三land交界圍欄工程進度

上個月Halloween 尾聲大家去到Fantasyland 同Adventureland 交界時除左會突然見到Toy Story Land 有圍板之外... 仲會發現圍板另一邊Fantasyland 花園都set 左一排圍欄~~ 到依家有咩進展呢??

支燈柱連花圃範圍稍微向入移....

而梅林法寶店都有圍欄!!! 都似係會縮細個範圍~

梅林法寶店半年前先圍布進行翻新工程~ 如果係關工程事上次理應順便整埋~ 加上越過行人通道兩邊同時圍欄.... 呢個工程同例行維修無關~ 拍住梅林呢邊工程都似乎唔關Toy Story Land 入口通道事~

去除兩個可能性後.... 即係同Event 有關~~ 之但係剛公佈ge 聖誕活動又冇提及到Fantasyland 呢邊~ (而且都搞唔切...)

會唔會同佢有關呢~?

1月21號五周年活動飛躍奇妙將正式展開~ 同依家距離約兩個月~ 又好似幾吻合wo~

公佈擴建計畫初期ge 時候... 小弟都有係自己blog 講過.... 呢個三岔位好奇怪... 令你置身童話國度ge Fantasyland... 帶你深入森林探索未知世界ge Adventureland 同將你變細融入玩具嘉年華ge Toy Story Land.... 呢三個主題區個主題都有明顯分別~ WDI 要點樣搞呢條通道~ 將呢三個故事連繫令到佢地過渡順暢呢??

恰巧當時美國剛開幕ge Pixie Hollow 同時具備呢三個主題~ 會係令三個園區故事連貫ge 不二之選~

咁岩五周年主角係Tinker Bell~ 有佢M&G 之餘呢個位又有工程~ 會唔會係HKDL 聽到大家ge 意見??

Pixie Hollow 唔需要有Dark Ride~ 以HKDL 過去呢幾年起大型影相位ge 經驗~ 要起ge 話一d 都唔難~ 造價亦都唔會貴~ 呢個交界位由面積上去睇~ 要起Pixie Hollow 綽綽有餘~!

問題係.... Tinker Bell 係咪有咁大人氣可以長駐HKDL 呢?? 可能呢個係佢地搵Tink 做五周年主角ge 原因~ 又係要測試一下廣大賓客ge 接受程度~ 如果五周年谷到佢做主角都好似木蘭咁無人問津... 都難退一劫....

Pixie Hollow 仲有一個好處~ 就係將來HKDL 要補起Fantasyland Dark Rides 係鐵路後面.... Pixie Hollow 甚至可以過渡埋去Peter Pan's Flight.... 一串四用~ 希望HKDL 可以考慮一下~