This is Mr. B: 黑色世界2012優先體驗隨影...

話就話今個月29號都有MA 優先體驗... 但連續兩星期包場... 幾萬人玩過晒又點叫優先呢?? 所以今日先至係真真正正優先.... 你話到底園方對MA holder 係好定唔好呢? 兩日都會同Yahoo 一齊試玩~ 但如果冇左Yahoo... 得返MA holder 又可能會蝕埋燈油火蠟... 就我而言都可以接受ge...

好鍾意Gitp 開始之前成條Main Street 都係夜光~ 不過... 已睇到好悶....

以下呢段片要多謝Gilbert 再次為fans 們拍3D 版本~ 其實Youtube 都support 幾多種唔同ge 3D 效果~ 如果閣下部電腦冇3D 都唔緊要~ 開始播放片段揀返相應setting 就ok~ 例如用文具店可以買到ge 有色玻璃紙做個小勞作~ 再唔係你可以用最簡單cross-eye 方法~ 如果想睇返2D 版~ 就揀返關閉3D 效果~

今年黑色世界俾我ge 感覺就係... 悶... 比起往年個氣氛係弱左好多... 可能今年殭屍 vs 狼人個主題喺Facebook / 宣傳 / App 會好成功~ 呢層仲未清楚.. 但係以Main Street 黎睇... 比唔上麥皮鬼咁有feel... 睇落個妝係化得好好亦都係高難度... Costume 亦係好靚... 但真係帶唔起個氣氛~ 眼見殭屍狼人兩族喺大街上和平共處... 咁點解我要揀派別??

個show 就... 到喉唔到肺.... 又係3D 版~ 如果唔想睇3D 版可以click 入去youtube 揀返關閉3D 效果~

GA 呢... 一如以往我都係唔想爆入面場景~ 因為有好多人未玩之餘... 呢間鬼屋可能都會重用幾年~ 概括咁講就係今次GA 俾到我重回大街酒店第一年個感覺~ 靚~ 氣氛好~ 同埋會忘記自己正身處迪士尼樂園~ 再加埋有D 海洋公園先會出現ge 元素~ 總之要講ge 之前都已經講晒~ 亦都希望大家暫時唔好喺度討論la~

Fantasyland 因為有sponsor 派糖~ d backdrop 越做越靚~ 還記得當年PhilharMagic queue 果個.... 個人覺得就今年幾個影相位而言~ 都拍得住TDL~ (如果個光油可以控制得好d 就perfect~)

有sponsor 固然係好事~ 但太多sponsor 同商家合作就有可能搞到不倫不類... Fantasyland 有個cross XBOX 360 玩體感... 都係玩返果隻Disneyland game ga la~

有得同HKDL 唔會出ge character M&G...

黎到Tomorrowland... 都係玩緊同一隻game~ 不過就放大俾更多人睇到你玩~

今年似乎Tomorrowland d show ge theme 都嘗試跟返ElecTRONica~ 不過個laserman 就要9月28號之後先有得睇~

同上年一樣~ 都會請903 DJ 黎到做客席主持~

Yoyo~~

Disney Friends Halloween costume~ 今年全部都係走伯爵風格~ 襯返殭屍theme... 連老闆都support 殭屍... 係咪已分勝負?

相比起某年聖誕全員藍色冇design 可言ge costume~ 近一兩年班character costume 都非常高水準~ 看似係同款~ 但detail 位係睇得出分別~

怎麼我覺得這個組合....... 兄弟情還真不錯

而Chip Dale... 如果佢地seasonal event 造型可以唔咁左右複製就好~

差d 唔記得左有Jack 同Sally~

而Duffy 就出現喺Fantasyland 堆南瓜前~

咦? 呢個陣容... 開show 都得~

對!! 呢個真係一個show 仔黎~ 話說Mickey and Friends 出場ge 時候會有一段小歌舞~ 跳完之後就會四散~ 加分位黎ga bo~ 好可愛!! 單憑呢段舞為成個event 加左唔少分~ 希望會成為另一個傳統~~ 但千萬唔好去到TDL 跳成十幾分鐘都唔知跳咩...

四散後就會去返d 影相位度meet & greet~ 希望大家都會捕捉到Mickey 佢地出黎表演呢一刻~~

入夜要搵Mickey & friends~ 似乎要入Fantasyland 了~

再次post 返Fantasyland 各個影相位~ 今年做得好detail~ idea 都有少少走東京迪士尼風格~! 希望HKDL 可以繼續努力!

Adventureland

上面果d 係首晚黑色世界MA 優先試玩隨影~ 今晚係第二次MA 入場~ 兩次分別在於Tomorrowland 個stage~ 上次仲未有Laserman~ 今次有了!!

似乎整個表演確實係搬左DCA ElecTRONica 過黎~ 不過好似並非完整版~ 香港呢邊cut 短左~ 如果閣下仲未睇ge 話可以上youtube search 返~ (小blog 較早前有post~ 唔再post 多次了~) 可以講ge 係現場睇比睇相或片震撼得多~ 唔知係咪香港Tomorrowland 環境較光... 所以Laser 唔係太明顯... 希望可以再加強d effect la~

同場仲有.... Angela 再次回歸迪士尼!!! 又係果句... 雖然作為Fans 我都好希望喺Golden Mickeys 可以再次見到佢以Bebe 身份出現... 但最緊要係佢依家喜愛自己ge 工作~ 得閒可以睇下舞台劇見到佢~ 又或者要等到黑色世界先可以再到佢~ 都算好好~!

除左Disneyland Park 入面有Halloween 活動外... 酒店區仲有特別野~ Cruella de Vil 繼續出現同大家見面~ 個人覺得Hollywood Hotel 個故事適合Cruella 多d~ 佢簡直係大鬧酒店大堂~~ 但係呢種experience 先似係Disney~ 迪士尼人物自由自在喺渡假區做出不超越角色性格設定ge 事~ 更覺Magical~

首先就係Check-in... 你睇睇Front desk CM 幾咁開心~