會員尊享晚會

如果閣下認為B san 會好快速咁報導每次magic access 會員尊享晚會出咩迪士尼朋友ge 話就錯la... 呢個唔係本blog ge 作風... 預計呢個晚會小弟只會講一次~ 除非有d 首次出現ge 人物~

上次star guests 個故事其實仲有枝節~ 呢個會員尊享晚會準備工作唔係做得咁完善~ 係因為呢個晚會實情係一個plan B~ plan A 係咩?? 冇左就唔好再提la~ 可能有朝一日佢地會再搬返個plan A 出黎呢~

如果你係由2005年一開park 就留意並且已經愛上呢個park ge 話... 2006年summer 你應該都會記得有一個summer pass 同形式非常近似ge summer night party~ 又如果你將呢兩次活動作一個比較ge 話.. 你亦會發現今次呢個晚會係做得比較遜色~

當年因為要你真金白銀買個pass 去參加呢個活動~ 所以個晚會高成本好多~ 有d 只於當時出現過就從此消失ge characters~ 今次呢個活動遜色ge 地方係除左FAB 5 著住一d 做show 先著而未曾m&g ge 衫之外... 其他人物都係base on 不足一年之前ge 老友大召集人物~

呢個新ge Magic Access system 同樣要配合star guests 活動而火速登陸~ 所以好多野都未係完善~ 或者當你拎fast pass 時都已經體會到~ 而唔完善ge 最大證據就係佢地送俾MA member set pin 要三個月後先出到貨....

所以今次呢個晚會所出現ge characters 其實某程度上要係有限資源同時間下極速進行挑選~ 如果有多少少時間準備~ 可能會有更多更吸引ge characters 可以同大家見面~ 

唔緊要la~~ 我聽到返黎大家對呢個晚會ge 評價都唔錯~ 係人流管制方面做得唔好~ 每位AP / MA 只可以參加兩晚大家覺得足唔足夠呢?? 而又每晚只開放多兩個鐘你又覺得足唔足夠呢?? 如果可以開多幾晚而降低每次人數上限~ 應該評價會更高~

部分唔沉迷M&G ge 朋友就冇被吸引到~ 如果佢可以加多D 街頭表演再搞得更似嘉年華ge 話應該會好成功~

畢竟都係第一年以呢個方式不額外收費地搞呢個活動~ 希望之後每年star guest 都會繼續玩返呢個晚會~ (Fantasyland CM 真係多得我地唔少~ 哈!) 同埋有可能就再次推返Plan A 出黎雙管齊下~ 咁呢班member 應該會死心塌地咁愛你~

Star guest 原意係想鼓勵人透過HKDL 感謝心目中重要ge 人~ 但一直以黎被扭曲成拎左star button 我就係VIP ge 活動~ 今次HKDL 讓步了~ 但讓步之餘都不忘原意~ 就係俾你帶朋友入黎多謝佢~ 都係一個進步黎ge~ 加油!!!!!!!!

圖: 阿雯達, 靚太, 史丹尼