五周年回顧特輯- 聖誕篇

五周年真係過得耐~ 依家都十月但係仲見到tinkerbell 座castle~ 咁我呢篇回顧特輯都唔係寫得太慢姐~ 今次聖誕篇我唔會一次過up 晒~ 因為工作比較繁忙~ 分幾次la~~ 希望大家會體諒~

HKDL 聖誕節係開幕後首個節日活動~ 2005年已經有~ 所以數數手指今年已經係第七個聖誕活動~! 2005年一開始ge 時候呢個活動並唔係大野~ 只係得Santa 同一班迪士尼朋友同大家影影相咁~ 但係聖誕樹同大街裝飾果d 就已經出現左~



呢一篇要回憶ge 係2006年開始~ 果一年我地仲係叫A Magical Christmas~ 因為開幕冇耐仲未搵到自己條路~ 所以HKDL 係跟住美國條路走~ 2006年重點就係呢個勁多character 聖誕樹亮燈~ Fab 8 加Santa 一齊企住雪橇出黎唱歌~ 估唔到咁快就6年~ 呢一段我好深刻~ 因為係classic disney feel ge show~

 

2005年同2006年都係用呢個廣告~



2007年對香港迪士尼黎講係重要ge 一年~ entertainment 開始壯大~ 繼黑色世界有大街酒店後.... 相隔兩星期佢地係同一位置起左Santa's Workshop~ 而且係入面仲會見到擬似大街酒店一d 場景~ 例如升降機~ 但係今次就光好多~ 入面個廚房有蛋糕味~ (其實係PhilharMagic 隻蘋果批味~)

而2007開始... HKDL 奠定幾個大型節日活動ge 框架~ 到今日仍然係以呢個架構構思新節目~ A Sparkling Christmas 就係果時開始~ 全球四個Disneyland (TDL 冇加入) 同一年以Sparkling Castle 做聖誕主題~


星閃城堡協奏曲 - 簡單而華麗ge 亮燈儀式~ 希望Tinkerbell 飛走之後下年聖誕可以再出現星閃城堡~



而首年sparkling castle Hub ge 裝飾... 都透露到佢地下一年ge 主題......

2007年入場會派一副眼鏡~ 睇聚成一點ge 強光時會有特別效果~ HKDL 用左呢個技術黎sell Disney in the Stars~ 一戴左落去就即刻有晒聖誕氣氛~ 有雪花... 雪人~ 仲有08年ge 天使~



廣告

 

雪映舞動巡遊由2007年做到2010~ 其實有幾架float 都改得幾好~ 尤其Princess 同Toy Story 架車~ 聖誕節真係玩具ge 節日黎ga~~ 但唔可以架架車都硬塞聖誕帽就話係聖誕版~ 再加上個人認為佢首歌可以唔需要咁rock... 所以佢能夠跟隨Disney on Parade 休息都係好事黎ge~ 今年唔會有Let it snow~~ 而今年個焦點都會去左TSL... 希望下年可以有個真正聖誕Parade la~~ 唔好再改FOF la.... 夾硬黎只會吃力不討好~ 諗個全新仲好la~ 唔夠錢咪一年加一兩架lor~ 反正都係出四五年~

重溫一下la~ 冇得再睇ga la~~~

 補多兩張concept art 先... 不過聽講呢個parade 原來冇乜concept art~ 所以都搵唔到~ 就這樣吧~




好la~~ 到我最愛ge 2008年華麗王國~ 呢一年個xmas HKDL 搞得非常成功~ 入場人數唔知有冇多到la~ 但係口碑贏晒~ 佢地之後想繼續用小小世界玩浪漫... 但都唔夠08年咁成功~ 一個正Show 其實可以run 多年~ 但可能係set up 個台ge 費用定係話個台太阻住所以冇得出?? 理由縱使有千百萬個~ 都影響唔到呢個stage show ge 名氣~ 今年DLP 聖誕照樣出返一個以Princess Aurora 同Philip ge stage show~ 只保留左後半段最精彩最浪漫ge 情節~ 歌都係一樣~ 但始終都係香港做得好~ HKDL entetainment 可能唔習慣俾人讚~ 咁唯有每次都鬧衰佢la~

原concept~~ 呢個show 係有三pair 公主王子~ 最後只出sleeping beauty~ 但加左Mickey Minnie 等characters 黎到宴會~

呢個show 當年每日三場~ 但夜晚只得一場~ 仲只係夜晚呢場會配合sparkling caste 做出極度magical ge 一刻... 當年普遍黎講大家意見都係呢個show 可以分成兩個show~ 前面Mickey and friends 係度跳ge 歡樂聖誕可以係日間做~ 而Royal Ball 就只係夜晚做~ 咁就一台二用~ 一次過有兩個show 又唔會搞到兩者唔協調~

亦都唔知點解之前ge HKDL... 係會有Disney Characters 載歌載舞... 但係之後.. 係咪錄音好貴???

黎la 黎la~~ 香港迪士尼ge 第一吻~~!!! 值得一記~ 完全感受到浪漫同幸福~

以下片段欠第一段士兵~
 


2008年第二個焦點就係Mickey's House~ 但係因為米奇大屋用左一年有多再不斷改decoration~ 所以呢個會留待真正首次出現ge 農曆新年篇先介紹~

廣告~



2009年~ 都係勁野~ 開左年半ge 小小世界已經有節日版~ 初初聽到真係好開心~ 但係到最後就俾果首CUT 到不倫不類ge 聖誕版Audio 破壞晒~ 聖誕係一個西方節日... 小小世界係講全球每個地方ge 文化~ 所以兩者係有違背~ 因為要迫全球共同渡聖誕已經係西方文化入侵~ 所以係外國佢地只會叫Holidays~ 唔只focus 係聖誕~ 入面會順便介紹埋部分國家ge 大節日~ 而香港呢... 都唔改其他地方場景.. 只係Disney characters 果度加聖誕裝飾~

同埋唔講你都未必會發覺... Finale 一幕所有公仔都換左衫ga~~ detail 呢~


 其實整體都係正~ 但都係果句... 首歌難登大雅之堂~ 我完全唔明白點解WDI 會容許呢件事發生... 所以今年IASW 冇左聖誕版~ 小弟係覺得開心~ 希望下次再改做Holiday / Christmas 版ge 時候可以做得完美d~

而係小小世界個廣場都有大量聖誕裝飾~ 都係保留返IASW ge 風格~ 鐘樓d 報時公仔變身聖誕版放係廣場俾大家近距離合照~



係Fantasyland 通去Small World 條路... 09年仲有六張立體聖誕卡~唔好以為呢幾張卡平平無奇又冇迪士尼feel~ 呢幾張立體卡係跟隨當年負責構思It's A Small World ge 設計者Mary Blair 畫風而設計~ (Mary Blair 亦曾經為Alice in Wonderland... Cinderella .. Peter Pan 等電影畫過conept arts~ 依家HKDL Art of Animation 牆上面d 原畫有部分都係出自Mary Blair 手筆~)

證據... 以下呢張係Mary Blair 1963 年為小小世界北極場景所畫ge 手稿......


有做過資料搜集盡量保留返Mary Blair 精髓~ 設計出呢幾款立體聖誕卡放係IASW 條通道!!! 好癲~

09年HKDL 首次將聖誕樹同星閃城堡兩者ge 亮燈儀式連埋~ 街頭街尾點樣令佢地變成一個Show?? 就出現左dancer 一人一燈柱ge 奇景~ 將大家注意力逐步由聖誕樹移到去城堡~ 都幾成功~

基本上同今年冇乜分別... 首歌都係一樣... 但係今年明明有架好elegant ge float... 都唔好好善用...


廣告~

到2010年la~ 呢一年個主角梗係Duffy la~~ 其實見到HKDL 都係好配合到總公司同其他Disney parks 去搞活動~ 例如星閃城堡就係四個park 聯合搞la~~ 到小小世界變做節日版都係五個Disneyland 同一年搞~ 所以香港未改過節日版都要改... 而巴黎停左好多年都要湊一湊熱鬧要達到全球咁多個park 一體化ge 策略~ 2010年美國兩個park 都邀請左TDS 人氣原創角色Duffy 撐場~ 到聖誕就香港搵左呢隻熊仔黎~ (去左咁多個地方.. 今年聖誕Duffy 終於都去到巴黎~)

為左迎接佢... HKDL 諗左一個全新ge 亮燈主題~ (2009年個Lights of Winter 都冇theme ge...) 就係玩具巡禮~ 不過2009年我地個park 財政仍然未見明朗.... 所以個亮燈規模就....

呢一年又係dancer / 玩具抬住柱出黎~ 不過就由castle 開始去到聖誕樹~ 因為要準備五周年TinkerBell Castle ge 關係~ 所以欠缺左Sparkling Castle~ 回歸返06年只得聖誕樹亮燈ge 最基本儀式~ wa.. 呢段拍得好有心機~ 多角度捕左好多場~~

但係呢一年只係改Rainy Day 架車~ 都唔係一件壞事黎ge~ 因為呢架原屬一周年禮物ge 列車只係落雨ge 時候先出場... 太過浪費la~~ 但係由於佢係一架列車... 係設計上有好多制肘... 就算點設計佢都係一架列車黎ga la~ 所以..... 只能夠加下禮物盒咁樣...



睇show la~~  wa.. 呢段拍得好有心機~ 多角度捕左好多場~~





2010年ge 聖誕仲有一件超巨型裝飾~ 薑餅人村莊~ 呢個村莊依照Hub 個欄杆花圃位而起左一間間屋仔~ 打破左裝飾ge 框框~ 好多人都以為d 屋仔入面係有野ga~~ 咁咪叫成功lor~ 係迪士尼樂園有幻想先會玩得開心~ 好可惜... 又係得一年~

呢件史無前例巨型影相位印證左香港人鍾意影相ge 程度係可以列入Disneyland 玩法之一... Shows and Attractions 之外香港再多左樣Experience~ 所以三個新land 以呢個方式就計左30個遊樂體驗出黎... 而全park 仲增至100個~~ 真係全球獨有~!

既然影相都可以視為體驗... 得閒放一兩個特別characters 俾你去影~ 已經算保持新鮮感la~~ 請問下面呢兩隻玩具士兵去左邊?? 可唔可以下年加入真正xmas parade??

廣告~~



五周年特輯 - 聖誕篇終算大功告成~ 多謝各位支持同忍耐.... 依家只欠CNY..... 下次再見la~~ 在此感激俾小弟偷Youtube 片ge 各位~