Fantasyland Gala Event

上個星期五當大家睇緊煙花ge 時候~~~ B san 好心急~ 因為好想知道之後Fantasyland 個活動係乜黎~~~ 呢個Dine-Around ge Experience 好有趣~~ 大家平時見到ge Buffet 都係集中放晒食物係同一個地方~ 但係今次分開唔同ge 地方放食物!! 就例如Pooh Pooh 個位會有印度食物... 茶杯呢邊就食下甜品咁~ 真係邊行邊食ar~~ (仲有好多characters!!!)

做乜咁多人?? 因為呢個係開胃前菜~~

而皇室宴會廳就係食意大利食品~~

唔同ge 食物位都有一個主題Backdrop~ 茶杯呢邊係食甜品~ 咦?? 呢d 咪係米奇大屋ge 遺物?? 但係d 甜品造型都幾得意~~ (得個睇字罷了~)

我估好多人都有呢種情意結..見到d 卡通人物會忍唔住慢慢折磨佢~~ 之後有好多唔出得街ge 殘忍造型!! 可憐的Pooh Pooh.... 哈!!

係wor.... 呢個party 出ge Characters... 多達廿個... 可能係平時成個park 加埋ge 總數~ 除左米奇家族八件之外... 出現ge 人物有.... Esmeralda... Alice... TinkerBell.. Pinocchio... Pooh 等等~ 咁當然新黎ge 仲有佢la~~

夜晚ge Main Gate... 好靚ar!!! 我願意坐係度望半個鐘... HKDL 岩岩開幕果陣main gate 上面d 裝飾hea 到死~ 但係自從Jack Skellington 後... 園方就好似開竅咁~ D decoration 越來越癲~ (不過d 錢就用係decoration 度... 真係吸引人ge 節目就...欠奉!!)

不如黎拆禮物la~~ 呢個五周年禮物盒好重.... 到底係咩黎呢??

Ta-da!! 係魔法師米奇ge 金像~ 高度大約係....一個水樽咁高~ 都幾重手~

飛躍奇妙ge 第一日... 真係好奇妙ar!!! 有人話我知佢見到Dumbo 飛出黎已經眼濕濕... 再見到Mickey 隻飛船就喊到停唔到~ 個腦一直回想HKDL 呢五年黎ge 報導同俾人鬧俾人嫌棄~ 依家終於見到一個大家支持左五年ge 小樂園成長!! 終於Entertainment 同Show 呢方面可以趕及甚至超越其他Disneyland~~ 真係好感動!! 加油呀HKDL!! 我唔會放棄鬧你ga~~!!

最後點都要多謝香港迪士尼一眾Cast Member~ 我知道你地有好多同事甚至管理層都會上黎呢個Blog~聽我一直係度x up~ 但我係真心想呢度進步~ 否則唔需要每日花時間去打咁多字la~~ 請繼續努力!!!

不過聽人講之後城堡個亮燈完全唔係果回事~~? 有冇人拍左片??