今日人人也是VIP 之 開放塵封VIP Post

其實小弟呢期都已經少左打VIP post~ 因為呢一年擴建上都冇乜特別ge 料要同大家講~ 人成熟了亦學懂沉住氣~ 就算有新料.... 反正爆左出黎都唔一定會成事~ 而搞到fans 們一肚氣~ 何必呢?

今日為大家打開一篇封左塵好耐ge VIP post~ 因為坊間有人懷疑迪士尼籌備灰熊山谷ge 時間係誇大... 以下呢篇係2008年10月喺小blog 刊登出黎... 大約係HKDL 對外公佈擴建plan 前一年... 以下文字描述基本上同最終形態有90%相同.. 既然早四年前HKDL 已經有一個完整同detail ge idea~ 開始籌備時間理應更早~ 

Yahoo Blog 主雖然可以自由調較刊登日子同時間~ 但下面回覆者留comment 所顯示ge 日子... Yahoo Blog 現有技術仲未可以做到假...

原來已經Follow 左呢個project 四年... 特別以此篇懷念昔日等待公佈香港迪士尼樂園擴建計畫ge 日子......

========================2008年10月5日========================

爆d VIP 料先~ 尋晚果篇新聞.. 「熊食人 俄礦場30餓熊噬兩人 百人陷困」post 錯link~?? 並唔係~ 今次個新設施ge theme 就係一個位於礦場ge 過山車~ 礦場?? BTM~!? 乘客坐上礦場車之後... 將會遇到灰熊突襲~~ 係咪好似Everest 呢~?

呢個設施會以加拿大Dawson City 過去淘金狂熱時期為故事背景~

講到呢個設施點解會係集合左幾座Disney Parks 過山車特點呢~? 首先個故事背景係礦場就已經有少少似BTM~ 途中會受到一群灰熊襲擊~ 係咪又好似Everest 隻雪人呢~?! 哈~ 聽講會有好多一比一咁高ge 大灰熊出現~!!!!!

今次消息人士透露呢座改版礦山車會採用Everest 個驅動模式~ 除左正常前進之外~ 仲會有一段路軌係快速向後退~! 聽落都覺得吸引~!!!

其實呢座過山車就係好耐之前講過某個原定會起ge 過山車改版~ 依家改左做灰熊版.... 上山果段路會參考Everest... 我揣摩緊佢呢句係乜意思~ 仲話會揉合DCA Grizzly Peak~ 都係要等遲d 有detail d ge 消息先知~ (其實依家都已經夠detail~)

位置.... 依家森魔詭域旁邊!!!!! 所以座山未必會好高~ 可能會比BTM 高少少吧~

其他設施又係要收風~ HM 大致上同之前一樣~

最後.... 得到消息證實今年聖誕個城堡亮燈會係同CNY 一樣ge 大型stage show~