體驗夢工場•冰之世界

預計2013特別企劃最終章會有排update... 但係其實小弟仲有Trip Report 未完成... 今次真係好大獲... 2013下半年發生左好多事... 最大件事就係Yahoo Blog 成為歷史... 搞到大家停晒工都唔得閒再update.... 

講日本同美國之旅前... 仲有呢篇可以唔駛花太多力氣update 嘅小遊記... 澳門威尼斯人一年一度冰之世界又到, 由今日起至明年二月可以去睇睇, 今年主題係夢工場角色, 配合返佢地今年Dreamworks 主題... 

整個展覽分左幾個主題, 其實就係擁有版權果幾齣電影. 

上年summer 都有為大家介紹過. 幾點注意事項..

1.門票100元, 用金沙會籍咭買80元

2.室內氣溫大約-8度左右, 會場有大褸手套等衣物租用. 幾十蚊有交易. 冬天比夏天舉行呢個活動都有其好處... 上年summer 去小弟係短褲上陣... 當然係抵受唔住啦.. 但依家冬天大家都著得好厚衫去. 今朝香港都錄得零下負數溫度, 所以應該還可以. 

3.全過行程約40分鐘可以行完 (包括影相同玩埋條冰滑梯.)

4.值得留意嘅一點, 如果有喺其他國家睇過冰雕展的活, 就算零下十幾度點都會滴水, 但喺呢度係冇以上問題. 就算我坐喺冰滑梯玩完條褲一D 都冇濕. 懷疑佢地應該喺D冰度混合咗D物料. 又或者... 其實係佢地都有室內控制埋濕度呱...

第一部分係聖誕 + 澳門. 

How To Train Your Dragon

 Kung Fu Panda

  The Croods

 Madagascar

Shrek

冰雕呢d 野... 某程度上都係藝術.. 而藝術呢d 野... 我就唔係太懂得評價... 喺我眼中就好似有少少唔太似我所認識嘅卡通人物... 

不過呢個冰雕展都只係酒店其中一個offer, 大家除左睇展覽之外仲可以有更多同Dreamsworks characters 見面嘅機會.