香港迪士尼 X 屯門市廣場：奧運活動

感謝Pluto 為大家提供下面呢幾張相~~ 呢度.... 又係屯門~! 其實真係諗唔明點解揀屯門.... 之前揀青衣城同德福都好呀... 下面呢幾張相可以見到其實個場真係佈置得幾好~~ 遠遠就見到米奇頭~ 呢個真係強勁ge Brand image~! 一見到就知係迪士尼~!

個台.... 海藍加鮮黃... 令到我諗起阿古隻潛水艇~! 可能又係一個潛意識宣傳策略~

米奇個鼻變左Pinocchio~ 聖火台嗎~?

由上面睇最eye catching 係田徑跑道同泳池... 唔知會唔會有小遊戲俾人玩呢~? 但跳高果塊墊..... 麻煩Pluto 遲d 再為大家作後續報導~!! 多謝晒~~!! 麻煩晒~~!

用呢d 宣傳物品移入park 都已經多個attraction la..... 個台又好似會有show 咁... 做得咁靚.... 唔放入park 真係浪費....

-----------------------------------------

19/07/2008

屯門市廣場將化身成迪士尼體育場地，米奇與您在田徑場上競賽、米妮跳絲帶舞、唐老鴨參加泳賽、黛絲與你打乒乓球。

高飛果然係跳高~~ 不過如果佢跨欄一定會更為勁~~! 米奇係田徑~ 10.175!!!

正如Neo 所講~ Donald 真係游泳健將~ 哈哈!! Daisy 打乒乓波~ 對手係邊個呢~? 唔通就係俾大家影相ge 時候同Daisy 打~?

其實個泳池效果好似做得幾好咁~~! Minnie 玩體操~~!

台.... 竟然有輝兒杜兒路兒!! 好可惡ar~~! 連park 都冇ge 人物~ 一個商場show 竟然有!? 我都幾鐘意佢地三隻百厭星~~! 咦~? 冇Chip n Dale???

聖火台~~ 上面一堆野~ 又係由風+燈扮火~?

「米奇好友運動會」揭幕禮暨明星派對
米奇與一班好朋友將聯同遠道由台灣來的人氣偶像鄭元暢及名模Angelababy出席揭幕禮，並率先為大家獻上精彩的歌舞匯演，將米奇好友運動會熱潮推到高峰。
日期︰8月3日(星期日)
時間︰下午2時30分
地點︰1樓中央廣場
嘉賓︰鄭元暢及名模Angelababy
「米奇好友運動會」歌舞大匯演
為慶祝「米奇好友運動會」舉行，米奇與一班老友記表示要以大型歌舞到賀，萬勿錯過！只要於當日任何兩間商舖消費滿港幣300元，憑該兩張不同商戶發出之即日發票到一樓中央廣場登記處報名，更有機會與米奇及其老友記一起合照。（名額有限，先到先得。）
日期及時間︰8月3日-下午4時30分、6時及晚上7時30分
8月24日-下午1時、2時30分、4時30分及6時及晚上7時30分
地點︰1樓中央廣場
即係.... 如果「米奇八面睇」都可以稱得上為一個景點..... 呢d 雕像加埋背景比米奇八面睇高幾皮la~~!! 終於知道佢地點解做得好過park~! 俾三百蚊同特別版Mickey & Friends meet & greet~!!!!! 記住係兩張單夾埋300蚊!! 而且有灰色地帶! 佢冇講明一次可以放幾多人入!! 即係十個friend 消費300蚊係咪全部可以入晒去影相呢~? 聽聞米奇同班朋友仔已經去左度身做新衫~ 但唔知會著新衫入屯門定係留係park 度呢~~?? park 入面個show 同呢個比... 真係....
各位屯門人~~ 敬請帶機拍晒成個show 放上網俾大家睇~~! 小弟開學入屯門先有得減車資~ 冇理由依家入姐~ 哈哈哈~~ 但個台其實唔大~ 左右都有障礙物..........

香港迪士尼建造圖－小鎮大街篇

呢兩日yahoo blog 又好似有事咁.... 我上自己個blog 都有時show 唔到新ge 文章~ 去其他blog 亦出現同樣問題~~ 就呢次事件~ 建議大家訂閱左想睇ge blog~ 咁就唔會miss 左任何一篇文章了~~
睇睇Main Street la~~ 以下呢張就真係開始左冇耐ge MS 全景圖~ 大家離遠可以見到泰山島仲未出現河道~!! MS 大部分建築物只係得地基~ 真係珍貴到不得之了~!!

而呢張就係差不多完成ge MS~ 又留意一下Theater in the Wild 等候區旁邊個缺口~~! 就係之前小弟講果個缺口la~ 而依家工程位就係再上面~~ 同時又睇睇大街酒店... 米奇大屋同阿古呢幾個temp attraction ge 位置~ 就係呢塊地了~ 佢地咁樣留左個吉位係度~ 應該遲d 都係有野會起~ 希望HKDL 就算擴建完都好~ 都可以保留我地獨有風格~ 就係有seasonal walk-through attraction~ 最緊要都係有halloween 版鬼屋!! 等其他DL 都羨慕我地halloween 多野玩過佢地~!! 亦好玩過佢地!!!

呢度係gate 黎ga~~ 認唔出!?!? 角度係火車站上面影落黎~~ 見到遠處仲填緊海~ 依家差唔多填完第二期了~~! 希望第一期快d 搞掂~~!!

Town Square~!! 老闆「屋企」~ 因為永遠都企係度等你探佢~! 我都係覺得MS d 建築物唔夠高~ 你話如果起高少少~ 所有shop 有兩層~ 就係shopping 都夠你行一日la~~! 不過要點樣引客上二樓都係一個難題~~

商店內部~~

Corner Cafe~ 個人覺得每隻角個入口都好似差唔多咁~ Main Street 兩間餐廳加bakery ge 食物都非常美味~~ 大家有冇試晒呢三間食肆??

俾埋幾張樂園全景圖俾大家~~ 都真係仲有幾多位未起野~ 唔該快d 開始擴建la~~ 長期空置呢d 位好浪費ar!!! 停車場又唔滿~ 個湖又冇人去~ 碼頭又冇渡輪投標!! 只要肯擴建所有問題都可以一次過解決~! 一勞永逸!! 咁簡單ge 道理~~ 點解諗咁耐都未耐掂!?

所有圖片版權屬香港迪士尼擁有

夏日連串精彩玩意

暑假悠悠長~ 迪士尼黎緊呢段時間有咩玩!? 嘩~~~!! 多lor~~ 睇睇個官網有咩搞先~ 打頭炮就梗係上年出過場ge 米奇水花巡遊!! 同上年有咩唔同!?!? 今年水花比上年更大!! 呢個parade 只會係夏天先會出現!!! 大家要玩就趁早la~~~ 第二樣唔同ge 就係.... 史迪仔換走左糊塗蛋!!!!



第二樣就係High School Musical la~~~ 呢個show 其實今年春天已經亮相係香港迪士尼!!! 咁暑假有咩唔同!? er.... 暫時應該冇~~~!!



第三樣係2008 年上半年唯一一個新設施~~!! 小小世界!! (下半年係AOA... 唉...) 兩個月前已經開左la~~ 睇下官網段片用左一半長度黎介紹小小世界~ 就知道HKDL 幾咁重視呢個設施!! 咁暑假入去同開幕果陣有咩分別呢~?~? 有! 就係依家外牆鐘樓d 野唔識得郁la~~!! 呢個情景只可以係香港迪士尼搵到ga ja!!! 外國要維修先會停~~ 香港一開就停!! 記得趁早黎睇la~~!



第四樣就係開左約一個月ge 阿古~ 又係得暑假先會有ga!!



真係開心~ 暑假有咁多野玩~!! 不過對AP holder 黎講就未必十分開心了~ 因為全部野暑假開始之前已經玩過晒~ 即係之後幾個月... 一般Guest 會覺得好新鮮~ 而AP holder... 就可以專心玩meet & greet 了... 有咩新人~!? 有Prince Charming 同Prince Capian ma~~ 不過都係暑假前已經開始出黎~~ 呀~~ 仲有布公仔呢~ 2月就出左黎ga la~~

唉..... 難得今次個官網做得咁好... (隻Dory 好eye catching!!!) 但因為「新」活動唔吸引到fans 所以大家都覺得失望~~~ 站於HKDL 要開拓更多新市場同外國遊客.... 將開左一段時間ge 設施重新包裝推出市場都無可厚非.... 各位AP holder 同fans 們~~ 請息怒~~~ 我地仲有希望~~ 聽聞奧運期間HKDL 都有少少搞作~! 係真定假.... 請留待官方公佈~~!

http://park.hongkongdisneyland.com/hkdl/html/summer2008/zh_HK/index.html

上海建迪士尼之愚見

只post 該段報導ge key point 出黎~

1. 園區面積據悉達10平方公里，約為本港迪園面積的8倍。此地離浦東國際機場僅20分鐘車程，反映出園方對周邊地區客流的期待。

2. 至於和美國迪士尼方面的合作模式，一位曾參與項目談判的人士透露，上海迪園將不會沿用香港模式，而是採用迪士尼與日本的合作模式。即由政府提供土地和絕大部分的建設資金並控股，日常管理交給美方團隊，同時每年向迪士尼公司支付品牌費和經營收入提成。

3. 據一位曾參加項目論證的專家稱，幾年前上海迪園成本預算原定300億左右(不含地價)，「這兩年，加上物價上漲、通貨膨脹等因素，預算應該會增加到400億左右。」

 4. 上海迪園將採取「邊建邊開」的模式，相信在整個工程建成三分一至三分二後即會開門迎客，耗時約在2至3年。

以下係小弟愚見~

我不嬲都覺得中國起多一個迪士尼樂園並唔係d 咩大件事~ 因為遲早都會成事~ 中國有好大個market~ 站係商業角度呢舊金係一定要賺~ 但係咪真係會咁趕起呢~? 依家似乎係中央急不及待咁去開SHDL~ 但WDC 手頭上仲有咁多個project~ DCA 擴建去到2013~ HKDL 又係去到2013~ 上海真係可以2013開到???

400億呢個數字唔計地價實在係好大筆錢~ 佢話「邊建邊開」到三分一就開門~ 個size 就算係同HKDL 開幕時一樣大都好~ 大家諗下Winnie the Pooh 同Pooh's Hunny Hunt 個佔地其實都唔相距太大~! 但level 就差得遠~ WDI 最大ge 敵人唔係技術問題~ 係資金問題!! 一間公司... 用錢可以解決到ge 問題都唔算係一個問題~ 所以400億.... 完全係衝著HKDL 而黎~ 鄰近兩個DL 都不惜工本~ 對我地係一個大挑戰!!!

大HKDL 8倍~ 係因為HKDL 未建第二期~!! 會唔會呢10平方公里都完全用晒係個park 度呢~? 用用腦都知唔可行~ 10平方公里只得巴黎一半咁大~ 又點可能稱之為中國WDW??? 仲要起其他渡假區設施 (Golf 場~ 湖等等) 亦要留位作第二甚至第三期樂園之用~ 除非佢地另覓新地!! 換言之根本冇可能一開幕會大過HKDL 8倍!!!!

小弟有d 懷疑該篇報導... 佢咁講法同HKDL 個營運模式有咩分別?!?! 上OLC 個官網都搵唔到TDL 同WDC 個關係解說~ 個人覺得WDC 都冇直接參與管理運作TDL~ 應該係只提供管理培訓同租WDI 俾佢地~

呢個應該係佢地拉鋸十年都唔成事ge 原因!! 就係管理問題~ 大陸佬唔會願意「割讓」土地俾美國佬~ WDC亦未放心俾大陸佬全盤管理同影響Disney 呢個brand name~ 所以.... 小弟唔信佢地可以用到TDL 個模式~!!! 除非一方讓步... 否則...

Journey Into Narnia

呢個係Disney's Hollywood Studios 一個為Prince Caspian 所設ge 小型walk-through Attraction 幫齣戲做做宣傳~ 其實冇乜特別~ 主要係人地有大量資源... 用多少少錢起多個呢一類小型attraction 都可以enhance 到整個氣氛~ 但就唔岩HKDL 起la~ 我地要ge 係RIDE~ 唔該~~ 睇睇開幕首天ge 相~~ 由Prince Caspian 騎住馬英氣十足咁登場~ (個馬伕都係Narnia style!!) 咁梗係唔係主演果位Caspian~~

不過都請左呢齣戲一個主要角色黎做開幕嘉賓wo~~ 就係侏儒族Warwick Davis~

佢地請左個guest 上黎吹響號角!!! 呢個walk-through attraction 正式開幕la 又~~! (因為其實只係翻新~ 之前介紹第一集)

睇睇個入口先~~ HKDL 仲未出Caspian Meet & Greet 之前Hollywood Studios 已經早過我地整左個地方俾Caspian 出黎~ 大家見唔見到左邊塊板?? 之前有留意小弟呢個blog 應該都唔會覺得陌生~ 原來個attraction 就係旁邊~

入面主要係俾d 製作特輯你睇~~ 點樣整d 特技~ 幕後人員同演員講講感受等等~ (佢地又自己break magic 話你知點整Aslan!!) 仲搭左一個好重要ge 場景tim~~! 估唔估到係邊度呢!? 有睇齣戲唔會唔記得呱~?

仲有d 道具~~ 

最尾一幕果棵大樹ge 模型~~

仲有戲服tim~ 見到d 公仔著得fit 一fit~ 就知道係同真實演員 1:1 高度~~ 應該要用箱封住~ 否則班少女fans 實係咁非禮Caspian~~!

Photos: LaughingPlace

小小世界宣傳DVD (非賣品)

其實呢隻DVD 都放左係HMV 一段時間~ 小弟之前買Tarzan broadway 果陣已經有~ 依家都應該仲有好多存貨~ 事關我見到果d staff 好似都唔係好願放落顧客個袋咁~ 大家真係想要ge 話記得記得俾錢果陣要叫cashier 個staff 俾隻碟你呀~ 當然閣下唔怕醜ge 話都可以試下乜都唔買就行去問佢拎一隻~

其實隻碟都幾精美~ 入面都幾多野睇~~ 睇睇個logo 先~

呢位就係之前WDI 個專訪中見到ge 第二位創作總監~ 終於見到佢個樣了~ (係wo~ 都係時候開始要譯埋下半部份專訪了~!)

以下幾張係原創者Mary Blair 為首個小小世界所畫ge 草稿~ 真係好似好似小朋友作品咁~ 正正就係呢個attraction 個原意~

亦都有影到少少製作香港版小小世界時候ge 片段~ d 佈景原來都真係幾大座!!

特別介紹亞洲區域~ 因為香港版最大ma~~ 以下小弟cap 左幾張guest 永遠唔會影得到ge 角度出黎~~! 個人好鐘意日本果張~~!!

呢部分主要係介紹鐘樓同LED~ 不過個角度都係guest 影唔到~

post 下面呢幾張圖ge 原因同上~~ 簡單介紹下今次加入迪士尼人物~~

以上圖片源自小小世界宣傳DVD，版權屬香港迪士尼擁有