FROZEN 配音活動

2013 特別企劃唔單止係Mr. B 尋夢之旅, 我亦都好想見證其他朋友夢想成真.

小弟呢幾年認識過好多同樣愛迪士尼嘅Fans 朋友, 大部分討論話題都係圍繞迪士尼嘅事情, 所以反而會對迪士尼以外嘅題材同對象有更深嘅印象. 就例如呢位因為樂園而認識多年嘅朋友有一個配音夢, 亦因為小弟有朋友係現職配音員, 所以知道呢行需要一定人脈先能夠入行同獲得更多經驗同機會, 簡單黎講就係難立足.

感激The Walt Disney Company(Asia Pacific) Limited 邀請參與Frozen 配音活動. 令小弟可幫助呢位朋友一嘗心願. 深信如果呢個機會能夠完成其他人嘅夢想, 佢嘅感受一定會比我更深刻強烈.

Blogger, 本來就是要分享喜悅, 不是嗎?



-----------------------

正所謂: 台上一分鐘, 台下十年功。

呢一句說話唔單止係形容表演, 其實亦可以套用於電影, 電視劇, 音樂...等等 大家經常會接觸既事物。

每件事物表面, 你有冇諗過佢地之前所發生既事呢?

你睇到既表面, 背後究竟係人地所付出幾多既時間, 幾多番心血呢?

呢一次係一個非常難得既機會去體驗配音既滋味同了解每一套大家o係大銀幕睇既電影, 背後既心機,同製作既過程。



今次event 配音體驗既電影係即將推出既電影 - Frozen



體驗配音之前, 徐隆立 先生 (Mr. John Hsu) 詳細地介紹Disney 未來3年將會推出既電影, 真係好吸引!

好多都係圍繞住自己生活,感情..

仲有好多都係大家好熟識,好喜愛既character, 會再一次上大銀幕同大家見面, 如果您可以再有機會o係大銀幕見到你喜歡既Disney character, 您一定會感到好親切!

徐先生 提及過自己童年, 好喜愛Star Wars, 到而家成為Walt Disney Studios Motion Pictures HK 既 副總裁同總經理 , 講到冇諗過Disney會買下Star Wars, 買左自己小時候已經好鐘意既電影, 我幻想到佢o個種喜悅, 一切都好似發夢似的, 再一次證明無論任何時候, 任何地方 , Disney 都係不斷不斷帶俾人Magical Moments .

Dream Come True =)

除左 Disney 未來會推出既電影之外, 徐先生 亦提及過大家平時睇Disney Movies同Animations 時候會聽到既配音。配音員係非常重要, 因為配音員聲線,語氣,性格都要配合返個Disney Character, 整個效果都會影響住觀眾既印象, 亦對於character深入民心, 例如我自己好喜歡張衛健配Woody, 同大家最常聽到既劉青雲配Buzz Lightyear同Nemo既爸爸。

徐先生提及到,選配音員時, 香港會進行meeting,根據聲線同性格, 選出佢地覺得最適合既配音員同藝人, 之後send 段錄音 去美國既Disney Disney Characters Voices, 等對方同意左, 香港就會決定配音既人選。

由此可見, 大家平時o係大銀幕見到既,聽到既, 背後係用左大量時間準備 :)



進入配音室前, 配音導演 Pat 介紹一下整個配音過程所用既儀器, 每一個重要既崗位, 由配音到生產。



第一次踏足.. 感覺興奮!



開始前, Pat 分享一d配音既心得, 同 唔同角色既用聲示範



配音進行過程絕對要非常安靜, 所以未能提供過程進行中有關既圖片



非常感謝 Pat 既分享同心得!

<< 個人感想 >>
我好多謝Disney能夠邀請我地參與呢個活動, 俾機會我地體驗同了解更多背後製作既過程。

我唔知由幾多年之前, 開始對配音有興趣(我實在太多興趣..), 所以今次對event好有興趣, 同埋係個好難得既機會俾我接觸。

但本身對自己把聲其實幾反感, 對於聽返自己把聲既錄音有點抗拒, 但尋日試過之後聽返, 覺得唔同左, (都唔同左幾多..), 呢一點我有點驚喜, 真係magic . 雖然電影唔會用到 (因為本身已經有專業既配音員), 但呢個experience絕對係好難忘! 用錢買唔到的。所以我真係多謝Disney.

亦都藉此多謝每一套電影作品背後付出好多心機,時間既演員同crew!

每件事都有一定既難處, 但只係肯付出多少少既心機, 整個出黎既效果可以好唔同。

Your efforts show your passion.

加油!

原文請見呢度

--------------------
<< BSAN感想 >>

或者有好多朋友都覺得Mr. B 嘅文字描述吸引. 或者你會覺得如果呢篇由我參與由我打嘅話會出現一個好特別嘅敍述角度. 但小弟喺呢個活動嘅切入點正正就係想將呢位朋友夢想成真嘅過程同第一身真實感覺完整地紀錄落黎.

真心感激The Walt Disney Company(Asia Pacific) Limited 能夠成就呢個Magical Moment.