尋日一篇講左Iron Man 會喺Tomorrowland 興建, 其實有好幾次都有朋友睇完張map 後提出原野劇場佔地好大, 如果將來擴建時可以拆左佢都夠位起到個大型設施.
小弟都同意原野劇場用地大呢個事實, 但相比之下其實仲有另一個設施同樣有機會較輕易地成為歷史, 就係馳車天地...
馳車天地係香港迪士尼首個擴建項目, 2006年開幕, 分成三條track, 早幾年人流低時試過封Track 唔開.
點解我會覺得呢個設施會易被園方剔除? 除左個人情感唔太鍾意佢之外, 亦因為佢唔合乎成本效益.
人流低固然係鐵一般嘅事實, 而佢人流低之餘亦動用大量Cast Member, 相比對開設施Orbitron, Autopia 動用三倍或以上Cast Member 去營運, 但兩者人流可能係差唔多.
佔地大, 損耗度高, 維修保養費高, 據聞每架車亦價值不菲, 總總加埋同接待賓客量不成正比.
而馳車天地當中一條軌道會兜出Tomorrowland 圍繞UFO Zone 行一圈... 大家有冇發現UFO Zone 都有Cast Member??
有Cast Member 有咩咁奇怪? 大家入園時不難發現園內幾乎所有設施都會有轉閘, 有d 會設於等侯區, 亦有d 會設喺出口.. 主要目的當然係統計人流. UFO Zone 並冇加設轉閘, 換言之大家可以理解成: 佢吸引到幾多人, 園方並不在乎. (就算Halloween 鬼屋冇轉閘, 但CM 都會手動統計)
UFO Zone 冇轉閘之餘, 亦需要Cast Member 駐守睇安全問題.... 相比另外兩個玩水地點, UFO Zone 要有CM 看管小朋友, 其實亦相當浪費人力
依家傳聞加州迪士尼會計畫重建Tomorrowland, 剷走Autopia 建新設施, 如果加州成功帶頭剔除呢個attraction, 對香港都會有一定影響.
拆走Autopia 可以做乜? 咁就要睇下Iron Man 開幕後反應好唔好啦.
4 則留言:
Ironman一定受歡迎，起碼一班粉絲好期待
意思係指除左Iron Man Fans 外.
不一定啦。不是Iron Man Fans也會喜歡看Iron Man的。 比如我有同學很喜歡那個演員。有同學很喜歡這種超能英雄（不特指Iron Man一個人）。 他們要是去到樂園里，肯定會很想試試看。
又比如像我的話，我很喜歡Star Tours那個System， 所以我也會很想試試這個。我本身可是不喜歡Iron Man的哦！
說實話我覺得香港造這個真的是一個很好的選擇。明日世界一直是我覺得樂園比較薄弱的一個區域。這個項目會讓很多人想來香港迪士尼的。而且我並不覺得破壞了樂園Magical 的氛圍。
但現階段還未清楚香港的Iron Man 會否和新版Star Tours 一樣會有Multi-Storyline. 如果一直都是同一段片段, 就會變成PhilharMagic 一樣
發佈留言