虎虎生福 - 印刷品

地圖已經放出~ 入面張map 就唔放出黎... 因為陣間仲會放埋張遊戲卡~ 入面會有八福地圖~ 但係都可以睇睇GuideMap 封面~ 仲唔係貼紙樣~?

已經現身的Chip 同未曝光的Dale~ 

----------------------------

八福遊園匯小遊戲

呢個遊戲又係之前已經有ga la~ 但係今年同上年玩法又有少少分別wo~ 上年係連線~ 即係佢地expect 你入park 係會帶筆... (冇帶ge 就會行去Merchandise 「試筆」...)
而今年個玩法就改善左~ 睇睇封面先.... 又黎見到呢個Meet & Greet look~ 正!

入面係八福位置圖~ 同埋八組Disney Characters~ Goofy 財神look~ 應該下期貼紙有佢~

再有一張貼紙~ (貼紙ar~ 呢張係咪都要儲呢大家??) 只要大家將貼紙貼上張卡度就可以~ (但當然係要岩la~)

完成後就會得到呢一大餅貼紙~

遊戲卡背後仲有呢幾組人物ge 簡單介紹~

感覺呢個做得唔錯~ 有進步~ 呀... 唔知今年八福玩Disney Characters 玩得咁成功... 下年仲會唔會玩多次呢?? 但係仲可以玩得幾多次???? 未必會再咁match 個主題ga la~~

------------------------------------------------

虎虎生福貼紙 

今日虎虎生福活動首日登場... 亦好感激各方友好入去儲貼紙提供俾小弟~ 今次個玩法大家都唔會陌生~ 因為Halloween 同X'mas 都係咁玩~ 就係將八款貼紙分兩期~ 每期每個land 派一款~ 記得上半部分係比較易派晒ga~ 所以想要儲齊一套ge 話千其唔好miss 左頭四張~
update~ 原來Media Day 仲有派到Goofy~~ 點解只係Media Day 先有?? 咁到底會係8款定9款? 會唔會係Media Day 獨有?? 定係佢地派錯左所以之後收起唔派~?
再Update~ 年三十晚~ 不過仲欠Dale~ 又要求圖
齊晒~ 多謝各位~

覺唔覺得佢地幾位個造型好熟口熟面呢?? 原來係今次我地個CNY Event 新設計ge 衫~  Mickey Minnie 佢地著住貼紙上呢套衫同大家見面~! (除左Pluto??)

就連我地張Map 同Times Guide 都出現左呢d 畫~ 今次HKDL 做得好好~ 唔再係圖庫度搵出黎~ 真係搵畫師去畫~ 雖然唔知點解d 樣全部怪怪地~ 哈哈~ 但成本應該比往年高左好多~ 作為Fans 的你又會唔會以行動支持HKDL 的創新嘗試~??


---------------------------------------------------

年初一利是 - 金幣朱古力

每年年初一 (又或者幾日紅假) 入park 都總係會見到個個拎住利是~ 中國人地方ma~~ 入鄉隨俗~ 就算係外國高層都要出黎同大家拜年~ (金仔呢?? 又潛左水?? 前晚花車巡遊睇電視都好似見唔到佢~ 佢企左係邊度?)
今年呢封利是封面係Meet & Greet Mickey~ 今個event 見佢都見得好密~

入面係Classic 的米奇~

唔知好唔好食呢...? 不過個size 好似幾大.... 一個人食一塊都幾.....

虎年大年初一，香港迪士尼樂園度假區特別邀請了七間非牟利團體的受惠小朋友，與我們一起分享這喜氣洋洋的日子。華特迪士尼樂園及度假區亞洲區總裁及行政總裁安明智和香港迪士尼樂園度假區公共事務部副總裁盧炳松，穿上一身傳統中國服飾，聯同跳跳虎，率領高蹺雜技員及一眾演藝人員，代表樂園仝人向樂園度假區的賓客及香港市民拜年，祝願大家在新一年龍精虎猛、笑口常開。小朋友更打開寫上各種吉祥語的揮春，齊齊把虎年的好福氣傳播開去。

安明智說：「今年，我很高興能與本港各階層人士，一起在香港迪士尼樂園這個歡樂國度，展開新的一年！香港迪士尼樂園度假區一向重視中國傳統，今年推出的賀歲節目『虎虎生福』，讓賓客可以在樂園內，慶祝一個充滿傳統色彩、福氣瀰漫的新歲。希望大家都能夠把歡樂帶進虎年的每一天。」

參與拜年活動的小朋友，都來自迪士尼兒童基金的受助機構，包括香港明愛、香港傷健協會、香港婦聯、鄰舍輔導會、基督教聯合那打素社康服務、香港佛教聯合會青少年中心和安徒生會。他們和家人之後在樂園內欣賞了全新賀歲表演，又暢玩各項遊樂設施，在歡笑聲中度過虎年的第一天。

樂園度假區今年繼續支持由香港旅遊發展局主辦、在大年初一晚舉行的新春國際匯演之夜。米奇老鼠將在金光閃閃的賀歲花車上打鼓，以響亮的新年鼓聲，為香港打氣！樂園度假區的管理團體亦會與迪士尼義工隊一起，沿途助興，與全港市民及旅客同歡。

度假區的新春特備節目「虎虎生福」將舉行至2月28日。樂園把新春的年初二至初五，定為特別日子，延長開放時間，由早上九時至晚上九時。於特別日子期間，賓客必需持有當日有效之特別日子門票進場，樂園呼籲賓客從速購票，以便順利入場。 

--------------------------------------------

新年利是 - CM 版

原來新年利是都有CM 版~ 派俾Guest ge 就係Mickey 做封面~ 而派俾CM ge (開工利是??) 就係今年主角Tigger~ 但係Tigger 個look 都唔新年feel~

入面係咪又係金幣朱古力?? 當然唔係~ 呢封利是係真錢黎~~ CM 話入面封左廿蚊~~
聞說外國人執政ge 時候新年利是係一百蚊~ 自從易手俾左個香港人後~ 跌幅達五倍~ 不過新年收利是封都好過收大信封~ 減利是錢都好過減福利~

----------------------------------------------

Times Guide