巨龍傳奇

除左Theme Park 之外, 都想向大家介紹一下喺香港呢個社區仲有咩特別主題展覽 / 表演可以去下, 假日唔好只係去行街又或者入Park 玩嘛. 其實放假仲有好多野可以做. 

香港科學館今個月開始至下年春天都會有一個以恐龍為主題嘅展覽, 都幾值得大家去, 雖然入面大部分都係複製品, 但係見到個體積都夠值回票價, 只需HKD$20. 

 未入到科學館, 只係戶外廣場就見到巨龍, 喺度提一提, 呢個展覽係同中國大陸多個恐龍發掘研究中心合辦, 但唔好見到中國大陸就嫌棄, 中國係至今全球發掘出最多恐龍骸骨嘅國家, 而品種亦達140種, 約佔全球六分一. (所以又攝一攝迪士尼, 上海迪士尼會出現一個以恐龍為主題嘅區域, 實屬正常)

戶外呢幾個恐龍裝置都係Animatronic~ 

 入場後會有一段電影簡介, 見到有小朋友嚇親, 家長要注意一下啦
 

第一個展區係Animatronic Dinosaur Zoo, 一睇到個名就知道係成個展覽最吸引到小弟嘅一段. 而呢個區域都有好多戶動元素, 但要留意始終呢個展覽小朋友玩得太肉緊, 部分展品有機會會被小朋友整爛. 所以... 不妨買博物館年證, 可以去多次.  (喺呢方面我覺得香港政府都算做得好, 一年總有幾個大型展覽, 張飛實抵返)

草食性同肉食性恐龍頭部同牙齒結構.



食完就屙...
 

互動暴龍. 企喺度睇左幾分鐘, 佢嘅動作都冇重覆過亦冇停過, 仲諗緊個program 要點寫嘅時候... 行多幾步就會知道真相!
 

繼續Animatronic 區
 

玩虛擬發掘, 利用科技代替以前死板嘅資訊板, 小朋友會幾開心.  
 

一場災難, 進入展覽另一部分...



化石發掘現場同工具介紹.
 

之後就係廿幾隻恐龍骸骨. 雖然唔係真身而只係複製品, 但做得好真.
 

另一個互動遊戲, 旁邊有幾個箱, 亦有一堆恐龍模型, 放模型入箱就會喺Screen 見到恐龍出現, 草食恐龍會俾肉食恐龍食左



後記:

我已經唔記得科學館對上一個咁大型嘅展覽係咩... 科學館對我黎講係停留喺小學時代同永遠唔會Update 展品嘅歷史博物館~ 但係今次發現成個展覽用盡科學館底層... 所以就算人多都算行得幾輕鬆. 而且連牆都重新上色, 唔講真係以為呢個係永久展覽. 黎緊幾個月嘅假日, 如果諗唔到可以去邊, 不妨考慮一下呢度