Magical Moment with Alice

尋日講到Alice 喺酒店有一個Magical Moment~ 就係喺Grand Salon 度玩Tea Party~ 但呢個畫面並唔係持續左好耐~ Alice 只不過係坐低左兩分鐘就被Grand Salon Cast Member 驅逐離場!! 好彩夠快手影到相... 如果唔係就冇得作個紀錄~ 



話說呢期Easter Holiday Alice 曝光機會突然大增~ 呢一朝Alice 好有朝氣地喺香港迪士尼樂園酒店大堂度出現~ 突然走左入Grand Salon~ 但只不過係坐低左兩分鐘... Grand Salon CM 就過黎同Greeter 講... 大約個意思就係Alice 坐喺度會阻到佢地做生意~ 請佢地離開咁樣~ 

如果當時Grand Salon 係坐滿客嘅Alice 都唔會走入去嘅.. 而上面張相可以見到背後三張檯再連同Alice 坐果張檯... 都係冇人!! 成件事就變得好似好不近人情~

Disney Characters 竟然喺迪士尼樂園內被驅逐~ 呢位CM 似乎唔知道自己喺邊度番工.... 原來生意真係可以凌駕於Magic~ 大約明白點解Princess Diner 班公主唔可以走近Guest~ 又理解香港迪士尼班Character 只能夠企定定影相~ 背後有咁多潛規則阻礙Magic 發生... 

上次Princess Diner 果篇已經反映出呢個渡假區Cast Member 欠靈活變通同欠缺足夠自由度等種種問題~ 如果唔能夠解決呢d 問題... 香港迪士尼今後都唔會發展出Disneyland Resort 應有的Magic~

喺加州迪士尼... 當一輪惡作劇後... 小妹妹被Cast Member 關門拒絕... 3:05 Alice 忍唔住講左一句.... "in Disneyland??" 相信佢都估唔到... 喺Hong Kong Disneyland.. 連佢自己都被拒諸門外~



以上片段係一個極端示範~ 說明真正the Happiest Place on Earth 係可以自由到呢個程度~ 當然香港Cast Member 睇到呢段片可能會覺得玩到咁係非常過份同阻礙佢地工作~ 但何不取個平衡~? 大家都知道... Characters 點玩都唔會超過半小時... 影響極有限~ 更何況只係坐低影兩張相... 反正間餐廳都冇其他賓客... 如果要預先申請同批准... 咪即係等如Mickey 上Dumbo.. Cinderella 上木馬... 不能相提並論...

過往當個Park 冇人時Entertainment 擔起成頭家幫呢個resort 爭取左一定入場率~ 今次關乎真正Disney Magic... 希望佢地會幫班Character 爭取一下~

不過被驅逐離場並冇影響Alice 心情~ 繼續帶住佢幾位朋友黎到樓梯玩~




邊隻先係真正White Rabbit~? 考起Alice 了~

好痛心香港迪士尼會變到今日咁...