屋宇署4月資料

樹屋維修緊冇相睇都唔緊要~我地睇屋宇署都可以見到HKDL 關於擴建工程ge 資訊~ 雖然係上個月..... 已經見到grizzly gulch ge 申請~ 今次見到入面仲有d 乜~ 似乎依家係三座建築物~ (玩水咁多座先當一座!)

saloon~ 人地唔知仲以為HKDL 真係起間saloon 出黎~~ 過山車同saloon 都有地底一層??? 唔係小食店黎咩???

toy story land 有三個attraction~ 都已經見到申請~ 但除左呢三個attraction 之外仲見到有scene 同showset~

唔只~~ TSL 有個廁所~ 其實公佈果陣都已經有講過HKDL TSL 同巴黎TSPL 分別係在於... 香港個版本有小賣店同廁所.... 咁我地TSL 果邊都真係需要起一個廁所ge~ 附近都冇... 要去返皇室宴會廳果邊....

期待樹屋開放~~

網址

http://www.bd.gov.hk/english/documents/statistic/Md201004e.pdf

迪士尼老友大召集 - 宣傳篇

官網已經出左~ 睇下個Logo 先~ 雖然今次史迪仔仍然係中間~ 但係見到有好多Pixar 人物都一齊出現~~~ 後面仲有個沙雕城堡~ (英文名叫Stitch & friends)

睇睇新人物~~~ Pocahontas!!!

幻想世界嘉年華... 係呼拉圈...  泡泡同排球~~ 仲有原來Aland 個show 會分做日夜兩個版本~

仲有兩個小餐廳~ iCafe 玩iPad!! 好似好吸引咁~ hang loose camp 好似係河景旁邊開個位出黎搞個休息位~ 應該都係要另收費~~

再睇返個logo~ 其實聞說之前都聽過部分呢個event 會出ge 人物~ 今次呢個logo 旁邊又出現呢批人物~ Mike, Sulley, Carl, Russel等等~ 而毛毛已經知道佢會出~ 唔通呢個logo 係確認傳聞... UP 兩位主角都有機會出現?? (btw~ 官網提到冰條俠都出!!) 好大機會ar!!

今個summer event~ 真係要入多幾次儲齊d 新人物先~~~ 原來VIP 活動唔係最多~ summer 先湧出黎~!! 加油!!!!

-------------------------------------------------
「老友大召集」正式新聞稿

夏日將至，反斗鬼馬的史迪仔早已為你Call齊班friend，與大家齊齊出動享受精彩的夏日活動！香港迪士尼樂園將於6月11日至8月29日期間，舉行歷年來最大型的消暑夏日派對「迪士尼老友大召集」。今年夏天，史迪仔將會帶領一眾新登場的迪士尼朋友傾巢而出，在「史迪仔好友驚喜快拍」與賓客見面。而樂園每個角落亦大開派對，包括「巴斯光年勁舞派對」、「探險世界迎火會」及「幻想世界嘉年華」。樂園更特別增設兩個「奇妙消暑休憩站」，讓賓客與好友透氣鬆一鬆。

香港迪士尼樂園度假區香港市務總監陳國裕表示：「 夏天是集體出動享受夏日活動的好時機，愈多朋友愈好玩，所以活動主角史迪仔召集了歷年最強陣容的迪士尼朋友，讓樂園在整個悠長夏日每天都充滿熱鬧氣氛。『迪士尼老友大召集』是樂園歷年來最大型夏日特備節目。今年開心好玩的節目更伸延到樂園每一個角落，每個主題區都會有不同的驚喜；由充滿動感活力的互動遊戲，到清涼送爽的奇妙消暑休憩站都一應俱全。」

「史迪仔好友驚喜快拍」   每天八位迪士尼朋友同時登場
以史迪仔為首，每日連同七位老友在睡公主城堡前的「史迪仔好友驚喜快拍」，陣容鼎盛！除了《扮野小魔星》的妮露、《反斗奇兵》的胡迪及翠思、《木偶奇遇記》的小木偶以及《獅子王》的老狒狒拉飛奇外，還有首次與賓客拍照的《超能特工隊》的超能先生和太太及冰條俠、《阿拉丁》的茉莉公主、阿拉丁和燈神、《怪獸公司》的毛毛、《沖天救兵》的卡叔和羅小飛等，超過20位迪士尼朋友輪流登場，天天不同配搭與賓客見面拍照。

 「巴斯光年勁舞派對」        大開星際舞會
在明日世界，宇宙英雄巴斯光年將舉行別開生面的星際舞會「巴斯光年勁舞派對」。樂園特設駐場DJ播出連場勁歌，巴斯光年更會與漂亮的太空戰士載歌載舞，帶動賓客盡情投入星際舞會。賓客除了可在「綠色小人怪怪拍」拍下最鬼馬的開心時刻外，更可參加每天舉行的「巴斯光年星際歷險大賽」，爭取成為最出色的地球防衛戰士。樂園會從下午1時至5時，在新增的戶外電視屏幕上公布每小時最高級別的戰士；每天黃昏時份，巴斯光年更會親身在頒獎典禮中嘉許當天最出色的地球防衛戰士。

「探險世界迎火會」　　感受熱情原始派對走進探險世界的神秘森林，賓客可以投入「探險世界迎火會」，參與日間的「森林熱舞族」，親身體驗森林好友托托和丁滿的原野生活，與非洲土著一起打鼓及大跳非洲舞，並於晚上欣賞精彩絕倫的「狂野火舞」火把表演，盡情感受的原野熱情和活力！在歴奇噴水池，賓客更有機會遇見玩得渾身濕透、渾然忘我的高飛！

夢幻暢玩「幻想世界嘉年華」
進入幻想世界，米妮與迪士尼朋友準備了「幻想世界嘉年華」繽紛好玩的互動遊戲，等著賓客一同拍照玩耍；既可與布魯托一同打沙灘排球、跟米妮學玩呼拉圈，或與唐老鴨和黛絲一起炮製特大肥皂泡等。樂園更特別從美國邀請了一班專業的沙雕藝術家，分別於夏天不同時段，用真沙堆出三個不同迪士尼朋友造型的「迪士尼巨型沙雕」供賓客拍照留念。

清涼夏日選擇  奇妙消暑休憩站
一輪動感的夏日活動後，最好與好友坐下歎杯凍飲透透氣。賓客可以每位港幣88元，到由家具品牌Agio 呈獻位於明日世界的「火箭餐廳iCafe」或探險世界的「森林休閒站」特設專區內鬆一鬆，享用特色飲品及小食。在「火箭餐廳iCafe」，賓客可盡情免費享用Wi-Fi上網，及試玩內置多個網上遊戲及最新工具程式的iPad平版電腦。又或在位於河景餐廳旁邊的「森林休閒站」一邊喝著特備果汁飲品，一邊享用套餐附送的護膚品牌~H2O+ 面部綠洲™ 滋潤啫喱試用裝舒緩一下，齊齊炎夏透透氣。於週五至週日, 更會讓賓客即場試用~H2O+ 海洋補濕緊膚噴霧, 讓你體驗不一樣的冰涼仲夏。

最佳的夏日珍藏─迪士尼好友限量收藏卡
若想把夏日派對的歡樂回憶帶回家，不妨齊齊收集特別為「迪士尼老友大召集」推出，一套二十多款的「迪士尼好友限量收藏卡」。樂園將在不同時段派發各款收藏卡，自7月1日開始，賓客更可到特設的收藏卡交換站與其他賓客交換，集齊全套。

「史迪仔反轉大街騷」與「米奇水花巡遊」反斗登場
大受歡迎的「史迪仔反轉大街騷」亦會捲土重來。史迪仔將率領超能先生、燈神、小魚仙艾利奧公主和高飛等迪士尼朋友，沿著美國小鎮大街乘坐夏日花車出巡，與演藝人員一同邀請賓客大跳「626熱舞」，並大玩巨型沙灘巾和沙灘排球。賓客亦可在「米奇水花巡遊」中，與米奇及其他迪士尼朋友一同大唱大跳迎仲夏，感受水花四濺的快感，為炎夏降溫。

精選夏日禮品及美食
樂園還特別為賓客準備了超過80款以夏日史迪仔之雪糕世界為主題的全新精品及限量產品，包括人見人愛的史迪仔趣怪T恤、精品飾物、新奇玩具及各式精緻文具等，每一份都滿載夏日的喜悅。另外，為迎接夏日足球熱潮，樂園亦推出了一批以足球為主題的全新精品。各樂園食肆特別推出多款夏日主題食品及特色凍飲。嚴選最新鮮的時令蔬菜及水果為食材，製作出各款環球招牌菜式！迪士尼好萊塢酒店更特別推出「史迪仔環球美食自助餐」, 你可於池畔享受美食之餘，更可與史迪仔見面拍照，度過一個不一樣的難忘夏日!

=======================================================
1. 「史迪仔好友驚喜快拍」每日會出史迪仔 + 七位老友出場~ 超過20位迪士尼朋友輪流登場~~ 新資料係有Carl 同Russell~ 似乎活動Logo 咁多位人物都真係會出晒~ 即係仲有A Bug's Life兩位主角~

2. Tomorrowland 有Buzz show + DJ~ 有三眼仔影相位~ 仲有巴斯光年星際歷險下奏會有鬥高分活動~ 每日最尾會有Buzz 出黎頒獎!!!!! 獎!?!? 似乎可以預計到黎緊Buzz 個ride 會出現極長人龍!!! 不過今次冇得R la~ 你玩得唔夠叻就算吧~~

3. Adventureland 有個show 分日夜兩個版本~ 日頭版有Terk + Timon~ 仲有高飛會去歴奇噴水池玩~

4. Fantasyland 同characters 玩遊戲~ 仲有專人雕真沙雕~~ 記得係不同時段ar~ 即係如果新沙雕出現~ 舊果個就會冇左~ 記得要把握機會影la~

5. 火箭餐廳iCafe 玩Wi-Fi上網 + iPad (聽講仲有其他野~).........河景餐廳森林休閒站試用護膚品.... 兩者都要俾$88.. 有野食有野玩有野送~ 仲要有sponsor~~ good ar~~~ 遲d 新開ge attraction 都有sponsor 就好~

6. 夏日史迪仔之雪糕世界.... 企鵝史迪仔...

7. 自7月1日開始，賓客更可到特設的收藏卡交換站與其他賓客交換，集齊全套。呢個就係我之前講ge 新玩法~ 但原本個idea 好似唔係咁ga bo~~! 算la~ 有總好過冇~

BSAN 獨有星級貼紙 / 咭

呢幾張圖係網友自制送俾小弟, 諗唔到可以放喺邊, 所以搬過黎. 好感動! 

梅林法寶店外牆保養工程

如果你有時間入park~ 不妨行去Adventureland 同Fantasyland 交界~ 因為你會發現Merlin 間鋪好似有d 野唔同左咁..... 遠睇冇乜特別... 但係越行越近... 原來.....

WDW 修葺建築物外牆就見得多~~! 但係由於HKDL 係最新ge disneyland~ 今次係第一次見到建築物外牆翻新工程ge 時候~ 好過加州圍板加封綠色布~~! HKDL 做得非常非常非常之咁good~~!! 大家都見我好難得會大讚HKDL~ 但今次佢地做得好出色!!!

間鋪都「擴充」左~ 就係門口位~ 原因?? 自己估下~

1:1 實物大相片~! 錯覺全間鋪立體呈現係你面前~~ 其實睇相應該會正過現場睇~~!

呢個窗台.... 大家不妨扮坐上去影相~~!

如果唔係反光... 真係呃晒~~!!!

HKDL 冇新野..... 連維修板都覺得正~ 但無可否認今次真係做得好出色!!!!! 期待五周年活動ge 同時~ 唔知點解都好期待陸續見到呢d 圍板~! 尤其係Main Street~~!!!

願望成真基金 X 母親節 = Genie + 曲奇

香港迪士尼樂園歡迎90 位患上重病的小朋友與媽媽一同共度歡樂難忘的母親節。這些小朋友曾經或現正患上嚴重病患、全都積極與病魔對抗。他們透過國際慈善機構「願望成真基金」，達成不同的願望。當中不少實現了的願望更是暢遊迪士尼樂園，與心愛的迪士尼朋友見面。

為答謝媽媽無微不至的愛護，小朋友們親手製造愛心曲奇。香港迪士尼樂園度假區首席財務總監莫偉庭，「願望成真基金」董事Leini Ireland女士 、願望成真基金2010年度大使周麗淇和迪士尼動畫阿拉丁中的燈神「精靈」一同到場支持並向多位媽媽致敬。

Leini Ireland女士表示：「迪士尼樂園是『願望成真基金』的長期合作夥伴，多謝他們一直以來的支持。我們很榮幸與樂園一起為患有重病的小朋友帶來獨特的樂園遊樂體驗，讓他們的人生充滿歡樂、毅力和希望。」

周麗淇說：「為患有重病的小朋友實現願望，不但令小朋友開心，更能為他們的家人打氣。我很高興獲委任為願望成真基金2010年度大使，見証多個充滿愛的故事。希望每位小朋友都身體健康，願望成真。」

===============================================

我都好想同Genie 影相... 我個願望幾時先成真??

擴建資訊 (五月號) 暫停??

踏入五月冇耐~ 諗住又叫大家上樹屋影影三個新land ge 擴建進度~ (其實都只係睇Grizzly Gulch 姐) 點知原來樹屋進行為期一個月ge 維修保養工程~ 既然樹屋唔開咁木筏開黎都冇意思la~~ 連木筏都暫停~

不如睇睇樹屋個保養工程情況~

好香港地道特色~ 竹棚!! 定係佢地係為左配合adventureland 而堅持用竹呢?? 今個月都冇得上去睇工程la~~~ 希望下個月再次上樹屋果陣會有大進展~~!

踏入五周年除左大家會預計有慶祝活動之外~ 亦都要準備定睇好多維修工程~! 因為五年係設施定期維修保養期~ 之前停ge 多數都係室內設施~ 但係好多細ge 戶外設施其實開左咁耐都未維修過~ 再唔搞搞佢有乜意外就弊~

而緊接住樹屋維修ge 設施~ 就係太空飛碟~

以下遊樂設施將暫停開放：
「前往泰山樹屋之木筏」及「泰山樹屋」 2010年5月4日至6月4日
「太空飛碟」 2010年6月5日至6月25日
一個同castle 一樣咁高ge attraction~ 又係正tomorrowland 入口同中心~ 到底HKDL 會唔會花心思去遮呢?? 6月就知道~!
仲記唔記得太空飛碟一開park 果陣上面兩個細星球係可以上下郁?? 唔記得唔緊要~ 因為都冇郁好耐~!! 睇下呢段片~ 其實Orbitron 原本係好靚好有動感ga~

HKDL 竟然可以容忍佢壞咁耐都唔整!! 希望維修完之後可以郁得返~ 之後會唔會到fantasyland d attractions 呢?? 唔知點解我見到呢d 畫面都會好開心~! First Time Ever!! 最期待都係JRC 維修~ 抽乾Rivers of Adventure!! 但由於JRC 係Adventureland 靈魂.. 依家HKDL 又唔夠野玩.. 所以可能要等到新land 開左先會有呢一日~

呀~~! 仲有! 聽返原來三個新land 動工時間係幾乎一樣~! 不過由於樹屋只係睇到Grizzly Gulch~ 所以大家都唔係好知道Mystic Point 係咪已經開始左~~! 依家話俾大家知~ MP 都起緊la~~! (但係點解我地見唔到有吊臂??) 可能只係被泰山島遮住左~ 又或者係角度問題~ 好想睇進度!! 火車幾時先會開返aland 一段!?!?

劃時代新技術: 米奇與你即時對話

當上海呢邊自吹自擂搞左個違背原意ge 世博會~ (世博原意係各國介紹改變世界ge 創新科技... 而今次上海世博只係涉嫌抄襲, 搬出歷史文物同售賣紀念品ge 旅遊博覽~) 美國館象徵式hea 玩ge 同時~ WDI 劃時代新技術出現!! 就係從今Disney Characters 可以同你作即時交流!!!!
其實有Stitch Encounter 即時對話同Animatronic face 呢兩種技術後~ (WDW 幾個show 都有用到講野同眨眼characters~ 我地Lion King Timon 都識得眨眼同開合咀ga~) 都估到不久將來會出現識interactive ge Meet & Greet Mickey~  睇第一段片~~

車~ 米奇作主動~ 何謂interactive~? 睇埋下面呢段~

米奇即時講返對方個名!! 呢個應該係所有迪士尼迷一直夢寐以求ge magical moment~ 終於出現!!! 我覺得真係magic 黎~! 尤其"Just don't tell Minnie, okay?" 呢句隻手作狀講秘密... 點解可以配合得咁流暢???
可能你會話... 車... 火蜜瓜都得la~ 唔好忘記火蜜瓜都獲得過國際主題遊樂園協會頒發「最出色科技成就大獎」~ 得過獎ga!!! 有冇些少感到自豪?? 而今次係Mickey wo!!! Magic!!
HKDL 會唔會改變米奇係啞ge 呢個命運?? 係香港個情況又唔同... 要識得兩文三語... 我地d 遊客太雜~ 唔好話大陸人... 香港人都未必會敢同個講英文ge character 傾計~ (有d 香港人硬係唔知點解好鍾意同個香港人講英文~ 但其口音充滿香港地道風味~ 對住princess 即時啞晒~) 只係講廣東話又好多人唔明wo~~ 同埋應該要用好多錢... HKDL 短期內都唔會出現講野米奇係大街亭ga la.... 但係如果係show 度可以出現就好~

次輪擴建有望於2014年動工

據可靠消息透露，迪士尼集團與港府已有共識，次輪擴建或要待樂園轉虧為盈後，以盈餘及日常收入支付擴建費用，港府不會再作注資，但可將餘下的10億元貸款，再次以債換股方式作變相注資。消息指出，若然樂園日常收入足夠支付工程費，次輪擴建首批新落成設施，或可趕及2015年落成，以配合港珠澳大橋通車。

據了解，樂園今年度首兩季營運狀況理想，若沒有疫情爆發及天雨等影響，有望達至營運有盈餘，以及人流增長之目標（見另文——「反斗奇兵大本營 5周年壓軸」）。樂園今年9月踏入5周年，將按迪士尼傳統舉辦長達一年的慶祝活動，相信下年度收入及人流會更理想。

去年7月立法會通過樂園約125億元擴建計劃，屬整個度假區第一期發展的首輪擴建，面積約5公頃，園內仍有約7公頃土地可供作第一期發展的次輪擴建。據了解，最大一幅面積的土地，可興建多於一個新主題區，最終情況要視乎落實的規劃，而分散之土地，部分可興建一個較細新園區，部分則只能容納一個遊樂設施。

2014年料有盈餘支付

可靠消息人士透露，在首輪擴建協議中，港府及迪士尼集團已預料，樂園帳目於2014年應有盈餘，股東雙方已有共識，將樂園盈餘及收入，用作次輪擴建資金。

據了解，若營運收入及盈餘不足以支付次輪擴建，港府可以將仍保留的約10億元貸款，再透過以債換股變相注資樂園進行擴建，但此舉可能令迪士尼集團不排除要再注資，以平衡股權。

盼配合港珠澳橋通車

消息又指出，股東雙方仍未就次輪擴建作詳細商討，可能要到2012年至2013年才有較清晰做法及規劃，預料最快或要於2014年或以後才能動工。

次輪擴建內容有何藍圖？消息透露，華特迪士尼的幻想工程部，向來有很多「存貨」，若香港樂園落實次輪擴建，隨時可拿出不少新園區及遊樂設施設計，予港府選擇。

消息指出，若次輪擴建費用能單靠樂園收入盈餘支付，並不需要立法會通過，只要樂園董事局批准便可，此舉可令擴建工程加快，首批新設施有機會趕及於2015 年落成，以配合港珠澳大橋通車帶來的機遇。

=======================另文=======================

反斗奇兵大本營 5周年壓軸

香港迪士尼3個擴建新主題區中，亞洲獨有的反斗奇兵大本營最早落成；據了解，05年9月開幕的香港迪士尼，今年舉辦的5周年慶祝活動，料長達一年，樂園將全速趕工，希望首個新園區明年9月啟用，成為5周年慶祝壓軸，並配合電影《反斗奇兵》第3集，務求增加樂園下年度人流及收入，此舉對次輪擴建亦有幫助。

趕工冀明年9月啟用

迪士尼今年初首次公布樂園營運及財務狀況，上年度在豬流感的影響之下，在營運上虧損約7,000萬元，預料今年度（09年10月至10年9月）營運上，有望轉虧為盈。

消息透露，樂園今年度首兩季營運情況理想，人流及收入均有增長，若今年再無疫情爆發及天公造美，今年度營運上有望轉虧為盈，入場人數料有理想增長，達至雙升。

消息透露，反斗奇兵大本營原定明年底或後年初才啟用，但現時計劃全速趕工，希望可於明年9月、5周年慶祝活動完結前啟用，成為慶祝壓軸重頭戲；但最大問題是要克服天氣影響，若今年雨水不多，成事機會較大。

消息指出，由於電影《反斗奇兵》第3集今年上映，並會推出一系列有關商品，故反斗奇兵大本營能於明年9月落成，除成為壓軸活動外，亦可配合電影，有助樂園下年度（2010年10月至2011年9月）的人流及收入增長，此舉對次輪擴建有一定幫助。

==============================================

1. 加左另文同補返一段~ 餘下地方可以起到一個大land~ 一個細land 同若干個細attractions~

2. 不過呢個消息都唔係新~ Toy Story Land 一直都有人話會係五周年壓軸活動~ 所以先會最快動工同搞fantasyland 條通道~ 用以縮短小小世界同新擴建區域之間個空檔期~ 但另一方面有好多外國人都唔相信Toy Story Land 可以開得切~ (尤其係巴黎fans) 兩邊有ge 時間差唔多一樣~ 約年半時間~ 可能巴黎fans 唔想佢地個playland 做得一年獨有呱~

HKDL 要爭氣!!

3. 下一輪擴建最快2014年動工!! 視乎HKDL 呢幾年表現~ 而今年HKDL 有望可以收支平衡~ 就算呢幾年繼續蝕錢... 都可以重施故技將剩低ge 借貸變成股權.. 即係係咪都有得擴建~ 睇下前期籌集資金要做幾耐~~

原來政府留低d 錢唔轉晒就係俾第二輪擴建~ 好偉大!!! 一早一次過轉晒我地咪唔駛硬食TSL!!!!

4. 「華特迪士尼的幻想工程部，向來有很多存貨，若香港樂園落實次輪擴建，隨時可拿出不少新園區及遊樂設施設計，予港府選擇。」多又點?? 有正idea 又點?? 俾政府揀咪揀埋晒d 爛貨~~ HKDL 已經冇乜幾多位剩~ 再起cheap land 就冇得再翻身~

希望HKDL 呢幾年可以賺多d 錢~~! 五周年同新land 可以做得好好睇睇~

回憶: 2005年迪士尼巡遊

都放係五周年特輯吧~~ 好想同大家返去2005年岩岩開幕ge HKDL~ 睇返Disney on Parade 隻吹氣米奇花車!!! 好白好飽滿好靚!!! 依家果隻米奇又甩色又多污跡仲好多摺痕.......... 真係好核突!

香港迪士尼藍圖

又到五周年特輯了! 上次話過今次會講一下1999年至2005年期間曾經出現過ge idea~ 其實就係以下呢張後來曝光ge 藍圖~ 話雖係藍圖~ 但可能呢個係多年間眾多個方案之中ge 其中一個~~ (不同concept 配搭下可能有過百個plan~) 而除左主要講呢張藍圖外~ 下面仲會講少少其他plan~ 可能會好亂~ anyway~ 大家不妨睇睇同依家有乜分別~

屋宇署: Grizzly Gulch 建築申請

其實冇乜特別~ 依家4月尾~ 但係政府野係慢慢磨出黎~ 係三月份屋宇署月刊中HKDL 向政府提交圖則申請~ 但係我地日日捕住park 擴建工程進度~ 唔駛睇呢份文件都知道山谷如火如荼興建中~ (回想返.... 兩個吊臂都好似係三月頭出現!!!) 

Grizzly Gulch External Ride.... 佔地683平方米~

http://www.bd.gov.hk/english/documents/statistic/Md201003e.pdf

其實都係想講出.... 之後可以上網睇更多擴建資料了~ 唔知四月號會唔會多d 野睇呢~?

700平方米會唔會就係我地依家睇到山谷邊緣有鋼筋ge 地方~? 其實真係估佢唔到~ 哈哈!!

繼續留意吧!! 求新擴建相

圖: Andy Castro

首次曝光構想圖: 故事劇場

幾個月之前小弟post 左一張Stitch Encounter 從未曝光過ge concept art 出黎~ 今日呢篇想upload 另一張應該未發佈過ge 構想圖~ Storybook Theater~ 而且係依家HKDL 四個不能錯過大型表演之一ge 米奇金獎音樂劇~

Storybook Theater 係後加落去ge 設施~ 好彩佢地最終決定加落黎~ 如果唔係我地個park 又少一個正show~! 呢篇並唔係五周年特輯~ 所以唔詳細講~ 留待下次再講得深入少少~ 依家copy 一段官方簡介~~

米奇金獎音樂劇

充滿戲劇性的歌舞、動畫、錄像及精彩絕倫的特別效果，結合成“米奇金獎音樂劇”，向迪士尼講故事的傳統致敬。這個音樂劇在香港迪士尼樂園的故事劇場中上演。
由迪士尼和Pixar電影裏最著名的角色擔綱演出，“米奇金獎音樂劇”展現了好萊塢頒獎典禮的華麗盛況，並讓值得回憶的迪士尼片段在觀衆眼前重演。位於幻想世界裏的故事劇場可容納1,000名賓客。
這個長達25分的音樂劇共有24位演唱者和舞者參與，每天上演多場。
“米奇金獎音樂劇”講述一名極具前途的娛樂記者Bebe正在報導幻想世界故事劇場的現場實況。黃昏將至，這名年輕的記者迷失在迪士尼的奇妙力量以及米奇老鼠與米妮老鼠、高飛及他們的朋友們充滿童真的歡樂之中。(Bebe的現場報導和旁述均以粵語進行；而當中的歌曲則用英語演繹。)
在整個表演當中，“米奇金獎音樂劇”向友情、英雄、冒險和浪漫致敬。迪士尼最受歡迎的五個角色－米奇老鼠與米妮老鼠、唐老鴨、高飛及布魯托擔當著表演的主要角色。當中的歌曲向多個動畫電影經典致敬，包括扮嘢小魔星、泰山、鍾樓駝俠，反斗奇兵2以及花木蘭。
繽紛燦爛的特技效果讓“米奇金獎音樂劇”成為香港觀眾尤其欣賞的表演。充滿活力的動畫背景在巴黎聖母院高空迅速移動，當影片快速地在舞台般大的螢幕播映的時候，戲劇化的佈景制造了一個三維立體錯覺。來自迪士尼的動畫電影《小魚仙》的海底佈景也將會重現在賓客的眼前。
“米奇金獎音樂劇” 由以加州為基地的Disney Creative Entertainment的創作總監Shelby Jiggetts-Tivony領導下完成創作。著名的音樂劇與歌劇導演Diane Paulus則負責執導這項表演。Paulus是現時在紐約市上演的“The Donkey Show”的導演，並帶領該劇在倫敦、愛丁堡、法國及馬德裏演出。
知你地好期待la~~ 不過絕對值得等ga~! 哈哈哈!!

上海迪士尼首期地盤七月交地

上海浦東新區區長姜樑今天透露，迪士尼樂園預定用地的拆遷工作目前已經完成97%，今年7月可以交地施工，預計5至6年後就可興建完成開園營業。

上海市政府今天下午舉行記者會，姜樑介紹了浦東開發20年取得的成果，並且闡述新浦東未來發展的思路和佈局。

他表示，以迪士尼主題樂園專案為核心的國際旅遊度假園區管理體制正在進一步確定中，該地塊包括園區和配套地區在內共3.9平方公里，目前正在按計劃進行拆遷工作。

針對媒體詢問還要多久上海市民才能夠享受到迪士尼樂園遊玩的樂趣時，姜樑透露，預計5到6年上海迪士尼樂園就可以開園迎接遊客。

有關浦東未來的建設，他指出，中國政府第十二個五年規劃期間 (2011年-2015年)，浦東將加快重大基礎設施建設，未來3年內將投入人民幣1000億元（約台幣4595.2億元），重點擺在加強上海南北道路的對接，使南北交通更加順暢。

姜樑說，「十二五」規劃期間，浦東將進一步加快城市化進程，以適應產業快速發展、人口大量集聚的需要。同時還將加快重大基礎設施建設，儘快打通沿海大通道，形成內部環通和外部聯通。

浦東經過20年快速發展後，土地面積已不敷使用。上海市政府將浦東和南匯兩區合併為浦東新區後，目前正在對新浦東的總體規劃進行編修。從現狀來看，新浦東有兩條發展規劃方向，一條是沿黃浦江，人口集中、產業集聚，主要發展與金融中心建設有關的金融、商務、會展等現代服務業。

另外一條是沿海，空間較廣、人口較少、成本較低，主要發展與航運中心建設有關的航運、貿易、物流，以及重裝備、航空等先進製造業。

=============================================

1. 小弟真係由消息人士聽過上海迪士尼係2016年開幕~ 

2. 仲聽到有關上海迪士尼面積同所走ge 路線~ 我會信WDC 內部消息多過上海市長或者傳媒~ 估計市長未必清楚入面d 地會點用同點分佈~

3. 並不打算爆料~ 呢篇就此完結!

香港迪士尼渡假區構想圖

各位... 估唔到咁快五周年特輯又再一次update 俾大家呢~??? 因為今次個topic 涉及第二期~ 冇上次咁多野講~ 所以開一篇短ge 滿足一下讀者們~~

以下呢張就係幻想工程師對香港迪士尼第一二期的構想圖~ 可以點擊放大~ 依家第二期個theme 應該仲未定好~ (但可以見到... 好似真係有個大湖同好多水wo~) 到底點解第一期入面d 設施佈局好似同依家有咁大分別ge??? 到底佢地係咪亂畫呢???

復活節Special - 運動服Mickey

我真係忍唔住要開多篇講復活節限定運動版Mickey... 好多動作ar 佢!!! 平時係Town Square 亭見到Mickey 都好文靜.... 可能佢要企係度一整日以老闆身份迎賓關係.... 見到佢一離開左大街亭就立即活躍起黎~~ Mickey 都以行動證明.... HKDL 限死Characters 係涼亭出現... 都令到一眾Character 死氣沉沉~~

最鍾意跳起果張~~ 有High School Musical feel~!!