星級款待宣傳

似乎今年VIP 我都要開個分類先得.... 收到消息今年同上年會有d 分別... 除左貼紙呢d 細野之外... 由於上年呢個活動無本成利仲聽講得埋獎... 令到今年多左資金去營運VIP~ 聽講好似會有d 至今從未係HKDL 出過黎Meet & Greet ge 人物出現~ 又有人話會有d 平時見慣見熟但著住特別裝束ge character 今年都會出現wo~ 唔知真定假呢~

仲有今年D Magical Moment 都有少少新玩法... 本身MM 同「紀念品」數量之多並唔係單人之力可以儲得齊~ 日日入park 都未必儲得齊咁話wo~
呢一點對我黎講就ok~ 大家可以睇睇其他Blogger 可唔可以儲得齊~ (唔好阻到CM 做野就得....) 至於我就... 都係果句~ 靠大家提供了~ VIP 應該都吸引唔到我入park~ (雖然今次對我黎講有個好大ge 誘惑.......) 等5th Parade 黎到先~ 如果有的話~

-------------------------

星級款待官網更新

今日官網更新左... 其他野不值一提... 講呢個先~ 之前我都有講過今年VIP活動之中會有新角色出ge~ 以下呢兩個人物都係黎自the Jungle Book (1967) Baloo 同King Louie~

咁到底點解會出佢兩個做今次VIP 主打吸客呢?? 其實佢兩個已經好早就係HKDL 出現過~ 一直係Park 入面某個地方「休息」緊~ 等待一個好時機出黎同大家見面... 對上一次公開露面係小小世界開幕禮果兩分鐘~~!
當然B生講ge 唔只咁少~ 絕非巧合~ 小道消息稱將來大家或者可能將會有更多機會可以見到佢地出現~ 正如大家今年突然見多左Genie 一樣~~
仲有人話.... VIP 期間出ge 新Character 唔只佢兩個......不過真係唔清楚~~ HKDL 咁善變~ 係咪先?
HKDL 好需要有代表Adventureland ge characters ga~!! 迪士尼角色... 當然係越多越好~ 一個都不能少ar~~!! 最好俾返Timon 長駐同俾Jack Sparrow 出黎la~~

---------------------

星級收藏卡

話說今次呢個星級款待活動會出好多新Characters... Magical Moment 數量激增~ 由此可以知道Entertainment 今次終於打開封閉之門~ 開始同唔同部門合作~ 係一件好事!!!

網頁更新左~ 加左呢d 星級收藏卡~ 大家之前或者都會睇到一條頸帶上面掛左個米奇汽球~ 之前以為係Badge~ 但有人話原來果張係硬卡紙~ 亦係今年同上年VIP ge 最大分別~ 呢d 紙卡就等如MM 張cert~ 證明你曾經遇過一個奇妙體驗~ 如果儲到成條帶都係~ 都咪話唔威~ 呢d 先係VIP~~

而因為今次有勁多個MM 分佈係樂園唔同角落~ 就連d 平時唔關事唔參與ge 部門都玩埋一份~ 只要係遊客可以入ge 地方都會有MM 存在~ 所以收藏卡都特別多~ 背後個characters ge 介紹就當然都多la~~

暫時都係得呢d~ 但聽講仲有好多好多~~!

有人話今年為左杜絕一班平時成日入park R野ge AP 不斷R 呢批卡紙~ (例如一個MM玩幾次果班~) 所以HKDL 都諗左個新ge 方法去應付~ 某d MM 個獲得方法未必可以用常理去捕捉~ 又或者一個party 可能只會得一張卡咁~ 但係一個人又唔會有MM~ 詳情就唔太清楚~ 開始左相信大家就知道~

不過始終係MM~ 而MM 都係CM 揀對象~ 所以小弟都可以提供一個小建議~ 捉個5歲以下而外貌極度可愛ge 小朋友陪你入park (最好有男有女~) 咁相信d MM 會自動飛晒埋黎你度ga la~~

講堅.... 呢種規模ge 星級款待.... 我今次真係有少少期待~

-----------------------------------------------

星級款待詳情


旅遊業界對優質服務的堅持，讓香港多年來一直保持亞太區熱門旅遊勝地的地位。據早前報導，今年首兩月訪港旅客較去年同期升18％，未來幾個月的旅遊業前景樂觀。身為香港旅遊業一份子的香港迪士尼樂園明白，要保持競爭優勢，必須精益求精，不斷提高優質服務的標準。去年首次推出「迪士尼星級款待」，不但為賓客送上貼心的款待，亦為演藝人員開啟了超互動平台，希望他們寓工作於娛樂，鼓勵自發創造不同的驚喜主意，投入為賓客帶來大大小小的奇妙時刻，令每位樂園度假區的賓客留下難忘回憶。

今年樂園將「迪士尼星級款待」升級。超過3,000名的前線演藝人員花盡心思，務求在樂園及主題酒店的每個角落安排好特備「奇妙時刻」或開心小驚喜。另外又提供三項「星級體驗」讓賓客有更多專享體驗的選擇。由3月19日至5月23日期間，賓客可以令摰愛親朋成為樂園的「星級貴賓」，以他們意想不到的方式去表達心意。
創意要好玩
「迪士尼星級款待」去年大受各地賓客歡迎；尤其是本地賓客及全年通行證賓客，超過九成對整體體驗表示十分滿意，並考慮再遊樂園。 香港迪士尼樂園度假區樂園營運副總裁候諾保先生 (Noble Coker) 對此感到非常鼓舞，並分享如何激發一眾演藝人員取得口碑：「我們先以『同賓客一齊玩』為大前提，給予演藝人員寬闊的創意空間，為賓客構思並實踐自創的驚喜主意，大大增加了他們之間的互動交流機會。」

樂園又印製了一些表揚卡，讓賓客向演藝人員派發來表示嘉許。這也成為演藝人員全情投入，提供優質服務的最大原動力。候諾保指出：「去年短短三個月的活動期間，演藝人員發揮了無窮創意，自發性地想出超過450個不同類型的好主意，為賓客帶來驚喜。我們更總共收到超過43,000張的賓客表揚卡，代表他們對此活動的支持和對演藝人員的認同。」
此外，「迪士尼星級款待」亦贏得業界的嘉許，分別獲美國客戶服務協會 (CSIA) 頒發2009國際優質服務獎，及香港優質顧客服務協會頒發卓越顧客服務項目獎金獎，足證香港迪士尼樂園演藝人員的優質星級服務備受各界肯定。
為心目中的VIP帶來更多驚喜
樂園的演藝人員經已為「迪士尼星級款待」作好最佳準備，務求讓賓客有更多驚喜體驗。透過由3月19日至5月23日期間推出的特備項目「迪士尼星級款待」，賓客可以向他們的VIP送上源源不絕的驚喜及美好回憶。賓客在入園後，只需先到美國小鎮大街上的市鎮會堂免費領取「星級禮遇掛章」，便能成為樂園的「星級貴賓」。從這一刻開始，奇妙將至，賓客將體驗種種意想不到的星級款待。
數之不盡的「奇妙時刻」
賓客甫踏進美國小鎮大街，便隨即被繽紛的樂園裝飾、歡樂的氣氛、迪士尼朋友及演藝人員的熱情所包圍，大大小小的驚喜隨時出現！今年樂園更悉心安排了數十個特備「奇妙時刻」：賓客將有機會與「獅子王慶典」中的丁滿於表演完畢後單獨會面、與美麗的灰姑娘一起乘坐旋轉木馬、又或者當上迪士尼樂隊的星級指揮等。

更多特備體驗選擇，為VIP度身定造星級旅程
在欣賞精彩表演或暢玩遊樂設施時，想享有優先入場的禮遇的賓客可以港幣80元或120元另購「星級通行證」。賓客或可以選擇與親友一同參加「星級之旅」，由專人度身設計最合心意的行程，並全程細說香港迪士尼樂園的背後故事，尊享多項星級體驗，及與迪士尼朋友單獨相聚，收費由港幣1,388元起。
逢星期五、六及日或公眾假期及前夕，賓客可參加「星級煙花晚餐」，在廣場餐廳一邊享受特色飲品，一邊與迪士尼朋友合照；於VIP專區寫意欣賞「星夢奇緣」的醉人煙花匯演，再品嚐餐廳內的豐富中式晚餐，為星級旅程劃上完美的句號！

星級度假體驗
樂園兩間主題酒店亦準備好迎接各位星級賓客。香港居民於「迪士尼星級款待」期間，可以優惠價每位港幣676元起，預訂各款酒店住宿優惠套票。要締造更開心的假期回憶，賓客可預訂「迪士尼主題慶祝 ─ 酒店住宿假期」套票，享受香港迪士尼樂園酒店客房住宿一晚連特別主題佈置、慶祝蛋糕、獨有的迪士尼朋友合照時刻、迪士尼朋友自助餐，以及暢玩樂園，與摰愛親朋同度美好時光。

想感受香港迪士尼樂園的特備節目「迪士尼星級款待」的連串驚喜，為心目中的VIP送上難忘回憶，賓客可由即日起於樂園網站、樂園正門入口售票處、兩間樂園主題酒店、香港國際機場香港迪士尼樂園奇妙店、港鐵香港站的香港迪士尼樂園售票處，及指定之OK便利店購買門票。

-------------------------------------

星級款待電視廣告

尋晚VIP 個電視廣告已經正式出街~ 真係估佢唔到今年呢個event 會拍電視廣告咁巴閉~! 連CNY 都冇廣告~~ 我覺得係因為兩個活動對象唔同~ CNY 佢地真係target 大陸客~ 但係VIP 活動就係打香港本地客同Annual Pass Holder~ 所以係香港落廣告~
故事就係講述媽媽生日~ 一家人打麻雀決定鬆章俾媽媽贏~ 爸爸興奮食糊~ 媽媽失望俾錢之際.... 原來星級邀請卡早已收埋好~! 最後以整個活動招牌終極Magical Moment - 啟動煙花作結~

唔好理個活動搞得如何~ (我覺得已經好過上年好多~) 只係單睇個廣告內容~ 其實算係超水準~!! 好簡單好生活化ge 故事~ 而且打麻雀仲好local~ 外國網友係唔會有共鳴的Disneyland 廣告~ 最後好滿足ge 笑容~ 配上去年美國活動首主題曲"Celebrate You"~

我覺得好難得HKDL 會拍到一個咁magical ge 廣告~! 有本地化ge 情節~ 冇Mickey 同其他characters 出場~ 改煙花同城堡~ 一樣係icon~!

但係到底入到去係咪真係可以玩到呢個煙花MM??? 聽聞好多R人... AP 同Fans 都打聽緊各個MM 玩法... 仲有人跟隊要玩各個MM~ 目的係拎張Star Card~! 都唔係想享受個Moment 係咪真係Magical~

希望HKDL 可以睇得緊少少~ 你個活動打正旗號係sell Magical Moment~ 請你地時時刻刻要記得Magical Moment 的真正用意~ 你揀個一早知道晒整個流程ge 人.... 已經冇左個意義~

落電視廣告都有一定風險~ 本身整個活動用Magical Moment 黎做賣點已經好危危乎~ 如果d 人睇完你個廣告真係俾錢入黎先發現原來乜都要同人爭ge~ 你下年再搞幾勁都冇用~ 所以... 我會建議未玩過VIP ge 人係活動臨尾兩星期先入~ 仲要揀week day~ 咁應該有好多MM 飛埋黎~

-----------------------------------------------

嘩!!!! 做乜事~? HKDL 都未試過一個活動同時有兩個廣告一齊出街~!! 兩個版本~ 今日星級款待又出多一條廣告片~ 繼之前一家人帶媽媽入park 啟動煙花後.... 今次係爸爸獎勵囡囡而入park 見Cinderella~~!

有人覺得呢個系列 (係la... 兩個已經可以構成「系列」~ 到底會唔會再出其他版本呢?? 仲有兩個月~) 似Magic Happens 個系列.... (長期讀者一定會對Magic Happens 果篇Blog 有印象~ 小弟做過簡單調查... 發現大家對呢一篇印象非常深刻~)

但係Magic Happens 更強~ Disney 係美國人眼中已經係生活一部分.. 係Culture 黎~ 所以你見到Magic Happens 系列當中每段廣告都唔需要有旁白去解釋~ 亦都冇入過park~ 甚至見唔到活生生disney characters 等等~ 完全融入左係日常生活度~

但香港仲未可以做到呢個level~ (依家HKDL 肯行出第一步~) 可以見到今次廣告係好想將Disney 同日常生活鎖事掛鉤~ 幫你尋找一個理由入park~

----------------------------------------------

星級款待第三條廣告片已經推出左~ 其實之前係大陸網已經見到~ 但係post 唔到出黎~ 依家HKDL 個官方youtube account upload 左就good la~~ 大家可以再三回味~~
開OT 趕大project 篇~