城堡曝光

其實今日先係D23 Expo 正式開始~ 尋晚係preview 黎~ 尋日果個模型係disney 史上最細ge 模型... 基本上乜都睇唔到~ 但係今日個presentation 就有SHDL 城堡ge 電腦圖... 果然... 佢地就係sell 座全球最大ge 城堡... 原本諗住開一篇專講D23 Day 1 個present~ 點知Disney Parks Youtube 就放左段片出黎~ 咁就分開兩篇la~

個傳說中底層ge boat ride... 好似JRC 咁.. 但係呢兩張圖都睇唔出佢地個RIDE 入面想表達d 咩....

呢張係CASTLE 內部~ 入面有個walk through~ total 四層~ 好似幾大地方咁~ 而底部就見到明顯上落船位~

=================

D23 Expo 已經開始左~ 第一時間為大家緊貼報導上海迪士尼消息~~! 模型經已曝光!!! 好大個湖係第一期出面.... 第一期個面積應該冇得擴大~ 就係咁la~ 所以...

zoom 近睇... 真係得三個區域~ 而且已經佔左呢塊地ge 七成!!! 佢個layout 好浪費位ar~~ 成個park 都係側埋一邊~ 如果佢跟住四四方方咁設計會唔會好d 呢? 不過呢個都係暫時ga 姐~ 可能仲會有修改... 似乎個湖真係Pirate show.. 但後面仲有一大座唔係好高ge 建築物.... 成個park 最大面積就係佢~! 咩黎呢? 而park 右下角會係個激流定係酒店呢?

另一角度... 塊地同HKDL 差唔多la.. 不過d 位好唔見駛.... 仲要多樹過HKDL~~!! Fantasyland 起個森林出黎~ 好ar~~ match 小矮人~


圖: Disneybox

=====

D23 Expo 即將開始~ 依家b san 都係等緊外國網大量update 新相新料~ 但係呢一刻之前我地不妨先講講網上面同小弟打聽過SHDL 有咩設施先la~~~

Fantasyland 除左見到轉轉三寶係城堡前面之外~ 其實佢仲有兩個dark ride + 一座過山車~ 過山車之前都講過係WDW MK 個小矮人過山車la~ 而兩個dark ride 分別係Winnie the Pooh 同Peter Pan's Flight~ 後者就其他park 都係一樣冇乜特別~ 我都唔expect 佢會有咩特別野~ 而wtp 因為東京有Pooh's Hunny hunt 玩無軌~ 令人懷疑上海版會唔會起PHH 呢?? 小弟收到ge 消息係佢地暫時只諗住起MK 版~ (即係HKDL 果種~)

Castle 底會係一個boat ride 上落位~ 圍住Fatasyland 走一圈~

Tomorrowland (好似唔係叫呢個名la~) 會有TRON 過山車取代左Space Mountain~ 其實唔難做ar... Tron 都係d 螢光光管... 不過個Vehicle 佢地會整成一架電單車咁ge 樣lor~ 仲話會有一個Marvel ride~ 未知會係咩黎~

仲有Soarin' : China

Adventureland 呢邊會有一個恐龍ge 主題設施~ 我呢邊都有消息人士講過~ 但之前只係以為佢地以果個恐龍世紀去做theme~ 原來佢地係想大規模做AA RIDE... 因為中國係世上最多恐龍骨出土ge 國家~ 所以呢個land 算係最chinese ge 代表! 有d 亂黎ge 解釋~ anyway~ 之前話佢地Jungle Curise 係激流版~ 可能就係呢個恐龍玩激流~ 是但一個la~ (但如果恐龍玩激流... 咁同Universal Studios Singapore 有咩分別???) 其實1999 年HKDL 都有plan 過一個恐龍ride... 又係接收左HKDL d plan??

外國BLOG 話SHDL 仲會有個Pirate show 但就唔sure 有冇POTC... 有pirate show 即係有個區域以Pirate 做主題la... 咁反正起左又點會冇POTC 呢?? 個ride 先會係成個land 重點吧!! 咁exactly 咪就係Pirate coast lor...

好la... 等D23 Expo 開始就睇model / concept arts... 希望有la~

========

喂~~~ 有網友提供左以下呢則新聞~唔知呢件事同上海迪士尼縮水有冇關呢?? 定係其實呢個政策係中央保障緊迪士尼?? 但我又唔覺得迪士尼強到呢個地步可以令到中央出手阻止全國發展wo~~ anyway~ 就以Hello Kitty 主題樂園為例.. 都係因為迪士尼效應而黎~ 所以新公佈政策對Disney 未嘗唔係一件好事黎~~ 今朝一直以為係迪士尼單方面~ 仲諗財大氣粗ge 上海政府冇理由唔追加投資令到SHDL 開幕強過HKDL~ 點解呢點解呢??同李克強訪問香港見特首有冇關呢??

http://orientaldaily.on.cc/cnt/china_world/20110817/00178_015.html

針對近年各地主題公園項目蜂擁而上，國家發改委近日發布通知，要求各地暫停新的主題公園建設，同時不得批准建設新的主題公園項目，已辦理審批手續但尚未動工的項目，也不得開工。據悉，新政策的出台，單是安徽恐有過百億元人民幣的投資可能泡湯。 （綜合報道)



真係太好la~~ 對於香港迪士尼各位Fans 黎講實在係好消息~ 今日micechat 達人Al Lutz 爆料~ 上海迪士尼將會由原本開幕五個園區減至三個~

其實原文就係講到底今年D23 Expo 內容會係咩~ 上次個重點就係講DCA 個重建計畫同埋香港迪士尼三個主題區完整模型 (即係依家Opera House 個展覽) ... 今次個重點令人懷疑會唔會同上海迪士尼有關呢~~ 咁Al Lutz 就問過消息人士~ 話今次D23 Expo 唔會講得太多SHDL ge 事~ 因為一黎距離開幕時間仲有一大段距離~ 咁早講都冇用~ 二黎大陸太多老翻樂園~ 講得太detail 會有機會令到整個project 落入老翻樂園ge 目標~

而最大原因係... WDI 收到Parks & Resorts Chairman Tom Staggs 指令.... 上海迪士尼一開幕個size 將會有五個land cut 剩三個~!! 但仲未知會cut 邊兩個land~ 所以唔敢show detail 住~~!!!

其實一早已經聽到呢個project 嚴重超支~ 之後仲要聽到佢地個Castle 又大又有boat ride~ 一定要用d 野去交換~

咁大座castle 丫拿? 哈哈~




由於佢地呢個park 欠缺main street~ 一入去就有一個大花園~ 所以其實就係HKDL 一開幕個Size~ 而且可以估到佢地就算係揀三個land 去起... Fantasyland 同新版Tomorrowland 已經會係list 上面~ 最後一個land 唔知會唔會係Pirate Coast 呢?? 呢個應該都大機會ga la.... 因為早兩日先再流出POTC ge 新消息~ Ride System 會控制到架船ge 速度... 而且仲可以令佢改變航行緊ge 方向wo~

HKDL 要好好加油盡快展開下輪擴建la~~~ 仲有Disney Village ar~~

仲有.... 今次D23 Expo 重點仲會講DCA 黎緊ge 第二輪重建工程~ 聽講仲會起多一個Pixar Dark Ride 係Paradise Pier~~~ well~ 呢邊個theme 唔強... 所以都估佢唔到ga la~~