香港迪士尼裁減WDI之內情及我見

相信大家都係等緊我講呢件事ge 睇法~

又係時候回想模式~ 呢度應該好多人都知道海盜區域~ VIP 們亦都對plan A plan B 有個簡單概念~

日前WDI forward 左一封Email 俾全球各樂園~ 內容大致講述今次香港迪士尼事件~

大家知道WDI主要工作係幻想同建設~ IASW開幕後WDI冇另一項新建設所以潛心幻想! 幻想左差唔多一年時間... 連第二期個框架都已經諗好左~

但因為政府同迪士尼一直未達成共識~ 第一期工程仲未開始~ 幻想同建設進度相距太遠~ 呢個時間再諗落去都冇意思~ 暫停手上工作所換來的代價就是今天的新聞.... 令到HKDL 班WDI 立即變成冗員~ 與其係咁... 所以大隊決定返返去美國同分散去其他DL~~ 可以令到HKDL 節省每月一筆龐大開支~ (但某部分唔知可以去邊ge 就...)

大家信唔信聽日傳媒同議員學者會鬧迪士尼耍手段???

站於商業角度... 節省不必要開支係合乎情理... 所以本人對於政府發言人「感到疑惑」之言論感到非常疑惑.... 可能佢正身處全港最多冗員ge 機構... 先唔明白呢個道理~

擴建前期工作已經搞掂左好耐~ 要做ge 已經做晒~ 只係等政府回覆~ (但一直都冇回覆過) 只要雙方達成共識~ 呢班WDI 自然會返返黎開工~ 不過邊有人會諗到.... 迪士尼樂園幻想工程師都會有失業ge 一日??? 有d 人孤注一擲放棄晒所有野黎香港諗住創一番事業.... 呢個無能政府... 唉~

線人同我講~ 依家唔係有冇錢ge 問題~ HKDL 有經濟能力~ 但係所有擴建都要經大股東批~ 奇就奇在依家我地個大股東唔駛出錢都唔肯批~ 呢下先詭異!!!

其實香港迪士尼愚笨到極點~ 自己一直做咁多野~ 但封到把口密一密~

外界就以為係迪士尼懶理~ 政府做主動等等~

唔該係時候醒醒~~ 唔好乜都收埋硬食死貓~

亦都希望今次呢件事可以令到HKDL 將資金投放入Entertainment 以豐富活動.... 呢幾年黎如果唔係Entertainment... HKDL 老早就關門大吉~ entertainment 功不可沒~ 但流入entertainment ge budget 實在太少~ d 錢就責住晒係度等政府批擴建~ 硬件－－冇... 軟件－－唔吸引~ 好快就冇人再入~!

與其無止境地等~ 不妨將更多資金投放入節日活動~ 可能筆錢仲有得滾大~ 依家放左係度乜都做唔到~

講完了~ 大家唔駛咁灰~

VIP 官圖

Who's your VIP 官圖~ 呢張大合照同官網果張唔同ga~ 多左個人物~ 見唔見到~?!

係Genie ar~~~! 當然唔少得Aladdin, Jasmine 同Abu~ Jasmine 好似唔多似係中東人樣wo~ 唔知幾時我地先可以係HKDL 見到佢地公開地出現呢~? (呢層.....)

幾位較少出黎的人物~ Beast~ Lilo~

講唔出佢地個名~ 只係知黎自Tarzan 同the Jungle Book~ 簡稱猿猴類~! 剛開park Tarzan 果隻ape 都會係Aland 出現~ Chip n Dale 亦都係Aland ga~ 不過唔知點解冇乜人鐘意入Aland~ 就連Prince Caspian 都冇乜人理~ 可能始終都要靠Attraction 先吸引到人~ 快d 起野就引到人入去ga la~

Fa Mulan & Li Shang (呢個笑容冇將軍feel)

收費活動 x 3~ HKDL 不嬲Key 圖都係亂黎~ 火車站睇個城堡邊有咁大座!! 呢個位睇都咁大座... 有Cinderella Castle 咁高ga la~

Lion King.... 觀眾席對住呢個方向到底望向邊度....? 仲坐到出台~! magical moment~!!

Beauty and the Beast... 老實講一句.... 如果要我為左影佢兩個而俾$1200~ 咁我寧願儲多d 錢去其他DL~ (雖然個數都相差一段距離) 三個收費活動得酒會比較make sense~

唔收錢的活動~

MH 出口擺左檔快速即時print 相賣俾你~ 呢個想講好耐~

早前小弟咪去OP ge~ 影完荒失失走到出黎又係有檔咁ge 野... 個姐姐即show 張相俾我睇.. 我仲問:「wa~ 你張張都print 出黎~ 咁我唔買咪好浪費?」佢遲疑左一秒... 用個好得戚ge 樣答我:「喔~ 咁你買左咪唔浪費lor~」

我即刻走~ 唔鐘意咁樣俾人焗~ (更大原因係佢個樣太得戚~) 玩心理~ 佢唔print 出黎guest 唔會覺得內疚~ 但係print 左出黎再說你兩說會令你更易覺得唔好意思唔買~ 唔好意思say no~ (當然實質仍然會有好多人唔買~ 只係比較容易~)

上次OP 果篇冇講係因為我覺得OP 用慣呢d 手段冇所謂~ 但竟然見到HKDL 都用呢招....

MM cert....

VIP logo

相信大家都等緊官圖同Logo.... 隨便用....

唔係打返blog ar... 純粹貼張圖出黎....
圖: HKDL

推廣活動 - 星級體驗

是時候向您心目中的VIP表達您對他們的重視！快來香港迪士尼樂園，於3月6日至5月31日展開難忘的星級旅程，包括：優先入場欣賞精彩表演或暢玩遊樂設施、展開兩小時的迪士尼樂園導賞之旅，以及一邊享受小吃和飲品，一邊欣賞「星夢奇緣煙花匯演」。(點擊放大)

星級通行證
於3月6日至5月31日進入樂園時，別忘了購買您的〈星級通行證〉，在欣賞精彩表演或暢玩遊樂設施時，可專享優先入場，快人一步投入其中。

只要持有＜星級通行證＞，便可於最受歡迎的精彩表演及遊樂設施專享優先入場及自選喜愛的座位，包括:

獅子王慶典
米奇幻想曲
米奇金獎音樂劇
小熊維尼歷險之旅
巴斯光年星際歷險
飛越太空山

星級之旅
於3月6日至5月31日期間，快來展開一個由專人為您度身而設的＜星級之旅＞，發掘香港迪士尼樂園妙趣！

兩小時的迪士尼＜星級之旅＞，有專人為你們度身訂做最合心意的行程，並全程為你們細說香港迪士尼樂園的故事，發掘更多樂園鮮為人知的有趣資訊。貴為星級貴賓，兩位迪士尼朋友更誠邀你們相聚一刻，機會難得！

星夢煙花酒會
在遠眺睡公主城堡的美國大街小鎮火車站平台上，參加這個精心安排的小型酒會，您可享受演藝人員的現場音樂表演，並在悅耳歌聲中，一邊欣賞夜空中發放的璀璨煙花，一邊品嚐精緻點心和特色飲品，為這次旅程更添難忘！

順便睇埋黎緊邊d 設施做維修~~!

以下遊樂設因進行維修保養將暫停開放:
「巴斯光年星際歷險」 3月2-22日
「獅子王慶典」 3月23日至4月9日
「米奇幻想曲」 4月18-30日
「米奇金獎音樂劇」 5月10-30日

官網

==================感想==================

到今日都唔公佈2009年有乜新野... 即係諗住今年當迪士尼係商場咁搞ga la bo?? 齋加價同收費活動但冇新show 新attraction 開~~ good!!

之前聽到Magical Pass 都覺得好似太過商業了~ 不過如果真係有賺錢機會而又有人肯俾錢HKDL 賺... 又冇乜所謂ge... 外國都有呢d 咁ge tour 同party~ 但希望唔好朝住呢個方向越行越遠la...

by the way..... 宣傳圖做得非常好!!! 呢種先係Disneyland feel~!! 跟返美國What will you celebrate... Who's your VIP?? 哈哈~ slogan 都抄抄地~

再睇睇英文版... 星級之旅叫Star Tour~! YEAH!! 我地終於都有Star Tour la~~~ Woooooo~~~!!

情人節版老鼠@Enchanted Garden

過去兩年情人節當日... 迪士尼樂園酒店Enchanted Garden 都會出現晚禮服版米奇米妮出黎Meet & Greet~ 尋晚情人節正日都唔例外~ 一年得一次機會當然要把握機會影影相~ 不過Mickey 今次冇戴到黑色高帽~

今年好似冇Meet & Greet... 兩老就係餐廳入面滿場飛.... 由於個個都讚Minnie 條裙靚~ (其實係幾elegant!!) 佢就好開心咁擺左好多S型pose~ hyper 程度大家平時絕對見唔到~ 搞到個場面好似去左佢地婚宴咁~

尋晚酒店都好多人擺酒結婚~~ 仲有三位壯士求婚tim~ 記得上年Muppet Lab 都係情人節首次出黎幫人求婚.. wa.. 貶下眼咁快一年~~! 唔知面向鏡頭位女士願唔願意出鏡~ 所以整朦個樣~ 如果你係當事人可以留個言拎相~ 我地記錄左你人生最重要的一刻!

同場加映：情人雨天滴答列車

圖: 靚太

黑色星期五特稿: 黑色世界回顧及展望 (2009年版)

今日係2009 年第一個黑色星期五~ (今年會有三個) 黎個特篇應應節吧~~~~! 今晚想講講香港迪士尼首個打出名堂ge 節日 -- 黑色世界

個標題搞到好似我代表緊HKDL 展望將來咁~ 當然所指ge 「展望」只係個人意見~ 但難保園方有管理層上黎睇到大家意見ga wo~~ 到底搞左兩年... 開始打響左個聲勢... 再搞落去會唔會已經脫離左一個迪士尼樂園應有ge 氣氛呢?? 定還是HKDL 有意創造一個因應市場需要... 同其他兄弟姊妹park 脫軌ge 獨有驚嚇Halloween??

第一年搞黑色世界已經可以見到園方用意~~ 英文名Haunted Halloween~ 簡潔講出event 主題... 唔係好似其他樂園咁叫not so scary... 亦唔係magical~ 而係haunted... 有真鬼出沒~~ characters 玩costume 都只係次要~ 令人毛骨悚然先係theme~ 中文Logo 就靚到冇野好講la~ 打正旗號話你知以Jack Skellington 做主角~ Jack 後面仲有棵Tim Burton 式枯樹~ 原來過去兩年黑色世界都同樹有關~

記唔記得第一年Hub 係一棵幽靈樹~? 第二年間Demon Jungle 更加係玩緊樹同藤tim la~~ 再睇睇2007 年黑衣臣宣傳照.... 同飛輪海果兩張比... 呢張靚好多多多多多~ 顯現出halloween 期間HKDL 日與夜的分別~

獨有人物Gate keeper~ 黑色世界前已經出現~ 唔得人驚之餘仲非常nice~ 鬼都有分好壞ge~~

07年另一張宣傳照

到08年就以飛輪海做代言人... 其實好難搵到一個東南亞都識得ge 藝人或組合... 又要識做幫你hard sell wo... 飛輪海其實都唔係一個好差ge 選擇黎ge... 但係對香港人黎講冇乜號召力... 其實香港人都對組合冇乜特別大ge 反應..... 如果下年代言人可以搵Disney Characters 黎做宣傳就好la~ 例如Jack~ 人人都識得la~ 最多係未睇過齣戲姐~

呢張我未post 過~

而呢張係2008年最有feel ge 宣傳照~ 比Demon Jungle 果張更靚~

難得一個好大型ge 記招~~

兩間鬼屋令到HKDL 真正擺脫小朋友樂園呢個形象~ 黑色世界期間突然guest 年齡層集中晒係18至30歲~~! 我好鐘意之前一篇報導講「當美國迪士尼樂園要家庭式樂趣，不要驚嚇；日本崇尚Kawaii風格；法國則有南瓜人及粉紅女巫兩位Icon人物，香港的市場便造就了自己成為唯一可加入驚嚇元素的樂園。 」唯一!!!

Demon Jungle 質素好參差... 有d 場景做得好detail.. 但係有d 就hea 到爆... 遮掩地方唔多令到guest 有心理準備.... 轉角位唔夠多亦估到驚嚇位.... scene 與scene 之間欠缺有說服力的過渡位.... 要讚ge 係有d 鬼隱藏係背景隱藏得好好~ 但係鬼屋唔只要用鬼嚇~ 要多d 機關keep 住嚇你先會驚~ 氣氛都係要用錢先做到~ 你budget 高定低.... 明眼人一眼就睇得出~

Haunted Hotel 故事完整... Scene 過渡得自然... 裝修極細緻~ 行入去好易說服到你身處一間鬧鬼酒店~ 多轉角位之餘有好多位牆中間可以放到隻鬼... 前面嚇完你轉個彎又再嚇過~ 加上有好多機關... 真係絕無冷場~!! 但另一方面... 08年版James 實驗室改左個無聊走廊.... 同故事冇關係亦見到有點兒粗製濫造~ 可以見到第二年唔係由原裝美國公司組裝.... 又係果句... 你駛左幾多錢... 明眼人一眼就睇得出~ 兩間鬼屋氣氛同驚嚇度相差太遠~!!

HH 已經出左兩年... 到底會唔會出第三次呢....? HKDL 會唔會願意駛多d 錢起個同HH 有得較量ge 新鬼屋呢??

如無意外Jack 同NBC 都會繼續做Halloween 主角~ 而且會越來越重比例~

GitP parade 相信亦都會再出場~ 06&07年果架米奇float 用左兩年就換... 到底今年parade 其他float 仲有冇得留低呢????

但Space Mountain: Ghost Galaxy 咁受年輕人歡迎~ (仲最多人排隊玩!!) 冇理由唔繼續再改版呱~?

探險路.... 分散人流去Aland 係好事黎... 但唔好再放霧出黎得唔得...? 一到夜場唔係人俾鬼圍... 係鬼俾人圍....

Halloween 期間見到人流谷晒係MS... Space Mountain @ Tland 同整個Aland.... Fantasyland 人流明顯較少~ HKDL 會唔會考慮加個小童版可愛版鬼屋係Fland 呢?? 例如以NBC 戲入面一幕幕經典場面起個Detail 鬼屋~

上面都有講~~ HH 已經用左兩年~ DJ 呢種驚嚇度同Detail 度實在唔夠.... 如果大家可以諗一個全新鬼屋故事~ 你又會點整呢間鬼屋呢?? 你覺得用「鬼」嚇你驚d 定係多d 機關同秘道驚d 呢?? 上年某份報導話加個中式主題鬼屋都唔係冇可能~ 你覺得HKDL 適唔適合起個中國鬼節為主題ge 鬼屋呢~?

其實我驚呢度講出黎會俾OP 拎到料黎抄橋~ (我亦都覺得有高層成日周圍巡場...) 大家如果介意ge 話可以留private~ 等我一次過send 信去HKDL 反映大家意見~ 冇意見就唔駛夾硬必出黎~~ 唔該晒~~!

圖: HKDL