香港過去十年發展旅遊業個方針... 只著力focus 喺購物天堂呢一點... 合唔合理呢?? 近呢一兩年大陸人黎到香港已經減少左買名牌~因為國內食物同藥物管理質素問題驅使下... 依家越來越多大陸旅客黎香港反而攻陷藥房同士多~ 似乎連大陸旅客呢條大水喉都已經開始變緊質~ 購物天堂仲能唔能夠支撐到香港旅遊業??
小弟個人係好鍾意Sentosa 成個resort ge 感覺.. 作為一個旅客... 我唔會因為某一兩個景點而決定去邊個地方旅行~ 而係考慮晒呢個國家同周邊可以提供ge 一整個package...
Resort World Sentosa 其實入面係由好多唔同ge parties 所組合而成~ Universal Studios 只係咁多個parties ge 其中一個... 新加坡政府同埋Sentosa 管理團隊都好努力於拉攏黎自世界各地ge 公司同團體到Sentosa 合作... 多個景點配合下先會有今日呢個package...
而香港呢? 冇錯香港迪士尼樂園渡假區都可算係一個resort~ 但係呢個Resort 得迪士尼一手管理實在係唔足夠~ HKDLR 周邊都有潛力發展成一個package 吸引更多遊客~
以下呢幅圖係多年前政府發佈ge 一個北大嶼山 (迪士尼與欣澳) 發展計畫構想圖~ 除左可以見到Disneyland Resort 第一同第二期外... 仲有擬定有機會發展ge 第三期填海同埋欣澳發展計畫...
而以下呢張就係2004年因應港珠澳大橋落成而發佈ge 大嶼山發展概念計劃~ (原址請click 呢度~) 可見北大嶼山同屯門會有橋相連~ 亦可以見到項目７... 即欣澳站對開海面係有計畫被發展成一個消閒娛樂樞紐~ 假設呢個位最後唔會發展為住宅樓宇或商場~ 都有機會可以效法Sentosa 起個商業區~ 又或者能夠提供一個表演場地邀請外國團隊黎表演~ 亦可以發展成酒店渡假區~ 同澳門甚至橫琴島連成一線擴大彼此旅遊地位~
小弟相信成件事係相輔相成... 硬件(即港珠澳大橋) 已經幫左一個大忙方便旅客往返... 如果能夠邀請到不同ge 公司同團體黎到優化大嶼山個package... 咁呢度旅客都會增加~ 而旅客增加亦都會令到更多公司願意黎香港發展~
沒有留言:
發佈留言