Toy Story Land 傳媒試玩日 (RC Racer 會擴充?)

話就話TSL 同今年聖誕一齊搞~ 但係隔左咁耐先一個新園區開又點可以同一個seasonal event 睇齊?? 所以media event 都分左兩日~ 今日就主要俾記者試玩TSL~


好難得今日成篇新聞稿我都係覺得無聊~ 其實重點就係...
1. TSL 仲有兩星期就開
2. 廣告會係11月 (相信係開幕後) 播出~
3. 同海港城合作搞Toy Story 聖誕裝飾~
4. Bossini 合作出一系列服飾 (預計下星期街外有得賣)
5. 仲有百老匯電器廣告~ 即係同時間電視會有兩個關於TSL ge 廣告出現~

好~ 成篇新聞稿就係咁完~

之前小弟都預告過~ 容祖兒會負責代言Bossini 同百老匯呢兩個品牌~ 而後者就得到樂園批准入去拍攝電視廣告~ 容祖兒成為成為首位踏足TSL ge 藝人~ 好快就會有第二三四個~

而TSL 真正ge 電視廣告.... 八返黎ge 資料話俾我知magic 得有點兒過份~ 巴黎果個TSPL 廣告完全比唔上~ 甚至超越埋美國迪士尼ge 電視廣告~!!! 就例如... 係disneyland 入面所有character 都係活生生~ 即使你見到眼前呢個唔識得郁~ 但佢都係有生命~ 唔知大家記唔記得DLR 一個Jungle Curise 廣告~ 每當有船經過...班動物會由傾緊計「扮」返做Animatronic~ 今次聽聞呢個廣告都會有呢種感覺~ 而正正Toy Story 一班角色佢地係電影入面都係扮演緊死物~ 呢個廣告話你知你唔好當眼前景象係假~ 係呢個童話國度... 冇野係冇可能~ 而且更重要係今次TSL 廣告會重金搵返Pixar 去拍~ 完全同電影一樣~~ 好期待!!!!

另一合作品牌Bossini 都post 左今次呢個系列ge 相出黎~ 有興趣可以去睇睇~ 有埋參考售價~

循例post post 新聞稿ge 相~ 今次影得幾靚... 主要係因為個land 夠colorful~ 呢個land 應該會有影相ge 一大熱點~ Woody 又係地標

新聞~~ 臨開幕先搞單出軌意外~ 俾晒位記者抽水~ 其實係應該要有一個通報機制ge... 界定一下有咩情況係需要報有咩係唔需要~ 否則d 議員記者就當左自己係法官咁

===============================================================

什麼也不說~~ 玩開PIN TRADE ge 朋友一睇就會知呢個pin 有咩特別~

===============================================================

今日報紙ge 報導都唔係太差~ 都係話呢個新land 會係HKDL 有史以黎最好玩最刺激ge land~ 有一段報導仲話HKDL 有意因應人流同需要起多一條RC Racer~~

(星島日報報道)香港迪士尼樂園新主題區「反斗奇兵大本營」將在本月十八日開幕，昨日率先讓傳媒預覽。這個園內最細的主題區，有三個在亞洲迪士尼獨有的機動遊戲，包括最刺激的二十七米高U形軌道「沖天遙控車」，據稱可在高位鳥瞰維港和中環景色，園方有意再擴建多一個「遙控車」。迪士尼表示已在亞洲十六個城市推廣新主題區，預料可吸引中外遊客到訪。

傳媒試玩後發現「沖天遙控車」最刺激，過山車行走U形軌道，玩法有如翻版「海盜船」，卡車衝至二十七米高，有衝上雲霄感覺，落下時又近乎垂直向地面俯衝，離心力較勁；卡車總共來回四次，只有一至兩下會衝至最高點。據悉，園方會微調遊戲速度，更計畫在空地擴建多一個「沖天遙控車」。香港迪士尼樂園行政總裁金民豪建議，大膽遊客不妨坐在最後一行，「如果夠膽張開眼，可見到維港和中環景色。」

其實呢件事並唔係無中生有~ 話說一開始巴黎迪士尼起Toy Storyland ge 初期... 佢地呈交俾政府ge 文件當中... RC Racer 真係有兩條軌~~ 大家可以click 入下面呢條link 回顧一下~

http://blog.yahoo.com/_2RGO4AIJ4HEAI34SSBPD5S4DGU/articles/18483/category/%E5%B7%B4%E9%BB%8E%E8%BF%AA%E5%A3%AB%E5%B0%BC

但我個人覺得就算要起都唔會係短期內ge 事... TSL 又或者RC 幾受歡迎都好... 將來當GG 同MM 開幕... 相信人流都會分散晒~ 再講... 如果要擴多一條軌... 咁現有果條軌係咪都應該要CLOSE 左佢作擴建之用呢?? 所以園方不妨再考慮多一下睇定d 先.... 起一個現有設施ge 「新翼」不如起多一個全新ge attraction 有咁大impact~