Universal Studios Singapore Trip Report

今次有幸見證Universal Studios Singapore 嘅Grand Opening, 當然要詳細打一次Trip Report. 我對USS 甚至整個行程評價其實非常高~ 可以慢慢睇落去就知~

講之前有兩段小插曲~ 今次Singapore 之旅B san 玩另類旅遊~ (呢篇之後仲有後續~) 其中一樣就係入戲院睇左功夫熊貓２.... 香港未上~ 今集留左一個伏線拍第三集~ Dreamworks 呢個系列都係有得做~!! 影城有PO 出玩, 唔知將來會唔會有功夫熊貓主題區呢~?  

插曲二係Paula Abdul 作為USS 開幕嘉賓~ 好可惜冇同人合照~

我對USS ge 印象係佢地同Disneyland一樣都係做得好detail 同有好強烈ge 主題~

成間鋪都係賣緊同一個主題嘅商品!! 依家HKDL 真係做唔到呢樣野.... (尤其係Marvel 入侵後....) 還記得以前Pooh Corner 都係成間鋪係賣Pooh 貨...

終於都重開ge BattleStar~ 分左兩條軌, 藍色Human side 係傳統坐喺度嘅過山車, 紅色Cylon Side 係懸吊式過山車, 即係會吊腳的. 睇下你承受能力有幾高. 呢度同New York 區域中間有一段路係冇任何設施或商店~ 太唔似USS 密質質ge 風格... 令到我相信Transformers 會係呢度開~ 好可惜呢個係回想時突然諗起~ 冇影到相~

冇錯~ USS 真係起得好密質質~ 因為塊地太細~ (大約係依家HKDL 個size~) 上網睇佢地可以用到ge 地.. 應該得返Far Far Away 同Water World 旁邊塊地~ (所以會唔會下個擴建都係Dreamworks 呢?) 同埋New York 轉角位~ 起到咁密d 區域咪撞晒?? 冇錯~ 高科技ge Battlestar 旁邊係遠古的Mummy~ 而Madagascar 隻郵輪要點樣接駁到去Hollywood?? 就係成艘船剷左上岸~ 成幢樓撞歪左仲出現烈痕~

始終呢度唔係迪士尼~ 或者佢地根本唔會在乎intrusion~ 雖然佢地起得咁密~ 但呢個係因為size 問題... 完全無損detail 程度... 尤其係New York... 佢地果種貼近真實ge 舊化...鏽蝕...污漬效果做得好好~ 同永遠表現得新簇簇ge Disneyland 出現兩種極端風格~ 我對New York 呢個區域好滿意~ 不停咁影相!!

Madagascar~ 新開ge 設施當然第一時間玩~ 45分鐘!!! 以下係我小小advice... 雖然USS 唔似得HKDL 有parade~ 但係佢地有個Water World stunt show~ 你會發現每當WW 開show ge 時候... 其他地方個wait time 會大大下降~ 尾場WW 我見到Madagascar 只需要五分鐘!!! 自己安排一下行程la~~ 唔好作無謂等待~

等侯區發現左一樣野~ 新加坡天氣太熱ge 關係~ USS 等侯區沿路有好多好多飲水機!! 而且佢地都設有好多風機同強力風扇~ 所以唔需要擔心等咁耐熱咁耐會好辛苦~ (題外話: 佢地好貫徹冷氣25.5度~ 所以都唔需要擔心出入冷氣地方又冷又熱會病~)

Madagascar 原來係一個比想像中高科技ge ride~ 似乎係有sensor 當你架船駛過佢地先會著燈同講野~ 另一個advice~ 唔好坐船尾~! 因為佢地d 對白係照顧前面ge 遊客~ 船尾果d 就係睇AA 熄燈~

順住行去Far Far Away~ 呢個係我最期待ge area~

果然又係一個好detail ge 區域~ 做返電影入面ge 場景~ 又一個建築物排到冇位攝ge 安排但係有一條好闊ge 大道~

雖然建造時有人話見到呢座castle 會諗起石景山... 但親身睇都係會好震撼~ 同埋係似原作. 呢座城堡係就算你搭埋mono rail 出返市區後都會見到佢屹立係度!!!  好勁!!

castle 入面係Shrek 4D~ 佢地條queue 唔係單一排法~ 兩個theater 為左令到更多人同時入場~ 沿路有好多活動式ge 閘或繩~ 所以排你後面果個可能會突然被工作人員開繩指示行short cut~ 佢打後幾十人就會快過你入到theater~ 個人覺得香港人會接受唔到呢件事~

我玩左三次~ 點解?? 又黎一個advice~ 唔好坐中間!! 小弟以為中間個view 最好~ 原來中間位係為手抱BB 而設~ 由於張櫈識郁而佢地又冇設安全帶~ 所以中間果d BB手抱坐位郁ge 幅度好微弱~ anyway... 個人覺得正過PhilharMagic~ 完全係因為張櫈識得郁~ 所以希望HKDL 會起star tours~

Water World.... 好想講佢地真係好detail... 每個attraction 等侯區講故仔ge 認真程度不比WDI 差~ 仲有ar... 佢地有多attraction 都有pre-show... 好羨慕~ (所以wait time 唔一定準確...) 希望HKDL 會有多d pre-show room...

大陸某個theme park 就係炒佢.... 但完全唔係果回事... 忠告... 如果你唔想濕身~ 留意張櫈ge 顏色~ 藍色同綠色都會濕... d 船係咁片水上黎~ 仲有好多爆破場面... 想睇就youtube la~ 有小朋友就要留意~ 可能會嚇親佢~

Mummy..... 呢個都玩左兩次... 有backward motion~ 第二次坐最尾更能感到向後退ge 威力~ 同埋因為冇拍到個lap bar到最落~ 所以係呢個探險歷程~ 我多次成個人離開左坐位... 果種感覺真係.... 好刺激!!!!! 玩完之後會更期待GRIZZLY GULCH~!

Jurassic Park 係最後一站...

又係呢d detail 位~ 係咁加分!!!

呢個Rapids Adventure... 等如我地ge Autopia 長期都排長龍... 我等左80分鐘!! 又黎一個advice... 如果你唔想花錢買Universal Express (即係等如HKDL star pass) 玩Rapids Adventure 可以考慮single rider... 因為五分鐘內一定上到艇~ 唔好作不必要ge 等待!!

同埋USS ge Locker 係每小時計錢~ 部分首30分鐘免費~ (JP 呢個就要錢!!) 而刺激ge 設施都唔會俾你帶袋玩~ (尤其呢個會濕身!!) 所以如果你唔想花錢租locker~ 你可以排single rider 同你ge 同伴輪流看管d 袋~ 或者將你地d 袋放Mummy 果邊ge locker 再排Rapids Adventure single rider~ 行得快ge 話應該可以半個鐘內去返Mummy 拎袋走~ 免費!

Rapids Adventure... 唔值得排咁耐... 由於佢隻艇係咁轉~ 都未必睇得晒d 恐龍AA... (呢個係敗筆!!) 同埋基本上得一個位會全濕~ 但佢係咁轉你真係估唔到邊個位會成為幸運兒... 咁岩B san 就好幸運咁全身內外都全部濕晒~~ 要換返之前一日套衫走... 所以如果你冇帶衫換... 又驚自己好似B san 咁好彩... 你可以係waiting area 部vending mechine 花SGD 2蚊買一件透明雨衣~ 就可以乾爽離開~

呢隻恐龍BB 好得意~ 見到記得放隻手去佢個口度~ 佢會咬你ga!!

好la~ 今次旅程大致上到呢度完結~ 其實USS 係好好玩~ 只要大家知道點玩係最明智就得~ 唔好花時間排隊~!

後記: USS 真係好細... 而佢地都冇乜預留位置for expansion... 除非聖淘沙再開塊新地俾佢地繼續擴展, 否則應該大極有限~ 暫時威脅唔到HKDL 同OP~ 但係如果佢地願意花錢起正ge 設施再replace 舊ge attraction~ 咁都會好有作為~ 生果報話香港人唔會去... 應該都係ge~ 但Sentosa 有一定能力搶走香港ge 東南亞客源~ 因為地理上近好多... 同生活模式或口味較接近~ 個人好期待Transformers .... 仲有已經有消息傳出2013年佢地會有三個新設施開放~ 等公佈!! 

同埋我好鍾意佢地整個resort~ 話說佢地個monorail 只會收你一次錢~ 入到resort 就可以任搭去任何一個站~ 所以能夠成功令到留宿ge 遊客唔離開resort 出市區~ 又多優閒設施~ 呢d 先叫resort ma~!! 佢地都成功留左我係Resort 內~ 唔知迪士尼線可唔可以做到呢樣野呢? (如果開左DownTown)

其實今次新加坡之旅我都有幾高評價~~! 唔認同d 人話新加坡好悶~~ 但由於本blog 只focus theme park~ 所以..... 仲有野可以講ge~ 敬請留意更新!!