This is Mr. B

如果大家有買到Toy Story 3 DVD 的話~ 應該唔會錯過佢地碟內Bonus~ 因為入面有講到Disneyland 幾個以TS 為主題ge 設施~ Buzz Lightyear Astor Blaster 同Toy Story Midway Mania 都有略提~ 但小弟要拎出黎講ge 當然係新野~ 剛剛係巴黎迪士尼開幕冇耐ge TSPL 係DVD 都有介紹~ 仲有幾張之前未曝光過~ 為香港設計ge 場景~~

以下呢張就係香港Toy Story Land 入口~ 見唔見到左上角個字? 擺到明寫住香港~ 巴黎入口係巴斯光年~ 香港呢邊除左要同巴黎互相呼應之外~ 亦都係要同Tomorrowland ge 巴斯平分春色~ 我覺得呢個設計靚過巴黎果邊隻巴斯~ 不過就好多位俾小朋友爬~ 希望唔好因為咁而圍欄la~~ (UFO Zone 近日瀑布加左圍欄... 令原本已經樣衰ge play zone 更樣衰~~!)

WDI 知道香港人鍾意影相~ 園區入面都有好多比巴黎detail ge 影相位~ 從此.... 胡迪同翠絲就唔駛再係巡遊路線影相la~~ 佢地有專屬自己ge 位置~ 希望將來HKDL 會為呢個園區加入更多玩具M&G~ (始終都覺得Halloween 可以加阿薛啲古怪實驗玩具~)

巴黎都有Rex 出現~ 但係出黎效果比較死板.... 以下呢張就好match 佢性格~

再睇睇呢張電腦模型圖.... Logo 下面寫住反斗奇兵大本營~ 毫無疑問呢張圖係屬於香港~~

以下兩張冇乜特別~ 彈弓狗ge 模型同構造圖~

RC 影相位~ 巴黎都有但唔係呢個設計~ 我好想佢係香港~ 但圖入面ge 人物並唔係亞洲人...(依家請上去返睇幾張圖~ 全部都係黑頭髮ga!!)

唔夠喉!!! 不過影片只係得咁多~ 想睇又未買碟 (又或者唔會買碟) ge 朋友可以上呢度重溫~

香港呢邊幾時開幕??? 大家仲有冇入park 坐火車?? 歡迎提供相片~~!