Chapter 9B : Grand Californian Hotel & Spa (旅程最終章)

離開Disneyland Hotel, 行左差唔多一整條Downtown 到達另一間Disney 旗下酒店 - Grand Californian Hotel & Spa. 呢間酒店總共有三個入口. 如果要睇到佢整座建築物就要去到酒店正門. 呢邊三間酒店俾我個Grading.. 如果同HKDL 相比, Paradise Pier 低Hollywood Hotel 半Grade, Disneyland Hotel 就處於Hollywood Hotel 同Hong Kong Disneyland Hotel 之間, 而Grand Californian Hotel & Spa 就比HKDLH 再高少少Grade. 




大門.. 好靚嘅玻璃畫.. 不過要等到佢完全合埋影呢張相需要好有耐性.. 因為太多人出入...

呢度係Downtown Disney 入口, 亦都係最近兩個Disney Park 嘅酒店入口.



而呢個入口較早之前都有為大家介紹過, 相連Disney California Adventure Park. 出去就係Grizzly River Run 附近, 因為有呢個特別出入口, 所以小弟可以唔怕濕身一早乜電子產品都唔帶就玩GGR. 不過又有一個小貼士, 如果你留宿呢間酒店而第二朝EMH 係DCA, 唔好用呢個入口! 去返Main Gate 會更快! 因為呢度得兩部入閘機, 呢個小貼士係Check in 時CM 講俾我知, 果然係真! 但其他時間用呢個入口係非常方便.



Logo, 呢間酒店入面有好多藝術品, 多到甚至Disney 會搞個Tour 為遊客介紹整間酒店每個detail 位. 不過連個Park 都玩唔晒嘅時候... 就唔考慮參加呢個Tour

唔係走金碧輝煌路線, 甚仍然覺得好有氣派嘅大堂, 相信大家都知道Disneyland Resort 每一個角落都會有background music, 而呢間酒店所播放音樂係令人放鬆同有少少大自然感覺嘅音樂... 

陽光透過天窗滲入, 自然光好襯整個大堂咁raw 嘅風格

話雖如此, 但夜景都唔差, 迪士尼出品當然係信心保證

大堂仲有真火爐, feel 到熱力, 但出面係廿幾度, 純粹為氣派同點綴. 不過可以估到呢度Christmas 會好有氣氛

Check-in. 呢邊Cast Member 非常nice 同有幽默感, 話說小弟呢晚係一人入住, Check-in 時原先係俾間二人房我, 但我問如果夜晚見到隔離張床有人咁點算? CM 答:「叫佢share 返個房租」(其實Disneyland Hotel 幫我Check-in 位CM 都好好傾)

小朋友排排坐搖搖椅睇電視, 好可惜唔係大人size

有房了, 不過今次就冇咁方便住喺大堂上面, 而係住喺DCA 特別入口旁邊. 一齊行過去吧! 途中路經酒吧.

亦經過泳池, 都行左一段路... 

終於都到... 架升降機好舊式, 上面個指標好Tower of Terror

歡迎入黎我間房, 我估大家睇相已經會了解晒, 唔需要再用文字解釋. 呢晚一定會訓得好舒服!

我好鍾意呢張梳化... 就咁坐喺度都差d 訓著...

同Disneyland Hotel 一樣房內有咖啡機, 不過都係嗰句, 如果你係想飲咖啡, 行落Downtown 買杯都唔係好貴.

有個小露台...

而Park View Room 仲可以見到DCA park..

尋尋寶, 一疊信紙同Postcard 放左喺櫃桶

仲有Pinocchio's Workshop 介紹! 冇錯, 呢間酒店有間小朋友玩Playroom 係以Pinocchio 作主題, 所以之前更新時已提到, Disneyland Resort 有好多見到Pinocchio 嘅機會!

請勿打擾個牌都好靚. 我好想講.. 呢間酒店Room Service 打掃得非常密! 我出去玩嗰陣唔記得掛個請勿打擾個牌, 三小時返到黎已經幫我執好! 而我喺房入面執緊行李同食緊早餐嘅時候都有兩次Room Service 敲完門後直接入黎... 好彩有著衫! 其實係我冇掛到個牌出去姐, 又唔關佢地事, 佢地只係盡責, 所以如果住呢度記得要掛牌同鎖門.

洗手間

H2O+ . 香港迪士尼樂園酒店都換左同一批浴室用品

真係唔好意思Post 卷Toilet Paper 出黎, 但有logo 好靚

浴簾係Bambi



呢度有個小朋友玩樂室, 以Pinocchio 為主題, 如果唔係Pinocchio 可能我都唔會特登行過去影相, 行到近門口見到有人行出黎... 原來個playtime 剛剛過左, 噢!!! 唔通今次要空手而回??

好彩Cast Member 好好人, 邀請我入黎呢個已經冇晒人嘅遊戲室, 入口有Boardgame cardgame 仲有講故事時間, 而且亦都有小勞作教小朋友做, 其實就好似香港迪士尼樂園兩間酒店咁~ 再加電視播Disney Channel / Disney Animation.

我都唔好意思阻人地咁耐.. 再見了Pinocchio~!

小弟入住呢間酒店實在太開心... 呢度俾我整個氣氛感覺都係好平靜... 完全唔想離開間房... 所以呢一朝早... 我食左全個旅程最貴嘅一個早餐... (晚餐最貴算係Vegas buffet.. 但講緊都係三百幾蚊港幣一餐五星級Buffet~ 絕對超值!! 詳情請睇返相關篇章)

話說呢間酒店會喺你外出期間放d 小紀念品喺你床頭.. (係喎... Disneyland Hotel 冇!) 有兩粒Le Belge Chocolatier 朱古力... 愛朱古力的我一個鐘內已經清左... 仲有個早餐Menu. 佢地建議住客早一晚晚上11點前就放呢張填好嘅order 紙喺門口.. 都有幾十種配搭選擇~ 因為可自行揀delivery time~ 所以其實都幾方便...



而小弟就好衰地... 早上突然好想喺房入面食早餐.. 所以直接打去F&B 用電話order.. 好彩CM 都好好禮貌. 而且唔駛半個鐘就送到黎!

CM 送到入房都發生左一件幾有趣嘅事... 就係我掙扎緊佢地收唔收得貼士... 錢已經放喺手中... 而CM 將整盤早餐放喺檯 (即係張好舒服嘅梳化前) 之後突然快速退到出廁所位... 我唔知呢個係咪業界守則定係避免Guest 唔見野整爛野總總紛爭所以佢先會退開... 但個畫面好好笑... 而我都冇追出去... 

包兩杯飲品~ Toast 同一份早餐.. 都算幾豐富

上面提到係我整個旅程食過最貴嘅早餐.. 而午餐.. 喺呢度! 呢間酒店一間名為Storytellers Cafe

我呢種人.. 遲食早餐.. 所以午餐都係食得遲過人.. 呢段時間冇晒客... 要咁多人serve 我一個真係唔好意思~ request 坐喺餐廳最角落唔阻佢地工作又可以慢慢享受午餐~ 環境的確唔錯!

Four Cheese Ravioli.. 果杯係Mocha...



呢度晚上會係Buffet~

呢篇待續就係為左完成兩個park 後post 呢兩張離開嘅相... The Disneyland Resort Express... 我又唔覺得呢架車有delay 同脫班... 亦都問過酒店大堂職員 (不論係Cast Member 同另一間非Disneyland property 酒店職員) 都話呢架車其實好準時... 最多只會遲五分鐘.. 的確係比原定時間遲五分鐘到.. 我唔知係咪機場去果程會較為嚴重~ 因為我兩次入Disneyland Resort 都係有車送我入去~ 但book 左兩程由DLR 返機場嘅班次... 我體驗唔到之前大家所講嘅不滿~ 反而幾滿意. 外國人Size 座位. 所以亞洲人坐得特別舒適

今次洛杉磯尋夢之旅完結

遊後記:

小時候跟過家人黎過Disneyland Resort~ 但因為太細個所以基本上係完全冇印象~ 今次靠自己能力獨個兒再到訪... 我發覺整件事好amazing! 每個人去旅行目標都唔一樣... 跟團又只能夠走馬看花... 所以今次發現到單獨旅行嘅好處. 當然呢次旅程並非完全地單獨進行.. 小弟探訪左兩位分別喺溫哥華同洛杉磯嘅朋友~ 所以基本上並唔感到孤獨.

反而我冇幻想過會一個人喺Vegas 條Strip 度行, 本身以為會好危險, 但發現原來我又做到! 我又以為自己英文咁差應該會言語不通, 但又發覺原來溝通並唔一定要用口; 我亦以為美國人會好自大同會歧視亞洲人, 但我今次旅程所遇到嘅大部分都好好人.

成個旅程最開心最感到magical 嘅一段並唔係Disneyland... 而係....
1) Storybrooke... 呢一段行程係臨出發前加入, 我一直以為係廠景黎, 所以冇諗過會身處Storybrooke Main Street!
2) 我朋友間五星級的家... 以為我住嘅酒店已經會係全個行程最豪華... 估唔到原來美國人屋企係可以靚到咁....
3) Super Magical Moment... 不過呢個blog 唔會講. 喺度順便再賣一賣廣告, Mr. B Facebook Page 開左大約兩星期, 暫時都貫徹到我想做嘅事, 就係Blog 同FB Page 所講嘅內容唔會完全一樣, 因為覺得咁樣做並無必要開個page, 呢個Blog 仍然係作detail 文字描述, 而FB Page 會係作補充同零碎鎖事update. 有興趣歡迎LIKE



Trip Report 正式完結了~ 仲有篇番外篇講Disneyland secrets, 但因為d 相並唔係全部我影, 所以唔當佢係trip report.

再次多謝Universal Studios Hollywood 同Disneyland Resort PR, 同埋所有喺今次旅程上幫過我Book 機票買保險同接待過我嘅朋友們.