Tim Delaney 離開WDI

近日有一個消息傳出.... 幻想工程總部有工程師離開... 其中一位係Tim Delaney... 曾經負責過香港迪士尼明日世界設計工作.... 以下呢批concept arts 都有部分係出自Tim Delaney 手筆.  

但係仍然仲未知道佢係自己辭職定係俾人炒.... 再見了!! 希望你會有更好發展~
我地Tomorrowland 仲會唔會繼續擴建呢?? 如果會... 呢個波會拋到去邊個手上? 講真我唔係太滿意UFO 地帶令到我地個Tland 變左做Toon Town!! (其實入口個太空人影相位都好Toon Town...) 希望之後會慢慢改返有太空驛站feel 之餘都可以做得型小小.....
以下呢段片攝於2005年... Autopia 都仲圍緊板 (同小弟最愛見到的吊臂!!) .... UFO 仍然係休憩用地.... 最重要係.... 發現好多effect 依家都冇左!!!! 留意太空飛碟上高兩個星球會上下桿杆咁郁... 同再上面個星體爭d 爭d 相撞~ 睇落去好有動感!!!

再睇睇依家... 冇再上下郁!!!!! 點解要cut 呀!? 定係同IASW Peter Pan 同一命運...? 快d 請返d 有能力ge 維修員la 唔該~~!

可憐的HKDL.... 擴建真的可以改變命運嗎....? 依家連隻Peter Pan 都搞唔掂.... Adventureland 好多野爛左 (動物甩皮!) 但冇人修理~! 將來擴建左係咪只會將問題分散同擴大??

Roy E. Disney 與世長辭

Walt Disney 侄仔... Roy E. Disney 係美國時間星期三早上不敵癌魔逝世... 享年79歲

Roy E. Disney, 1930 - 2009 關於佢ge 生平... 大家可以上維基重溫
http://en.wikipedia.org/wiki/Roy_E._Disney

擴建計劃後的計畫

通過擴建之前... 有傳媒已經報導過呢個新傳聞... 又係傳左好耐ge 一個plan... 除左park 內已公佈的三個新區域分階段完成之外.... park 外仲會起第三間酒店同埋一個商業區... Down Town Disney (但似乎我地個位置似係叫Disney Village)

近日Blue Sky Disney blog 主又再提出呢個傳聞... 與此同時小弟都收到唔同ge 消息係關於呢個傳聞.... 但唔知可信程度有幾高... 而且又係有變數~ 所以就唔講出黎la~

但網上 d 料都可以綜合黎講講ge.... 就話說雖然依家park 入場人數未如理想... 但係其實我地兩間酒店本身個入住率都見得到人ge~ (關唔關何太d 精明策略事先~?) 又有說原來park 內同park 外ge 錢係分開處理... 所以有經濟能力起第三間酒店咁話~ (唔知係咪因為咁酒店就算賺緊錢都冇錢park 內擴建呢~?) 亦有人話HKDL 會再次向銀行借錢起第三間酒店~

anyway... 如果真係起ge 話個位置會係依家兩間酒店中間... 少棒比賽場地~ 聽講設計工作一早已經完成~ 等萬事俱備就起得~ (但一直有籌備工作唔等如最後變事實~! 睇睇我地Pirate Coast 同Glacier Bay)

至於Disney Village~ 就係我地由迪士尼站需要行二十分鐘路程去酒店區果條迎樂路la.... 原來真係迎樂路唔係欣澳... 唉...... 咁注定park 四面封死~ 下面呢張圖都只係disneyland 呢邊姐... 但唔好忘記我地仲有對面second gate 果邊可以起到~

實在唔知第二期塊地由邊度開始計... 如果首次填海總面積等如政府文件中所講ge 第一期~ 咁迎樂路兩旁都同屬於第一期塊地~ 可以同時起Disney Village 而唔駛當認購第二期~ (以上都係我估~)

留意一下塊地面積夠放到Mystic Point 有突~ 如果Village d 商鋪只係Main Street 商鋪隻size.... 其實可以起到兩排~ (雖然核突~) 但希望只起一排... 推到貼實迎樂路for 若干年後將來仲可以偷位擴建~!

關於Disney Village 小弟都有聽到一d 傳聞.... 但唔sure 係咪真係for 呢個project 定係純粹一個雙方合作伙伴關係ge 洽商... 所以就... 又係唔講~!

仲有記唔記得增聘人手一篇有提到HKDL 請Architectural Designer... 5 to 10 years relevant experience with minimum 5 years experience in architectural or interior design on hotel/commercial projects~ 又係唔知有冇關係~

結論就係.... 等公佈!!! 如果順利ge 話呢個plan 會係明年公佈~

儲齊!! 米奇水花巡遊構想圖!

呢篇將來會cut 開左各大節日活動分類入面ge 黑色世界2009 專題... 不過唔理~ 岩岩獲得米奇水花巡遊最後一架花車ge concept art~ 終於都儲齊左!! Hooray!!

再次post 埋其餘幾架花車ge concept art 出黎~ 可能係我個人特殊喜好鍾意儲concept art.... 但儲齊一套真係開心過儲到一套貼紙~

勁鍾意呢d detail ge 畫風~!
希望下年Summer Mickey's Waterworks Parade 可以加車~!! (亦都希望會有五週年全新巡遊取代Disney on Parade~!!)
圖: HKDL

Tomorrowland 新小食店

27/09/2009

話晒都叫做2009 年擴建項目. 又托左人幫我影相.... 心情點down 都講講~ 近日有人發現Tomorrowland Space Traders 出面多左一座建築物~! 外形融入周遭環境~ 可見係有用心設計過~

以下係呢間新店舖ge 相... 點解會話係小食店?? 因為原本呢個位已經放左車仔檔好多年~ 可能HKDL 已經肯定左呢間車仔檔ge 存在價值... 所以轉為... 永久?? 我真係唔知道~ 但係外觀睇黎比Adventureland 兩個 (一個) 貨櫃檔更似係Disneyland 應有的style~ (不過size 好似同aland 貨櫃檔差唔多~)

側面睇睇~ 唔知入面有冇冷氣呢....? 密封企係入面一個蒸籠都幾慘~ 原本呢個位係咪賣魷魚???

又係好開心見到HKDL 肯搞搞呢d 車仔檔~ 上次小弟係blog 度都有提議將佢地馳車入口兩個ODV 合埋搞一間強d Theme ge 戶外商店~ 原本只係吹~ 但係依家見到HKDL 咁做法又覺得唔係冇可能bo~

下個目標會唔會搞埋小飛象出面間小食車仔檔呢?? 同樣存在左好耐... 可以考慮變做小食店順便增強埋附近ge theme~!

美國依家都係Fland 起多間舖... (但唔記得係MK 定DL) 個外形又係融入左附近環境好歐洲feel~ 我地火車站咁toon town~ 但係隔離PhilharMagic 同Merlin 又咁歐陸~ 小飛象個theme 又係馬戲團~ 可以點樣融合呢?~

Tland 已經好完善了~ 只欠Star Tour (但其實Stitch 都係theater... 會唔會佢地已經當埋...? 咁Tland 就冇野欠la bo~) Fland 欠2~3 個dark ride~ Aland..... 唉~

HKDL 加油!!! 大家假若再見到park 內有新建築物請不要猶豫~ 話我知la~~! 呢間小食店開幕都可以話我知ga~ 唔該晒!!

相: Stanley; 地圖: LL

===========================

12/10/2009

原來呢間小食店係專賣熱狗ge... 分左兩種... 珍寶同特長!!! 想要健康少少都仲可以揀全麥包~ (雖然都唔健康得好多~) 汁亦有得俾你揀~ 飲品都係果d la~

Tland 依家有burger 有hotdog~ 其實都match 到主要對象群~~ 即係小朋友年青人! (主要係Space 同Buzz 令到呢邊多年青人~)

但係彗星仍然係賣緊中式粉麵.... 唔知係咪d 大陸旅遊書同導遊大力推介一定要玩Space Mountain... 好多同胞係未清楚Space Mountain 係乜ge 情況下.... 一黎到就湧左入去....

認真諗諗... 關於彗星戶外近馳車d 台櫈... 大家有幾可見到人捧住餐盤出去食?? 最多只屬休憩用地.... 與此同時碧林又因為唔夠人入而經常休息.... HKDL 可唔可以考慮將食物種類歸類黎達到集中人流ge 效果? 之後就可以將各餐廳售賣食物種類分得更清晰~

野礦山谷詳盡解說

又係隔左一段時間先講... 真係唔好意思~ 不過依家講就可以俾到各位由Yahoo Blog 精選頁click 入黎ge 讀者睇到Grizzly Trail ge 介紹~ 香港迪士尼2012年全球期待獨有區域!! 集幾個受歡迎的經典設施於一身~ 相信好快會成為另一經典~!!

呢個區域係一個荒廢已久ge 礦場... 近日有商人將呢個礦場發展成景點供人參觀... 

睇睇呢座過山車會點玩~ 過山車上方米黃色 (11號同1號之間) 係上落月台區... 上車後會首先轉入地底探索一下... 二號上山... 繞過園區左邊.... 再次上山去到五號... 發現前面冇路行!!! 礦車由六號高速向後退去到園區最右邊八號.... 再次入山洞.... 又以高速係九號噴出!!! 兜多兩個圈返到十一月台~

到底呢個故事係想講乜~? 又黎解說一下~ 入口~

一上車會先轉落地底~ 但係地底有d 乜暫時未知~

二號上山~

二號上山洞內情景~ 見到頂端有隻熊.....

就係佢!! 突然走出黎用鐵路ge 控制杆黎R背脊 (定pat pat) 而改變路軌的罪魁禍首~!

concept art... 原本遊客係要參觀安全的Tunnel 8... 因為隻灰熊R背脊轉左去危險的Tunnel 4... 死?

睇睇佢個樣幾enjoy~

Figure sheet... 呢隻熊將會係一隻強勁Audio-Animatronic~ 頭可以左右轉... 頸可以伸長(摸擬出舒服樣~) 左右手各可以上下擺動... 身體可以微微轉動同上落 (因為要R背脊) 恨死班外國人~!

三同四號冇乜特別~ 之後再次上山.... 由模型可以見到... 今次似乎唔係Expedition Everest 斷軌.. 而係座山未掘好路....

上唔到.... 就唯有向後退....

退到去邊....? 弊!! 火藥庫!!!!!

入到去又見到一大一細灰熊..... 因為想食魚而誤將炸藥引爆!!! (雖然依家d 凶殘灰熊冇晒... 但係都俾班熊玩死!!)

呢個scene 熊仔的兩個設計~ 我較buy 第二個~ 個爆炸力強過藥引慢慢燒~

引爆炸藥當然連人帶車爆你出黎~!

出面睇噴出呢一刻ge 畫面~ (車就噴左出黎姐... 咁兩隻熊係入面咪粉身碎骨??? 慘!!! )

高速駛過火山間歇泉區..... 車會濺起水花!!

關於之前講果對灰熊母子~ 大家唔駛擔心!!! 幻想工程師唔會咁殘忍ge~ 你睇下!! 佢地冇事仲拎到好多魚~ 可以開大餐了~!! (會唔會係最尾彈出黎嚇你呢~? 期待~!)

車~ 一卡坐六人... 每程四卡~ 自己計下la~

間歇泉區.... UFO 地帶升級版~ 今次我buy 佢地呢個idea 係因為個故事match 到而唔係亂黎攝位之作~ 火山區本身礦物豐富~ 礦場小鎮係火山區都屬正常~ 呢度曾經繁榮過... 但荒廢多年.. (亦未知因咩事荒廢~) 大家可以見到呢個區域入面大部分建築物都係東歪西倒殘缺不全~ 可能曾經發生過地震~ 火山區特色就係呢d 間歇泉~

影相區....

我好鍾意佢地用呢個堆疊屋頂方法扮到後面有好多屋~ 希望會做得detail d~

似乎真係cut 晒d 目露凶光ge 灰熊wo... 得返d 善良可愛... 唔通幻想工程師覺得呢d 畫面唔應該係第一期Disneyland 出現嚇小朋友?? (但係又可以容忍到U形係Disneyland 出現!!!)

第一次睇張map ge 時候就見到呢個區右上角一撻白色.... 仲有一條白色路.... 好想知係乜黎....

直到睇到D23 Expo 呢張相.... 建築物後面又係空心.... 仲見到Saloon 個字 (原size 會見到~ 模型都做得咁detail 呢度一定係有d 野~) ... 終於破解到!! 政府文件顯示 "Guests can relax with a Wild West refreshment at the old Saloon" 原來呢間係小食店~ 但係點解會空心同白色?!

我估間小食店只係Tland 間新開小食店ge size~ 即係白色area 前面果一舊小小的黃色長方形.... 所以將來你所見到有一整座建築物的Saloon... 其實係....... 而白色位又其實係............. 係咪好神奇!?!?!? 得WDI 先會諗到咁樣用盡晒所有位~ 令到香港迪士尼睇落會比實質更大~! 希望之後都會以呢個方針擴建~

咁都可以估到間shop 會係大約右上角呢度附近~ "shop for mining supplies and souvenirs at the Bear Necessities merchandise stand." 間Shop 係stand 黎~ 如果可以有幾個stand 分佈區內不同位置就好la~

越發掘越多料~ 依家差唔多知道晒兩個E-Ticket land 內容~

All artwork: copyright Disney - Disney Enterprises, Andy Castro and Disney and more