上海迪士尼concept arts

上海個project 講左咁耐... 但係遲遲都未見到有構想圖流出黎... 終於都有幾張了~ 不過concept 歸concept... 唔好理會唔會變成事實~ 睇睇當係儲下WDI 圖就算~~

未公佈呢個計畫之前... 老早就聽過好多消息人士稱上海迪士尼會同其他disneyland 完全唔同~ 唔會走Magic Kingdom 路線~ 但之後官方又話係Magic Kingdom... 咁咪同香港東京撞到應一應??? 以下呢幾張圖可以解答到以上問題..... 原來形式雖然仍然係Magic Kingdom... 但係外觀將會改頭換面~~

入口火車站.... 嘩.... 唔係Main Street USA 個feel~ 玻璃幕~ 上面鐘樓係Mickey 鐘面~ 一左一右個入口就同其他Disneyland 一樣~ 但係見到... 除左有一架火車之外... 仲有多一個行車系統......

入口都好新穎~ 入到去Main Street.... 原來都唔會係美國小鎮做主題.... 其中三個設計.... 第一個係好Hollywood feel....

第二個設計係森林.... 我覺得呢個設計好特別!!!! 亦都好襯Rapunzel 座塔~!!

第三個設計..... 亦都未試過... Down Town 直接起係Disneyland 入面!!! 我覺得呢條Main Street 比較似上面火車站個感覺~

Tomorrowland..... Space Mountain 新設計..... 太空館咁~! 好型!!! 好過依家其他五個park 全部一式一樣.... 有d 妒忌.....

Science City?? 唔係叫Tomorrowland?? 唔知有乜玩呢.... 個機械人好正!!! 會唔會有Marvel 人物?? 謎~~!

仲有呢張都係謎.... Glacier Bay?????? 外形有d 似DLP Discoveryland 架The Mysteries of the Nautilus~ 但背景係冰川wo..... (想知巴黎呢個attraction 有乜睇.. 可以click 入以下youtube 片段~ 睇完或者你會發現... 海洋公園個列車... 原來又係左抄右抄~!!) http://www.youtube.com/watch?v=Nfl-qMasnH8

為免大家唔清楚乜野係Glacier Bay... 係度講多次... HKDL 三個已公佈ge 新區域... 大家都應該有聽過其中一個係同反斗奇兵有關la~ 但其實反斗奇兵係臨最後一刻先被搬出黎~ 因為我地政府官員驚HKDL 同海洋公園兩個以冰川 / 冰山為主題ge 區域會撞到應一應~ 所以否決左Glacier Bay~

再往前追溯... 其實Glacier Bay 係政府否決貴價區域Pirate Coast 後.... WDI 用以取代ge 另一構思..... 而Mystic Point 就由Pirate Coast 分拆出黎改故事..... 以另一姿態重現並得以保存ge idea~! 所以推斷GB 會比PC 平好多~ 我地只知道Glacier Bay 主題會係一個極地神秘科學實驗基地~ 有一個室內ride 玩真雪~ (亦有人話其實GB 入面都有U形~ 可能係呢個原因推出TSL~) 劉吳惠蘭向傳媒坦承設計中有個設施太刺激... 佢唔敢玩所以手刃該區域~

GB 會唔會又係俾上海?? 上海會唔會唔只拎走香港Pirate Coast?? 我唔介意送GB俾上海... 但可唔可以留返PC俾香港???