虎虎生福 - 八福

今年八福會加入迪士尼人物~
!
以下文字之間會有兩幅圖... 第一幅就係上年八福個樣貌同埋地點~ 留意ge 係今次文字中都有提及到部分八福已經調左位~ 最明顯的莫過於係Hub 個「心願桃花園－姻緣」 讓位俾跳跳...虎呀~!

1．「常歡」Happiness

　　在市集廣場的觀景亭前，百花聚成米奇與米妮肖像，世上最快樂的一對正為今個新春添歡笑。

2．「萬利」Wealth

　　在探險世界入口的山洞旁，內藏寶藏無數，一起跳進美人魚艾莉奧公主的海底世界，看看她那些價值連城的收藏品吧！

3．「健康」Longevity

　　在探險世界的噴泉旁，像征福壽連綿的大海龜阿古，正等待游客請教它的長壽秘訣！

4．「姻緣」Romance

　　桃花代表浪漫，在幻想世界的米奇像旁正值盛放，一邊襯托著迪士尼中最浪漫的情侶白雪公主與她的王子，一邊祝願天下有情人甜蜜一輩子。

5．「狀元」Success in Studies

　　在幻想世界中的梅林法寶店前，貝兒深信閱讀能夠擴闊視野，不斷學習定能令游客夢想成真。

6．「和諧」Family Harmony

　　在小小世界的小徑上，遍布金黃色的五代同堂，七個小矮人濟濟一堂，像征一團和氣，全家福氣滿溢。

7．「高陞」Achievement

　　巴斯光年已經作好准備，在明日世界中與游客一飛衝天，助游客新一年再創高峰！

8．「豐盛」Prosperity

　　在明日世界入口，燈神已經急不及待地預備替游客實現所有願望，新一年豐足無憂。

今次係一個好好機會向唔太熟悉disney 的人宣傳自己公司character~ 仲要可以將characters match 到晒去中國祝賀說話度~ 咁同時都可以宣揚到中國文化俾外國人~
今次HKDL 構思八福.... 成件事個意義可以好大~ (中外文化交流融合~) 不過我地無需要理一個咁高ge 層面~ 最簡單的意義就是..... 又可以入park 影相!!!!!! 今年八福超正!!!! 多影相位即係佔雜誌版面會更多更豐富~ 對HKDL 都係一件好事~! 希望HKDL 會明白detail 同俾傳媒影相的重要性~
期待!!!!! HKDL 要加油!!

-----------------------------------------------

17/01/2010   虎虎生福活動介紹視頻

大家就算過往唔知道~ 近日都應該會因為Google 而得知道大陸ge 網上監管係做得非常之嚴格~ 大陸網民唔係個個外國網都可以上到~ 所以... 點解HKDL 會係土豆網度放最新ge 官方介紹片段... 而唔係Youtube 放呢??

由呢一點就可以知道香港迪士尼著重邊個市場發展.... 外國??? 完全冇諗過照顧呢個市場~ (至起碼CNY) 香港話晒都本土wo!! 其實都唔係太理~ 君不見兩年主題歌都譜上國語歌詞嗎? 君不見兩年活動內容都偏向土化嗎??
http://www.tudou.com/programs/view/Nl-OXfi0cn0/

想睇以上八福concept ge 大圖~ 如果官方一直都唔放... 等兩三年後B san 就會放出黎~ 哈哈~ 期待嗎?? 希望會做得好detail~

官網三種語言... 簡體中文版首先更新左詳細虎虎生福內容~ 繁簡字係咪好難轉換?? 簡體版出左繁體版都未出~ 都莫講話英文版..... (英文版連page都冇!!)

------------------------------------------

30/01/2010   八福開始進駐樂園!!!!

原來今日園方已經放左八福出黎~ 不過就唔係八個都齊晒~ 只係放左當中三個~ 但係Main Street ge 新年氣氛已經非常之濃厚~ 下個星期先開始~ 今日已經feel 到晒~ 強勁!!!

今年HKDL 有意要將迪士尼文化注入中國傳統新年習俗~ 令到呢個全球只此一家的Event 更具獨特性~! good job!!! 希望可以快d 出官圖等班外國人可以羨慕下~ plan 定下個新年黎~ 亦都希望金生真係會遵守承諾開拓開外市場~~!

呢個Mickey Minnie~ 靚過Epcot la~~ (唔知d 花草係真定假呢~? 唔重要~ 出左黎個效果靚又似佢地原本想要個效果就得la~!)

Tomorrowland 入口放左個超巨形Genie~! 遠遠都見到佢~! 今年HKDL 加重Genie 戲份~ 希望黎緊會見到越來越多Genie 出現ge 機會la~~! Genie 其實好史迪仔~ 佢都可以百搭~ 又搞笑~ 你地睇睇依家mix 埋中式背景~ 又match 得幾好wo~!

近睇~ Detail 之作~ 個樣同表情勁有神髓!!! 見唔見到頭上有頂中式帽?? 新年ma~~! 加分位黎ga~!

米都一粒粒~~! 希望唔會變黑~ 見唔見到盞Magic Lamp?? 佢係入面走出黎ga~!! match 返Genie 個故事~ 有Genie 係度包保你往後生活衣食無憂!!!

好~ 到Adventureland 入口~ 見到Ariel~!!!!

WDI 曾經講過~ 要做到Ariel 個神髓係好高難度~ 因為佢對眼大得有d 唔正常~ 要立體化都唔係一件易事~ 今次HKDL 都達到標準~ 雖然憑良心講呢隻Ariel 未必真係好靚~ (因為有d 假) 但絕對會為將來設計ge 影相位建立一個良好基石~

由低影上~ 樣仍然係detail~ 但個身就有少少Hea......

見唔見到魚尾d 魚鱗?? 不過... 可唔可以唔好令到Ariel 反光?? 立即假晒~ 減左少少分~

Ariel 的寶物~ 石頭以一個seasonal 擺設黎講做得好靚~ 但係d 道具就假左d.... Toon Town feel....

走果陣唔好忘記去Main Street 櫥窗睇睇~~! 除左八福外仲有一個Disney Character 雕塑~ 虎年主角Tigger!!! 係Merchan 個造型黎~!

暫時睇到三福都好滿意~ 自從上年Summer Stitch 之後... 就覺得HKDL 做影相位升左呢! 到今次呢批八福像.... 相信不久將來HKDL 會追得上甚至超越TDS~ (如果閣下有睇過DLP X'mas d 迪士尼人物雕塑... 你更加會覺得HKDL 已經過左DLP~!)

香港迪士尼要繼續加油呀!!! 唔好讚壞~~ 仲有五福未出黎~!! 仲有兩位公主... Belle 一定一定要靚!!!! 唔該!!!

-----------------------------------

02/02/2010  八福繼續進駐

尋日大家已經見到八福入面ge 其中三福出左黎~ 今日再有四福放左出黎~
第一個當然要介紹我的最愛Belle~ 佢想話俾你知不斷學習的重要性~ 希望虎年各位莘莘學子可以係學業上盡展所長~

呢個係八福最保留原著的造型~ 黎自電影開場歌曲 - Belle 其中一個畫面~ 但係唔知點解今次三位公主個表情都傾向呆滯~ (點解新年會冇黎表情呢?) Belle 仲帶少少憂鬱.... 近睇會發現佢對眼鳳左少少~ 不過影響唔大~

總括而言~ Belle 做得靚過Ariel~ Detail 位係佢裙邊d 摺~ (唔知手上本書會唔會有內容呢? 如果有ge 話就更detail~)

至於呢隻羊.... 呢個就係我話最保留原著造型ge 原因~ 電影中呢個場景Belle 正於水池邊向羊裙講緊佢最愛ge 故事~ 八福之中呢d 羊咩仔同狀元應該扯唔上關係~ 但係HKDL 照保留~ (可能係想個畫面冇咁單調~) 最後要講ge係... 「狀元」面積都幾大~

浪漫的代表~ 當然係Disney 第一對公主王子~ Snow White and the Prince~

對於佢地ge 造型小弟今日都接觸到唔同ge 評論~ 等我係呢度為大家講解一下~ 其實大家見到Snow White 呢身打扮~ 之所以同大家平時見開ge 唔同~ 係有兩個解釋ge~ 第一就係呢條裙係Snow White ge Wedding Dress~ 而第二個講法就係呢個其實係最初設定ge 衣著~ 後來改做大家熟悉果套~

睇睇下面呢張極珍貴的Snow White 手繪人設原稿~ Snow White 真係著住呢條裙~ (只係領口比較低..)

而係2006年Snow White and the Seven Dwarfs 推出紀念DVD ge 時候~ 亦都順勢推出左擺設~ 首次見到Snow White 呢身造型ge 彩色版~ 所以無論如何~ 呢條裙都並非首次出現~~ (係Wedding Dress 就更好la~ 姻緣ma~)

咦?? 個擺設咁似HKDL 今次呢個造型?? 個動作都差唔多wo~ 有分別ge~ 八福中兩位都冇笑到..... 上面都有提到.. 「傾向呆滯」~! 小弟對the Prince 膚色都有少少意見...

Snow White and the Prince 呢個姻緣都做得唔錯~
和氣代表係七個小矮人... 咦~ 唔係bo~ 八個先岩~ 見唔見到中間有個位俾人伸個頭出黎? 你都可以成為佢地ge 一份子~ 點解和氣係小矮人? 咁多年黎佢地食又一齊訓又一齊玩又一齊~ 仲一齊工作~ 所有時間都七位一體~! 唔駛講都估到佢地感情好好~

Sneezy 手執五代同堂~ Dopey 拎住Mickey 倒福字~ Bashful 拎住「和氣」張牌~ 尋晚有網友留言話今次八福另一成功之處就係連介紹呢個「景點」張牌都融入埋~ (部分la~ 唔係全部~) 大家留意到嗎?? 好強!!!

論呢個充滿玩味ge 造型係幾出色~ 但論上色就只係尚可接受~ (發唔發覺Doc 冇左副眼鏡???)

高陞代表梗係巴斯光年~ 之前都講過HKDL 呢個idea 諗得好好~ 冇人比巴斯更適合高陞~ 佢ge 名句係To infinity and beyond! HKDL 借Buzz 祝願各位運氣同實力都會無止境提升~!!!!

----------------------------------

04/02/2010   齊福!!

今日係虎虎生福ge Media Day~ 大家都係入去睇新show 同陳慧琳係咪?? 但係唔好忘記八福仲有一個未放出黎~ 今日點趕工都要趕到出黎la~~! 終於都見到阿古同班小海龜la~~ 哈囉阿古!!

阿古呢個像都好高下~

當然要影一張望鏡頭la~~! 留意今次Detail 位係頸紋~!!

Sqirt 兄弟姊妹~ 造型都有唔同ga~ 有開口有合口~

背後睇~ 其實某程度上富貴竹都好襯Aland~ 睇下旁邊d 欄杆~ 仲有Detail 位~ Crush 龜殼邊d 紋~

點解健康搵阿古?? 因為佢長壽~ 解唔解釋到~?

仲有仲有~ 上次我話Belle 如果本書都有內容ge 話就會加分~ 原來真係有內容~~! Chapter Three!!!! In which the maiden discovers the handsome stranger is really a Prince in Disguise!

太強了!! 重溫一下Belle 呢首歌~ 講述Belle 到書店再借多次佢最愛ge 故事書~ 1:55 有講到佢最愛呢本書ge 原因~ a Prince in disguise! 2:30 就係今次八福個場景... 歌詞中Here's where she meets Prince Charming. But she won't discover that it's him 'til chapter three! 呢個八福像揭去Chapter Three 就係呢個原因~!!!

今次HKDL 好勁呀!!! 但係我地知道... 佢地係唔會對外講ga~ 要搵就要靠自己~!! 我地知道佢detail 就夠~~

虎虎生福 - 宣傳篇

亞洲天后陳慧琳﹝Kelly﹞與香港迪士尼樂園合作，將新春的福氣與賓客分享。Kelly 將於12月聯同米奇老鼠遠赴內地吉林省拍攝全新一輯樂園新春廣告宣傳。

拍攝取景於吉林省雪地，同行的米奇知道 Kelly 一向怕冷，特意與米妮精挑細選各式各樣的保暖物，日前還邀請香港迪士尼樂園大使羅智豪，趁 Kelly 拍攝香港部份時探班，送上貼心的禦寒法寶，包括冷帽、頸巾、羊毛手套、保溫水壺、暖水杯、暖手暖腳包、暖水袋等，好讓 Kelly 遠赴寒冷地區拍攝廣告時也能溫暖窩心。

Kelly 稱新春佳節是她非常重視的日子，一定要和一家人團圓過節。今次她很高興參與香港迪士尼樂園新春廣告宣傳。對於米奇和米妮為她準備的禦寒法寶，Kelly 表示十分感動，並盛讚他們相當貼心。雖然要離開數月大的兒子遠赴內地拍攝，但她相信有米奇作伴，拍攝之行一定會很開心和順利。

---------------------------

28/12/2009  活動介紹

活動日期: 2月5日至2月28日.... 估計2月4傳媒日

＜迎福跳跳鼓＞ 福運比天高
迎虎接福，新春喜躍新高峰！全新設計的＜迎福跳跳鼓＞正熱烈上演，在城堡前的360度圓型舞台上，米奇率領一眾威風凜凜的鼓手及雜技演員，身穿閃耀奪目的新年服裝，伴隨強勁節拍的擊鼓聲熱舞賀歲。你將會被他們的熱情氣氛感染，一齊手舞足蹈大笑大跳迎新春！

＜八福遊園匯＞ 新春尋福氣 

新一年，尋福最緊要！＜八福遊園匯＞沿途置有八個繁花似錦的園藝裝飾，更分別有一個迪士尼朋友做主角，他們象徵「常歡」、「姻緣」、「豐盛」、「高陞」、「萬利」、「和氣」、「健康」、「狀元」八大福氣。別忘記在八福景點與迪士尼角色來張團圓大合照，迎接新年好運氣！

陳慧琳親手為米奇米妮添春裝
眾所周知，Kelly是一位充滿潮流觸覺的藝人，今次她特別為米奇米妮設計了別樹一幟的賀歲服裝，將他們改造成為賀年新星！請緊記來樂園和換上新裝的米奇米妮拍照留念！

＜龍騰鼓舞迎福陣＞ 新年新氣象
一元復始，萬象更新！新春期間，整個樂園將洋溢著喜慶氣氛。一條靈巧的金龍隨著鼓樂聲，躍動飛騰於美國小鎮大街，上演＜龍騰鼓舞迎福陣＞。米奇會率領一隊威風凜凜的鼓手，擊鼓迎新春，令佳節的熱情氣氛更高漲。

人人歡度虎歲 齊齊大飽口福
慶祝農曆新年，怎可少了一頓完完滿滿的豐富晚餐？無論是傳統賀年食品或是新派美食，由豐富的團年飯到精緻小點，香港迪士尼樂園皆為你準備周到。大飽口福之後，再用特別版賀年糖果填滿你的肚子，開開心心過肥年！還有，記緊帶走我們為你準備的虎年紀念茶具禮盒！
賀年新意願‧新心意
為揀選賀年禮品而大傷腦筋？樂園內準備了多款充滿新春氣氛的小玩具、新春服飾、賀年糖果及虎年特色紀念品。而幸福天后陳慧琳Kelly 更為香港迪士尼樂園設計限量版精品系列! 花多眼亂的話，倒不如將它們通通帶回家，讓家裡滿載虎年喜悅吧！

============================================

1. 迎福跳跳鼓又用返Mickey 做主角... 原本用跳跳虎咪幾好~ 係因為老闆始終多人識d~? 定係其實Tigger 同Mickey 都會一齊出現係新show當中?? 改到個名咁但又唔關Tigger 事又好似有點兒那個......
2. 城堡前的360度圓型舞台.... 大家估唔估到係邊度呢?? 哈哈哈~ 可以答一句~ 唔係HSM 果隻流動台~ 構思上小弟好支持HKDL~ 唔駛聚集晒人流係城堡廣場~ 分散到人流又可以多d 地方同時睇到個show 之餘又將阻擋煙花機會減到最低~ 估到未?? 不過都係等園方開估~
3. 八福加入迪士尼角色~ 呢個就係小弟之前所講涉及disney characters 人數眾多ge 原因~ 如何match 到八福?? 又係等活動開始大家慢慢參透~ 至於值唔值得讚.. 都係等睇成品質素如何先~
4. 繼Vivienne Tam 後HKDL 搵名人為Characters 設計新衫~ VT 設計Minnie 條裙好中式又帶有時尚感~ (可惜被中間幾隻中文字破壞晒~) 今次Kelly 設計到底會係咩樣?? 會唔會擺脫到Mickey 中式Costume 例牌的「紅」??
5. Kelly 唔只設計Costume~ 連商品都掂埋~! 限量版!! 天后級代言可以同時做咁多野?? 會唔會係功夫米奇式figure 著住由Kelly 設計ge Costume??
6. 據聞仲有D 野未公佈.... 希望唔好cut!!!

---------------------------------

04/01/2010 新聞稿

虎年即將來臨，難得農曆新年一家人一起放假，何不選擇來到香港迪士尼樂園，一同輕輕鬆鬆為這個假期添點新意？今年樂園已為大家準備好老幼咸宜的「虎虎生福」新春特備節目，讓賓客一家大小來到滿載喜氣的樂園歡度一天，齊齊開開心心迎接新一年！

由2月5日至2月28日期間，到訪樂園的賓客會遇到穿上新年新裝的米奇米妮以及其他迪士尼朋友；走在美國小鎮大街上，便能欣賞全新的「迎福跳跳鼓」及「龍騰鼓舞迎福陣」賀歲表演。賓客在樂園的不同主題區遊玩時，順道亦可看到今年以全新面貌登場的「八福遊園匯」，又或者可以享受各種賀年美食、趁機辦年貨等，與摯愛親朋一起以輕鬆好心情度過新春假期，為新一年來個好開始！

虎年福運比天高為了祝願大家虎年的福氣更上一層樓，香港迪士尼樂園在城堡前首次築起360度的圓型舞台，每天以全新設計、充滿跳躍動感的「迎福跳跳鼓」，與賓客一起迎新歲。身穿喜氣洋洋新年服裝的米奇，將率領一眾鼓手及技藝非凡的雜技藝人，跟隨擊鼓聲熱情舞動，並邀請賓客齊齊拍手助慶，歡迎生氣十足的跳跳虎壓軸登場，大家一起以越跳越高來寓意新年步步高陞！

接過八福好過年「八福遊園匯」今年將以全新的面貌登場，希望為香港及賓客繼續帶來好福氣。象徵「常歡」、「姻緣」、「豐盛」、「高陞」、「萬利」、「和氣」、「健康」、「狀元」的八個福氣園藝裝飾分佈樂園不同角落，每個分別由迪士尼朋友做主角，賓客可隨時來個合照，為新年留個福氣回憶。喜歡收集貼紙的賓客可先到賓客服務中心旁的貼紙卡派發點，領取貼紙珍藏卡一張，再到每個園藝景點收集特別版福氣貼紙，將八方福氣帶回家！

米奇米妮新裝賀新歲
今個新春，一眾迪士尼朋友將穿上全新賀歲服裝在樂園向賓客拜年，和大家來個福氣合照。值得一提的是，米奇及米妮今年的賀年裝乃由充滿時尚觸覺的幸福天后陳慧琳親自設計。

Kelly發揮她的潮流觸覺及衣著品味，替米奇和米妮兩位樂園巨星設計全新的賀年春裝，為他們塑造出耳目一新的形象，向各位賓客拜年。Kelly表示感到非常興奮，並透露：「在設計方面，我希望能夠保留中國傳統的服飾風格，並在細節上添加一些潮流元素。我為米奇米妮所設計的春裝將以金色為主調，象徵財運和福氣。米奇的唐裝將配以「梅、蘭、菊、竹」等細節，繡上翡翠綠的圖案作為襯托，加添華麗貴氣。而米妮的旗袍則以細緻雙金色調的梅花為基礎，繡上大朵豔麗鮮紅的梅花圖案，突顯其可愛氣質。」

金龍慶歲樂滿天
農曆新年又怎少得舞龍舞獅表演？美國小鎮大街上將上演由米奇率領的「龍騰鼓舞迎福陣」，靈巧的金龍隨著鼓樂聲，帶領騰雲、鯉魚等吉祥物，沿著美國小鎮大街一路躍動飛騰；而米妮亦將會為賓客表演活潑優美的扇子舞；而高飛會以令人耳目一新的財神造型跟大家拜年。此外，賓客亦能隨時欣賞極具歡樂氣氛的街頭表演，例如舞獅及擊鼓等傳統及現代中國藝術表演項目，讓美國小鎮大街充滿著喜氣洋洋的佳節氣氛。

為祝願賓客虎年金銀滿屋，樂園各處將貼上以傳統中國剪紙藝術而製成的揮春陳設，而財神及福祿壽三星更會在樂園恭迎賓客的來臨，並大派米奇黃金朱古力利是。

精選賀年美食禮品佳節當前，應節美食當然少不了。樂園及兩間迪士尼主題酒店為賓客準備了各項傳統賀年食品和新派美食，由豐富的團年飯到精緻小點，應有盡有。大飽口福之後，賓客不忘選購各款禮品，送贈親友。樂園準備了多款充滿新春氣氛的限定版精品、玩具、服飾、賀年糖果及虎年特色紀念品。

其實，除了米奇和米妮將穿上由Kelly操刀度身設計的新裝外，樂園的賓客亦有機會穿上Kelly的作品，因為Kelly將會破天荒與米奇crossover，設計一系列香港迪士尼樂園獨有的精品，當中包括首飾精品、女士服裝及手袋等。

除了參與產品設計之外，Kelly早前更與米奇遠赴內地吉林，在零下二十度的外景場地為其新歌「幸福的快車」拍攝MV。Kelly表示這首新歌是兒子「蝦餃仔」出生後她的第一首派台歌曲，感受特別深刻：「自從誕下『蝦餃仔』後，我除了感覺到初為人母的喜悅之外，更體驗到一份來自家庭、從未有過的幸福感覺，並更讓我注意到家庭的重要。在農曆新年這個重要的中國傳統節日，我希望每一個人都可以在春節假期與家人開開心心的共敘天倫。今年我會跟家人到香港迪士尼樂園暢玩一番，一同沾沾福氣，迎接福氣滿盈的虎年！」

想投入香港迪士尼樂園的賀年特備節目「虎虎生福」，迎接喜氣洋洋、福氣滿載的一年，賓客可由即日起於樂園網站、樂園正門入口售票處、兩間樂園主題酒店、香港國際機場香港迪士尼樂園奇妙店、港鐵香港站的香港迪士尼樂園售票處，及指定之OK便利店購買門票。
圖文: 香港迪士尼樂園

1. 歡迎生氣十足的跳跳虎壓軸登場!!!!!!!!!!!!!!!!!!
2. 我好期待今年八福~ 因為聽聞會有...... 希望做得靚~~! 千萬不要走樣!!!
3. 喜歡收集貼紙的賓客可先到賓客服務中心旁的貼紙卡派發點，領取貼紙珍藏卡一張，再到每個園藝景點收集特別版福氣貼紙，將八方福氣帶回家！儲貼紙已經成為遊樂設施~~~!!
4. Kelly 設計一系列香港迪士尼樂園獨有的精品，當中包括首飾精品、女士服裝及手袋等~ 有服裝!?!?!??! 希望真係設計而唔亂咁印公仔係Tee 度就算~
5. 其實好耐之前.... 有人話Mickey 會有一套擬似鐵道員裝束... 初時真係唔知乜黎.... 但見到首張官圖以飛天火車衝向城堡... 又見埋Kelly 雪地同Mickey 呢張相... (有d似工人...) 可能個MV 係同火車有密切關係~ 米奇係火車出現... 成架飛天到HKDL~ 都係估下姐~ 又或者係流料~
6. 原本小弟都係諗住休到明天就update... 既然依家官方update... 都不能懶~!

-----------------------------

05/01/2010 陳慧琳設計米奇米妮全新春裝 + MV 曝光!!

尋日陳慧琳去左北京開記招 (就係開左記招先出新聞稿姐~) 當然係開虎虎生福活動記招la~~ 其餘ge 細節大家睇官方新聞稿都可以見到~ 呢篇睇睇佢為虎年設計ge Mickey Minnie 新春裝~~ 首次曝光!!!!

陳慧琳：「在設計方面，我希望能夠保留中國傳統的服飾風格，並在細節上添加一些潮流元素。我為米奇米妮所設計的春裝將以金色為主調，象徵財運和福氣。米奇的唐裝將配以「梅、蘭、菊、竹」等細節，繡上翡翠綠的圖案作為襯托，加添華麗貴氣。而米妮的旗袍則以細緻雙金色調的梅花為基礎，繡上大朵豔麗鮮紅的梅花圖案，突顯其可愛氣質。」

米奇終於擺脫紅色系新年裝~! 多謝Kelly~!
記招片段~ 可以見到鐵道員裝Mickey 正面~ 但應該只係拍MV 用而唔會出黎Meet & Greet 吧..... 可惜~ 記招上Kelly 著住果件衫~ 唔知係咪佢為呢個活動設計呢~?
http://v.ent.163.com/video/2010/1/D/6/V5RAQ0FD6.html

而活動主題歌曲早前已經派台~

曲同詞不作評論~ 編曲好似唔多有新年feel.... 但係有少少magical 感覺ge~
而以下係MV 部分片段~!! 初初睇又係情侶.... 但到中段見到接爸爸上車果度有少少感動~~! 入到HKDL 每一個畫面都洋溢歡樂和諧新年氣氛~ 拍得好好!! 唔知係咪HKDL 自己構思呢???「幸福的快車」!!!
http://www.tudou.com/programs/view/SonENJe_ogA/
圖: 新浪

----------------------------

19/01/2010  虎虎生福官網

八福宣傳圖係見唔到八福個造型.... 只係見到Kelly 拖住Daisy 採花~

Fab 7 今年Meet & Greet 都會有新衫~ 咦?? Pluto 冇新look~? 唯獨得佢一個冇~~~ 哈哈哈~

另外今次官網都有一個另到我感覺驚喜ge 地方~ (還記得上次X'mas 個兩個小小世界小朋友都曾經令到Bsan 驚喜嗎?) 就係以下呢幾個鼓面上ge 剪紙造型~ 好有中國色彩亦好有迪士尼特色~ 一睇就係HKDL~~!!

HKDL 真係要加油!!!
圖: HKDL

--------------------------------

28/01/2010 虎虎生福新官圖發佈

仲有一個星期.. 香港迪士尼2010第一個節日活動~ 虎虎生福將會舉行Media Day~ (但係星期五先會係首日~) 今日HKDL facebook account 已經upload 左一批新官圖~ 大家可以click 上去睇睇~
米奇家族全新裝束亮相~ 左邊全部一個系列~ 好match~ (亦都好襯後面個backdrop~) 只有goofy~ 不過唔緊要~ 因為佢係財神! HKDL 似乎今年係睇住Kelly 兩個design 黎設計新衫~ 讚好!!

分批合照~~! 老闆老闆娘~~! 原來Minnie 對鞋有detail 位~!!! 好闊太~!!

Donald & Daisy~ 其實Daisy 對鞋都有detail 位~ 而今次做到閃「令」但唔係光油咁ge 效果~! 唔知點形容~

Pluto fans 話Pluto 其實今年都有新衫.. 乜pluto 有衫ga咩?? 原來係頂帽同吊飾唔同左~ 又似乎Pluto 呢個新look 個tone 係故意襯Goofy~

Chip Dale~ 好想睇佢地件衫係乜花紋!!!!

Fab 8 大合照~!!

仲有今年虎年主角Tigger~ 不過記招佢就冇出黎~ 但係就有個姐姐拎左Tigger 公仔影相~ 太細隻.... 如果有大少少可能我會買~

仲記唔記得聖誕HKDL 都有出過紀念餐具~ 新年都有~ 同樣係兩款~ 後面比較朦ge 係聽講係布丁~ 再加埋呢隻色... 可能係綠茶布丁~
前面係新年一口小食~ 閣下俾錢其實都唔係為左買野食物ga la~ 係因為想儲杯碟姐~ HKDL 肯出返呢d 都已經好好~

米奇頭糖環~

三色年糕~ 呢d 出面都有得食~ 不過HKDL 賣就係另一回事~ 因為標誌住「融入」

年年有餘蜜桃包~

嗯... 有魚有肉.. 應該係套餐黎~ 小姐... 你係咪諗住用個糖環吹泡泡??

有CNY update 相歡迎send 俾小弟~~!
圖: HKDL~

Santa's Workshop 構想圖

大家認唔認得呢個場景呢~?

冇錯~ 呢個係前年第一年雪亮聖誕ge 其中一個重點項目~ 亦都係難得一個seasonal attraction 有擴建的情況~~ 聖誕老人開心總部呀~~ 有入過ge 一定會記得~ 冇入過就算la~ miss 左都冇得返轉頭~
以下係糖果室的構想圖~ 3D圖???? 少見吧?? 哈哈~

仲有幾個scene ge 圖... 但係我發覺反而自己原來冇相~~ 咁就post 埋聖誕老人間房算~~

個喇叭原來會出火車!!! 強~~ 更強係中間冇支撐物撐住條軌~

聖誕老人除左係Let it Snow Parade 尾float 出現之外.... 呢幾年都見到越來越縮... 由前年的Santa's Workshop show 晒佢成間屋~ 到上年Town Square 得張櫈係亭~ (但都搶左Mickey 個位~) 今年聖誕老人.... 只係It's A Small World 見到.... 可憐的Santa....
大家仲記唔記得Santa's Workshop 前身~? (如果唔係黑色世界大街酒店開左個位~) 係Main Street Opera House ga~ 即係依家the Art of Animation 個位~
希望2010年聖誕會有多d 聖誕老人蹤跡la~~