雪亮聖誕2013 新項目

香港迪士尼TGM 三個新園區擴建工程已經喺今年完結, 喺下一個新設施 / 園區建成前, 呢三個園區都似乎係園方一個比較重點想宣傳嘅亮點. 

由於HKDL 園方規劃上有條鐵路將部分空間分隔開. 而三個新Land 亦都冇show 可以吸引到人定時定侯入去. (換句話即係任何時間入去都冇分別). 亦因為呢邊比較遠離巡遊路線同故事劇場... 所以要吸引人進入, 就要喺軟件上諗諗辦法. 

今年雪亮聖誕為三個新園區諗左幾個戶外小劇場. 希望可以吸引到人流. 其實三個劇場都做得好有心思, Toy Story Land 呢個玩具箱質感做得好有水準. 

係一個interactive 嘅劇場, 小朋友會睇得玩得好開心. 大朋友就睇小朋友玩啦~ 都係好事黎, 近呢幾年個方針都趨向青少年化, 得閒有呢d 顧及小朋友嘅設施 / 表演都可以平衡返

Mystic Point 呢個皮影劇場都俾人感覺認真同專業. 皮影戲嘅歷史可以追溯至漢朝, 係中國古代一種民間藝術, 後傳至西方. 個人認為如果平時都有呢個表演, 令到整個樂園可以提供更多不同選擇係一件好事~ 可以考慮改奇幻庭園某一個影相位或大冒險家餐廳戶外部分轉成indoor show building 搞呢個皮影劇場~ 地圖上又可以加多一項設施. 依家Mystic Point 得一個設施實在不能成大器...

呢個皮影表演需要用到表演者數量同平時個表演都係差唔多, 提供足夠訓練都應該可以駕馭呢種藝術表演. 希望園方考慮一下. 又配合到園區主題又夠Original 

Grizzly Gulch 個小劇場感覺同樣絕不馬虎, 亦能配合主題. 

雖然只係三個小劇場, 但感受到製作團隊係有用心考慮同設計. Disney 應有嘅quality 再次回顧HKDL 了!  回想小小世界過聖誕真係一個惡夢....

今年Halloween 同Xmas Hub 佈置都好靚. 如果有返Sparkling Castle 就好