算, 而香港迪士尼都尚算有心思去諗點樣可以令到呢個電影主題嘅園區可以有更多嘅變化同帶俾大家新感覺. 保持呢種心態去構思, 未來嘅HKDL 應該可以出現更多令到大家滿意嘅活動. 或者真係好似我所講, 上年嘅資金因為轉移左去Night Parade 姐.
三件玩具嘅位置, 可以睇到玩具同賓客嘅比例, 就今日所見都有幾多人埋去影相. 話晒Toy Story 都有一班支持者, 睇到Babyhead 應該都會認得出其餘兩位玩具角色. 仲有冇位可以俾其他角色出場呢?
沒有留言:
發佈留言