跳跳鼓現身!!

今日入park ge 朋友一過左小鎮大街就會見到有野唔同左la~~! 就係今次CNY 起係hub 個台~ 已經開始搭緊~

官圖中呢個台係有一個大台同兩個細台組成... 三個都係圓形... 依家兩個細台都唔似係圓形黎.... 方形黎ge~ 不過官圖不嬲都唔可以作準ge....

今次係hub 呢度起台就真係幾good ge~ 四面都可以企到觀眾~ 個個都可以有靚view~ 唔駛迫晒係城堡前面.... 完場散人都散得快d la~ 而且個台岩岩起得高過個花圃欄杆少少... 用盡晒個位~ 但係又唔會好似過往d Stage 咁遮晒castle~ (大家都知HKDL 座城堡好易被遮晒ga la...) 夜晚睇煙花個景都唔會有好大影響~

諗呢個idea 果位真係要俾個"Like" 佢~ (B生會唔會太早讚好? 裝埋燈先俾都唔遲la~ 可能佢地傻左係中間棟兩支燈塔呢?)

--------------------------------

01/02/2010

相信個台已經整好左~ 因為係之前個base 之上有一個圓鼓形ge 台~ 企到呢度都仲睇到大半座castle~ 真係幾好~ 而且睇睇今次跳跳鼓個時間表~ 都係集中晒係陽光非常充足ge 時間~ 可以慳左排射燈~ 亦都唔駛怕排燈擋到你靚view~

牌.....

今年Main Street 新年裝飾主題就係中國民間剪紙技藝~ Idea... 好!! 效果... 好!! match 到CNY 又match 到Disney~

Castle~ 唔走紅色路線~

大街小亭~ 唔知新年期間仲會唔會見到Mickey Minnie 係度呢~?

點解?? 因為今年係虎年~ 連米奇頭都有虎紋!! 咁到底Tigger 會唔會係大街出現?? 又會唔會好似Summer 果陣Stitch 霸佔Town Square 亭ge 情況再次出現?

繼續誠徵各位的update 相~
圖: SAM, Lok, 小文

-----------------------------------------

04/02/2010  -迎福跳跳鼓

今日迎福跳跳鼓首場... 但係正面有好多記者同Office CM 咁話~ 遲左少少到又想霸個靚位影相就要去到castle 廣場~ 但係一黎個景冇正面咁靚... mickey 同tigger 又冇乜理到後面ge 觀眾~
假若HKDL 真係有心分散人流開晒四面~ 就應該叫Mickey Tigger 理下側邊同後面ge 觀眾先得la~ 否則又係堆晒d 人係正前方~

原來係玩中國雜耍~ 挑!!!!!!!!

頂!!!!! (請唔好誤會~ 小弟係形容雜耍內容~)

Mickey 出場了~

新衫黎~!! 腰帶同手袖都係虎紋~ 圍住個台走一圈打晒d 鼓....

迎福跳跳鼓... 得鼓?? 到Tigger 出場就有得跳la~~

跳跳虎彈跳特輯~ 型!!! 今次個台設計得好好~ 觀眾角度睇唔到台面~ 就係見到彈跳力十足... 同原本故事一樣ge 活潑跳跳虎~ 好過DLP parade 裝野係Tigger 對腳度咁礙眼~

完場了~~! 終於都理到後面觀眾~

我地一齊等官圖出爐~ 睇睇正前方ge 表演~! 亦都歡迎各位有相share 可以send 俾小弟~ 哈哈!! 唔知有冇人拍左片呢?? 好想知個音樂係乜~

---------------------------------

迎福跳跳鼓片段

感激數字人拍左片即日放上youtube~ 但係依家只得part 1 ~ 小弟唔等埋part 2 就update blog 了~ 忍唔住ma!!!

嗯..... 跳跳虎係咪講普通話...?
其實個show 有d 唔知做緊乜....睇完要recall 返記憶ge 話應該只會記得Mickey 打鼓... 同Tigger 係台上面跳... 班雜技團唔太起眼... 始終Disney Characters 一出場其他人都會變成配角~ 唔知係咪因為咁頭五分鐘都唔俾Mickey 出場??
唉... 幾時先會再有d 好似皇家舞會質素ge Show 出現??

香港迪士尼擴建介紹片段

終於都有官方片段放出黎!!!! 不過唔係香港迪士尼自己放~ 而係Walt Disney Company 岩岩發佈的年報中Park and Resort 發展大計中ge 片段~ (記唔記得當年都係因為年報而出左Pirate Coast 張concept art?)

快d 睇~~! 有中文字ga~ 唔知道會唔會剷走段片呢~?

睇睇一班負責HKDL 擴建計畫的幻想工程師~

開會及Present 的情況~ 有得呢個畫面.. 應該會有更多更長ge 介紹片段~ 希望遲d 會放多d 出黎la~~

呢張... 佢地拎走左成座Mystic Manor! 哈哈 (好笑咩?) 好得意~ 因為全個模型都係可移走ge 部件~!!

以下呢兩個就係山谷之中Merchandise 小店同小食店~ 兩個都好似唔會係大規模~ (上次都有講過Saloon 後的白色範圍了~~)

模型製作中.... 完成品大家已經係D23 Expo 見過~

到Mystic Point 了~ 之前都有預告過我地個版本將會用好多新技術~ 第一張呢個... 唔知係乜野... 但係隻手一掃就變色~

Yellow 按: 呢個係之前D23 Expo 已經有出現過ge 新技術~ 叫Story Teller's Sandbox~ 係d 沙度project 畫面~ 但係用某d 特定道具或者係某d 特定場景之中... 你可以參與玩ge 一個interactive 遊戲~ 唔知道呢d 沙會關我地擴建咩事呢??? (海龜同破冰果段... 真係睇到O左咀!!!!)

噴煙~ 即係我地The armory room 入面會攻擊你的大炮~ 但呢個好似已經唔係新技術....

呢個係.... 好中式~ 角度問題將前後合體

呢隻咪係Tokyo Disney SEA 隻Sinbad?? 會關我地乜事?? 唔通佢係想講Albert 的活動能力???

閃電~~!!!

Toy Story Land 了~ 好鍾意第三幅圖個大腳印!!!!

片及圖: Disney

每一個畫面都令到人熱血沸騰~ HKDL 要加油~~! 今次又係WDC 發放... 如果係香港迪士尼自己放出黎大家一定會好感動~~~! 請記錄工程到最後出個特輯~ 同埋亦都請你keep 住每隔一段時間發放新相新圖新片出黎保持曝光率同期待度~ 咁就good la~~!

香港迪士尼本年虧損額收窄

香港迪士尼樂園2009年度淨虧損13億1,500萬元，較前年度收窄16％。期內扣除利息、稅項、折舊及攤銷前虧損也收窄57％，至7,000萬元。

商務及經濟發展局今天（1月19日）提交立法會經濟發展事務委員會的文件透露，在2009年度，樂園接待了460萬名訪客，入場總人次增長2％，並錄得25億4,100萬元收入，按年跌1％。

年度內淨虧損13億1,500萬元，較前年度收窄16％；營運成本及費用按年減4％，至26億1,100萬元，主要是由於成本節流措施取得成效。

期內扣除利息、稅項、折舊及攤銷前虧損也收窄57％，至7,000萬元。前年度則錄得1億6,100萬元虧損。

督促樂園提升效率

年度內，本地訪客佔41％、內地訪客佔36％、國際訪客佔23％。其中本地及內地訪客人數分別按年升4％和10％，而國際訪客人數則跌9％。

商務及經濟發展局局長劉吳惠蘭表示，政府並不滿意樂園現在的財政狀況，但指出，樂園是長遠投資項目，回報期相對較長。

她指出，會在香港國際主題樂園有限公司的股東會議及其他的恆常接觸上，繼續監察樂園管理公司的運作，並督促樂園管理公司做好成本控制，以及提升樂園的運作效率。

料最壞時刻已過

立法會經濟事務委員會成員、會計界代表陳茂波認為，去年發生金融海嘯，迪士尼入場人數仍有增長，相信樂園最壞時刻已過去，已穩住局面，業績亦反映迪士尼成功節流，令營運成本下降，由於迪士尼仍在擴建，相信短期內難以轉虧為盈。

旅遊業議會主席胡兆英認為，去年整體訪港旅客只0.3%增長，迪士尼入場人數%增幅，情況可以接受。他期望，迪士尼盡快完成擴建，推出獨家設施吸引旅客。

旅發局會對外加強推廣迪士尼和海洋公園

旅發局總幹事劉鎮漢說，迪士尼和海洋公園，對吸引東南亞及內地家庭旅客，很有幫助，旅發局未來會加強向新興市場推廣兩個樂園，也會在東南亞地區，推廣兩個樂園的活動，例如萬聖節活動。

新園區分階段完成

樂園去年達成的資本重整及擴建協議，令負債大幅減少，並大量增加主要遊樂設施的數目，有利香港迪士尼樂園的長遠發展。

根據資本重整及擴建協議，香港迪士尼的擴建計劃，包括3個新的主題園區，為現有主題樂園的面積增加約23％；新園區預計2014年年中前分階段完成。

迪士尼估計擴建後才達致收支平衡

樂園行政總裁金民豪，強調樂園財政穩健。他說，可能要等到二零一四年，完成擴建工程後，才能達致收支平衡，目前未決定會否增聘人手或調整薪酬。他又說，隨著跨境基建落成，及內地放寬自由行，他對本港旅遊業有信心。對於上海即將興建迪士尼樂園，金民豪相信，中國可以容納兩個迪士尼樂園，並關注新加坡旅遊設施的競爭。

至於迪士尼的另一競爭對手海洋公園，去年度錄得四百八十萬入場人次，較對上一年度下跌百分之五，盈利跌五成二。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

1. 最多香港傳媒放大邊個point? 除左蝕之外~ 就係國際旅客下跌~ 原因除左真係上述天災... 更重要係上年活動同前年冇乜分別~! 忽略左外國客市場都係原因~ 睇下今次CNY 就知道la~ 當年市民議員傳媒期望迪士尼開幕都係想靠佢帶好香港旅遊業~ 相信如果外地遊客有明顯上升ge 話就可以塞住班人把口~

2. 人數之所以增長... 最重要發言人話「迪士尼對業績表現滿意，認為在金融海嘯下入場人數仍有增長十分難得，並指過去三個月已回復去年同期水平，對前景有信心。」過去三個月... Halloween 派左幾千張飛俾大學生.... X'mas 都派左飛俾Cast Member... 根本就係做個數出黎.....

3.  Ocean Park 入場人數同HKDL 似乎會差多過100萬~ 但係HKDL 就蝕得咁勁~ 由此可知道HKDL 日常營運支出真係好大~ 亦都可以知道OP 支出係幾咁低... (可能最多都係買魚糧...) 但相信個數會隨擴建而擴大~

4. 聽講IASW 今次變一變做聖誕版~ 前後關閉都做左好多保養翻新工作~ 唔郁ge 野都郁返~ 甩色ge 亦都重新上過色~ 搞到好似新ge 一樣~ 呢d 支出我覺得係必要~ 劉太... 你知唔知道放一場煙花要駛幾多錢?? 需要cut 埋佢嗎??

5. 五周年活動好重要~ 下年個數係如何就靠五周年活動~ 希望金生唔好再搞破壞~

陳慧琳crossover米奇發揮奇妙創意

幸福天后陳慧琳 (Kelly) 與迪士尼巨星米奇破天荒crossover，設計一系列只在香港迪士尼樂園首度獨家發售的「Kelly x Mickey」精品系列，並將於樂園的新春特備活動「虎虎生福」期間首度推出。由Kelly親自監督設計的「Kelly x Mickey」系列包括女士時尚服裝、首飾及手袋，共推出超過20款時尚服飾及精品，讓大家過一個既潮又充滿福氣的虎年！

「Kelly x Mickey」獨家精品系列將由2月4日起於香港迪士尼樂園獨家發售，盡顯其創意及潮流觸覺。在設計方面，Kelly採用今年大熱的桃紅及黑色兩種主色，配以Bling-Bling閃石，希望讓一眾女士們在新春拜年時搶盡眾人目光！Kelly更特別為此系列設計「KxM」標誌，並親手繪畫Q版Kelly及米奇作為設計的主要圖案。

對於今次的Crossover合作，Kelly感到十分雀躍，她表示：「我一向對設計很有興趣，加上我向來都是米奇的Fans，這次可以跟他一起設計以自己名字為品牌的產品，令我想起以前在美國讀設計的開心日子！我特別使用我最喜愛的桃紅色，加入象徵璀璨煙花的閃石作襯托。今年的情人節剛巧跟大年初一在同一天，希望我設計的產品可以帶給人們幸福甜蜜的感覺，也可以成為今年情人節禮物的最佳選擇吧！」

唔識得評... 尤其係有Kelly 樣果款.... 硬係覺得著住一個設計師 (明星) 個樣上身... 唔係潮而係似Fans Club 會衫..... 但Accessories OK~ 唔知HKDL 會唔會邀男明星做代言人又叫佢設計男裝呢?? HKDL 入面好多男裝都買唔落手呢..... 太小朋友.....
圖文: HKDL