香港迪士尼即將加價 - 已公佈全新票價

香港迪士尼樂園開業七年多，去年終轉虧為盈，入場人數亦創新高。消息指，樂園亦趁機醞釀最快下月加價，成人票價將加至約四百五十元，加幅近一成三，年票價格料也會相應作出調整。為緩減加價帶來的反響，樂園擬採用兩年前加價時的措施，即給予港人及旅行社團體票緩衝期，沿用舊價約三個月。香港迪士尼發言人昨指，現階段未有任何公布。

香港迪士尼樂園行政總裁金民豪，上月公布業績時已暗示有加票價壓力。據悉，樂園內部近月已反反覆覆進行多個研究，測試市民及旅客的承擔能力。



其實之前都已經放左風~ 亦都預計左會加價~ 呢一層我一直都係好同意香港迪士尼加價... 之前話香港Cast Member 起薪點開業六年都冇跟過市場作出調整~ 依家其實就已經調整左近返市場~ 咁幾千人調整左之後個支出自然係大ga la... 喺門票上反映返都好合理嘅~

而且對比上次2011年加價~ 依家TGM (Toy Story Land + Grizzly Gulch + Mystic Point) 多左五個Ride... 而今次門票加價50... 除開每個新ride 都只係10蚊姐...

黎緊都會越來越多野玩~ 不要忘記所有傳出過嘅消息~ 2014 - Night Parade.. 2015 - 十週年大慶典... 2016 - 有機會Marvel Attraction / Land (反正分別都唔大~)... 仲有第三間酒店同埋Downtown 係預計2020 前會出現~

只不過如果計percentage 個升幅都幾大.. 同埋$450 隨時係一般打工仔日薪~ 所以就... 希望唔會對香港本地居民有太大影響~

傳聞Magic Access 都會加價~

-------------------------------

官方已經公佈全新票價~ 包括Magic Access~ 詳情可click 入以下官網睇睇~ 都係果句~ 我對HKDL 門票加價並無任何意見~ 亦都係支持~ 只要佢啲錢係用黎起多啲好玩嘅野.. 同埋Seasonal Event 不再hea~ 我都覺得係值得~