等左咁多個鐘~ 終於都有片段la~~ 不過由於係第一日大家都唔知道個show stop 位置係邊度... 所以就等錯地方~ 唔緊要la~~ preview 黎姐~ (而且仲係surprise tim~) 睇片~ 想留返自己親身睇就唔好click la~~
好la~~ 咁我都係時候要打呢篇~ 其實之前CM preview 果陣已經聽到d feedback 今次呢個FOF parade 好好睇~ HKDL 第一個真正屬於自己ge 長駐日間巡遊~ 有好多個突破~~ 入面有好多細微位俾大家發掘~ 呢度就唔講咁多~ 有人覺得似TDL~~ 我自己就覺得正過TDL~ 佢地個25th parade idea 想挑戰物理定律但出到黎效果變得粗線條~ 而今次FOF 做得好好ge 就係... 佢地可以完全將concept art 變成制成品!!! 好厲害ge 事~!!
睇睇第一個突破~ 就係Logo 頭車同第一位出場ge Character... Dumbo~ 呢隻係Disney 歷史上做得最靚ge Animatronic Dumbo~ 靚在Dumbo 耳仔拍動ge 幅度~ 如果你以為佢係成對耳仔拍咁就錯la~ 佢係雀仔拍翼咁有弧度地郁... 好優雅好自然~ 再加上眨眼同郁鼻~ 實在太強!!
緊接落黎係Mickey and Friends~ 呢架車賣點係Grand~ 所以主色都係金色~ 配埋車身一塊塊閃片~ 極度華麗~ (show stop 升空後更華麗!!!) 飛船上個五字同Audio 多次講五歲生日快樂... 令到我懷疑... 下年會唔會有新ge Audio 同主題曲呢?? 好似Magic Kingdom 咁同一個parade 轉音樂都可以帶黎新鮮感~~
第二組車係Pooh and friends~ 前面Pooh 個真身雖然好可愛~ 但係大家目光一定會落係後面架大車度la~~
講真今次Pooh 個吹氣同後面Simba 個吹氣... 其實做得唔太好... 但係都明白有一定難度亦都體諒呢個係HKDL 玩高空巡遊ge 必要條件~ 希望將來可以做得更好~!
車尾隻heffalump 都係挑戰地心吸力ge 成品~~ 但我最驚喜ge 係...熱氣球上面班characters... 除左齊team 之外... 佢地仲做得好靚!! 更甚ge 係... 佢地唔算係Animatronic 但靠某d 技術令到佢地郁~~! 太神奇~
公主車.... er... 睇睇下又唔係真係做得咁差ge~ 不過同其他車相比就好似細架左d... 班公主似迫巴士咁... 同埋呢個似乎係Costuming 問題... HKDL Golden Mickeys 入面有Belle 所以佢有一條好輕盈ge 雪紡裙可以帶出黎呢個parade.. 而Royal Christmas Ball 入面Aurora 果條特別ge 出show 裙係呢度又大派用場.... 但係... Snow White 同Cinderella 呢?? 用返平時meet & greet 套衫?? 除左唔夠一致性外... 都覺得HKDL 呢度太隨意~ 如果可以四位都出Belle 果種薄紗裙質地就完美!!
又係一個突破~~ HKDL 首架連體花車~ (Rainy day.. 係卡車..) 前後一部分係香港冇乜人熟悉ge 森林王子the Jungle Book... 後面就係the Lion King~ Characters... 好多好多!!
Baloo 同King Louie 大家都見過~ 上面仲有幾位大家可能唔太熟悉ge 人物~ 條好長ge 蛇叫Kaa.... 上面把玩Kaa 條尾果個係Shere Khan.... 又係一隻好勁ge Animatronic~!! 後面係Tarzan 隻Tantor!! 都係郁得好勁... HKDL 今次係咪癲左?? 到底呢個Parade 造價要幾錢....? (都仲未計車身咁detail... 呢架車拍得上DLP!! 成件藝術品咁!)
後面Simba 呢....其實係將電影入面I just can't wait to be king 後尾一段實體化~ 不過呢度要等show stop 升空後先到見到有幾正~~!(Simba 呢度都有個characters 呢埋左要大家搵ga~~)
TinkerBell.... 係將佢ge 電影系列當中The Lost Treasure入面艘熱氣球實體化~ 仲做得好似~~!
而另一個突破... 就係HKDL 出現左花車以外ge vehicle~ 但係其實我希望坐甲蟲上面ge 唔係Dancer... 而係TinkerBell 班朋友Rosetta 佢地~~ 咁呢個就會係再一個突破~ 由Character 駕駛~ 好可惜做唔到~
Stitch.... 毫無疑問呢架車係成個parade 最靚.... 用藍色花去砌個浪.... 又有邊個會諗到?? 仲有學Jubilation Parade Peter Pan's float ge swing stage~ 但我地呢個swing 冇乜意思....
show stop 話就話想你出去玩~ 但d 人都係影相.... 而且show stop 時間又唔多長... 到底設計者有冇計錯數呢?? 到真係人多ge 日子會唔會清唔切場呢?? (擺多幾個CM咪得lor~) 一齊睇睇大年初三會如何~
Toy Story~ 除左靚之外我都諗唔到其他形容詞~ 好detail... 好多三眼仔... 好多Animatronics.....
又係Green Army Men 玩降傘??? 幫TSL 做宣傳???
想搶先睇ge 呢兩日記得入park la~~
後記~~ 真真正正到達Disneyland 應有水準ge Parade~~ 係有少少似TDL風格但冇TDL果種浮誇~ 較貼近美國兩個park ge 路線~~ 加油!!!
沒有留言:
發佈留言