五周年回顧特輯 - 萬聖節篇

各位讀者... 新年呢幾日都去左拜年呢~~ 係咪好悶呢?? B san 為大家準備左五周年回顧特輯~~ 今次會開始講過去五年黎ge 活動~~ 首先係Halloween~ Halloween 唔係HKDL 開幕之後搞ge 第一個活動.. 但係呢個event 係咁多個活動之中搞得最具規模同成熟~

我ge 睇法一直都冇變過... 如果唔係OP 搞Halloween 搞得咁成功~ 我好相信HKDL 都唔會有黑色世界ge 出現~ 亦都因為OP 搞嚇人ge 鬼屋搞得咁出色... HKDL 都開拓左Disneyland 史上一個唔適合小朋友玩ge Halloween Event~

不過講黑色世界之前.. 其實係有個前身.. 就係2006年ge 怪誕節... 呢個怪誕節本身係一個好弱雞ge 活動~ 亦都有意去抄加州ge 萬聖節活動~ 睇睇2006同2007年ge Main Gate 佈置~ 仲未有Nightmare Before Christmas 兩位主角~ (亦都見到入口個大廁所施工中~ 仲有冇記憶呢?)

當年呢個怪誕節內容最大ge 焦點就係... 怪誕服飾巡禮~ 只係得一架車~ 上面企晒Fab 8 係上面跳... 但係呢架車因為係第一架有節日氣氛ge 花車~ 所以當時都好受歡迎~ 而成為之後首年黑色世界夜光鬼魅巡遊ge 尾車~

06年ge 怪誕節第二個重點.. 就係一班壞蛋首次踏足HKDL~ 進駐Opera House~ 可能入面太迫太細ge 關係... 到黑色世界活動開始... 呢班壞蛋退出Opera House 去左森魔探險路...

有說2006年怪誕節當中怪誕城之夜ge 商品銷售情況反應熱烈~ 做就左2007年黑色世界當中以NBC 做主題ge 夜光鬼魅巡遊~ 呢個巡遊足以令到全球fans 注意同羨慕HKDL~ 一黎我地以NBC 做主角之餘仲有好大隻Jack Skellington Animatronic~ 第二就係玩夜光~ (雖然唔係架架車都有好強ge 效果~) 第三就係唔玩迪士尼可愛風格~ 又真係估唔到香港人咁受落成人向迪士尼樂園~

再一次重溫concept art... 加上首次同大家見面ge Maleficent 花車設計圖~ 改Disney on Parade 當中公主車做黑暗版~  咦?? Disney on Parade 今年已經處於休息狀態~ 到底2011年Halloween Parade 會唔會有驚喜呢??

2007年首個黑色世界重用之前怪誕服飾巡禮尾車... 2008年就換上新ge 鬼盜船~

首年Glow in the Park Parade 最後仲會有一個大南瓜米奇氣球~~ 仲識得發光!! 不過只係得第一年有~

黑色世界另一個威水史... 迪士尼第一次玩驚嚇!! 或者你唔係2007年就留意HKDL... 你未必會知道大街詭異酒店ge 原本故事背景~ 不如趁今次回顧睇一睇....

130年前的西部小鎮，人們一直過著純樸的日子。某天，一間酒店神秘地在大街開張，由於是鎮內獨此一家，布置又華麗，不用多久便吸引了眾多人客入住，亦令這個小鎮顯得更熱鬧。同時，怪事卻接二連三地傳出：有一對幸福的新人到這裡度蜜月，四圍遊玩，惹來途人豔羨目光；可是當他們入住了酒店後就像人間蒸發，再沒人看見他們離開。有人說他們可能誤闖了店東James 傳聞中的古怪實驗室，亦有人說這對年輕夫妻引來女主人Victoria 的嫉妒，已慘遭毒手，因為據某知情員工說她患有精神分裂症。至於那位職員，後來好像也沒人發現他的下落。留言板更有住客失蹤前的求救訊息...... 多年後，在迪士尼的美國小鎮大街街尾忽然出現了一個入口，通向一間不知正確位置的酒店 — 傳說中的「大街詭異酒店」。你，有勇氣去闖闖嗎？

對於係2007年以後先進入大街酒店ge 各位... 同埋懷念原版驚嚇ge 各位忠實fans... 現在為大家送上... James ge 實驗室!!

呢個場景係全間鬼屋ge 壓軸驚嚇部分~ 當經過地牢同洗衣房之後就會進入James ge 實驗室... 專用人體黎做變態實驗ge 佢捉左酒店職員同住客作試驗~ (呢個咁恐怖ge 舉動背後係有一段浪漫ge 故事... 係醫學未昌明ge 年代... James 為醫治愛妻ge 病不惜一切找尋方法... 最後更搵人體做實驗!)

但呢個場景只係維持左一年... 第二年ge Halloween 呢個場景已經改左做一個好唔驚ge 「牆」景... 原因傳聞中有幾個... 基本上諗得到ge 原因都出現過傳聞版本~ 所以.... 冇左就係冇左~ 往事只能回味~ 最尾呢度真係好驚呢!! 為求故事完整... 出口會再見到Victoria 出現嚇你... 但隨住「牆」景同女傭現身... Victoria 唔再失驚無神周圍攝出黎....

「為求逼真，迪士尼團隊做了大量有關上世紀建築的資料搜集，還聘請了奧斯卡得獎班底去做animatronics，製作認真。」當年呢間專做鬼屋ge 美國公司負責人都話完全估唔到會同Disneyland 合作~ 係一個好大膽ge 嘗試~ 但係同Disney 做鬼屋有一個不.. 就係不要血腥!! 要用氣氛同故事代替血腥~ 所以佢地真係搵左好多古董物品同家具放係入面~ 亦都因為咁.... 大街詭異酒店係史無前例咁高成本!!
再有一件事想大家留意.... 就係Walt Disney 當年親自設計Haunted Mansion ge 時候都係想玩Walk-through~ 不過礙於多個原因呢個經典設施就變成依家Dark ride 模樣~ 而Haunted Hotel 正正重現Walt Disney 原版設計中ge 心血~ 就例如呢張最初HM 構想圖... 係後期冇左ge 浴室鬼... 呢隻鬼相隔幾十年後係大街酒店出現........

 

哎呀... 2007年都仲未講完.. 之前講過一眾壞蛋退出大街後全部去左Adventureland... 呢個係森魔探險路ge 前身~ 繼而之後就玩到日夜兩個版本... 日頭係迪士尼壞蛋... 夜晚就有鬼係度行~

由2007年就玩到依家ge 鬼版太空山~ 第一年ge 時候有一個情景好靚ga~ 就係突然下墜個位會有綠色ge 燈好似你入左隻鬼個口咁... 一個改得好好ge attraction~ 2009年加州halloween 都搬左我地呢個idea 過去~ 正式第一個被外國迪士尼抄ge HKDL idea~

南瓜人呢個Hub 裝飾仲有冇印象呢?? 當年大街仲未被NBC 佔據... HKDL 一次過搬出幾套Halloween 元素摸索邊一套會跑出~ Disneyland 必備ge 南瓜人就成為Hub 主角~

2008年... 又多一間鬼屋~ 就係位於探險世界擴展到鐵路後ge 森魔詭域... 見到HKDL 越變越大真係非常之開心~~ 依家都開始左擴建... 到底今年仲會唔會有森魔詭域呢??

尋晚有網友話... 以為我講鬼屋會逐個scene 咁講.... 我唔會la... 講果d 都係集體回憶又或者係HKDL 已經自己講過ge... 如果唔係講晒... 咁入去玩仲有咩意思?? (雖然要玩ge 都應該已經入過晒去玩~ 同埋玩左幾年之後都唔覺得HKDL 會想重裝過... 上年個勢似係想將黑色世界個feel 去返一個年輕家庭ge 市場而唔再同OP 硬碰年青人市場~)

其實大家都睇到森魔詭域同大街酒店個Feel... 係後者貴好多... 呢邊有d hea hea 地同埋應該唔再係搵果間做慣鬼屋ge 外國公司做... 所以有d 似OP 個格調... 08年呢間鬼屋有一個計算錯誤... 門陣.... 佢地想做投射效果令到d 門迅間轉移... 但係入面太黑而投影太顯眼所以.....就係做唔到個效果la~~ 呢個場景之後都cut 左而改做做森林~

呢個就係森林結尾... 可能你會覺得DJ d concept art 好hea... 但因為係門陣個scene 冇乜野值得係concept art 上表現姐... 我覺得呢度本身佢地都唔知自己想點... 所以concept art 都係咁....

森魔詭域處於一個冇人踏足過ge 島... 呢個島好奇怪...你唔駛怕會遇到猛獸...多年前有一隊探險隊想入去呢個森林度尋找寶物... 係入口處起左個營地...點知營地直通森林神秘山洞入口...穿越第一座新秘夜光山洞後就到巫術土著居住地... 再過埋墳墓後就進入第二個山洞... 最後出返森林離開...

雖然回顧特輯度係唔太應該發炮... 但AL 同TL 兩間鬼屋都係欠缺故事.... 同埋睇到構思係由欠缺搞鬼屋經驗ge 人諗出.... (應該係HKDL 自己度橋?) 同大街酒店真係... 比唔上~ 不過都似返OP 鬼屋個Level~ 應付香港市場綽綽有餘~

2008年黑色世界主場係AL... 所以成個land 都出現好多同鬼屋有關ge 佈置... 森魔探險路.... 過多煙霧令到你連前面五米距離都睇唔到~ 可以玩得更癲... 但好可惜夜場人太多仲多過d 鬼就冇晒感覺...

除左探險路外.. 連Prof. Porter 間商店都有鬼屋場景~ 2010年仲俾埋佢地出去魔塚~ 不過呢個係10周年特輯ge 內容~

2007年夜光鬼魅巡遊成功跑出~ 成為省靚HKDL 招牌之作~ 所以到2008年Jack Skellington 完全佔領大街... Main Gate 出現開幕以黎首個超大裝飾... 誇張得黎好有氣勢~ 自此大家每逢有event 除左會留意Hub 之外... 更加會期待main gate 會唔會有大裝飾~

當然會介紹埋Hub~ 話明Jack Skellington 霸左Main Street~ 2008年同2009年Hub 呢個裝飾都係黎自NBC 開場Jack ge 出場一幕~ 不過09年倒帶... 係08年ge 前幾秒造型~

第三年就去到Tomorrowland ge 宇宙深寒... HKDL 都未試過咁大規模改建築用途~ 用左火箭餐廳較大果半邊廳做鬼屋~ 唔好以為地方細細wo... 其實入面兜黎兜去都可以玩好耐~ 同其他兩間鬼屋唔同ge 正正就係佢短期改餐廳做鬼屋... 過左Halloween 後唔可以好似Demon Jungle 咁長期原封不動... 又拆又裝個費用唔低~ 而且....... 呢間鬼屋冇想像中咁受歡迎~ 三間之中評價最低... 所以冇得返轉頭都可以理解~

但係如果你問我覺得AI 做得如何.. 我會答係另一個detail 之作~ 解剖室駕駛室仲有熱到又紅又曲ge 工字鐵等等... 係一間好高水準ge 鬼屋黎~ 好可惜故事性都係唔夠強.... (呢個係HKDL 自家創作ge 弱點~) 外星人個樣又太卡通....

我知道大家都想等AI concept art.. 但... 我始終唔相信HKDL 只用一年就全部dum晒... 所以呢間鬼屋ge 圖保留~ 

有人玩果陣拍片放左上網~大家可以重溫一下偷拍版本~

其實HKDL 仲有一間鬼屋.... 間鬼屋係Demon Jungle 前身~ 係一間玩具店~ 你可以想像布教授商店同Mystic Manor 兩個故事合埋... 就係一個識得用妖術將玩具收藏品賦予生命ge 探險家係森林開左一間玩具店...

故事感覺比較強~ 但係故仔有d 似大街酒店~ 而玩具店入面有d 比較唔似迪士尼應有風格ge 場景出現... 所以idea 慢慢變成森魔詭域~ 同年對手海洋公園Halloween 都出左一間以玩具廠為主題ge 鬼屋... 好彩HKDL 以DJ 迎戰~ 如果唔係主打就同對手個二三線鬼屋撞到正~ 

係廣告同代言人方面... 2007年HKDL 請左Eason 做黑衣臣~ 真係成功打響左頭炮~ 而且佢地仲搵埋TVB 拍攝左個黑色禮遇特輯~ 都見到大街酒店入面部分場景~ Eason 仲係media day 上埋Jack 架float 同大家見面~

以下係Eason 講大街酒店個故事背景~ 好正~! 我地就係希望HKDL 會有多D 呢種風格ge 宣傳片~ 不過真正出街ge 廣告版本就係當年收到投訴ge 擰轉頭畫面~ (其實仲有一個版本~ 係個女仔擰轉頭由酒店跑出黎~ 跑走左兩個男仔先驚~)

第二年搵左飛輪海.... 個廣告同宣傳都冇乜特別... 已經公式化左~

第三年就搵左Hollywood 導演拍攝... 以下係一分鐘版本... 花左好多錢係廣告上...

代言人係任達華~ 繼Eason 後又一個交足戲ge 代言人~

Halloween ge 五周年回顧特輯終於都講完~ 其實做一個回顧真係好吃力...如果唔係有幾日假期...我估自己都冇乜心機做...

圖: Vincent Lam, HKDL.