Chapter 6 : A Dream To.....

黎到Vegas 又點可以唔睇show? 呢度單單係太陽劇團就有八個長駐show~

Vegas 係一個好奇怪嘅地方造就Cirque du Soleil 嘅成功... 劇團喺其他地方似乎冇咁好運氣... 冇個show 做得長... 但可能每日接待數以萬計遊客嘅Vegas 處於一個與世隔絕嘅沙漠~ 所以呢邊表演特別有捧場客~

最受歡迎嘅太陽劇團show - O

呢個表演主要係同水有關... 水?? 咁咪即係好似水舞間?? 冇錯~ 喺呢度為大家介紹一個人  - Franco Dragone. 佢Title 係Theater Director, 喺1985年-1999年間為太陽劇團執導過11個劇目~ O 係其中一個. 2010年, Franco Dragone 為澳門新濠天地炮製香港人甚為熟悉嘅大型表演 - 水舞間~ 所以O 極有可能係水舞間靈感來源~ 


太陽劇團表演者都會做出好多高難度動作~ 而呢班表演者並唔係一般路人甲... 佢地全部都係專於某方面技能嘅人士~ 就例如O 呢個表演就請到多名前奧運跳水運動員演出~



而O 呢個表演都成為Vegas 內太陽劇團最貴門票嘅一個show~ 講到錢. Mr. B 又有網站介紹俾大家~ 曾幾何時我都有講過大家去旅行前不妨先上網Search 一下有冇printable coupon 又或者搵門路拎discount~ 今次小弟出發前搵到呢個網站: Las Vegas Destination Coupons. 呢個網站專門搜集最update Vegas discount show tickets~ 同埋其他attraction coupon~ 呢類夠晒集中嘅網站非常適合我地呢班懶同冇時間嘅香港人~ (如果你有睇到小弟之前篇Hollywood 蠟像館~ 其實張Ticket 都係呢個網搵到discount~ 半價!!! 可以click 出main page 睇睇Vegas 以外地方有咩offer)

第二個要介紹嘅劇就係向披頭四(the Beatles) 致敬嘅LOVE.

賣點當然就係Beatles 歌曲~ 總共mix 左100首Beatles 歌曲, 亦都邀請左Beatles 成員Paul McCartney 參與音樂製作過程~ 而呢個劇原聲帶仲得過Grammy Awards. 來頭絕對唔小! 



第三個show - KÀ.

呢個Show 我就真係睇左嘅~ 衡量過門票價錢同埋Trip Advisor 對於呢個show 嘅評價~ 似乎係一個非常保險嘅選擇~ 呢個劇係太陽劇團難得一個有完整故事嘅show~ 故事係講述一個與世無爭小國 / 族裔被敵人侵略.. 一對雙胞胎兄妹被迫分離... 穿過樹林, 山脈, 甚至雪暴尋回對方嘅故事~ KÀ 呢個名其實係由日本歌舞伎劇場得黎~ 而呢個劇最大特點就係舞台係一個任意轉動嘅裝置... 演員往往違反物理地喺幾乎垂直嘅屏幕上行走~ 另一特點就係每個座位椅背都有喇叭~ 令到你有身歷其境嘅感覺.



Mystère 係一個比較早期嘅表演~ 唔似得KÀ 一樣有劇情亦都冇乜大型高難度表演~ 所以佢嘅門票係比較平~ 主要都係一連串雜技再加少少搞笑演出~ 比較似一個馬戲團~

你有冇諗過... 太陽劇團會有一齣18禁嘅表演? Zumanity 係全球唯一一個只限成人入場以性為題材嘅Cirque du Soleil 劇目~ 黎到Vegas 果然係令人糜爛? 不過反正黎到如果你有時間嘅話都可以大開眼界~

下次再繼續介紹~

經一晚思量後... 發現如果要逐個Vegas show 介紹... 講一星期都講唔晒.. 所以Cirque de Soleil 唔會講晒八個~ 有兩個對我黎講並唔係太吸引~ (想知更多Vegas show 可以click 入呢度) 但有一個新show 將會出現~ 向MJ 致敬.



有記招片段~ 不過只係一段歌舞~ 唔知會點融入埋Cirque de Soleil 呢? 真係唔知會講咩...



Le Rêve The Dream~ 呢個Show 並唔關太陽劇團事~ 但好多人都誤以為佢係太陽劇團~ 點解會咁似? 因為佢都係Franco Dragone 製作~ 又係有水喎! 而且票價冇O 咁貴~




The Blue Man Group~ 唔需要多介紹吧? 佢地喺Vegas 都係一個經常full house 嘅表演團體~ 想睇就記得早d 買飛~



最後係好似失左蹤嘅David Copperfield~ 原來佢每個月都有幾晚 (甚至十幾晚) 喺MGM 做Magic Show~



其他表演類別~ 其實Vegas show 不外乎都係雜技, 魔術, 成人同talk show~ (呢個blog 唔可以post 太過火嘅相~ )

喺呢度要講返上一篇Excalibur~ 呢間外表好童話色彩嘅中古堡壘... 有一個好唔童話嘅Show..



其實Adult show 呢d 野... 喺美國講求平等嘅方... 除衫嘅唔一定係女人... 而為左宣傳呢個show... 表演者仲做埋character 喺大堂赤膊或皮革系重口味裝束周圍行...

最後有個終極tips~ 如果你係要去Vegas 睇show 而其實你唔係有特定想睇嘅show 再甚至乎睇唔睇show 對你黎講係冇大影響嘅話~ 不妨考慮唔好上網訂飛~ 冇錯上網訂飛係平同埋一定有位~ 但原來最平嘅係Last Minute Discount~ 即係開show 當日仍然賣唔出嘅飛有機會以低至半價賣出~ 係咪好抵呢? 不過如果係d 大hit show... 可能唔會有太多位剩~ 亦可能冇晒位~ 可自己衡量一下~ 

而上網訂飛嘅朋友~ 記得拎飛方式要揀Will Call~ 即係你去櫃檯自己換飛~ 如果唔係佢地有機會寄黎你屋企~ 運費要你自己包ga!

Vegas 之旅完結... 準備好返Disneyland Resort 未??