雪亮聖誕2012預覽日

今年迪士尼雪亮聖誕相比起之前幾年就好似冇乜特別新項目加入.. 所以連Media event 都二合一直接同一日搞埋~



由於活動內容似乎遜色左少少.. 所以今年宣傳重點就係請黎本地著名微電影導演麥曦茵以相片創作聖誕微故事... 啟動「映像。微故事」創作... (期望HKDL 會將麥曦茵個作品公開~)



之後有幾位Cast Member 都將佢地ge 作品公開~

而今年成個event 主要重點... 就係Town Square 棵新聖誕樹... 90,000 盞LED 燈... 另一篇都應該今年個亮燈係好靚~ 都算係一個唔錯ge 嘗試~

好... 正面野講完... 係時候放負~ (相信得呢度係會有呢種咁特別ge... 習慣!)

冇錯棵新聖誕樹真係幾靚... 但係用黎做宣傳重點又未免過於寒酸.... 園方覺得有幾多人係會花400蚊黎睇你棵聖誕樹一整日呢?? 如果唔係奇妙處處通會員 (即全年入場證)... 又有幾多人係會花400蚊入黎「微創作」?? 呢個完全係屬於私人性質活動~ 又唔係一個比賽黎wo~ 你話如果係比賽有獎品ge 話都算係一個活動丫~ 成件事變得好疑惑.... 建議園方直接搞比賽送酒店住宿或餐飲~ 會變得好睇好多~ 同埋如果back lands 都可以加入xmas decoration 感覺上會好好多..

但之前小blog 都曾經講過... 香港本地絕無僅有一個地方係可以同聖誕有如此密切關係~ 一諗起香港最有聖誕氣氛ge 地方~ 迪士尼樂園就算唔係第一位都會係名列頭三位... 所以可能呢一點令到HKDL 有少少不思進取...

對於Magic Access 會員黎講... 今年聖誕亮點自然會係Fab 8 + Duffy ~

今年套新costume 真係好靚好有心思~ 回想返早幾年果套恐怖藍色聖誕衫... HKDL costume design 有一個超級大ge 進步~ 請繼續努力!!

靚costume 唔係得Disney Characters 獨享~ 今年Christmas Carolers 有Victorian Style 服飾~ 夠晒classic!! 非常襯Main Street USA~

商品就... 鬧左好多年~ 冇意見la~ 大家可以留返d 錢去旅行~

F&B~

Royal Banquet Hall Christmas Dinner Buffet
December  21 , 2012 to January 01, 2013
1st Round from 17:00 to 19:00
2nd Round from 19:00 to 21:00
(價錢同MA discount 請致電樂園查詢)

Main Street Corner Cafe 聖誕烤肉晚餐 (價錢請向樂園查詢)

Grand Salon Festive Afternoon High Tea Set

Walt’s Cafe & Grand Salon Christmas Set Dinner (Dec 22 - 26, 2012)

酒店大堂新薑餅屋~

旁邊仲有個counter 賣聖誕禮物籃~