Chapter 10C: Disneyland Park (完)

呀~ 唔記得左仲有Ride 未講~ 呢度係位於Frontierland 嘅River of America... weekend 呢條河或者叫呢個湖會上演Fantasmic. 但平日呢度會有船仔坐... Mark Twain Riverboat



船入面~ 好靚.. 三層都可以自由行~ 但唔想咁曬可以留喺二樓.. 呢個ride 冇乜人玩~ 所以玩得好舒服...其實喺船上面都好涼...

河上... 有好多好多好多好多鴨... 全部都生活得好優遊自在... 令人羨慕嘅生活...

Disney 最強嘅項目.. 就係令到你與世隔絕...



呢個boat ride 有咩睇呢? 沿岸兩旁有好多animatronic 睇~ 不過首先就係經過呢度.. Fantasmic 表演場地~

亦都會經過呢度.. Splash Mountain~ (當你喺Splash Mountain 係唔會覺.. 因為你需要理下濕晒身嘅自己先~) 呢邊全部ride 都起得好埋好密... 呢個就係加州迪士尼樂園特色~ 而我都一直覺得香港迪士尼係跟隨緊加州個密度規劃, 只係JRC 唔知點解用咁多位.. 同埋GG 攤平座過山車之後用多左位~

呢個印第安族族長... 係一個身處戶外而非常之勁嘅Animatronic~ 陣間再為大家介紹

仲有好多Animatronics...

因為Big Thunder Mountain 維修中... 所以今次無緣了~ Frontierland 仲有個Shooting Gallery~ 呢度真係唔浪費位.... 香港迪士尼就太多玩水區同影相位...



好啦好啦~ 最後一個區域: Main Street. 上面提到要講講印第安族族長~ 其實就係要講加州迪士尼個Railroad...

個個Disneyland 都有鐵路... 香港都有.. 但...... 香港迪士尼個版本係非常之弱... Disneyland 呢邊火車係有野睇!!

又有一樣野要喺呢度提出... 佢地個車卡係咁樣... exactly 係咁!! 冇門~ DLR 非常相信佢地旅客係唔會做出任何危險事情~ 又係一件好神奇嘅事... 喺香港迪士尼唔可能會出現呢個畫面...



如果你未搭過DL Railroad.. 真係要睇睇full POV! 佢會經過Splash Mountain Finale scene 一幕... 上面個印第安族族長會擰轉身同你打招呼... 而最強係Tomorrowland 返去Main Street 一段路... 佢會有一段indoor... 講出大峽谷嘅現在同... 過去! 有恐龍場景~ (雖然東京迪士尼都有呢一段......)



好鍾意呢個enhanced experience!! 希望香港迪士尼都可以繼續喺鐵路旁加多d 場景~ 幾隻三眼仔又點夠呢?

Disneyland Trip Report (遊玩篇) 黎到最後一次update. 秘密篇亦已經開始update, 果篇會為大家介紹加州迪士尼呢個博物館嘅種種小秘密.

或者你會覺得奇怪.. 點解DCA 果篇會有夜景但係DL 呢邊冇呢...? 原因就係淡季時侯呢個Park 個operating hour 只係去到八點... 但係洛杉磯係要八點先會天黑... 所以根本就冇乜機會可以影到夜景~ (反觀DCA World of Color 要晚上進行.. 所以十點先close park)

未過火車站.. 只係入口都已經見到分別.. 呢邊竟然會有公主出現Meet and Greet!!! Princess Aurora 新look~ 喺香港見唔到!!

仲有Ariel~ 黎緊佢都會轉新裝~ 好可惜香港迪士尼仲未見到佢.... 一見到咁多妹妹圍住佢就知道佢有幾受歡迎啦!



一過左火車軌... 只係Bank 個位已經見到不同.. 硬係覺得大d 嘅?? 對返相... 原來佢地多左兩格窗!! 呢個bank 上次update 小秘密都講過原本真係一間真銀行. 依家變左一個Gallery, 前面係商店賣Disney 有關嘅畫同小擺設, 而後面就係一個放滿左全球各地Disney Parks lands and attractions concept art 嘅畫廊.. 之前大家有睇呢個blog 的話可能會記得一篇講HKDL 原本幾個castle design 嘅rendering.. 包括小小世界外形嗰個design.. 其實就係呢個Gallery 裡面展出..

Tokyo Disney Sea Mermaid Lagoon 整個區域layout concept



真馬! 喺香港迪士尼就仲未見到真馬... 喺呢邊見到都要同佢合合照...

呢個Guide Tour 足以證明Disneyland 用盡所有地方... 香港嘅呢個位係一個草叢... 仲未開發... 同埋DL 入口個攤檔仔係拍牆而建.. 絕對唔浪費位又可以放到好多商品.. 好想HKDL 參考一下火車橋下面兩架車仔...

幾個隨影.. 你會發現DL 同HKDL 真係好似~ 但又可以講得出分別

The Dapper Dans!! 好久不見, 香港迪士尼開幕初期有佢地喺Main Street 唱歌.. 但係因為營運資金問題... 就cut 左呢隊Disneyland Original Boy Band... 好可惜~!

喺香港迪士尼... Disney Characters 全部都係被規定喺一個地方長駐企定定同人影相... 而喺加州迪士尼... Characters 有好多野可以做... 因為呢度提供足夠自由度俾Cast Members 同Characters.. 所以每日喺樂園每個角落都會做左好多Magical Moment... 正當香港Alice 喺Hotel 度被F&B CM 驅逐離場之際... 或者大家可以考慮離開香港去其他Disney Parks 尋找真正的Magical Moment

Emporium.. 第一下入到去個感覺係... 點解大香港個版本咁多嘅!?!?!?

入面仲要有地圖講明每個區域售賣咩商品~ 個Shape 都唔係太似我地見慣嘅Emporium~



原來佢地用埋UPS Truck 個位黎做商店~ 唔怪得大左咁多!! (想知UPS 架車係乜黎.. 可以click 入呢篇睇: 大街古董車與百貨店的故事)

反觀香港迪士尼.. 當佢地將來會有得擴大吧~ 其實都未必完全冇可能~ 我只係講緊center street 前一段. (快d 擴建Opera House 啦..)

Emporium 都有幾個Animatronics...

Shop 中有Shop~ 唔怪得要整地圖!

同大家分享喺Disneyland Park Emporium 影到嘅一張相... 小弟都冇乜影商品... 唯獨呢個系列如此強勢嘅上架擺法係令到我忍唔住影~ 小弟一度忍唔住爭啲就買左當中一隻.. 正當我揀緊最完美一隻嘅時候.. 理智話俾我知我個喼唔夠位! (只怪Vegas Outlet !) 即時放返低... 

唔知點解架上冇Tiana, 但有Merida. 拎上手睇都做得好detail~  依家香港迪士尼有得賣嘅時候... 我相信大家都會更易失守!!

售賣商品地方最主要都係Emporium~ Main Street 有7成「商舖」係食肆.. 除左Cinema~ 呢邊會播Mickey 成名作Steamboat Willie

同埋魔術用品店~

Hollywood 明星 Steve Martin 年輕時第一份工作就係喺呢間商店賣野.. 同Disney 關係良好, 所以之後好幾次迪士尼都有搵佢幫手拍攝



Center Street 兩邊都係食肆.. 呢間就會見到Oscar..

而另一邊Locker 位就同HKDL 差唔多, 都係賣小食~ 同埋俾人喺Bakery 買完野出黎食...

Main Street 第二截都係好多野食.. 有雪糕有Caramel Apple 有朱古力有快餐~

呢度係Corner Cafe.. 全露天, 同埋喺近Adventureland 一邊.. 呢間真係Cafe 黎~ 並非食正餐.

呢度會有好多Disney Characters 出現... 傳說中的Alice & Mad Hatter Musical Chairs!!

第二間餐廳...

第三間餐廳...

仲有呢個稱為未食過都唔算黎過Disneyland 嘅Corndog.. 其實即係熱狗棒~ 香港太多美食啦~ 所以食完之後可能會覺得... 冇乜特別



Partners & Castle. 夜景係星期六睇完煙花後影~ 難得的夜景..

噢!! 係喎.. Disneyland Park 逢有Fantasmic 同Fireworks 嘅日子... 都係close 11點... 所以9點半完左煙花... 其實大街係仲有好多.. 係好多Characters 出場! 好似唔想人離開咁

Disneyland Park Trip Report 完結!! 多謝大家一直捧場!