雜誌比較香港兩PARK Halloween event

香港兩個park 經常性被傳媒比較~ 但係通常比較得黎都係冇乜建議同埋偏坦~ 而少有一個報導係比較完之後仲會提出意見~ 以下呢篇係黎自東Touch~ 比較兩個park Halloween event... 講真... 由於依家香港迪士尼已經走出自己一個style~ 可以同海洋公園比較ge 機會已經越來越少~ 唯一一個仲會被人比較ge 機會~ 就係Halloween~ 以下圖片我都盡量唔縮得太細~ 大家click 入去應該可以睇到當中文字~







小弟覺得成篇報導非常中肯~ 尤其係以下呢段後記~



仲有呢一段... 完全講出迪士尼同海洋公園最不同之處~ 任憑海公每年有幾多個show 都好~ 仍然係會輸比迪士尼出左六年ge 夜光巡遊~



先天地理問題.. 巡遊係海公望塵莫及ge show...  唔好話山上果條超斜斜路冇可能容許到花車行駛~ 佢本身個layout 太多山路同分左做三邊... 如果佢搞巡遊只會迫晒所有遊客聚集同一個地方... 最後盞整死自己~!

迪士尼有好龐大Character base~ 呢班全球知名ge Character 亦都係Disney 冇得輸ge 資產~ 呢個亦係HKDL 商品銷售贏OP ge 地方~ 冇錯OP 可能會贏入場人數贏門票收入~ 但迪士尼可以輕易靠商品銷售拉上補下得到平衡甚至反超越~



好~ 喺假期完結前講埋呢一篇先~ post 呢個報導出黎其實係想帶出一件事.. 就係迪士尼自己品牌有好幾個強勁ge 元素~ 只要HKDL 能夠善用呢幾個元素.... 就完全唔需要怕周邊其他theme park 會對佢構成重大威脅...

當然呢一篇揀喺Parade 同擴建消息傳出ge 時候先update 係屬故意安排~ 而HKDL 其中一張皇牌就係Parade~ 現有香港迪士尼暫時都係得三個parade~ 史迪仔大街show又或者聖誕玩具舞曲果一種規模當然稱唔上係巡遊la~ 所以好希望HKDL 能夠喺一年不同時份加入更多主題巡遊~ 聖誕檔期係好應該有一個HKDL 獨有巡遊... 而之後都希望會加入其他parade 例如Easter Parade 又或者改Rainy day parade等等~

黑色世界活動開始之前小blog 曾經講過... 消息稱園方有意喺將來完成夜光鬼魅巡遊使命~ 而呢個巡遊結束有可能帶黎黑色世界時代終結~ 以上呢篇報導最後一段講得好好~ 要鬥恐怖鬥鬼屋ge 話HKDL 冇贏ge 機會~ 迪士尼唔應該被對手牽住走~ 而係應該搵另一條出路去抗衡對手勢力~

而上次小blog 都有講過~ 黑色世界由黑巫婆開始已經開始將Halloween 重點偏離左鬼屋~ 首先Maleficent 果年冇新鬼屋la~ 上年重點個黑色馬戲班本身並唔係走驚嚇路線~ 今年明明有間新鬼屋但係偏偏宣傳重點去左個App~ 再加埋Tomorrowland 個stage performance budget 同Fantasyland 搵sponsor 一年比一年更強勁等等蛛絲馬跡~ 黑色世界已經慢慢偏離左當初條路線~

最初黑色世界係由大街酒店.. 夜光巡遊同Ghost Galaxy 三個主要元素組成~ 大街酒店已經完成使命~ 如果夜光巡遊都完成埋佢ge 任務~ 呢個係一個好好ge 時機完結黑色世界而進入另一個新時代~

下年Mystic Manor 正式開放~ 就當黑色世界仲可以玩多一年~ 2014年HKDL 再次進入擴建真空期~ Seasonal Event 亦會再次擔當成敗關鍵~ 點樣可以從海洋公園手中搶d 客返黎呢??