正因為呢個地方同香港好近, 而且鄰近馬來西亞, 我覺得未來當二十世紀霍士影城開幕之後, 再加上LEGOLAND 同新加坡嘅環球影城, 會令到更多熱愛玩樂嘅香港人更感興趣到訪, 所以想藉住今次呢個機會, 分享一下少少去新加坡嘅心得, 畢竟去過呢度幾次, 總會有貼士可以同大家分享一下.
就例如景點門票. 其實盡可能去旅行之前都會上網買晒, 因為唔想帶咁多現金喺身. 但有朋友介紹呢個位於牛車水 (Chinatown) 一個商場上層有幾間由華人開設嘅旅行社, 佢嘅景點門票同package 又的確係平好多. 其實都似中旅社咁買香港迪士尼門票抵D 咁樣. 名就唔喺呢度開了, 避免有人懷疑我係咪收受利益. 但如果你都對平價門票有興趣的話, 呢間商場嘅地址我都可以提供. 牛車水唐城坊三樓, (牛車水地鐵站E出口一出就係商場) 上面有幾間旅行社.
以下係今次旅程會去嘅兩個景點, 其實LEGOLAND 同Shuttle Bus package 都可以喺呢度買, 但係我怕shuttle bus 到時先買會冇晒位, 所以預先上網Book左.
第一晚平平地揀左Chinatown 一間酒店住, 呢一區嘅建築物都有返咁上下歷史, 所以都唔好期望酒店房會大, 隔音會好好等等, 否則會失望.
Check-in 完放低行李就出發搭地鐵, 唔明點解呢個國家咁細都可以有咁多個站. 而且某D 站嘅出口行過隔離街係會見到另一條不相關嘅路線出口... 轉車站亦有幾多, 所以不妨搭之前計畫一下邊條路會最快捷...
首站黎到Marina Bay Sands. 呢個地方係一座高級地標酒店同一個名牌商場組成... 睇下商場入面都有人造運河就知.
正因為呢個商場係走高檔路線同有好多外國人聚集, 所以呢度都有個大型表演場地 - Mastercard Theater, 幾年前小弟黎過呢度睇The Lion King. 而下年三月至五月呢度都會上演另一齣迪士尼音樂劇 - Beauty and the Beast. (呢個show 我等左好耐, 所以都正籌備緊下年再黎.... 哈哈....)
今日黎呢度係到訪一個之前未去過嘅景點. Gardens by the Bay. 唔知係咪因為呢度喺個海側邊定係因為有好多樹遮一遮陽光, 所以黎到呢度竟然有一種涼快嘅感覺.
呢度有兩個室內展館, 都係同植物有關. 首先入去Flower Dome, 入到去個溫度急降....
估唔到呢度可以同一個溫度同濕度種出原本屬於唔同地方氣侯嘅植物, 亦都見到有好多幾有趣嘅植物.
另一邊係Cloud Forest, 主要係介紹高海拔地區生長嘅植物. 所以呢邊會模擬返高地嘅濕潤. 仲有呢個影相好靚係其實係會濕晒身嘅瀑布.
有幾條伸展出黎嘅通道俾你可以由高處向下望.
整個結構就係咁. 兩條橋分別稱為Cloud Walk 同Tree Top Walk
有畏高都幾驚, 因為橋嘅兩邊有2/3 嘅闊度係通窿, 望到地下.
而瀑有入面就模擬成一個山洞, 仲有介紹鐘乳石嘅形成. 其實呢個展館都好多野學, 仲有包括瀑布嘅形成, 教學成份都幾高. 但係展板嘅位置唔多好, 會阻住後面行.
到展館嘅後段... 介紹整個Gardens by the Bay 嘅concept. 之前仲覺得呢度咁凍, 都唔似新加坡貫徹25.5 度呢個方針. 點解會出現一個咁耗電嘅地方呢? 原來呢度所有能源都係運用建築學嘅原理收集, 過濾同轉化. 不斷重用再重用. 好偉大嘅設計!!
外面, 當然仲有呢幾棵樹... 遠處仲有摩天輪, 同香港個摩天輪比... 呢邊呢個的而且確感覺上巨大好多....
晚上有個燈光表演. 可以睇睇下面Youtube 片段.
夜晚就返黎Chinatown, 呢度非常有中國特色... 賣嘅野價錢好平! 最適合就係買用黎派街坊嘅手信.
而街嘅盡頭有美食街. 一次過可以品嚐多款新加坡美食.
其實雖然我係相信一間食肆嘅成名美食, 能夠得到廣泛讚揚係一定有過人之處, 但係就算喺香港你都應該會試過某某出名嘅茶餐廳, 除左成名嘅奶油豬係好食之外, 其他食物甚至唔及你食開嘅茶餐廳好食. 作為一個懶惰嘅Theme Park 玩樂型旅客, 唔想為左食而奔走整個新加坡. 所以呢一類美食街都非常合我心意.
但係唔好以為美食街就冇誠意, 呢度每一個攤檔都係只賣一兩款食品, 非常專注.
尤其呢個蠔煎真係不得了. 蛋同蠔嘅比例係1:1....
第一日行程完結.
3 則留言:
蠔煎好好吃！我也是最近才發現！
去星馬必食串燒
我都好鍾意新加坡!!! 有野玩又有野食~~ love it!!
發佈留言