香港迪士尼樂園渡假區第二個新擴建主題園區- 灰熊山谷傳聞將會係今年7月13號開幕~ 宣傳已經正式開始!! 尋晚官方Facebook 有個徵文比賽~ 勝出ge 處處通會員可以去參加一個倒數party~
而全新宣傳單張都已經出現~ 冇錯... 又係簡體版! 因為香港人係地理上最容易可以入到park~ 所以每次宣傳香港都會放係最後... 以獲取資訊ge 角度黎講. 呢份國內旅行社宣傳版已經好足夠! 封面.. 灰熊山谷 - 2012年夏季開幕!
揭開會見到全新地圖! 左上角有灰熊山谷簡介~ 其他五個land 都有簡單文字介紹同幾個不能錯過ge Shows and Attractions~ (其實都幾大份~ 冇更新果d 就唔再提~)
反轉後面.. 見到灰熊山谷首張宣傳圖!
基本上資料同之前公佈ge 都一樣~ 除左今次加入.... 園區內Meet & Greet Characters!!
以上幾位Characters 似乎係必出~ 西部Look Mickey, Minne, Chip and Dale~ 最後兩位角色係邊個?? 就係黎自電影Brother Bear (熊之歷險) 兩位主角Kenai 同Koda ~ 之前大家一直都估呢兩隻熊仔會唔會出現係呢個咁match theme ge 新園區~ 果然係佢地wo!!
香港迪士尼又將會多兩位長駐Character la~
重post 多次Facebook 個活動~ 呢一篇將會集中講宣傳~
全新主題園區「灰熊山谷」將於七月落成，為賓客帶來前所未有的西部歷奇體驗！
香港迪士尼樂園將於6月13日晚上在香港迪士尼樂園酒店舉行「灰熊山谷」冒險派對予特選賓客，「奇妙處處通」會員亦有機會參與。派對上將介紹新主題園區的各項精彩遊樂設施及體驗！
由即日起至6月1日，「奇妙處處通」會員只要發揮想像力，以「我在西部小鎮冒險」為題創作一篇短文，即有機會參加派對！
大家活出想像，發揮創意吧！
網址: http://www.facebook.com/disneyland.hk/app_332795686793361
============================================
官方發佈左一段新片介紹灰熊山谷~ 果然Grizzly 宣傳活動已經正式開始後排山倒海咁倒料出街~ 片段入面我地仲未見到有任何灰熊出現~ 可能佢地刻意留返作為最後武器~ 咁早俾你睇晒d 熊.. 呢個ride 仲有咩可以promo 到開幕?
不過今次呢段片已經好足夠見到成個區域ge 建築風格, 面積同埋detail 程度~ 計埋個玩水區 (需知好多人都唔敢行入玩水區~ 但入面都好detail 同好多道具) 呢個區域如果每件物件都要影相ge 話~ 應該可以影足你一整日! 當然係多過TSL la~ 睇片吧~
灰熊山谷入面建築物除左根據舊美國西部小鎮作藍本外~ 相比美國小鎮大街~ Grizzly 建築物仲加有舊化效果~ 因為呢個園區backstory 曾被荒廢! GG 只得一個Ride 同一個玩水設施~ 我希望今次宣傳會介紹埋entertainment show~ 同埋果個尋金活動!
=======================================================
呢期Disney and More 好留意香港迪士尼同灰熊山谷ge 消息~ 又有新update la~ 就係官網率先出左英文版~ 不過同之前一樣~ 都係block 晒香港IP~所以大家知道網址都冇用~ 先睹為快la~
似乎Mickey Minnie 兩個會係以呢個西部look 係Grizzly 同大家見面~ 都唔錯~ 但係除此之外就係Chip and Dale... 點解冇Donald Goofy 佢地呢??
有網友擔心佢地會唔會又係開幕頭一陣子出黎~ 之後又cut 呢?? 我又覺得只要園方安排佢地係人流較密集ge 地方出現~ 其實唔需要擔心唔受歡迎.. 畢竟呢個land 入面主要都係得一座過山車同埋一個玩完會成身濕透ge 玩水區... 試問係咪每一group 人 / 家庭成員都可以全部一齊玩呢? 一定會有人留係度等人玩/睇人玩~ 而只要Characters 同Entertainment Show 可以照顧到呢班唔玩ge 人~ 集中係人多地方而呢班賓客又唔需要走得太遠ge 話~ 應該都會受歡迎~
入到去張圖就係之前見到果張la~ (亦都即係依家小blog header)
灰熊出場!!
越來越期待la~~~
=================================================
迪士尼官方Fans blog - Disney Parks Blog 今日有一篇簡單介紹左Grizzly Gulch~ 幫HKDL 向全球Disney Fans 宣傳左呢個新land~ 仲首次見到灰熊山谷官圖High Resolution 版~ Click 圖放大再save 就可以save 到full size.
Grizzly Gulch Grows At Hong Kong Disneyland
=======================================================
原來中文版官網都已經出現左~ 睇到中文版唔知點解係會覺得自豪d~
click 入去發現之前英文版冇ge 資料~ 就係一眾會係灰熊山谷呢個區域出現ge 迪士尼朋友~ 繼Mickey Minnie 後~ 依家都見到Chip Dale 西部look~!!
cap 低幾位迪士尼朋友造型先~ Mickey Minnie 全身呢張圖都係第一次見~
仲有玩水灰熊母子
=====================================================
旅遊網頁都開始update 左灰熊山谷個page~
以下左邊呢張圖係新ga~ 比較返之前右邊個look~ Mickey 入面件衫係一樣~ 但係出面原來有機會加多件外套~!
可click 呢度進入
http://www.scope.com.tw/eweb_scope/scp/hkdisney_summer/page1.html
====================================================
HKDL facebook update 左張相... 擬似係今晚個party 又或者係記者會咁ge 格局~ 講到灰熊山谷會係7月14正式開放~ 咁即係... 7月13 grand opening media day 呢個消息似乎冇錯~ 唔知今晚個party 會係點呢?? 你又估下新聞稿幾時出?
仲有各大微博
有礦車wo~
「兩位小鎮巿民上尉、Angela小姐來到傳媒簡介會和大家見面...」Angela!!!!!!!!!!!
但我唔相信佢會係Miss Kitty~ 以下呢個係灰熊山谷一個影相位~
商品率先睇~ 灰熊母子曝光~!!
Mickey Minnie Chip Dale 登場~!
雖然持續搵緊相~ 但都係期待緊官圖~
=============================================
Wow~ 有官圖la~ HKDL upload 左幾張Grizzly 官圖~ 最正就梗係d 我地就算入去preview 甚至入場都唔會影到ge 角度~ 得官圖先做到~ 又係要收藏la~
=========================================================
咦? 官網呢個page 係咪已經update 左一段時間? 因為我都兩個禮拜冇去keep 住check 個page~ 岩岩上去就見到多左介紹... 雖然都係簡介黎ga la~
小弟食過佢地個炸蝦同炸雞~ 因為Saloon 旁邊係有自助添醬區 (希望開幕後唔會因為長期浪費同被人唧到周圍都係而cut 走呢個自助區~) 佢個醬係精華所在~ 唔記得係千島定他他汁~ 總之就係好食!!
注意Mickey Chip 公仔唔會係Grizzly 出現~
連結
上年開TSL 時渡假區往來酒店區穿梭巴士有換到新Look~ 今次都唔例外~ 有Grizzly 版~
======================================================
日本官網今日都update 左Grizzly Gulch 介紹~ 香港迪士尼樂園其實除左大陸自由行佔左大比例外~ 仲有好多黎自亞洲各地ge 遊客~ 日本遊客都佔左一定比率~ 而且近幾年入park 見到越來越多日本人~ 成個感覺都好international~ 所以除左大陸宣傳外... 基本上任何語言同國家ge 宣傳都會令到我感到雀躍~
網址: http://park.hongkongdisneyland.com/hkdl/ja_JP/Int/detail/detail?name=IntGrizzlyGulchPage
希望園方唔好放太多宣傳資源係大陸... 佢地係黎買名牌... 基本上你個park 唔起野呢班人都會入~
===================================================
電視廣告同平面廣告今日都已經推出~ 照過往HKDL 宣傳策略~ 如果一個活動唔開始又或者一個attraction 唔開幕.. 都絕對唔會出廣告做宣傳~ 再加上開幕日子應該係計Opening Ceremony 而唔係計Open to Public ~ 所以灰熊山谷開幕日期應該為7月13號~
電視廣告.. 對上幾個廣告都係用3D 去拍~ (飛躍奇妙, 黑色世界2011, 反斗奇兵大本營) 只不過係視乎3D 畫面會唔會加入真人~ 而今次... 同上年黑色世界一樣~ 都拍到好似Game Trailer~
而平面廣告就係棋盤~ (可以Click 圖放大~)
45秒版經已出街~
今日官方Youtube channel upload 左一段GG 廣告製作特輯... 下乜原來係搭真景拍攝ga? 點解怕左出黎可以咁電腦? 連d 人物都似3D~ 不過又曝露左HKDL 一個弱點... 就係佢地marketing 拍廣告宣傳ge 佈景係比真實佈景更認真~ 例子係... 08年森魔詭域段宣傳片... 個門陣係做得好好... 但係實景呢.... 大家都經歷過...
小鎮得Saloon 呢個位~ 但係舊化做得好認真~ 不論你覺得呢個廣告拍得好唔好~ 以佈景黎講係值得一讚ge... (尤其知道原來唔係電腦畫出黎之後...)
===============================================================
官方Facebook account update 左香港站大型宣傳佈置ge 圖出黎~ 正中有個噴泉... 係3D 錯覺圖影相位.... 必須要係特定位置影相先會做出錯覺....
影出黎就會係咁ge 樣... 除左成件事好自由行之外... 香港站係一個非常繁忙ge 港鐵站... 我估要朝早10點呢d 過晒返工時間先有機會獨霸到呢個位影張相.... 我估園方揀呢度宣傳除左係想d 人路經ge 時候注意到外... 都想佢地影相放上網幫你宣傳... 但揀一個咁繁忙ge 車站地下做立體畫就似乎...
今次唔係HKDL 第一次喺地鐵站玩立體畫宣傳... 曾經聖誕都有搞過~
繼續自由行港鐵自拍之旅...
沒有留言:
發佈留言