It's a Small World Christmas

小小世界今年改裝做聖誕版~ 仲未開唔知道最終成品會如何... 入面唔知姐... 出面已經可以窺探到虛實..... 鐘樓笑面加聖誕帽是例行動作~

廣場雕像都開始現形~!! 再留意左前方燈柱都有裝飾~! 左邊都有聖誕樹~ 不過唔係Main Street 隻傳統聖誕樹~ 而係用IASW 外牆幾何圖案設計~

zoom~~ (做乜欄上面咁多雀ng ng...) 原來係鐘樓上面果十幾隻公仔複製品~ 再改左少少變成配合今次主題的模樣..... 西班牙女孩條裙... 色同紋都有d 似Minnie 今年裝扮~

======================16/11更新======================

d 樹被纏上燈泡~ ... 廣場上面d 鐘樓公仔複製品都已經放左出黎~ 呀..... 唔知聖誕期間會唔會有報時呢?? 上下d 公仔九成相似即時對比... 就知道整件事有幾咁hea....

-------------------------------------

19/11/2009  - 立體聖誕卡 - 日夜景

冇理由小小世界個Ride 竟然唔夠外面搶~~~ 只係呢一條主要通道兩旁放左六張立體聖誕卡已經非常勁~!

而最重要係.... 今次同Merchandise 合作... 呢六張聖誕卡真係出左實物俾你買~ 呢個係一個好好ge 嘗試!! (最好就係Character 節日造型同公仔一致)

雪人~~

夜景會投影落雪景~ 想要個靚效果就唔好開閃光燈影la~! 聖誕老人~

滑雪小朋友~

溜冰企鵝~

Santa 雪橇~

北極小朋友~

今次呢幾張卡其實手工上構思上都做得唔錯... 但係唔夠吸引~ link 唔到Disneyland 亦都突出唔到小小世界~ 上年CNY 八福都叫有Mickey 頭~ 今次只係大型聖誕卡~ 希望HKDL 會留意一下~ 同要保持水準~ 加油!!!

--------------------------------------------

19/11/2009   小小世界過聖誕廣場裝飾

岩岩頭先果篇講完the Golden Mickeys 落小小世界條路.. 依家行到黎廣場~ 又係呢句... 點解個Ride 會被Ride 出面ge decoration 所打敗?? 又係一個資源錯配的例子~ 唔緊要~ 「香港人鍾意影相」丫麻~ 呢句說話ge 意思可能係張相入面有自己果隻「影相」咁解~ HKDL 覺得係Ride 入面影相危險~ 放係廣場慢慢影夠佢就岩晒!
全景圖~ 大家電腦冇問題... 小小世界亦都唔係被改裝到咁~ 只係靚太老公玩佢d 鏡頭~ 哈~

逐個睇睇到底佢地點樣改左鐘樓公仔個外貌做聖誕版~~

其實改得幾好~ 新加或修改物品個風格match 到原本呢d 公仔~ 所以.... 點解佢地唔搞下Ride 入面d 公仔???? 每個都加聖誕代表物或者換埋套衫~ 真係資源有限成咁.....?

小小世界出名夜景靚~ 本身外牆同鐘樓LED 燈已夠殺食! 今次聖誕版到底有乜特別~? 原來d 圓錐體聖誕樹都會著燈~ 而且仲要好靚~!

樹上都加左藍燈~~ 好浪漫!!!

好.... 行到黎門口... 終於都要入去玩..... 準備好未!?!?

其實開始前都叫左大家唔好有咁大期望....

始終都要行到入去小小世界過聖誕~ 到底點過聖誕?? Waiting Area 度冇加過decor... 直接播其他IASW Holiday 版本ge sound track... 但人地suppose 係ride 入面隨住d scene 黎播.....

最大分別的兩個scenes... 就係北極同Finale~ (亦得呢兩個scenes 有轉到聖誕音樂~ 所以過場顯得好怪雞!!) 北極有Santa 揮手... 上面吊左d 雪花.... 算係幾靚~

而其他場景就好似同你玩緊找不同遊戲咁~

只係重點改Disney Characters 就當然只可以咁.... 佢地都冇聖誕feel... 夾硬加落去....

其實北美個景都算靚~ 因為算加左燈.... It's A Small World Holiday (Christmas) 理應要加多d 燈先係~

如果係要搵個讚ge 地方~ 維港景都算係咁la... 算係有心機整ga la~

海螺扮聖誕樹都唔錯ge....

Finale 來了~ 最尾先黎一次過清袋?? 但物料好似用錯左... 地下用綿花黎鋪... 唔似雪ge 質感... 似係雲... 所有小朋友都係天堂.... 所以咁和平~! (以上笑點由William 提供)

Santa 第二次出現但同款... 所以呢個Scene 最值得留意ge 係雪人~ (咁上面d 雪花都可以睇睇ge~ 又識著燈~)

換左d 牌做Merry Christmas~

睇片吧.....

SHDL 城堡設計圖隨即流出??

岩岩今朝先公佈左上海迪士尼計畫~ 咁快MiceChat 就有擬似藍圖流出??
但係一個咁童話故事色彩的城堡... 唔係Disneyland 又係邊個theme park 呢??
仲有上空layout~

先前有傳聞傳出上海迪士尼會用新電影Rapunzel 入面座Castle... 又黎對比一下......

城堡係山上面... 仲有村莊依山而建.... 仲好似四面被湖包圍tim..... 到底左邊果艘係咩船~?

好似似層層咁~ 如果呢張藍圖真係SHDL... 張concept art 入面座城堡... 其實都幾宏偉!.... 亦都好似相當detail~ 可能佢地個park 會起得靚過我地...... 真係恭喜晒!!!
不過仲未確定ga~ 可能唔係呢... (又再黎自欺欺人一陣~)

上海迪士尼正式公佈

B san 返到屋企第一個消息就係上海迪士尼項目已經獲批~ 真係恭喜晒!! 開新分類啦~! 上海迪士尼~ 知大家唔想開呢個分類~ 但要接受現實! 依家要諗對策先岩~

http://news.sina.com.hk/cgi-bin/nw/show.cgi/32/1/1/1316379/1.html

迪士尼公司和上海市政府發表聲明，表示在上海浦東興建迪士尼主題樂園的「項目申請報告」，已獲得中國政府批准。

據新華社報道，今天上午8時30分，上海市人民政府新聞辦公室授權宣布：上海迪士尼項目申請報告已獲國家有關部門核准。

據有關部門透露，上海迪士尼樂園項目經過中美雙方多年接觸和談判，本著互惠互利的原則，於本年初簽訂了合作框架協議，並按有關程序向國家有關部門上報了項目申請報告。今年10月底，上海迪士尼項目已獲國家有關部門核准。目前，項目中美雙方正就合作的具體內容和細節進行深入磋商，將長期合作在上海浦東新區共同建設世界一流的迪士尼樂園。

而迪士尼公司的聲明指出，中國是世界上其中一個最具有活力和重要的國家，中國政府這次批准興建迪士尼，是迪士尼公司在中國發展的重要里程碑。在「項目申請報告」獲批後，迪士尼公司及其中上海伙伴將可以進行進一步磋商，以達到最終協議，建設和營連這主題公園，以及開始初步的發展工作。在完成最終協議後，項目的初期會包括一個魔幻王國式的主題公園，它會擁有一些為上海地區而度身訂造的特色，亦會有一些設施與其他迪士尼樂園一致。

內地傳媒昨日再報道，指政府計劃徵用的土地逾409公頃，是香港迪士尼的2倍；地點在川沙新鎮，並早在今年9月已展開徵地。

內地傳媒近一周報道，上海迪士尼樂園已獲中央批准，並預計本月中美國總統奧巴馬(相關)訪華時公布，上海市長韓正周日曾說快將公布樂園項目進展。《上海證券報》昨日亦再報道，浦東新區針對迪士尼項目的土地徵用工作展開，早在今年9月，上海市國土資源網就悄然掛出迪士尼項目的一期徵地公告。

上海市人民政府以土地儲備項目徵收集體土地，地點是黃樓以南，以趙行村為核心的位置，總面積達409公頃，當地傳媒預計有關土地是用作興建上海迪士尼之用。

香港迪士尼樂園總面積近200公頃，其中已落成的第一期約125.4公頃，另已預留另外70公頃土地作二期發展。

http://www.nytimes.com/2009/11/04/business/global/04disney.html?_r=2&hp

China Approves Disney Theme Park in Shanghai

========================感想========================

要講ge 都講晒~ 預左la~ 希望班議員學者除左繼續鬧迪士尼點解要係中國起兩個迪士尼之外~ 鬧還鬧仲要諗計點樣可以加快擴建 (唔係講緊新三個主題區~ 而係之後討論長遠發展用途談判唔該加快d~) 同加強香港競爭力~ 呢十幾年香港一直原地踏步冇進步過~ 只係靠中央同自由行打救.... 係時候諗諗之後條路仲要點行!!! 香港仲有幾塊爛地空置左咁多年~ 係咪要快d 搞??

唔係唔俾你地鬧~ 但唔該鬧完要做到野先得ga~!

上海總面積409公頃~ 香港計埋第二期係200公頃~ 兩倍有多~! 但香港迪士尼仲可以以質取勝~ 係冇地ge 情況下更加唔應該浪費任何一吋土地起個Toy Story Land 呢種低質素設施~ 呢個係劉吳惠蘭ge 錯~ 係佢冇真正花時間研究同欠缺遠見之錯~!!

請之後專責發展香港迪士尼項目ge 官員考慮多d 重質ge 方案~ Pirate Coast 會係香港迪士尼出路~

請睇睇以下呢個兩年前被特區政府嫌棄ge 區域 - Pirate Coast~ 只有呢種質素先可以吸引到大量外國遊客慕名而黎!! 唔係長隆都起到ge 設施... 亦都唔係其他迪士尼已經有ge 設施呀劉太!!! 想慳錢就不如cut 走個Toy Story Land project 等賺到多d 錢先再起其他吸引到人ge 區域la~ (好多外國網友表示將來會為已公佈的迷離莊園同野礦山谷而黎~ 呢d 先係吸引到人ge 設施~)



再浪費土地起低能低成本低期待度設施... 香港迪士尼只有死路一條!!!

如果上海執二攤要左兩年前被特區政府ban 左ge Pirate Coast 或者Glacier Bay~ 我地喊都無謂~ 唔好埋怨迪士尼搵香港人笨~ 原本係屬於我地ga!

唔該大家唔好再咁短視~~ 東南亞客??? 新加坡都出頭la~ 又傳下個迪士尼係澳洲或中東起~ 香港迪士尼依家係要同其他未起好ge 樂園鬥快起更多好玩遊戲~ 重點係快同好玩~ 唔係是但起垃圾充數!!!

依家應該要諗下一個擴建計畫再同政府傾~ 就算唔再注資都俾定心理準備HKDL 要自己俾錢投資~ 唔好等三個主題區四年後開晒幕再花兩年時間慢慢研究~! 咁搞法唔好話上海~ 再下個迪士尼都會爬過你~!!

除夕倒數派對取消了??

今日小弟係呢個blog 度講DLP Halloween 正日當晚有一個只此一次ge 表演~ 話今晚仲有d 關於HKDL ge 事想講講~ 就係講呢件事.....

原本呢個消息我都想一如以往扮唔知~ 但係好多知道呢個消息ge 網友們都希望我會透過網上面呢個平台講出黎請求HKDL 趁仲有得改變主意之前.... 唔好取消呢個一年一次的Count Down Party~ 所以.... 都係要講la~

聽聞事緣係上年Countdown party 太過冷清... 臨尾到12點果陣同平時weekday 等收park 一樣冷清....... 可能係為左節省成本所以今次取消~ 當晚將九時正閉園~

但係HKDL 唔好忘記.... 除夕呢個日子... 只係俾最貴果隻Annual Pass 入場~ 有好多好想入場ge AP 都因為呢日block 左所以冇得入~ 而唔係唔想入~

HKDL 每次都係睇個結果去構思下個活動... 有錢賺就繼續做~ 冇錢賺就cut~ 但係點解唔諗下造成呢個結果ge 原因??? 你地有冇花過心思去諗計吸引人??? 唔受香港人歡迎... 係咪應該要諗下香港人想要乜先~?

上年除夕活動好似只係用返Royal Christmas Ball 個stage 同埋係Tomorrowland 搭建多一個stage 俾人跳舞同聽歌.... 呢個就係問題所在... 你地依家唔係run 緊一個Disneyland~ 而係一個商場~ 既然你搞到個party 同出面街一樣.... 點解d 人要俾錢入HKDL 倒數而唔去時代廣場唔去廣東道??? 去廣東道都仲可以去睇下明星~

冇錯!!! 就係明星!! HKDL 點解唔搵明星坐鎮?? 唔係講緊重金禮聘天王級歌手影帝名媛出席~~~!! 邊個明星最match Disneyland?? 你公司旗下個個迪士尼人物都係明星~! 你搵個dancer 係度跳舞邊個識你先?? 你要人入黎都要製造一個引人之處ga~! 要有自己特色ga!!!

Stitch 同Donald 呢個例子講左好多次~ Stitch ge 商品受歡迎除左係因為佢本身真係多人鍾意之外~ 有冇諗過係你其他人物ge 商品造型質素冇佢做得咁好而影響銷量先?? (我好想買Donald 公仔~ 但佢個咀真係買唔落手!!!!) 你地一直都冇考慮到個原因.... 只係睇到表面個結果而不斷谷大Stitch 人氣~ 繼續忽略Donald 個咀~ 呢個係病態惡性旋渦~ Donald 終有一日會被捲走永不超生~

冇人去上年Countdown... 係因為活動唔足以吸引到人買飛入場.... 針對呢個原因的解決方法有兩個:

一) 學DLP Halloween Party 諗一個充滿Disney 特色的show~ 只此一場!! 呢個就係selling point~ (花費係呢個show 同延長開放所帶黎ge 支出)

二) 開放12月31日俾所有AP 入.... (又或者你繼續派飛~) 唔需要花心神諗show~ 繼續上年d 唱歌跳舞party.... 加埋characters 出黎同大家影相就足夠~ (花費係延長開放所帶黎ge 支出)

冇錯仲有第三個方案~ 就係依家HKDL 擬定ge 方案~ 直情唔搞!! 乜支出都慳返~ 但開左個頭一年唔搞..... 就好難可以keep 住繼續搞落去~ 班fans 今年冇入到而發現有其他好玩地方.... 下年你再搞返佢地都未必會返黎!!!

我聽到有人因為12月31號玩唔到count down 所以想續證幫襯你買最貴隻AP.... (當然仲因為其他尊貴待遇) 依家cut 左除夕show~ 係咪又少左個原因要人幫襯你呢??

到底金民豪係以乜野方針領導香港迪士尼樂園團隊??