HKDL 公佈業績 計劃大本營內建商店

香港迪士尼在剛過去的財政年度（即二○一○年十月三日至二○一一年十月一日），入場人次接近六百萬，較○九至一○年的五百二十萬人次增加一成五，開幕至今六年，累計入場人次逼近三千萬。
稅前盈利近五億元
至於酒店入住率亦叫好，入住率逾九成，較○九至一○財政年度上升近十個百分點，樂園訪客的人均消費亦有增長。樂園的總收入達三十六億元，較○九至一○財政年度的三十億一千萬元增加兩成。未扣除利息、稅項、折舊及攤銷前的盈利介乎四至五億元，相對○九至一○財政年度的二億二千萬元，有近倍的顯著增長。
迪士尼業績表現理想，為樂園部署擴建打下強心針，樂園三個新主題區的其中兩個，即「反斗奇兵大本營」和「灰熊山谷」分別於去年及今年相繼落成，另一主題區「迷離莊園」明年亦完成，樂園的總面積將較現時增加兩成三。據悉，樂園正與港府商討調高現時每日最高三萬八千人次的入園上限，以便在大節日時可以讓更多旅客同時入場，另外亦籌備新擴建大計。
對於樂園有計劃擴建，政府消息指出，迪士尼擴建計劃與政府目標一致，目前主要商討擴建新景點，至於樂園有意興建新酒店，當局表示因香港酒店房間短缺，樂園欲增建酒店亦可理解，只要樂園能力可以應付，一切都可以商討。

金民豪說，公司正構思第二輪的擴建計劃，去年賺到的五億多元會全部投入擴建，不會問港府資助。擴建計劃今年內會有更清晰的規劃。工程會趨向加建新主題區、建酒店、大型購物區或停車區等，目標是在第1期擴建完成後每年吸引1,100萬人次入場。

金民豪又說，迪士尼與海洋公園的主題不同，兩者並非直接對手。他希望兩者是有良性競爭，互相學習。他又說，迪士尼今年會增聘六百名全職及兼職員工，而且亦有人工加。
===========================================

業績理想，擴建步伐亦有望加快。迪士尼首輪擴建三個主題區，其中「反斗奇兵大本營」已在去年開幕，而「灰熊山谷」和「迷離莊園」亦分別在今年和明年落成。首階段擴建只動用了五公頃用地，還有七公頃可用。迪士尼曾說，只要盈利理想，可望加快第二輪擴建，亦正與港府磋商。

有消息指，迪士尼已向港府提交不同初步建議，其中一個構思中的遊樂設施為「星球大戰」(StarWar)主題，據稱其中一款類似巴斯光年的射槍遊戲。



另外，酒店擴建亦是重點計畫。現時迪士尼兩間酒店平均入住率達九成以上，旺季更加爆滿。迪士尼行政總裁金民豪曾說，構思興建一大一小兩間酒店。但消息指，迪士尼長遠構思擴建四間酒店，其中一間規模較大，與迪士尼好萊塢酒店的六百房相近；另外三間，是每間只有十多房的度假式小酒店，現時迪士尼仍有足夠土地興建。

消息又稱，迪士尼還構思興建木製小電車相連酒店區，並有人工湖，令樂園以外增加更多休憩空間，打造成度假區。計畫先建一間大酒店，其餘可分階段落實，毋須一次過拍板建四間。

政府消息就指，迪士尼確有提交不同方案，探討在現有園區擴建的可行性，酒店區屬長遠計畫，「不同構思都有傾過下，要詳細考慮邊個方案最適合，亦吸引到遊客。」但強調一切仍屬初步階段，財務安排未有共識，亦未有任何拍板。

據了解，迪士尼屬意先擴建遊樂設施，有更多機動遊戲，再落實長遠酒店藍圖，「新遊戲可吸引更多遊客，即時有門票、餐飲和零售收入；而酒店投資龐大，回本期較長。」而構思中一百萬呎紀念品商場，就是再下一步，待港珠澳大橋通車後，帶來更多人流才興建。
===========================================

盛智文抽水被醒目記者識穿~~

http://the-sun.on.cc/cnt/news/20120111/00408_001.html?pubdate=20120111

海洋公園同香港迪士尼樂園既係競爭對手，亦可以話係歡喜冤家。點解咁講？事關迪士尼樂園行政總裁金民豪尋日出嚟公布業績，咁啱海洋公園搞三十五歲生日派對，主席「扮嘢文」盛智文以「壽星公」Look現身搶鏡，由於雙方嘅活動差唔多同時間進行，撞到咁應，話唔係打對台都冇人信。
迪士尼入場人次追貼
其實，類似嘅打對台情況已經唔係首次，但今次一開波，金民豪就報捷，話迪士尼上年度截至十月有五百九十四萬人次入場，完稅前盈利逾五億元，較海洋公園完稅前嘅盈利只有約三億元多，帳面數好清楚，然而扮嘢文就口硬唔認輸，話海洋公園嘅盈利佔收入比率，高過迪士尼一倍，跟住再下一城，話舊年錄得破紀錄嘅七百萬入場人次。
嘩！收入比率同入場人次都高過迪士尼，即係話海洋公園有贏冇輸喇！之不過，呢啲可能只係扮嘢文變魔術嘅掩眼法喎！
本來海洋公園嘅業績最初係以七月一日至六月三十日為財政年度，但喺迪士尼開幕後，就多咗一個計法，同迪士尼一樣財政年度由十月一日至九月三十日，點知扮嘢文尋日再爆多一個計法出嚟，財政年度係由二○一一年一月一日至十二月三十一日。換言之，加埋就有三個計法嘞！
點解扮嘢文要變咁多種計法出嚟？心水清嘅人都知迪士尼嘅入場人次追貼海洋公園，所以變計法就可以提早或延後幾個月計數。
總之邊種計法，計出嚟條數係多過對家就得嘞！就係咁，喺扮嘢文嘅魔術手施法下，難怪海洋公園入場人次節節上升，又點會輸呢。
OP 要改計法應該係因為佢地個新機動城係11/12月開~ 想要埋呢兩個月頭啖湯等兩邊個距離拉遠~ 但盛生咁計法~ 下年TSL 同GG 開左... 佢地就唔知可以點出計la~~

===========================================


簡單黎講... 即係上年HKDL 係升... 賺... 同強! 繼續努力ar!!!

又重提Down Town 了~~!! 綜合咁耐以黎ge 消息... 2015年之前應該有好多工程進行~ 會唔會今年有意外驚喜呢??

下個擴建~ Star Wars 為主題~ Star Tours~??? 又有現成片段可以用~ 成本可以慳返d~ 但係吸引力不比一個全新同獨有ge attraction 低~! 雖然美國同東京都有~

仲有一個方案係射擊遊戲~ 我亦都唔係好信Tomorrowland 會有兩個射擊遊戲起係隔離... 所以我諗.... 有冇機會係Toy Story Mania?

===========================================

外國Blog Disney and More 都confirm 左有呢個消息... HKDL 有意起Star Tours... 位置會係馳車天地同巴斯光年之間.. 鐵路後ge 空地~



因為HKDL Tomorrowland 個backstory 同其他park TL 有少少分別~ 就係香港係一個太空港口而唔係未來世界~ 因為WDI 覺得香港本身係一個未來感好強ge 大城市~ 所以如果呢度都以未來做主題... 就會好似東京迪士尼咁好快就被城市趕上~

Star Tours 本身個故事都已經好襯呢度ge Tomorrowland~ 實在係good fit~

至於Star Tours 係一個ride 定係一個land... 我相信個分別都唔係太大ge.... 一黎呢個位係有足夠ge 位置.... 香港呢邊依家勁到歡樂桶都加埋入map... 咁好易就自己一個land wo~ 二黎由於HKDL 鐵路形成一道道閘門... 例如小小世界過左橋底後都好似自成一角自己一個land 咁ge 風格... 呢個位就算唔係Star Wars 而係任何一個attraction 應該都可以做到自成一角ge 感覺~

當然.... 如果呢度仍然係Tomorrowland 一部分~ 以星際旅行為主題ge Star Tours 似乎最match~

==========================================

綜合一下依家傳媒發放ge 消息... 就係Star Tours 呼聲最高~ 之後有傳媒話下個計畫有個湖...酒店同購物區.... 但係蘋果就有一段咁ge 消息....

金民豪認為長遠需建酒店，「有兩塊酒店地，一塊大一塊細，但未講過要起四間咁多」。他透露正與美國迪士尼及政府交流第二期擴建內容， 12個月內公佈。

第一輪第一期擴建的反斗奇兵大本營已開幕，灰熊山谷和迷離莊園今年和明年落成。消息說第二期的七公頃土地，會包括遊戲設施、酒店及商場，並屬同一主題，「全部設計都要圍繞呢個主題，而主題又要配合到現有主題區」。他說，遊戲料先落成，隨後再按遊人量建酒店，最後是 100萬呎大商場。 」
七公頃地係樂園內ge 範圍.. 唔包括酒店同商場ga bo.. 就七公頃有一邊係Grizzly 一邊係Fantasyland... 有冇可能全部設計都要圍繞呢個主題? 當蘋報講錯d 數字... 酒店同商場要同新land 同一主題... 你又會諗到咩呢?? (最主要係... 蘋報話呢段係金生講..... 都唔知信唔信好....)

============================================

香港迪士尼樂園「貴客」如雲，刺激精品銷售創理想成績。該園行政總裁金民豪表示，園內精品銷量佳，而且「越靚、越貴，就越好賣」，例如千多元的手錶等精品甚受歡迎。在「反斗奇兵大本營」開幕後，有關反斗奇兵的產品銷量顯著上升，更有不少旅客抱怨在「大本營」這個以玩具為主題的園區，「竟然沒有玩具賣」，因此，樂園正擴展購物點，並計劃在「大本營」開店售賣樂園產品。

金民豪坦言，迪士尼過去的策略是著重家庭旅客，但90%家庭旅客已到過迪士尼，故必須吸引更多非家庭旅客進場，包括增加「反斗奇兵大本營」等適合年輕人遊玩的主題區。隨著年輕客源不斷增加，年輕人耍玩時的「嘩鬼叫」聲反而增添園區的氣氛，「連因為排隊太久的投訴都減少」，他笑言這是意外收穫。至於會否增加類似的戶外機動遊戲，他回應指，因運作上很大程度受制於天氣，故需要小心考慮。

呢段新聞講出園方有計畫因應遊客反映~ 係TSL 入面會開商店... 其實WDI 一早已經預留左位置俾SHOP~ 又再post 多次D23 Expo 個模型... 藍色位~

位置應該大約係呢度... 依家係一堆草~ 如果繼續有更多人反映想要TSL 入面起shop~ 應該會加快擴建ge 步伐.... 而且商品又確實係直接為樂園帶黎龐大收入~ 園方應該敵不過咁大塊肉ge 引誘~ (但係小弟框個範圍係過大ge... 真正個size 應該會同洗手間差唔多大小~)



但係TSL 開幕時都有講過園方有意為RC Racer 加多一條軌.... (原文請見: 星島日報) 大前提係RC 受歡迎~ 所以如果起多一條RC軌.. 明顯就係新軌同新商店爭地~

好彩過左冇耐金生接受訪問時坦誠估計錯誤... 最初以為RC 會成最受歡迎項目~ 但最後跑出ge 係Slinky Dog~ 「好多人竟然怕遙控車太刺激，睇嘅人多玩嘅人少」(原文請見: 金民豪專訪) 加埋Grizzly 開幕... 相信起多條軌ge 機會越來越低.... 睇ge 人多玩ge 人少~ 等緊人玩ge 同時可以歎住冷氣 (暖氣) shopping~ 都咪話唔爽!!